<font color='#000000'>خلونا واقعيين ياجماعه الخير(قضيه للمناقشه) ..أتمنى من الجميع المشاركه.<font face="times new roman" size=3> </font>
<p align=right><font face=arial,helvetica,sans-serif><font face=arial size=3>السلام عليكم ورحمة الله
خلونا واقعيين موضوع ترددت في طرحه لأني أثق ثقة تامه في أنني لن أستطيع تغيير الحال بمجرد طرحي لهذا الموضوع فطرحته الآن راجيـا ً من الأعضاء الكرام الإتعاظ و أخذ الموضوع بجدية اكثر والنظر إليه بنظرة واقعيه
واتمنى ان ينال على استحسانكم وأتمنى منكم المشـــاركة والتذييل على الموضووع
خلـونا واقعيين
شاللي تغيير بهالزمن كيف حب النفس طغى على تعاليمنا و إيماننا
وأنا ما اجذب لو أقولكم اني قريت من مدة قصيرة .. مشكلة فتاة تعاني من
تحرش اخوها الدايم لها وإعتدائه عليها عدة مرااات .. فـ شاللي بعده ما صار ؟
خلونا واقعييــن
نربي عيالنا عالدلال و ما نقصر فحقهم وفالنهايـــة .. شو نلاقي منهم غير التبري ... شو نلاقي غير العقوووق ... والإساءة وتفضيل الغير على الأهل والأقارب ... هذول هم شبابنا ... يهمونهم الناس وربعهم
وما يفتكرون بأهلهم ووالدينهم ..فما نقول غير الله كريم
خلـونا واقعييـن
صارت الماديات فهالأيام هي الشغل الشاغل للجميــع .. وصارت الدنيا مصالح ..
دون هالمصالح .. ما بنعيش .. ولا بيعيش غيرنا
خلـونا واقعييـن
وطالعوا فعيالنا هاليومين .. اللي أقل من سن 13 ماسك بيده موبايل .. وعلى شووو مادري ؟؟
هذا اهو التدليل المبالغ فيه ..ومحد بيتحمل العواقب .. غير الأهل
خلـونا واقعيين
شاللي صار فشبابنا هالأيام ؟؟ من ناحيه صالات كمال الاجسام ..
انا بصراحه أسميها صالات خراب الأجسام ... وأكثرية شبابنا يعتمدون
على الحبوب والإبر اللي تساعد على نفخ العضلات وتشوه الجسم وفالنهاية
هذا كله يسبب لهم الامراض .. مثل تليف الكبد .. والضعف والخمول
والعقم أخطرها و الجو يساعدهم .. ما ينلامووون .. كل شي متوفر
خلونــا واقعيين
قول لي انت يالشااااااب ... كم مرة تدخن جكارة فاليوووم ؟ واكيد مرلبورو صحححح ؟؟
لأن مفعولها أقوى .. وريحتها تقرف اكثثثثثثر .. زين بالذمه احينه فخاطري اعرف بس
شو فايدتها ؟؟؟؟؟
فايدتها انها تخثر الدم فالعروووق؟
والا الفايدة الاكبــر انها تسمم الجسم و تتسبب لكم بالسرطان ..؟؟
الله يهديكم بس ويصلح بالكم ..
أدري كلامي شوي جارح ... بس هذا هو الواقع
وخلـونا واقعيين
كل ما مريت بالسياره حذال مقهى .. مجموعاااااات وعصابات ماشالله ..
والكل يشرب شيشه
يا ويل حالي انا ... شو منفعتها الشيشه احينه ؟؟
أكيد لها أضرار بس الكل غافل عنها .. الكل قام يشرب شيشه حريم وشباب وعيايز
ومحد مهتم بصحته .. ولا حد سأل شو تأثيرها .. هذي يا جماعه .. تسبب العقم والله وانا أقولها وواثق
من معلوماتي .. اما تأثيرها على المدى البعيد بيكون اكبر وأخطر ...فهل انتم مصرين لهاللحظة تكملون المشوار وتشربوووون شيشه ؟؟؟
خلونا واقعيين
شو يعنيلكم ( دار العجزة ) ؟؟ وهل من السهل انكم تتخلون عن والديكم
وفالنهاية تقطونهم فدار العجزة .. ادري ان الدار هذا يأمن كل شي ... بس للأسف
أهلكم مب محتاجين لكل اللي موجود فهالدااار .. محتاجين بس وجودكم فكل لحظة وياهم
وجوفتكم .. تطيب خاطرهم ... بس يا حرااااام أتأسف على هالوقت اللي ضاع من هالأم اللي ربت وتعبت وفالنهاية جازاها ولدها بالنكراااان .. وصارت هالحادثه فبوظبي .. وبالتحديد فشاطئ الراحه كانوا مجموعه من الشباب يتعشوون وجافوا حرمه عيوز تلقط بقايا الاكل مالهم .. فسئلوها انتي يوعانه يدوه ؟
قالت: هيه انا من الصبح اهنه وما كليت شي .. قالولها انزين انتي شو يايبنج اهنه؟
قالت ولدي نزلني اهنه وبيرد عليه وبياخذني .. الشباب قالوا مايصير نخلي حرمة عيوز فهالليل .. قالولها: عندج رقم ولدج؟؟ .. قالت هييه وعطتهم ورقة صغيرة يوم شافوا شو مكتوب فيها انصعقوا .. كان مكتوب فيها اي واحد يشوف هالحرمة يوديها دار العجزة .. ويلسوا ساعة يترجونها انها ترد وياهم وهي ما رضت تقول ولدي بييني .. المهم ساروا وخلوها وواحد منهم ما ياه الرقاد فالليل وتم يتجلب فالسرير ونش الساعة هنتين وسار الشاطئ مرة ثانية .. يوم وصل شاف الشرطة والاسعاف هناك .. هجم بينهم وسأل عن الحرمة .. قالوله توفت ارتفع عندها الظغط وماتت ..
ارتفع عندها الظغط من حسرتها على ولدها .. تتحرى صار فيه شي حادث ولا مكروه ما تدري انه سافل وحقير ناكر للجميل ومنحط ودنيئ ونجس
خلـونا واقعيين
الحوادث اللي تصير جدام عيوننا ولا نعتبر .. شو القصد من حدوثها ؟؟وليش ما نعتبر من اخطاء غيرنا صحيح ان اذا ربنا قدر شي بيصير غصبن على اللي مب راضي .. لكن مثل ما يقولون .... ( الحذر يمنع الخطر )
والسرعه سبب معظم الحوادث ... فليش ما ناخذ الحذر .. نخاف على نفسنا ؟؟؟ مهما كان المشوار اللي بنروحه مهم .. فحطوا فبالكم ان حياتكم أهم .... هل ترضووون ان هالسرعه اللعينه تخلص على حياتكم بغمظة عين ؟
ياما بنقول وبنتكلم ... بس منهو اللي بسمع ويتعظ
خلونا واقعييـن
معظم البنيات يدخلون الجامعه ويقضون فيها 4 او 5 سنين و في بنات يقعدون فيها اكثر من هالمده ..
لكن شاللي يجنونه من عقب ما يتخرجوووون ..؟؟ قلة اللي يلاقون وظيفه او مكان يشتغلون به ...
يعني المسؤولين اقدروا يصرفون على الجامعه وعلى كل متطلباتها ومتطلبات الجامعيات ..
بس المهم والاهم ما قدروا يفرونه ... ياللي اهو الوظيفه؟؟ نادر ما نلاقي وظايف
في مجالات بحاجه لخبراتنا ... و لكن 00 ما ادري متى هالشدة بتزول ؟!
خلونا واقعييـن
الصلاة أساس محبة الله .. واول شي الرب يحاسب عليه ... لكن معظمنا متغاظي عنها ... هل اهي هم ثقيل عليكم ؟؟؟ والله ما بتخسرون من حياتكم شي جان بتصلون لربكم جمن ركعه تكسبون بها اجر .. بدل ما تاخذون مليون اثم فهالدقايق اللي المفروض انكم تصلون بها ففكر لو للحظة بس
5 دقايق تصلي فيهن .. شو بتكسب من وراهن ..؟
5 دقايق وانت منسدح عالشبريه..او راقد .. شو بتكسب فيهن ؟
الانسان لازم يحطي لنفسه حدود ... ومخططات .. فحياته ..عسب ينظم اموره ويا اهله .. ويا ناسه ... ربعه ... ربه .. وعبادته ... وويا نفسه ... فلا تظلمون نفسكم ... وربكم .. فإن أسوء الظلم هو ظلم الرب .. فظلم الرب فيه ظلم للنفس بعد
خلونا واقعييـن
هل الطلاق صار حل لكل المشكلات العائليه ؟؟ أكيد لا
لازم أساس الزواج اهو التفاهم والمحبه والاخلاص من كلا الطرفين
والمفروض ان كل واحد ياخذ الثاني عن قناعه .. ويرضى باللي الله قسمه له من الدنيا
وكل انسان ياخذ نصيبه والصبر زين مب مشكله بسيطه على طووول حلها الطلاق
والطلاق ما يولد غير البغض والكره والأحقـاد
وأحينه خلونا واقعيين
مع اني ادري ان الواقـــع مخجل ... بس بعد خلونـــا واقعييــــن
وفالنهاية والختـــام 00 بختصر كل الكلام 00 لو كلن حكم عقله فافعاله 00 فما على الدنيا سلام
في انتظار الردود.......</font></font></p></font>
رد مع اقتباس
مواقع النشر (المفضلة)