<font color='#000000'>من المسؤل عن ذلك ؟؟؟؟؟؟

كل الاطراف مسؤله .. ولانستطيع القاء اللوم على البعض ونترك الطرف الاخر ... لان كل واحد له دور سواء طالب او إداره او وزاره ..
اولا : الوزاره .. وهي اللتي القي عليها اللوم الاكبر .. لانها كل يوم تطلع قرار يديد .. وقراراتها اغلبها تدل على عدم وعي .. وبالنسبه للمناهج&nbsp;تراها مناهج عفا عليها الزمن .. وحتى لو احدثت تطوير بها .. ماتكون المناهج بالمتسوى المطلوب ..
لان المنهج محتاج لوسائل تعليميه مميزه .. عسب يستوعب الطالب .. لكن الوزاره ماتوفر هذا الشي بحجه الميزانيه ... ( ولو رمست من اليوم لين باجر ما بخلص الموضوع ) ...

ثانيا : الطامه الكبرى .. الهيئه الاداريه والمدرسين ... (اغلب المدارس الحكوميه مب كلها .. ) ..ما فيها روح الاهتمام بالطالب ..المفروض انها تنمي المواهب عند الطلاب .. لكنها تقوم بالعكس بطمس الموهبه .. وتكتفي بالصرااخ .. والهزاااب ( يعني اونهم اقويه على الطلاب ) ... وبعدين الشي اللي استغرب منه .. في كثير من المدارس الحكوميه ماتكرم الطلاب المتفوقين .. شو السبب .؟؟؟ مب حرااام هذيل يتعبون&nbsp; طول السنه ويجتهدون .. مايحصلون التقدير ... ( والمدرسه شو تقول ماعندنا ميزانيه.. ومن هنالك كل يوم تغير في غرفة المدير والوكيل .. ))عنبو مب مكتب بيلسون عليه بالنهار ..كل سنه تغير ويمكن كل كورس <img src="http://oasis.bindubai.com/emoticons/oo.gif" border=0>..( هذا طبعا اذا بيزات المقصف راهيه .. ) الشي بنص ينباع بريال <img src="http://oasis.bindubai.com/emoticons/crazy.gif" border=0>.. وحليلهم الطلبه ماباليد حيله ..يتحملون ..
والمدرسين .. حدث&nbsp; ولا حرج .. في منهم اللي يشرح بضمير .. وشي اللي مب عاارف اصلا شوهو المنهج...يالله نقول كلمتين فهموا الطلاب زين منهم .. ما فهموا يقرون الكتاب ويحفظونه ..

واخيرا : مسؤوليه الطلاب انفسهم .. كل انسان لازم يحترم القوانين والتعليمات .. واللوائح .. هب يغيب على كيفه .. والتصرفات والحركات اللي يسونها الطلاب تراها هي اللي تخلي الاداره تطنشهم .. وبعدين الطلالب لازم يذاكر .. ترا النجاح ما يي بلاش ... لكل مجتهد نصيب ... هب ارقد وما افتح الكتاب .. واقول المدرسه مب زينه.. المعلم مايعرف يشرح .. لو انك انتبهت وباه .. اكيد رااح تفهم .. واللعب ترا لاحقين عليه ...

فما نقدر نلقي المسؤوليه على جهه معينه .. لان الكل يشترك في العمليه التعليمية .. وكل جزء يكمل الاخر .. واذا نقص جزء من هذه الاجزاء تضطرب العمليه التعليميه ..

يالله انشالله ما اكون طولت عليككم ..

تحيااااتي ... شوق العيوووون ..<img src="http://oasis.bindubai.com/emoticons/blush.gif" border=0></font>