غـــلاء المهـــور (( موضوع للنقـــاش ))

[لمّــاح]

السلام عليكم ..

مجرد فضول، شـو سالفة درهم الذهب هــذا ؟؟ مب أول مره اسمع عنه !!

و هل يعني هذا ان الدرهم بيغنيج عن المهر كله ؟؟ لأني ما اتوقع سعره يكون غـالي مثل المهر ..

[الــــوردة الحمــــرة]

لماح

يمكن اول مرة انا بعد اسمع فيه

بس الدرهم الذهب مب للبيع يعني ما بسير ابيعه واتزهب منه

بس بيتم عندي بحتفظ فيه يعني بكون محتفظه بمهري

هاذي امنيتي انا عيبتني فكرة المهر هاذي بعد ما سمعتها من وحدة قالت انه ريلها عطاه مهر دينار من ذهب فقط

وانا بتزهب من عندي بكثر ما اقدر

[لمّــاح]

أيــوه ..

يعني سوالف تذكارية، بس أكيد قصو ضهر الريال قص بيدفعونه دم قلبه في المؤخر.. صح ؟؟ :daleel:

و زين والله، يعني في امكانية انحصل بنات تفكيرهن مب مادي، الواحد قبل الزواج يشيب راسه من التفكير، و الاسباب كثيره من ضمنها البيزات ..
الحمدلله لو الريال ماعليه قصيره لكن يستحي الواحد يطلب من ابوه او اهله، طبعا الابو يعرف ان ولده يستحي بس الحيا روحه يذبح الولد خصوصا ان الابو بيتكفل بمعظم الاشيا !!
هذا قبل الزواج، و بعد الزواج خصوصا أول شـهر لازم المصاريف اتزيد، سوالف الهدايا و هالخربطان ..
طبعا هالمصرف كله بنخليه ع صـوب لأنه عندج تجهيز البيت من بنيان و أثاث و غيره ...الخ

حتى الشـباب يتمصخرون دايما، هل الواحد ياخذله حرمه تنغص عليه ولا يــاخذله سـيارة بنص مليون اذا لف السكان يمين تلف وياه و ماتقول له لأ !! :harhar1:
و الحرمه اذا طلقتها أكيد بتخسر عليها ازيد، المؤخر و النفقة، اما السيارة اذا بعتها بناخذ أسوأ الاحتمالات انك بتخسر نص الجيمه، يعني بعدك بتعوض شويه من الخسارة :puppyeyes:

----

ملخص كلامي، الزواج يباله تفكير و تأني في اختيار الحرمة، و انا عن نفسي ما افكر اني اعرس أو املج عالأقل الا عقب ما اخلص الماجستير و أخلص كمن شغله في بــالي، مب مستعيل .. ماورايه شــي :qor9anah: ..

[الــــوردة الحمــــرة]

لماح

المؤخر ما ينحط اكثر من 30 الف في عقد الزواج ما يقدرون يحطون اكثر

[تحفه]

سـيـن سؤال : ليش الاولاد يستخسرون البيزات على آدميه بيعيشون وياها طول عمرهم وما يستخسرون البيزات على سيايير بالكثير بتعفن عندهم خمس ست سنوات؟!

عندي ملاحظه .. ليش الاولاد يطمحون او يأملون او يفكرون يتزوجون وحده مهرها غالي اذا مستخسرين بيزاتهم على زواج؟ .. ليش ما يمدون ريلهم على طول لحافهم؟ :kkk:

اما لأسالتك يا كلولوش :

ثاني شي البنات .. اذا ييه وتقدم لج واحد كم بتطلبين مهر ؟؟؟

اذا كان فقير يعطيني مليون ونا بتكفل بسوالف العرس كلها .. لأن اقل ما يكفي بصراحه شديده




واذا كنتي ام كم بتطلبين مهر لبنتج ؟؟؟

خمسمية الف كـ حد أدنى