بالغصب ولا

[مانجو]

<font color='#8D38C9'>سلا م عليكم ...
حبيت اني اشارك في هالواحة بموضوع او مشكلة طرحت للعديد من السنين ومازالت تناقش ليومنا هذا..
الزواج بالغصب ...
اعتقد انه نحن احينه في عصر يختلف تمااما عن عصر او زمن آبائنا .. وكل شي حتى اساليب التعامل و التفكير، الا العادات
ممكن انه نتمسك ببعض التقاليد و العادات ، بس مب اللي تهدم حيانتا و حيات غيرنا، مازال الزواج بالغصب من ولد العم او العمه او الخال او الخاله آفه تعاني منها الكثير من البنات، والبنيه مالها حييله او ماالها كلمه او اي شي تلجاله مثل الولد، يعني اللي ايقوله الاب خلاص لازم تخضعله من دون نقاش..
انا اعرف وحده من دون ذكر اسماء او اماكن ، اهله نااس جامعيين و ناس مثقفه، و غاصبيينها على الزواج من واحد ما تبااه ، والالعن من جذي انها يوم رفضته او حاورتهم بموضوع رفضها ، الابو والام اتعاونو عليها وطاحوا فيها ضرب و شتايم..
عصرنا عصر متحضر و مثقف بس مازال فييه بعض التخلف و الاضطهاد لحرية البنت، و مازالوا الناس يحسبون للناس الف حساب قبل مايحسبون لعيالهم الحساب
فشو راايكم
افييدوها تراها اتفكر بشي جنوني الا و هو العمل او السوى او الطار مثل ماايسمونا الغير</font>

[مانجو]

<font color='#8D38C9'>المنحوس
انت اتقول احسن شي اتكلم ريلها .. اشراايك اذا قلتلك انها قالتله انها ما تباااه بس هو مب راضي و قاال طلاق انا مابطلق .. كلمت اهلها ما استفادت بس اذوها ، وكلمت ريلها بعد مانفع عسب جي وصل تفكييرها للعمل و السوى
اشوفها انسانه يائسه وانا ماعرف اتصرف او اني اقنعها بانها تشل الفكره من بالها ، قلتلها حاولي يمكن اتحبينا عقب ، بس هي ماطيق اتشوفه حتى ، طالع من بالها
حاااااااااااااااااله<img src="http://oasis.bindubai.com/emoticons/sad.gif" border=0></font>

[لمّــاح]

<font color='#000080'><FONT color=#000080>


السلام عليكم ..

عزيزتي مانجو .. تسلمين على موضوعج ..

<FONT color=#000000>نحن انشوف الكثير من الامثال و القصص .. بنفس الصيغه .. و في مواقف اخس عن الموقف الي ذكرتيه ..

يعني في ناس ما يتنزلون ياخذون ناس من اصول ثانيه ( يعني عيمي ياخذ بنت عرب .. او ولد عرب ياخذ عيميه )

و اشوف حتى لو كان عادي عندهم ياخذون من اصول ثانيه .. لكن يرفضون البنت او الولد بسبب الحاله الماديه ..&#33;&#33;

و عن حالة ربيعتج .. احسن شي اتسويه و الي اشوفه أأمن شي بالنسبالها ..

</FONT><FONT color=#ff0000>انها اتكلم الريال الي ملج عليها و اتفهمه انها ما تباه و انهم غاصبينها .. و اتحاول تفهمه و تبين له الاسباب .. و تقول له اذا ماكانو يحبون بعض ما بيتوالمون و ما بيطولون .. و اذا تمو معرسين و ما اطلقو يمكن تكثر المشاكل بينهم و ما بيتهنون &#33;&#33;

</FONT><FONT color=#000000>اختيه هذا هو الحل الوحيد في نظري .. و كلميها و قوليلها بأنه العمل و السوا حرام .. و شرك بالله .. و خليها اتشل هالفكره من بالها .. الواحد يخسر الدنيا ولا انه يخسر الاخره </FONT></P>



السموحه<IMG src="http://oasis.bindubai.com/emoticons/smile.gif" border=0></P></FONT></font>

[نبراس الليل]

<font color='#000000'>السلام عليكم
(من اتى عرافا فصدقه فقد كفر بماانزل على محمد)

اختي هي حالتنا الحين مب بس البنت تكون مغصوبة دام الريال الحين ينغصب ياخذ وحده مايحبها يعني على شور امه او ابوه
وانتي تعرفين اذا الريال قال لا تزعل الام وتقول انا مابرضى عليك ابدا وانتي تعرفين ان اللي يموت وامه مب راضيه عليه مايدخل الجنه

وانتي من ناحيتج انصحي ربيعتج تبتعد عن العمل لان حرام شو الفايدة بتستانس ايام مايندرى متى موتها وفي الاخرة تتعذب

خلها تحاول مع اهلها واذا هي حاولت وماطاعوا الله يسامح اهلها والله غميضه بتعيش مع واحد ماتواطنه والله صعبه

الله يسهل عليها ان شاءالله ونسيت شي مهم خليها تستخير الله واستخاره الله او صلاة الاستخاره هي الحل لان الله سبحانه وتعالى يعلم الغيب يعني اذا كان هالزواج شر لها الله بيوجد اسباب تمنع هالزواج واذا كان خير الله بيسهل عليها يعني بينزل السكينه على قلبها وبيطمنها مايندم من استخار الله سبحانه وتعالى والله انا من ناحيتني فادتني هي الصلاة في وايد اشياء انصحها انها تصلي والرسول قال عليه الصلاة والسلام شاوروا الناس لكن هي موقفها مايساعدها انها تشاور الناس لان الشور والراي والقرار بايد اهلهلها الله يهديهم ويوفقها ويوفقج ويوفق الجميع

والسموحه اذا ماقدرت افيدج اكثر</font>