:: رؤية الموت ::

[غرشوب]

<font color='#000000'><P align=center><FONT color=#000000>الاحد 6-2-2005 يوم لا ينسى
الساعة تقريبا ً 12 الظهر . .

<FONT color=#993333>كنا&nbsp;2 في السيارة</FONT>
لا ادري لما فعلت ما فعلته في ذلك اليوم&nbsp;. .
كنت على طريق العودة للبيت كل شيء طبيعي
امامنا&nbsp;منعطف شديد الانحناء . . امشي بسرعة 80&nbsp;شيء طبيعي ان اخفض السرعة لشدة انحناء&nbsp;المنعطف&nbsp;الكامن امامي
لكن مزاج يدعو للمغامرة الخطرة و التحدي حيث ان صاحبي كان يقول لي&nbsp;بصيغة التحدي اني لن اقدر دخول المنعطف بسرعة 100&nbsp;. . بدلا ً ان تنخفض السرعة الى اقل من 80&nbsp;زادت الى 100 ثم 120 . . اخر مرة رأيت العداد كان يشير الى 160 كم في الساعة &#33;
<FONT color=#ff0000>الموت امامنا لا مفر منه</FONT> . . يقترب بتسارع كبير&nbsp;نحونا
المكابح لا تفي بالغرض فالسيارة تنزلق نحو الحاجز
حاولت تفادي الحاجز . . تفادي ما قد ينتج لا سمح الله . . ان شئت لديك قاموس مليء بكل ما له صله&nbsp;بالحوادث الخطرة اختر اي مسمى لـ ما سيحصل&nbsp;&#33;
بالابيض و الاسود لا وجود للألوان في تلك اللحظة . . <FONT color=#ff0000>لحظة النهاية</FONT>
لكن بقدرة القادر لم يحدث شيء &#33;
لا اصابات لا خدوش لا كدمات .&nbsp;. فقط&nbsp;اضرار بسيطة في اطراف السيارة&nbsp;الحمدالله&nbsp;من جراء الارتطام بالرصيف الذي تواجد امام الحاجز حيث دفعنا الى الناحية الاخرى لكن ايضا ً في الرصيف الاخر ارتطمنا &#33;
عداد السرعة&nbsp;يشير الى 0
لحظة صمت و انا انظر له و هو ينظر الي بكل تعجب و صدمة
فجأة انفجر و قال : انته مينون مينون تبا تذبحنا &#33;&nbsp;. . تقدر تسوي الي تباه مب لازم تراويني . .
<FONT color=#993333>بقينا 2 في السيارة</FONT>

::</FONT></P></font>

[حبوبه دبي]

الحمدلله ع كــل حـــال ،،

بعدك ويـاحالات الخبــال ولا !!

[لمّــاح]

الســـلام علــيكم ..

من وين طلع هالموضوع، أول مره اشوفه !!


غــرشـوب، الله يهديك بس ..

اشلك انته في هالسوالف، خلك بعيد يا إبــني، كم بعلمك و كم بربي فيك، تعبتني ياخي !

أذكــر الســـالفه، كنت انته و بــو حسن ..

هالبنــي آدم انا عــانيت وايد منه ولين الحين أعـــاني ، مرتين بغا يدعمني بالسيارة، مره و انا يالس و مره و انا واقف عند الشارع (( اكيد اتعرف شو استوا، كنت ويانا ))
سبحان الله، حزة الحزة استوي رشــيق اناقز و اركض بسرعة

هالبني آدم خــطر عالمجتمع، لكن والله انه حبوب ..
الله يهديه و يهدينا جميــع .


موضوعك هذا، نزلته بتاريخ 2-5-2005 ..

و فــي تـــاريخ 25-5-2005، عقبك ب23 يوم، انا الي شفــت الموت ..




أذكــر اني قبل ما انجلب بشويه، كنت اتمصخر ويا الي ويايه، ازيغه و اقول له بجلب الموتر الحين شوف شو بسوي، و جان يستوي الشي صدق و انجلبنا بس الحمدلله ماستوابنا شــي ..

اكــيد تذكر الســالفه و تذكر الاشيا الي استوت ..

---

التهور، صح انه نتايجه مب مرضية مثل ماتشوف هالحوادث و غيره الكثير، لكن هناك شي صعب ترده مثل ماكان، ثقة الأهل ..!

صعب ترد ثقة الاهل فيك او فيه او في اي انسان معروف انه متهور و عنده سوابق و هالشي بيتم و بيأثر عليك وايد خصوصا اذا حد فكر انه يعرس، تخيل بنت النــاس ويايه و اتهور و اسوي حادث و تموت أو حد من عيالي يموت في الحــادث ..

[الهيثــم]

رؤيــــة المــــوت

فعـــلا شي مـــرعب

في يوم من الأيام اتهـورت بهالطريـقة وكانت سرعتي جنوونية بعض الشي
وخاني البريك .. وشفت الموت بعييينه

شفت الشبة يداامي ... وعمود ( الـ قف ) بجنبه ...

وسبحاان الله .. سبحان من نجى موسى من الغرق
دخلت بين الشبة واشارة الـ قف ولا جنــه صــار شي ...

والحمدلله على سلامتك يا خوي ..

[الـيـاه]

سلام

حمدالله يت على جي وبس ( الله سلمكم ) وتحملوا مره ثانيـه

تونـي اشوف هالموضوع , حطيته ايام ما كنت غايبه عن الواحات
وقت الحادث اللي سويناه ونحن رادين من المزرعـه !!

ابويه الله يهديه مايتوب ودومه مسرع
بس الحمدالله يت ع خير وما صار ابنا شي ألا كسور ورضوض
بس امي حليلها اللي تعورت اكثر وابويه رقبته , وانا ويا هالريل ام حديده

فديت الاعضاء اللي سألوا عني ايامها

وها الموتر اللي سوينا فيه الحادث ( تكنسل طبعا ً )
http://planets.uaeplanet.net/upload/1138982691.jpg


بسم الله شو بلانا
والله قمت اخاف هالايام من السيايير ماخلت حد ماشلته , لا إله إلا الله

الله يحفظكم ويحظنا

.
.
.

[شوق القلوب]

.
.

الحمــد الله ..

ذكـــرى.. ما تنســى !

.
.

[الشوق]

غرشوب
الزعيم
المحاق المشتعل
لمـــــــاح
شوق القلوب
خطـــــــــاب
.
.
.
الحمدلله على سلامتكم ..
الله نجاكم وعطاكم فرصه يديده علشان اتكملون مشوار حياتكم
نجاكم وعطاكم عمر يديد .. علشان اتراجعون اموركم اللي سويتوها في السابق
هنا اختبار من رب العالمين ..
والله يحب عباده عسب جي يختبره
شو راح يكون موقف هالانسان بعد ما راح ينجيه
.
.
.
شفت الموت جدامي ..
مرتين ...
لكن هذي المره مااروم انساها
كنت متجهه للعمل .. وكنت امشغله القرآن ...
يعني الصبح نازله من الجسر ما كنت مسرعه .. .لكن الله يهدي
الريال اللي كان راكب الجسر كان مسرع وسواقته غريبه وعجيبه
حسيته يتجاوز من بين السيايير بطريقه عجيبه
شفته من المنظره الاماميه ..
لاحظت اقترابه مني ..
(( وقلت في نفسي لا محاله )) فانا المقصوده هنا ..
حسيت انه ياي صوبي
وذيج اللحظه لا مفر ..
ما رمت... لا اني اخذ يميني ولا يساري فالشارع كان زحمه
ويمكن هالشي اللي نجاني ذيج اللحظه ان السيايير ما كنت مسرعه ..
فجأه دعمتني السياره...
ومااشوووف نفسي الا السياره اتلف بيه جسيت بريك بطريقه
( وصرت عكس السيايير ). يلست اتشهد على عمري ..
فتحت عيوني وانا اشووف عمري عكس باقي السيايير
قمت من صدمتي هذي واشوف السيايير الثانيه في ويهي ..
ويلست احمد ربي انهم ما كانوا مسررعين والا كنت في خبر كان
طبعا الدعمه كانت قويه ..يت في الحديده والحمدلله ما يت فيا ..
مجرد رضوض بسيطه ..
لكن سبحان الله ظل الراديو شغال وهو مفتوح على اذاعة القرآن
(( هاليوم مااروم انساه ))
قد تكون انت في حال سبيلك لكن هناك اشخاص غيرك متهورين ..
عزيزي القارىء ..
قد تكون انت من المتهورين لكن تذكر ان هناك من يخاف عليك
ومن ينتظرك .. ومن يابه لك
ان كنت لا تريد نفسك ..
فلا تجعل الشارع ملكا لك ..
لان هناك اخرين من يستخدمونه
فلا ترمي نفسكاو ترمي الاخرين
في التهلكه .. بسبب تهورك
(( الحمدلله على كل حال))
.
.
.
غرشوووب شاكره لك على هذه الوقفه
قد تكون لي عوده لكتابة الحادث الثاني

وتسلم
اختك/ الشوق

[وعد]

اخوي غرشوب
العمر مو لعبة
لو مت بسبب الشهاده او لا هدف نبيل راح نتقبل فكرة موتك
> بتروح لمكان احس الا وهو الجنه
لكن انك تجازف بحياتك عشان تحدي ........ما يسوي

الحمدالله علي سلامتك خيو

الزعيم
المحاق المشتعل
لمـــــــاح
شوق القلوب
خطـــــــــاب
شوق
في المال ولا في الحال
حمدالله علي سلامتكم
الصراحه بعد ما شفت سيارتك المنجلبه اخوي لماح راح اخفف السرعه
انا كان عندي الليسن من عمري 17 سنه
كنت اسوق بسرعه طبيعيه وبطيئه لاني كنت اخاف
وللاسف سياقتي اتغيرت مع اني الحين موظفه
صار في غرور وثقه زايدة واني اقدر اتحكم بالسياره مهما زادت السرعه
ان شاء الله اخفف السرعه باذن الله

[صريح]

غرشوب ...

الله سلمكم هاي المره

عاد حد يسمع كلام السماميج ... لوول


تحمل ع عمرك و عن الحماس الزايد ..

و السمـــوحه

[بلوة حلوة]

تسـرع ، تتهــور ، وفجـأة تشـوف *فـج الموت* جـدامك ..
ومالك خيار الا تدخلــه ..
وما بتسلــم إلا بـ قدرة قادر !!
\\
\\
يا ترى منو فـ بالك
شريط يمــر ..
امـك وهي فرحانة وتشوفك تكبر جدامها
وشوقهـا يزيد كل يوم عسب تشوف عيالك
أبـوك اللي الدنيا ماشالته من الفرحة يوم قالوله
* مبـروك ياك ولد *
خـواتك اللي يفتخــرون بـ *اخوهم*
اخوانك الي دوم يـحاتونك
ربعـك اللي تعـودوا القعده وياك
أو ربعك اللي زعلتهم وبتـروح وانت ماراضيتهم
منـو ولا منــووو !!
\\
\\
وفجـأة ينكتب لك عمر يديد
عسب يتصلــح كل شي تذكرته حزة ما شفت *الموووت*
\\
\\
الحمدلله اللي سلمك من الي كان بيصيــر ..
وشفت الحياة مرة ثانيه ..

+!!+!!+!!+

الحـادث اللي صارلي الشهر اللي طــاف
وايدين رغم الضرر اللي ياني قالولي
احمدي الله انج طلعتي منه حيّــه ..!
لان اللي يشوف السياره مايعرفهـا إلا من رقمهـا !!
طلع لنا راعي السياره الثانيه بـ الويه .. وعقب دعمنا
العمـود ويمكن بعد انجلبنـا !! .. ماكنا مسرعين
بس راعي السياره الثانيه قالوا انه مسـرع !!
يعني يمشي عكس السير و فـ نص الشارع وبعـد مسرع !!
كنت فاقده الوعي حـزة الحادث .. ماذكر الا شكل سيارتهم
وهي يايه صوبنــاا .. وقبل الحادث بـ خمس دقايق بس
كنـا مشغلين الأغــااني !! .. ها أول شي تذكرته يوم وعيت !!
وحمدت الله ألف مرة انه سلمني ..
والحين ع قولة الياه * انا ويا هالريل ام حديده *
الحمدلله ع كل حـال .. والله يحـفظ الجميع من هالحوادث وشرهـا ..

.
.
.