ورق عنب بس غيير

**نور السنا** · 14-12-04 ||, 06:37 AM

طريقه اسرع لورق العنب المثالي وقلت لازم تذوقونها معاي ولاتغركم طول الطريقه بس انا احب اشرح بالتفصيل الممل<?xml:namespace prefix = o ns = "urn:schemas-microsoft-com:office:office" /><o:p></o:p>
المقادير <o:p></o:p>


- علبة ورق عنب كامله
- 2 كوب رز صنوايت مغسول ومنقوع في ماي بارد لمدة ساعه ومصفى
- تقريبا 3 طماطات كبار مبشورات ناعم سواء بالايد او في خلاطه براون
- بصله كبيره مبشوره ناعم سواء بالايد او في خلاطه براون
- 5 حبات ماجي للحشوه + حبة ماجي وحده للطبخ
- ملعقه صغيره متروسه كمون ناعم
- فلفل اسود حسب الرغبه
- نص كوب زيت زيتون او اكثر بشويه لحمس الحشوه + ثلث كوب زيت زيتون للطبخ
- ماي كافي لتغطيه ورق العنب بمقدار 2 سنتم فوق المستوى
- شدة بقدونس مفروم
- شدة كبيره شبنت مفروم
- نص شدة كزبره خضره مفرومه
- عصير ليمون ( الكميه حسب الرغبه ) الافضل 3 ليمونات ( مع العلم اني ماحب الليمون واجد )ا
- تقريبا ملعقه صغيره دبس رمان ( ممكن تحطين ملعقه كبيره بس انا ماحطيت كبيره لان الدبس خلص )ا
- بطاط حلقات سميكه<o:p></o:p>
<o:p> </o:p>
الطريقه <o:p></o:p>


- بالقدر نحط نص كوب زيت زيتون وبعدين البصل ونحمسه دقيقتين او اقل لين تطلع ريحته
- نضيف 5 حبات ماجي ونخفف النار ونحرك شويه
- نضيف الطماط + كمون + فلفل اسود + ليمون + دبس الرمان ونحرك لين يذوب الطماط شويه ويتغير طعمه
- نضيف الرز ونحركه بحذر لايتكسر لين يتغير لونه
- نضيف البقدونس + الشبنت + الكزبره ونحركه دقيقه ونطفي النار
- نحط الحشوه في مصفاة عشان ينزل زيت الزيتون الزايد
- نصف بطاط حلقات في قاع القدر ونلف ورق العنب
- نصب ثلث كوب زيت زيتون فوق روق العنب
- في قدر ثاني نحط زيت الزيتون المتصفي من الحشوه + حبة ماجي + ماي بس لاتكثرين ماي .. ونخليه يغلي ونضيفه فوق ورق العنب بعد مانحط عليه غطا اصغر ونصب الماي شوي شوي ونحط شي ثقيل فوق الغطا مثل هاون حديد
- نحطه على نار عاليه 10 دقايق بعدين نقصر عليه واذا خف الماي نشيل الثقل ونغطيه عدل ومانكشفه عشان مايتسود ومدة الطبخ من البداية تقريبا ساعه الى ساعه ونص<o:p></o:p>

**الحلووه** · 14-12-04 ||, 07:35 AM

يا عيني ع الورق عنب اموووووت في شي اسمه ورق عنب اتخبل

مشكوووره ع الطريقه ....

**نور السنا** · 14-12-04 ||, 09:23 AM

بس عيل حبيبتي جربي هالطريقة و بتاكلين أصابعج وراها...<?xml:namespace prefix = o ns = "urn:schemas-microsoft-com:office:office" /><o:p></o:p>
و تراها مو للتخزين, يعني يصير لمرة وحده لو انتي ما تحبين التخزين في الفريزر و الكميات الكبيرة.. هاذي تصلح<o:p></o:p>
و بالعااافية

**شماسي** · 14-12-04 ||, 09:56 PM

أحــــــــــلى أكله أحبهاا .. <IMG src="http://oasis.bindubai.com/emoticons/tounge.gif" border=0>

تسلميــــــــــــن الغاليه ع الطريقـــــــــه الحلوه (( بنتظار كل يديد منــــــــج )) .. <IMG src="http://oasis.bindubai.com/emoticons/wink.gif" border=0>

شماسي .. <IMG src="http://oasis.bindubai.com/emoticons/blush.gif" border=0>

**نور السنا** · 15-12-04 ||, 12:17 AM

بس عيل شماسي جربيها و قلوليلي النتايج....<?xml:namespace prefix = o ns = "urn:schemas-microsoft-com:office:office" /><o:p></o:p>
و تراها بتعيبج, ولا تنسين خشي لنا شوي....<o:p></o:p>
بالعافية

**حلم الطفوله** · 15-12-04 ||, 12:54 AM

نورالسنا

صدق ...ورق عنب بس غير

تسلم إيدج على هالطريقه وعقبال ما تعزمينا <IMG src="http://oasis.bindubai.com/emoticons/tounge.gif" border=0>

**نور السنا** · 15-12-04 ||, 01:33 AM

ربي يسلمج عزيزتي حلم الطفولة و انشالله أول ما ايي الامارات بعزمكم عليه...<?xml:namespace prefix = o ns = "urn:schemas-microsoft-com:office:office" /><o:p></o:p>
شو رايج؟؟!!!<o:p></o:p>
بالعافية انشالله<o:p></o:p>