<font color='#810541'>هذا صوب البيت؟... ابا بس الف يمين عسب ادخل مدخل البيت بس مافي فايده من كثر الزحمه والشاحنات الي انا مستغرب كيف تمشي بالشارع الساعه 12 الظهر!!
<IMG alt="" hspace=0 src="http://oasis.bindubai.com/download/hisham25/DSC00009.JPG" align=baseline border=0>
<IMG alt="" hspace=0 src="http://oasis.bindubai.com/download/hisham25/DSC00008.JPG" align=baseline border=0>
<IMG alt="" hspace=0 src="http://oasis.bindubai.com/download/hisham25/DSC00010.JPG" align=baseline border=0>
يسلم كل من تفضل وتداخل بالموضوع...
قريت معظم التعقيبات وكلها تقريبا تصب في اناء واحد والي هو الحاله الانسانيه للشخص الي بيدفع اذا تطبق القرار..
ادري ان وايد ناس راح تتضرر بهذاالقرار بس اكيد الحكومه بتراعي الكل يعني يمكن الدخول الي دبي بدرهم ( مثلا) وبالتالي اذا الشخص كل يوم يدخل يعني بيدفع 365 درهم بالسنه.. صحيح انه مبلع عادي لبعض الناس بس هو جزء من ميزانية غيرها..
ومن اهداف تطبيق هذ القرار الحد من استخدام السيارات وتقليلها وبالتالي سيتبع الموظف الي يشتغل بجبل علي او اي مكان بدبي انه يركب مع ربيعه او ان توفر له الشرمه وللموظفين الاخرين حافله يعني كل 20 شخص بحافله وهذا سوف يقلل 19 سياره بالشارع ويعني بتخف الزحمه...مايصير كل شخص بشركه معينه يكون عنده موتر خل يسون لهم باصات او يسيرون رباعه بموتر واحد..
القرار هذا هب تعسفي وهب ضد اي شخص من الامارات الاخرى.. حتى المواطن الي ساكن بدبي اذا راح الشارجه ورد بيته بدبي لازم يدفع شراته شرات غيره..
والزمن الي تصدر فيه القوانين بليا دراسه او استشارات ولا واختفى .. واللحمدالله حكومتهنا تحت تصرفها مستشارين يدرسون الاوضاع صح..
حتى قطار دبي الي بيكلف 8 مليار درهم راح يخفف الزحمه.. يعني اذا الزحمه موجوده بكل مكان وانا ابا اسير سوق نايف بركن موتري صوب برجمان وبسير للمحطه الي صوب برجمان وبركب القطار الي بيخلونه مثل ماقالوا ( 5 نجوم) وبعدين بياخذني القطار خلال 5 دقايق لاقرب محطه لسوق نايف.. وجي انا وفرق على عمري الوقت.. والضغط وبتقل امراض الضغط عند اهالينا <IMG src="http://oasis.bindubai.com/emoticons/laugh.gif" border=0>
في احد الاخوان تطرق لموضوع ان اذا تطبق القرار الناس بتطفش من دبي... ومابيشتغلون فيها... اقوله اسمحلي العكس هو الصحيح..
اكثر عن نص اهالي عيمان واهالي الشارجه ( من غير المواطنين طبعا) يشتغلون بدبي... واذا تطبق القرار راح يفكرون الف مره كيف يوقفون الخساير الي بتييهم وبالتالي بيتجهون انهم يدورون على سكن بدبي بدل من الشارجه او عيمان .. وهذا سوف يؤدي الي ارتفاع سوق العقارات بدبي... <IMG src="http://oasis.bindubai.com/emoticons/fa42.gif" border=0> وبتنشط تجارات السكن بدبي.. ( بيني وبينكم سمعت من الحين الناس يالسه تفكر الايجارات اذا تطبق القرار .. وهنياله الي عنده عقار)
يسمحلي كل من يعارض الفكره .. واطلب منه طلب بسيط... اذا كنت من سكان الشارجه او عيمان او اي امارة من الامارات الشماليه.. تعال دبي.. ومن حدود دبي.... اباك تعد كم دقيقه ( او بالاصح كم ساعه ) راح تاخذها منحدود دبي لين فرضا بنقول مركز ميركاتوا.. على ظمانتي بتاخذ اقل شي اما ساعه ونص او ساعتين.... واتمنى انك انت الي تسوق... وخبرني بالنتيجه... وقولي شو شعورك بس.. ( طبعا اباك تسوي هالحركه الساعه 7 المغرب) .,..
احسن وقت للظهره الصبح تخف الزحمه نسبيا الا انها موجوده...
من الاقتراحات لتقليل الزحمه وقف اصدار الرخص للسياقه... رغم انه صعب شويه.. بس يبقى قيد الدراسه
وعلى فكره... هذا الشي لا مانروم نقول عنه حدود... كون الشي لم يضع لبيان حدود كل اماره.. انما هو وسيله للتقليل من الاختناقات المروريه...
اذا تطبق القرار راح توضع الرادارات الي تسجل المواتر الي داخله دبي على السوارع الاتيه .. شارع الامارات.. وشارع الوحده الي ينتهي بحدود دبي والشارع الثالث الي بين دبي والشارجه ( ماعرف اسمه) ، ايضا شارع الامارات من جهة بوظبي.. وهذا الي عرفناه... يعني مداخل دبي..
ويقولون ان هب كل الاوقات راح يسري هذا القرار .. اظن قبل الساعه 6 الصبح بدون غرامات .. اما بعد الساعه 6 الصبح يسري القرار.. وفي بعض المداخر يمكن لا تطبق عليها القرار حتى يتسنى للناس الذهاب عن طريقها وبالتالي تكثيف الضغط عليها بدلا من داخل امارات دبي...
والى الامان .. هذا المشروع تحت الدراسه ولم يقرروا تطبيقه او لا .. فهو مجرد اقتراح اقرب للتطبيق..
والسموحه منكم</font>
رد مع اقتباس
مواقع النشر (المفضلة)