<font color='#000F22'><P align=center><FONT color=#000000>وعـليكم السـلام ورحمة الله وبركاته ..
عـزيزتي :
&nbsp;لازم تتحلـين بالصبـر ، ما في شي في هالدنيـا ايي بسهـولة . واتذكري " إن الله لا يضيع أجر من أحسـن عملاً " دامج شديتي حيـلج و اجتهدتي وما قصرتي في الدراسة أو في أي عمل ثاني في حياتج ، فـ اتأكدي ان الله ما بيضيع تعبـج و سهرج&nbsp;&nbsp;
ها مب معناته انج اليوم ذاكرتي و شديتي حيلج خلاص باجر بتنجحين وبتحصلين الدرجة الكاملة - مثلاً - لا في أشياء يبين أثرها في المدى البعيد ، ياما ناس<U> صبروا </U>وكل محاولاتهم باءت بالفشل لكن ما استسلموا وقالوا خلاص بنحط نقطة اهني و بنوقف .. التميز عزيزتي انج تستمرين حتى لو زادت أخطائج و اتعثرتي .. صبرج وعزيمتج هم اللي بينفعونج .. ولو تلقين نظرة على قصص المخترعين و العلماء بتشوفين ان نجاحهم كان مصدره كثرة الاخفاقات اللي علمتهم كيف يوصلون للقمـة ..

ومب مشكلة لو غلطتي أو فشـلتي مرة ، بالعكس انا اشوف ان الغلط يعلم أكثر من الصح ، يعني بينبهج أكثر لأمور كنتِ غافلة عنها ..
راجعـي نفسـج وشوفي وين أخطائج وصلحيـها ، ذيج الساعة بتعرفين شو سبب تغيـرج ..
وما قصروا خواتي ويـاج ما شاء الله .. فـ ان شاء الله تتبعين نصايحهم ..
وخلج قـوية ، الحياة محتاجة للأقوياء ..
والله يوفقج ..
السموحة ..
</FONT></P></font>