<font color='#F52887'><strong><font face=arial size=3>عشقتها ولا حتى عمري شفتها << قصة تدور أحداثها في جامعة الكويت
القصة طويلة شوي .. تحتاج إلى صبر
بس والله إنها حلووووووووووووووووه
مجموعة شباب متجمعين في مسافط جامعة الكويت .. ومستانسين ويضحكوووووووون
والله ما بغينا نخلص من الجامعه الزفت هذه ... ووووووووووووويه والله وخلصنا وافتكينااااا ... وفي صوووت واحد يقلون شبااااااب لي خالد الي كان يمشي في اتجه سيارته .. خلوووووووووود .. ممبرووووووووك على التخرج .. ويرد عليهم الله يبارك فيكم .. يالله نشوفكم على خير بس لا تقاطعون .. ويركب سيارته .. ويحط ايده على سكان سياره ويقول حق روووحه والله مشت اسنين بسرعه ولا حسيت فيها شغلت روحي ابي انساج .. الله يذكرج في الخير وين ما كنتي .. بس والله على طو ل السنين لين الحين احبك
ويرجع زمان الى وراى اربع اسنين
شوف محمد هذا رقم تليفوني ابيك تدق علي اليوم العصر ضروري والحين انا رايح لي قاعه ثانيه بس يا رب القى مسفط
محمد : ما عليك ان شا ء الله
خالد : ان شاء الله
ويحرك سيارته .. ويروح لي قاعه ثانيه .. ويقعد يفتر في مسافط يدور مسفط فاضي
ويقول حق رووحه يا ربي وين القى مسفط الحين .. ويدق تليفون
خالد : الووو
هي : رد وراى عمي انت ما تشوف .. مسفط شكبره مطوفه رد بسرعه في وحده راكبه مرسيدس سوداء قربت يمه بسرعه
ويرد خالد وراى ويشوف مسفط ويدخله ولا في وحده راكبه مرسيدس اسود مرت يمه وفي عيونها حقد لانه اخذ مسفطها
ويدق التليفون مره ثانيه .. والا نفس الرقم ويرد عليه خالد
خالد : الوو .. انتي منو؟؟
هي : اوووو يبه الدكتور صعد الدري .. بسرعه اركض والله لو تاخرت ودش اغسل ايدك تدش المحاظره
ويركض خالد اتجاه القاعه ولا الدكتور توه داش ومسكر الباب وراه .. ودخل خالد وراه
الدكتور : نعم
خالد : دكتور انا وياك في نفس السكشن
الدكتور : اي عارف بس برا .. متاخر
خالد : بس دكتور
دكتور : لو سمحت برا
خالد : مشكور
ويطلع خالد وهو معصب وايد على نحاسة الدكتور
ويدق التليفون مره ثانيه
هي : ما قلت لك اركض .. بس ما سمعت كلامي .. يالله تراني بعد مثلك غايبه عن المحاظره .. يعني حالي مثل حالك .. بس فرق اني ما انزفيت .. لانه عارف دكتور هذا عدل
خالد : ( يقاطعه ) انتي منو؟؟؟
هي : مممممممممممم .. ضروري ؟؟
خالد : اكيد
هي : ما اعتقد .. بس شوف انا راح اكون وياك اشوفك ولا تشوفني
خالد : زين ليش انا مو ياهل علشان تساعديني
هي ( تصمت لحظه ) اقول باي
خالد : الو الو .. وينج .. ويدق على الرقم نفسه ولا ترد عليه
ويروح خالد لي كفتريا .. ويتريق .. ويدق التليفون ونفس الرقم
خالد : نعم
هي : نعم الله عليك .. بس اخوي حبيت اقولك دق على فني فتح ابواب .. لانك راح تحتاجه بعد شوي .. لانه سويش سيارتك في سيارتك .. مع سلامه
خالد : (ويحط ايده في جيبه يدور المفتاح ) اي والله .. يا رببببببببببي .. ويترك اكله ويروح حق سيارته .. اي والله مفتاحي في السياره ياربي شنو اسوي الحين وبعد شوي عندي محاظره في قاعه ثانيه والكتب فيها بعد .. ويدق التليفون .. ولا هي داقه
هي : اقول .. بعد ربع ساعه يجي الفني .. ويطلع لك المفتاح
خالد : بس بس .. وتسكر التليفون .. اووووووووووووه شنو سالفتها هذه ؟.؟؟
بعد ربع ساعه وصل فني وفك باب السياره
خالد : جم حسابك يا باشه ؟؟
فني : يا سيدي الحساب واصل من انسه يت المحل القريب من الجامعه ودفعت الحساب
خالد : زين شلون شكل البنت؟؟
فني : والله يا باشه .. ما اعرف عنها شي .. دق علي المحل وانا في السياره وجيت على المكان على حسب وصف البنت ما شفتها ولا شافتني بس سمعت صوتها لما توصفني مكان
خالد : اوكي يعطيك العافيه .. ويركب السياره ويشغلها والا يدق التليفون هي : قووووووووه خويلد
خالد : وبعد عارفه اسمي
هي : اي اعرفك واعرف انك بعد تدرس هندسة اكترونات
خالد : بعد
هي : اي .. وبعد انت مستجد .. يالله شد حيلك
خالد : بعد ما بقي غير اسم امي تعرفينه
هي : امم .. لا تستعجل مع الايام اعرفه
خالد : زين ممكن تخليني لاني ابي اروح وين القاعه هذه
هي : لا حول ... اخوي يا غبي ..القاعه في ويهك .. شكبرها ما تشوفها
خالد: اي والله .. بس انتي وينج ؟؟؟
هي : شوف عد لين الخمسه وتشوفني وراك
خالد : 1 2 3 4 5 .. ويرن التلفون .. طلع وراك .. ويفر خالد راسه وراه وهو قاعد في سياره ويشوف سياره سماويه تمر عليه بسرعه .. ولا لحق يشوف ملامح الي تسوقها .. انتي ووين رايحه
هي : معالسلامه راسي مصدع ورايحه لي بيت .. باااااااااااااي
خالد : الو الو .. ياربي هذه وين طالعه لي .. اووووووووووف خلني اروح لي قاعه
وبعد دواااااااام طويل .. وساعه 5 العصر وخالد في سياره يكلم رووحه ويقول .. ياربي والله تعب .. متى افتك واخلص .. ويرن التليفون .. ويرد عليه ولا شاف الرقم هي ( بصوت خفيف ) : قوه
خالد: الله يقويج .. منو معاي؟
هي: هههههههههههه .. شفيك نسيتني ولا صوتي وانا توني قايمه متغير؟؟ بس تصدق يا خالوووووووود .. والله من اول ما طلعت من الكليه .. حذفت روحي على الفراش توني قمت قلت خلني اطمن على خلووووود
خالد :هذه انتي .. انا توني طالع من الكليه وتوني ما حركت سيارتي
هي : خلاص انا ابي اغسل ويهي وايك لالالالالالالالالالا تخاف ما راح اطول عليك
خالد : شنو ما طولين علي تراج اذيتيني وياج .. انا ما اعرفج وكل شوي داقه علي .. اقوووول شوفي ما ابيج تدقين علي مره ثانيه .. زين
هي : تمت ساكته .. انا انا
خالد : اي انتي
هي : انا اسفه .. صدقني ما راح ادق عليك مره ثانيه
خالد : يكون احسن .. ويسد التليفون في ويها
هي : تدق مره ثانيه
خالد : نعم
هي : لا بس حبيت اقول مع السلامه ما خليتني اقولها
خالد : الله لا يسلم فيج مغز ابره
هي : مشكور
ويقوم خالد ويسكر التليفون في ويها .. ويحرك سيارته في عصبيه وفي الطريق قعد يفكر خالد بلي سواه .. ويقول حق نفسه اكيد انا زودتها زياده .. والله مدري شنو اقول .. يا حرام والله كبرت السالفه وزفيتها .. مسك التليفون ودق عليها والا جهازها مغلق وتم طول الطريق يدق عليها والجهاز مغلق وتم لين الليل مغلق لين الساعه 2 الفجر وهو يدق لين اخيرا رن .. طول وهو يرن .. بس ما ردت عليه .. جان يدز لها مسج يقول فيها .. ممكن دقيقه من وقتج لو سمحتي .. ويدق مره ثانيه وترد عليه
خالد : انا اسف صدقيني ما كنت قاصد بس تعرفين كليه ودوام طويل عور راسي
هي : خلاص اسفك مقبول .. وانا مسامحتك .. ويالله مع سلامه
خالد : لحظه لحظه .. شفيج مستعيله
هي : وانت ليش مو داق تتاسف .. وخلاص انا قبلت اسفك
خالد : بس احس في كلامج لين الحين زعلانه
هي : ( والدموع على خدها وتحاول انها تكتم صوتها علشان ما يعرف خالد انه تبجي ) ما ادري
خالد : شفيج .. فجاء تغير صوتج
هي : انا اسفه بس لازم اسكر التليفون مع سلامه
خالد : على راحتج مع سلامه
هي : يعني تبي تسكره
خالد: كيفج تبين اسكره اسكره ما تبيني ما اسكره اتم وياج لين الصبح
هي : والله .. ( وسكتت حست في حرج ) ياليت لو ما كان ازعاج عليك
خالد : لا ما في ازعاج ولا شي .. زين ممكن تقبلين في صداقتي
هي : ياليت يا خالد
خالد : لا خلودي احلى
هي : تضحك ... خلاص خلودي
خالد : زين كلميني عن نفسج
هي : انا وحيدة امي .. وابوي توفى شهيد يوم الغزو
خالد : الله يرحمه
هي : تسلم .. وانا في السكشن مالك .. بس توني تمهيدي .. بس تقدر تقول اني لي خبره طويله في كليات ونظام الجامعه لانه كل رفيجاتي في الجامعه .. واعرف كل شي تقريبا
وامي دكتوره في واحد من مستشفيات الكويت .. وانسانه طيبه حيل .. وانا اعتبرها رفيجتي .. مو امي
خالد : الله يخليكم لي بعض
هي : تسلم
خالد : زين وين عرفتيني
هي : انا قلت لك انا معاك في جميع مواد .. وخذيت رقمك من وحده رفيجتي ملقوفه سجلت رقمك على دفتر محاظره وانت تعطيه حق رفيجك .. وصدقني والله العظيم ما عمري في حياتي كلمت شاب .. ولا اعرف اكلم شاب .. وانت لو تلاحظ اكون مرتبكه .. لم اكلمك
خالد : زين ليش كلمتيني
هي : ما ادري .. لا تسئلني
خالد : زين شنو اسمج ما عرفته
هي : اسمي مريم
خالد : اكيد ولا تضحكين علي ؟؟
مريم : خالد صدقني لا تعتقد انه راح يجي يوم راح اجذب عليك فيه
خالد : ما ادري شنو اقول لج .. انا منحرج وايد مريم: لا تنحرج ولا شي .. بس ابي منك طلب
خالد : امريني
مريم: ما ابيك تطلب مني انك تشوفني .. صدقني يا خالد .. انا انسانه مو مثل الي يطلعون ويه شباب ولا يكلمونهم .. صج اني اعرف الي انا اسويه الحين خطأ
خالد : يقاطعها.. بس انا
مريم : خالد .. لا تحاول انك تقول الي نسويه غلط .. بس يارب انه يكون اول مره يكون صح ويكون بينه
خالد : زين اوصفيني شكلج
مريم : شوف انا تقريبا مثل طولك يعني مو طويله وايد .. ويهي مدور وبيضه و وشعري اسود
خالد : حلو .. ايل ساعتيني اني اعرفج
مريم : ان شاء الله تعرفني .. بس لو لقيتني بين الفين طالب وطالبه .. يكون خير
وتمر اياام على اتصالاتهم مستمره في كل لحظه
وفي يوم في عز الظهر كان خالد رايح صوب المختبرات ولا يشوف وحده نفس مواصفات مريم ويقعد يخز فيها .. لين تعداها .. ولا يدق تليفونه
مريم : لا تعور عيونك ترها نصها مكياج .. لو فيها خير خله تغسل ويها
خالد : صدقيني عبالي انتي ولا تسد التليفون في ويها .. ويقول حق روحه شنو فيها .. مو مثل اول صارت كل شوي تعصب لو طالعت وحده من بنات
ويروح حق سيارته ولا تدق عليه تقول له
مريم : خالد انا اسفه .. ما كان ودي اصارخ عليك
خالد: لا حصل خير .. بس انتي شنو فيج
مريم : ما فيني شي بس روح حق المحاظره لا تطوفك
خالد : اوكي باي
مريم باي
وينتهي الدوام ويروح خالد لي بيت خاله .. وهو في طريق .. يدق التليفون
مريم : قوه خويلد .. على وين رايح .. مضيع اخوي
خالد : لا مو مضيع بس رايح لي بيت خالي
مريم : اها .. ايل وخر شوي عن خانه اليمين وراح تشوفني وانا ماره يمك
ويورخ خالد سياره عن خانه يمين وتمر يمه سياره بسرعه ما لحق يشوفها وتصعد الجسر
وتدق عليه مريم .. ها شفتني ؟؟
خالد : وانا لحقت
مريم ( تضحك) ولا راح تلحق .. ولا تفكر انك تشوفني
خالد : ليش مريم
مريم : ( بنبرت حزن ) مع السلامه
خالد : مع السلامه
اليوم الثاني .. كانت الساعه 10 الصبح كان خالد يدور مسفط لي سيارته ويشوف سيارة مريم ويسفط يمها ويقول انا ابي اتم يم السياره لين اشوفها اكيد الحين راح تطلع
وتم واقف يم سيارتها ساعتين .. لين دق تليفون
مريم : ممكن تركب سيارتك لاني مستعيله وابي اروح
خالد : وانا ماسكج تعالي وركبي سيارتج
مريم : ( بعصبيه ) خالد .. يعني ما راح تحرك سيارتك انت عارف انا قلت لك ما راح تشوفني
خالد : ما راح احرك سيارتي لين اشوفج
مريم : اوكي .. نشوف ( وتسد تليفون في ويه خالد )
وتمر سياره جيب وكانت تسوق جيب بنت .. وفي يمها بنت حاطه كتاب على ويها
ويدق تليفون على خالد
خالد : نعم مريم
مريم : خلك يم سيارتي احرسها وانا رايحه لي البيت واخلي السايق يجيبها اليوم البيت وانت خلك يمها لا تنسرق اوكي
خالد : مريم مريم .. ابي اقولج شي ( وتسد التليفون ) وحس خالد انه حركته الي سواها مو حلوه
الساعه 9 بليل وفي غرفة خالد وكان يدرس لي اختبار وكان باله مشغول في مريم .. لانه كان يدق عليها ولا ترد عليه
دق التليفون ولا مريم
خالد : بسرعه يمسك تليفون .. هلالالالالالالالالا والله شفيج جنج زعلتي مني انا كنت اضحك وياج
مريم : خالد .. خلاص نبي نفترق ولا توقع مني ادق عليك مره ثاني .. خالد صدقني لي مصلحتك .. انساني يا خالد .. وسكرت التليفون
ولحظتها خالد انصدم وايد وتحسف على اللي سواه .. بس فكر في كلامها وحس في شعور انه في سر كبير .. وتم غايب عن الجامعه اسبوع
وبعد اسبوع رد لي جامعه وهو انسان ثاني يكون في المحاظره وباله مشغول وسرحان .. وفي مره وهو ماشي في ممرات الجامعه .. دق التليفون .. ولا بصوت مريم .. وهو كان سرحان ولا حس انه الي تكلمه مريم
مريم : روح لي المكتبه وراح تلقى كتاب على الطاوله الي قدامك لما تدش المكتبه .. اسمها 20 خطوه كي تصبح رجل مثالي
وراح خالد لي مكتبه ولقى كتاب ولا تدق عليه مريم
مريم : ها لقيته
خالد : اي
مريم : راح تلقى كتاب في صفحه مجفوسه من فوق .. اقراء السطر 13 ورد علي.. ولا لقى الصفحه مجفوسه في نص كتاب وفي سطر 13 لقى مكتوب وراى كل رجل مثالي مراء مثاليه
ويدق عليها .. وهو يضحك .. جان تقول له هذي انا .. شنو رايك
خالد : احبك يا مريم
مريم : تسكت .. ولا ترد عليه وكانه في حالت صدمه
وبغير شعور صرخ فيه حبها وهو في وسط المكتبه لي درجه انه الي موجودين في مكتبه ضحكوا عليه
مريم : انت شنو سويت يا خبل
خالد : ( وهو يركض براء المكتبه ) ما ادري حسيت من داخلي ودي اصرخ فيها .. والله احبك .. ولا حسيت في غلاتج ومحبتي لج لين ما قلتي خلاص نبي نفترق .. امانه يا مريم لا رد لي .. والله احبك
مريم : خالد .. والله العظيم ما ادري شنو اقولك .. انت اربكتني حيل لي درجه اني ابي ارد لي بتي ما اقدر اقعد في الكليه احس اني ابي اطير من .. ..... وتسكت .. مع السلامه
خالد : كمليه
مريم : مع السلامه تكفى والله منحرجه
خالد : مع السلامه
ساعه 5 العصر
كان خالد جالس على الكمبيوتر يكتب بحثه .. ويدق التليفون ولا اسم مريوووم طالع على شاشة التليفون
خالد : هلا والله في الغاليه .. توج على بالي
مريم :جذاب .. على بالك وانت قاعد تكتب على الكمبيوتر شنو قاعد تكتب ؟
خالد : اي قاعد اكتب اسمج
مريم تضحك) عيار والله عيار .. محد قالك عيار قبل هذه مره ؟
خالد : لا انتي اول وحده تقولينها .. وشحلاتج وانتي تقولينها
مريم : صج ايل خلاص ابي اشيل اسمك من رقم تليفوني عندي واكتب عيار لايق عليك مو ؟
خالد : حيل وانا ابي اشيل اسمج .. واكتب حبيبتي .. لايق عليج مو؟
مريم تسكت ) لا مو لايق .. خله مثل ما هو وانت شنو كاتب اسمي قبل ؟
خالد : كاتب مريوووم .. وقبل كنت كاتب ازعاج ( ويضحك )
مريم : لا والله .. يعني انا قبل كنت ازعاج عليك !!!
خالد : اي والله كنت ازعاج بس حلو .. يا حلات ازعاجك .. وايد احبه .. واحبج انتي بعد
مريم : اه اه والله ما ادري شنو اقول لك .. بس المهم سويت جدولك حق الكورس الياي
خالد : شحقه .. مو بداء الكورس الياي
مريم : يا حبيبي في شي اسمه تسجيل مبكر .. لازم تسجل الحين المواد الي راح تدرسها في الكورس الياي ان شاء الله .. الو الو .. شفيك ساكت
خالد : قوليها مره ثانيه ؟
مريم : شنو اقول؟؟؟
خالد : حبيبي .. امانه قوليها مره ثانيه لما قلتيها مدري شنو صار فيني
مريم : ساكته
خالد : وينج شفيج ساكته ؟؟؟
مريم : خالد صدقني مدري شلون قلتها .. مدري شلون طلعت من لساني
خالد: لانه طالعه من قلبج وكلام القلوب دايم صادق .. وانا والله احبج صج ما عمري شفتج
بس حبيتك.. احبك يا مريم
مريم : اقول خلاص عاد لا تحرجني زياده المهم انا راح احاول اخلي جدولك مثل ساعات جدولي علشان اقدر اشوفك فيه .. مو انت ملعوزني كل شوي ملحق وراك
خالد: خايفه علي ؟؟
مريم : اي اخاف عليك
خالد : ولا خايف انه تي واحده وتاخذك مني
مريم : ياليت
خالد : شنو طايح في جبدج انا سحبي لو سمحتي
مريم : ما راح اسحبها .. وياليت تي بنت حلال الي تاخذك مني . . وتريحني .. من عذابي
خالد : ( بغضب ) يعني انا عذابج .. خلاص نتفرق ومع السلامه
ويجلس خالد زعلان وطفران من الي قالته مريم عليه .. وتدق مريم عليه
مريم : اقول لا تعصب ما ويهك .. شكلك مو حلو .. صدقني انت فهمتني غلط .. بس راح يجي يوم وراح تعرف قصدي .. وشنو عذابي .. بس الحين ابي اخليك وادق عليك بليل وعطيك جدولك واقولك متى تروح تسجل اوكي
خالد : ( بدون نفس) اوكي
مريم : الله ياخذك شحلاتك وانت معصب
خالد يقاطعها ) وياخذج وياي
مريم : ( تضحك) زين يالله اقلب ويهك مع السلامه
وتسكر مريم التليفون .. ويجلس خالد يفكر بلي صار .. وشنو قصدها في الكلام كله .. وتي الساعه 9 ودق مريم .. ويطلع على تليفون خالد حبيبتي ويعرف مريم داقه ولا يرد عليه وتستمر تليفون يدق ساعتين وتدز مريم رساله لي خالد ( خالد انا عارفه انك عند التليفون رد علي ابي اكلمك ) ولا يرد خالد .. ما يعرف ليش ما قدر يرد عليها .. وتدز رساله ثانيه .. ( خالد تكفى رد علي .. والله العظيم ما اقدر امسك روحي من البجي .. حرام عليك ردي علي) .. ويحن قلب خالد ويرد عليها
مريم : ( وهي تبجي ) شفيك خالد شنو سويت لك شفيك ما ترد علي لين الحين زعلان . والله العظيم يا خالد انت ما تدري ( وتسكت وتبجي )
خالد : مافي شي خلاص بس كنت بعيد عن التليفون ولا شفته .. وكنت ناسيه على صامت
مريم : جذاب .. لا تجذب علي انت زعلان .. خالد خالد .. ما ادري شنو اقول مع السلامه
ساعه 12 بليل
تدق مريم على خالد ويرد خالد على طول
مريم : ( ساكته )
خالد : هلالالالالالا مريوووووووووم .. والله مشتاق لج وايد
مريم : تشتاق لك عافيه .. بس خالد
خالد : لا بس ولا شي انسي كل شي
مريم : ( تمسح الدموع الي على خدها ) احبك يا خالد
خالد : نعم ما اسمع ؟؟
مريم : احبــــــــــــــــــــــ ـــك والله العظيم احبك
خالد : هم انا احبـك واموت فيج
مريم : المهم خلنا من هذا كله .. شوف خذ مني هذا الجدول .. وهذه ساعات .. وعلى فكره خليت لك يوم الاربعاء فاضي علشان تريح .. شنو رايك فيني مو خوش بنت
خالد : والله .. يا بعد روحي .. الله يعطيج عافيه والله بس عسى ما تعبناج مريم : الا تعبتنا ونص وهديت حيلي تعرف شنو سويت علشان اخلي جدولي نفس جدولك انا شويه وتنبط عيوني .. والله يعيني بس .. بس شي حلو ان محاظرات انجليزي كلها وياك .. هاهاهااه .. وفيك خير خل عينك تروح على بنت مني ولا مني
خالد : انا.. اذا سويته قومي وهفيني باكبر شي يمج
مريم : لا سمله عليك .. وانا اقدر ما يهون على قلبي
خالد : يا بعد قلبي انتي
مريم : فديتك والله .. المهم ابي اخليك ونام الحين وباجر الساعه 8 الصبح روح لي تسجيل اوكي .. يالله تصبح على خير يا غالي
خالد : تلقين كل خير يا عمري
وتسد التليفون وبعد ثواني تدق مره ثانيه
خالد : هلا مريم
مريم : خلوود والله ما صبرت على فراقك .. انت فيك نوم تكفى قول لالالا
خالد : ( يضحك ) لا ما فيني نوم
مريم : قطت ويه صح .. عادي فري كويت .. بس والله ما اقدر اخليك خنا نقعد نسولف شوي لين يجينا نوم .. ويتمون يسولفون لين انقطع الخط ويدق على خالد عليها ولا يطلع خطها مقطوع .. وبعد خمس دقائق تدق من تليفون بيتهم .. وتسلوف يوها ساعه وينقطع خط خالد .. ويدق عليها من تليفون بيته .. ويقول ممبروك حياتي اصلا تليفوني مافيه رصيد
مريم : اوووه من ربع رصيد انت مسيكن والله
خالد : اي انتي من ربع فاتوره اشوفه مقطوع
مريم : خلودي انا قبل لا اعرفك اذا وصلت فاتورتي في شهر 40 دينار تكون معجزه وانا من اول ما عرفتك وفاتورتي في ارقامي فلكيه .. شكبره .. الله يعين امي علي الود وده تذبحني
خالد : لا سمله عليج
مريم : تخاف علي
خالد : اذا ما خفت عليج اخاف على منو ايل
مريم : ايل تستاهل اعبي رصيدك انطر علي ادز دريول الجمعيه الحين هي مفتوحه 24 ساعه
خالد : لالالا .. مريم
مريم : انطم بس انطرني لا تنام .. اوكي وتسد تليفون
بعد ربع ساعه
تدق مريم على خالد
مريم : قوه عساني ما طولت عليك
خالد : لا انا اصلا نمت لين دقيتي علي
مريم : عفيه وانا سهرانه .. اي لنا الله .. بس والله لعلمك يا خالد يا ولد ام خالد سهران وياي اليوم
خالد : خلاص
مريم : اقول انت جم تعبي رصيدك
خالد : هيييي .. ولد فقاره يعني خمس دينارين وفي العيد عشره
مريم : ( تضحك ) يعني تعايد روحك .. زين ما عمرك عبيت ثلاثين دينار
خالد : هااااا فال الله ولا فالج اعوذ بالله ليش
مريم : ( تضحك) صج ولد فقاره .. خذ ايل وسجله في تاريخ حياتك
خالد : ايل لحظه ابي اشيك على رصيد .. اااااااااااااااالله شنو هذا
مريم : ثلاثين دينار . .. بس وحياتك اطلع من عينك
خالد : شنو مذله .. ( ويضحك)
مريم : خالد انت غالي والغالي لي غالي
خالد : تسلمين لي والله
ويتمون يسولفون لين الصبح لين راح خالد لي جامعه وهو سهران وتمو في خط السريع يسولفون لين وصل لي جامعه
خالد : مريووووووم الحين انا رايح لي تسجيل اوكي اخليج ونامي اوكي .. وقوميني الساعه 4 العصر لاني ابي اسجل ورد لي بيت
مريم : اوكي حبيبي دير بالك على عمرك ولا تسرع تراني كنت اسمع صفارت السرعه واقولك هدي وانت مطنش .. تكفى لا تنسى
خالد : اوكي
مريم : ايل بحفض كريم
خالد : مع السلامه
ويسجل جدوله ويستانس انهم قبلوا ساعات انجليزي خاف انه تسكر الشعب ولا يقدر يتم ويه مريم .. صج انه ما شافها ولا راح يعرفها لو كان في السكشن الي فيه مريم بس كان وده يكون قريب منها لانه كل يوم صار يتعلق فيها زياده
الساعه اربع العصر
مريم : الووووووووو حبيبي وينه ؟؟
خالد : ( توه قايم ) هلا حبيبتي كاني موجود
مريم : تصحصح حياتي الساعه اربع زين تلحق على الدراسه .. يالله ما نبي تكسل لزم تنهي الكورس هذا بتفوق حياتي اوكي
خالد : اوكي
مريم : اخليك حياتي تسبح وتنشط واكل لك لقمه .. والساعه 9 بليل اكلمك اوكي يالله مع السلامه
خالد : مع السلامه
بليل الساعه 9
مريم : الوووو شلونك حبيبي
خالد : طيب .. وانتي شلونج
مريم : الحمدلله .. شنو سويت في تسجيل حياتي .؟؟
خالد : الحمدالله سجلت وبعد اقبلوا انجليزي يعني انا وياج في انجليزي
مريم : والله زين زين .. ايل عيني عليك يا ويلك انك تفكر تطالع بنت مني ولا مني
خالد : زين مريم انتي مو خايفه اني اقدر اعرفج لانه الكورس الياي راح يقل العدد و وانتي وصفتي لي شكلج
مريم : زين انه يت منك ما حبيت اقوله لك انا
خالد : شنو؟
مريم : لا تحول انك تدور علي يا خالد لانه لحظتها بسرعه تقدر تعرفني لانه نظراتي لك راح تفضحني .. ارجوك يا خالد في الكلاس خلك ويه روحك لا تلفت وتدورني .. لانه لو عرفتني راح نفترق يا خالد
خالد : لالالا خلاص صدقيني من اول ما ادش الكلاس لين اطلع عيني في الارض
مريم : ( تضحك) أي جي عفيه عليك
ويستمر الكلام لين اخر الليل ويوم وراى يوم وينتهي كورس ويبداء كورس وحب خالد لي مريم كل يوم يزيد ويتعلقون في بعض اكثر واكثر .. مريم تحب خالد من كل قلبها وخالد ما بخل عليه في حبه .. لين جاء يوم كان يوم ما راح ينسى خالد طول عمره
خالد : الووو وينج مريم ليش غايبه اليوم
مريم : ( بصوت حزين ) هلا خالد وانت شنو دراك اني غايبه ليكون انت عرفتني وخاش عني .. بس ما يهم خلاص
خالد : لا والله انا احس فيج اليوم وانا في محاظرت انجليزي ما حسيتج في قربي حسيت شي ناقص مني .. والله ضاقت فيني الدنيا .. شنو صار فيج حياتي
مريم : انا يا خالد
خالد : ( يقاطعها) وشنو قصدج بعد في ما يهم خلاص ؟؟؟ شنو صار يا مريم تراج خرعتيني شنو فيج ؟؟؟
مريم : خالد ما ادري شنو اقولك .. ياليت خليت حبي لك في قلبي وسكت بس انا كنت انانيه .. ( وتبجي وتسكر التليفون )
تم خالد يتصل عليها طول اليوم لين الفجر .. ردت عليه
خالد : انتي شنو فيج شنو صاير سهرتيني معاج وانا علي اختبار
مريم : روح ادرس يا خالد
خالد : ما ابي ادرس في اول ابي اعرف شنو صار فيج
مريم : خالد انا منملج علي من انا عمري 17 سنه على ولد خالتي .. وامي عزمت خلاص تزوجني انا كنت صغيره لما ملجو علي ولا كان احد شاغل قلبي ولا همني اخذ ولد خالتي ولا غيره .. بس لما شفتك في الجامعه اول مره مدري شنو صار فيني حسيت انك خذيت قلبي ومشيت
خالد : ( ساكت )
مريم : خالد لا تسكت تكلم .. امانه لا تسكت تكلم .. لا تخليني جي خالد حرام عليك
خالد : مريم وبعد شنو ودج تقولين
مريم : خالد انا احبك والله العظيم احبك والله الي خلقني احبك اموت فيك .. صدقني عمري ما بداء الا يوم عرفتك احبك وراح اتم طول عمري احبك .. خالد انا كان ودي ما تعلق فيني كان ودي انك تعرف على وحده غيري بس شنو اسوي .. خالد صدقني ما قدرت امنع روحي عنك لما عرفت رقمك .. خالد انت انت .. ما ادري شنو اقول
خالد : شنو بعد تقولين .. حرام عليج
مريم : خلاص لا تقول جي .. انا الي سويته كان قصبن عني لاني حبيتك والله العظيم حبيتك من كل قلبي بس امي خلاص معنده انه اتزوج ولد اختها الله ياخذه يا رب
خالد : لا تدعين على ريلك
مريم : مو ريلي ولا ابيه ابيك انت خالد انت الوحيد الي ابيه الي حبيته ولا ابي غيره .. خالد شنو رايك انحاش وياك ونتزوج .. خالد انا ما اقدر اصبر يوم عنك
خالد : لا وشنو ذنب امج تبين تذبحينها
مريم : وهي ذبحتني الف مره لما زوجتني لي ولد اختها .. وراح اموت مليون مره لو ابتعدت عنك
خالد : مريم .. طلبتج .. وامانه لا ترديني لو انتي تحبيني لا ترديني
مريم : ( تمسح دموع الي على خدها ) يا عيون مريم وروحها وحياتها .. امرني
خالد : انسيني ولا تدقين علي
مريم : ( تنصدم ) خالد انت شنو قاعد تقول
خالد : هذا طلبي ومع السلامه يا مريم
اها مرت اسنين وانتي على بالي ما نسيتج يا مريم وتخرجت وانتي في بالي ولا حبيت احد غيرج يمكن انتي الحين خلاص نسيتين وانشغلتي في حياتج ويقاطع تفكيره رنت تليفون ولا رقم غريب
خالد : الو
مريم : ممبروك على التخرج يا خالد
خالد : ( وتنزل دمعت الفرحه من عينه ) منو مريم
مريم : أي مريم .. الي ما نستك ولا لحظه
خالد : انتي وينج ؟؟؟
مريم : انا طول عمري قريبه منك طالع قدام وراح تشوفني
ويطالع خالد من دريشة سياره قدامه ولا في سياره فورد زرقاء فيه بنت بس ما قدر يشوف ملامحها عدل وينزل ويروح لها
خالد : هذه انتي يا مريم
مريم : أي هذه انا .. شلونك خالد
خالد : ما شاء الله عليج كل سنه تحلين اكثر .. لو ادري انه يوم من ايام كنتي حبيبتي كان
مريم : ( تقاطعه) ولا زلت يا خالد احبك
خالد : تكفين ما ودي افضح عمري واناقز في الشارع من الفرحه
مريم: ( تضحك) الله يقطع ابليسك .. أي صج ما عرفتك على عيسى .. عيسى يمه تعال قرب .. ويقرب عيسى من كشن وراني ولا الولد ماخذ حلات امه كلها وكان يشبه امه حيل
مريم : هذا عيس ولدي
خالد : ماشاء الله عليه مزيون .. طالع على امه
مريم : وعلى ابوه الله يرحمه
خالد : الله يرحمه .. مات متى.؟؟؟
مريم : من ست اشهر .. الله يرحمه في حادث
خالد : الله يرحمه .. مريم انا من طبعي ما احب مقدمات ولا شي .. مريم انا تخرجت مهندس .. لو اتقدم لج موافقه ؟؟
مريم : يا خالد بس ولدي
خالد : حسبت ولدي .. ها شنو رايج ودي تكمل فرحتي
مريم : بس يا خالد
خالد : لا بس ولا شي خلصيني
مريم : ( تبتسم ) افكر
وتزوج خالد من مريم .. ولكن كان خالد عقيم .. ورضوا كلهم في عيسى ورباه خالد احسن تربيه وكان حسبت ولده ويكبر عيسى ويتزوج من زميلته في الجامعه بس ما عانه مثل ما عانه خالد ويه امه .. لانهم تفاهموا الموقف وعرفوا ان الحب اثمن شي في الوجود
المعذره .. طولت عليكم</font></strong></font>
رد مع اقتباس
مواقع النشر (المفضلة)