ماذا تفعل أذا عرفت(...)وماذا تفعلين اذا عرفتي(...)

**بن دبي** · 04-09-03 ||, 09:26 PM

أول شي ... مشكورة على هذا الموضوع .....

ثانيا أنا لازم أرضى بنصيبي و بقسمة ربي ..... هذا المكتوب ..... و بعدين زوجتي مستحيل أطلقها لو أنها عاقر
شو يعني هذا الشي موبيدها ...... و بعدين انا ما بتزوجها إلا لأني احبها ........ و بكون راضي فيها .... بأي شكل من الأشكال

مشكورة ....أخوج ولد الروح

**بن دبي** · 04-09-03 ||, 09:28 PM

بصراحة اول مرة اعجز عن الرد
يعني اذا كنت بحبها مستحيل طلقها
واذا هي بعمرها ماجرحت شعوري مستحيل اجرح شعرها واتزوج عليها واقهرها
وانا لسا ماعندي خبرة يعني مااقدر اجاوب على هالسؤال حتى انحط بالموقف وقرر
لان اي قرار بقولو هلق رح يكون عاطفي جدا اما وقت اللي بكون امام الامر الواقع
بختار القرار اللي بناسب الظروف وعلي وعلى اعدائي
وشكرا
سفير الحب <img src="http://oasis.bindubai.com/emoticons/inlove.gif" border=0>

**وردة الحب** · 04-09-03 ||, 10:53 PM

انا عن نفسي ما راح اطلب الطلاق .. بخليه يأخذ عليــــــه
حرام احرمه من العيــال .. ( ادري ان قضاء وقدر وهذا مكتوب علينا ) ..
بس اذا كان يبي يتزوج فوالله ما عندي مانع .. بالعكس راح افرح به .. وانا بنفسي اللي بخطبه له اذا كان يبي ..
واذا كان ما يبي عادي بخليه ع راحتــه ..
وسعاااااادته من سعادتي .. وحزنه من حزني... وفرحه من فرحي ..
والسموحه منج ..
وموضوعج وايد حلوووو <img src="http://oasis.bindubai.com/emoticons/smile.gif" border=0>

**بن دبي** · 04-09-03 ||, 11:09 PM

هذا قضاء الله وقدره يعني شو بدي اسوي غير ادعي ربي و اصبر و ما اعرف صعب انسان يتخلى عن واحد يحبه بعد عشرة عمر <img src="http://oasis.bindubai.com/emoticons/inlove.gif" border=0>

**نجود** · 05-09-03 ||, 12:35 AM

مستحيل مستحيل مستحيل
ما بطلب الطلاق........صحيح العيال مهمين....بس مب اهم عن ابوهم.......الاب والام هم الاصل والاطفال هم الفرع.......
فمستحيل اخلي الاصل علشان الفرع  <img src="http://oasis.bindubai.com/emoticons/smile.gif" border=0>
وانا راضية بحكم الله.......منو يدري اني لما بطلب الطلاق وخذت واحد ثاني ويبت عيال انهم ما بيطفروني وبيذبحوني بعقوقهم لي......قدر الله وماشاء فعل

مشكورة اختي

نجود <img src="http://oasis.bindubai.com/emoticons/blush.gif" border=0>

**لمّــاح** · 05-09-03 ||, 12:59 AM

السلام عليكم ..

تسلمين اختيه على موضوعج ..

انا عن نفسي ما بطلقها .. و مابعرس عليها .. <img src="http://oasis.bindubai.com/emoticons/smile.gif" border=0>

**شمعة أمل** · 05-09-03 ||, 01:02 AM

لا اكيد مابطلب الطلاق اصلن لازم احمد ربي انه حد خطبني وعرسني مب لا ماشي بطلق اكييد بتم وياه وهو اصلن بيحتاجني حليله بيتضايق<img src="http://oasis.bindubai.com/emoticons/blush.gif" border=0>

**عين الدماني** · 05-09-03 ||, 05:33 AM

وفيــــــت
العفو حبوبه و أنا بدوري أشكرج على مرورج و مشاركتج
فعلا الأطفال زينة الحياة لكن أحيانا يطلعون العيال على عكس ما يتمناهم الأهل يعني يكونون عاقين لهم و ما يحترمونهم و.. و.. و.. و..و أشياء كثيره نسمعها في هالزمن و العياذ بالله مره الواحد يسمع عن ولد شال امه و ابوه و فارنهم في دار العجزه و الثاني شال ابو و جاتلنه و فارنه عند درام الزباله ((كرمتوا)) و حده ناسيه امها و ابوها و لاهيه في الدنيا و متاعها.. 
بس ما نقول غير الله يرزق الجميع بالذريه الصالحه

بهجة الروح
الله ايسلمج الغاليه
أهنيج على رايج هذا في انج ما تطلبين الطلاق و مثل ما قلتي هالشي بيد الله و سبحان الله عسى أن تكرهوا شيئا و هو خيرٌ لكم
تسلمين ع الرد

اسهر معي ليله
عليك السلام اخوي
صح كلامك والله.. الواحد مايروم يعترض على القضاء و القدر و كل اللي يقدر ايسويه هو انه يصبر و يتريا الفرج و إذا الله كاتب انه ايكون عنده عيال فا مافي أي شي يقدر يمنعه..
والعفو ذوقك الحلو اخوي

منصوري الدوله
هنيئا لي أنا على ردك الحلو هذا أشكرك اخوي
أهل الواحات ناس والنعم فيهم والله و ما أستغرب منهم تمسكهم بأزواجهم و زوجاتهم مهما كانت الظروف.. 
و أما عن تعليقي على كلامك فأنا معك في أن ترضى بما كتبه الله لك و عسى أن تكرهوا شيئا و هو خيرٌ لكم
و بالنسبه لشغفك للعيال و عدم قدرتك على إخفاء هذا الشي عن الزوجه فأنا أظن انه من الأفضل تبني طفل و تربيته حتى إن لم يستطع هذا الطفل أخذ مكان الإبن الحقيقي.. فأنت في نفس الوقت ستقوم بكفالة يتيم، قال رسول الله صلى الله عليه و سلم: ((أنا و كافل اليتيم في الجنة هكذا. و أشار بإصبعه السبابة و الوسطى))
و يسعدني انك تطرقت لنقطه أود الكلام عنها و هي مجتمعنا و كلام الناس الذي لا يرحم يعني صراحه التنغّيز هذا يأثر عالحرمه و الريال لكن الحرمه أكثر و يخليهم يعيشون في جو كئيب و ساعات يضطرون انهم يحبسون عمارهم في بيتهم بس عسب ما يسمعون الرمسه اللي تقطع القلب و تثير قهرهم
 و عن وجهة نظري في الموضوع يقولها عقب ما أرد عالأضاء
شكلي طولت عليك وايد المهم تسلم على ردك الرائع و إبدائك لرأيك بكل صراحه و تشرفني مشاركتك في موضوعي

**عين الدماني** · 05-09-03 ||, 05:34 AM

الحلوه
هلا اختي.. تسلمين ع المشاركه
شي وايدين شرات الناس اللي من أهلج اللي قلتي عنهم صبروا و تحلوا بالإيمان و ما نسوا ربهم و بالمقابل ربهم ما نساهم
و أقرب مثل لها الشي:
دعا زكريا ربه، وناداه نداءً خفياً، قال: {قَالَ رَبِّ إِنِّي وَهَنَ الْعَظْمُ مِنِّي وَاشْتَعَلَ الرَّأْسُ شَيْبًا وَلَمْ أَكُنْ بِدُعَائِكَ رَبِّ شَقِيًّا * وَإِنِّي خِفْتُ الْمَوَالِيَ مِنْ وَرَائِي وَكَانَتْ امْرَأَتِي عَاقِرًا فَهَبْ لِي مِنْ لَدُنْكَ وَلِيًّا * يَرِثُنِي وَيَرِثُ مِنْ آلِ يَعْقُوبَ وَاجْعَلْهُ رَبِّ رَضِيًّا} [مريم: 4-5-6].

ولد الروح
لا شكر على واجب اخوي..
مشكور على مشاركيك و على رايك و تفكيرك بالهطريقه الصيحيحه
و إذا كل واحد سار و طلق حرمته عسب انها ما تييب عيال عيل جان وايدين من البنات انتها بهم المطاف مطلقات و في بيوتهم و أنا يسعدني اني أشوف الكل متمسك بحرمته أو ريلها.. ما ينخاف عليم والله

سفير الحب
فعلا الموضوع حساس جدا و من حقك أن تقف حائرا و لا تعرف بماذا تجيب
و الإجابه على هالسؤال تعتمد الموقف اللي بيكون في الشخص و على اسلوب الزوجه معا يعني إذا كانت انسانه تستاهل انه يقضي بقية حياته معها و بدون أطفال فأكيد انه راح يتمسك بها أما إذا كانت زوجه لا تستحق هذه التضحيه فأظن انه الشخص راح ايفكر بحلول اخرى
شكرا على مشاركتك

وردة الحب
تسلمين الغاليه على الطله الحلوه
و بصراحه نادر ما الواحد ايحصل وحده تفكر بضحيه كبيره مثل تضحيتج مهما ايكون صعب انه الحرمه تسير و ادور بنفسها حرمه ثانيه حق ريلها فعلا موقف صعب 
ياحظه ريلج اللي بياخذج صراحه<?xml:namespace prefix = o ns = "urn:schemas-microsoft-com:office:office" /><o:p></o:p>

**عين الدماني** · 05-09-03 ||, 05:36 AM

المحرومه العيناويه
صح كلامج الواحد ما بيده إلا الصبر و الدعاء و الإنسان بطبيعته حساس و صعب عليه انه يتخلى عن أحبابه
تسلمين ع المشاركه الطيبه

نجود
هلا والله اختي الغاليه حياج في الموضوع
ماشاءالله متمسكه برايج و بقوه بعد
صدقتي الأصل هو دائما الأهم بس بعد جو اليهال غير و الإحساس بالأمومه شي جميل 
إذا أراد الله شي يقول له كن فيكون

المنحوس
الله ايسلمك اخوي و مشكور على مشاركتك 
و انت مثل أهل الواحات كلهم طيب.. و ما بتتخلى عن مرتك

بنت بدويه
مشكوره ع المشاركه و رايج الصريح و فعلا الزوج في هاللحظه راح ايكون في أمس الحاجه لمرته

**نبراس الليل** · 05-09-03 ||, 05:57 AM

مشكورة على هالموضوع

الله يعافي جميع المسلمين اذا كانت زوجتي صالحه وانا عشت ايام حلوة معاها مستحيل اطلقها او اتخلى عنها بسبب شي من مشيئه الله سبجانه وتعالى
بالعكس بحطها على راسي ومابخليها تحس ان فيها عقم بعاملها مثل ماكنت اعاملها قبل مااعرف الخبر واذا كانت راضيه على زواج من ثانيه فهذاخير
وبتزيد محبتي لها .........<IMG src="http://oasis.bindubai.com/emoticons/love.gif" border=0>الله يرزقنا بالذريه الصالحة   واترك الاراء للاخوان ...

طارق

**عين الدماني** · 06-09-03 ||, 12:03 AM

طارق
تسلم اخوي ع المرور و المشاركه
و ماشاءالله عليك متفاهم و من النوع اللي يقدر الزوجه و يحترمها..

**ولد عيمان** · 06-09-03 ||, 03:55 PM

ماذا تفعل أذا عرفت أن زوجتك التي عشت معها أكثر من خمس أو ست سنين عاقر ! هل راح تطلقها .. بكل سهوله .! أو راح تتزوج عليها..؟
 

لا طبعا ماراح اتزوج عليها شي ربي كاتبنه ليش اكون حقود ترى بعد بتكون عندها حرمتي احاسيس وغيره اجرح شعورها واخليها عايشه ف عذاب نفسي ف سبيل وناستي انا
طبعا غلط وانا مابغي اسوي شي غلـــظ <img src="http://oasis.bindubai.com/emoticons/cool.gif" border=0>

**عين الدماني** · 11-09-03 ||, 05:16 PM

ولد عيمان
تسلم اخوي على مرورك و مشاركتك..
و زين يوم فكرت بهالطريقه..
فعلا الحرمه مابيدها شي تسوي هذا كله من رب العالمين

أتمنى
تسلمين لي غناتي على مرورج مره ثانيه
أكيد الكلام وايد أسهل عن الفعل.. صعب انه الواحد ايكون قول و فعل و خاصتا في هالظروف والمواقف المشابهه
ماشاءالله عليج انسانه فاهمه و مستعده لتضحبه في سبيل سعادة ريلج

**عين الدماني** · 11-09-03 ||, 05:35 PM

أما أحلين فا بحط وجهة نظري في السالفه مثل ما طلب مني اخوي منصوري الدوله (هههه أدري اني طولت وايد بس شو أسوي كنت أتهرب من الرد صراحه.. ماحب أنحط في هالموقف لكن ما قدرت أردك اخوي والله)
ماعلينا ما بطول السالفه

صراحه هالسؤال صعب وايد بالنسبه لي و الإجابه ع السؤال صعبه
وأنتي يافتاه يامجموعة احاسيس مرهفه.. اذا عرفتي ان زوجك الذي عاش معك بكل الاوقات .. زوجك عقيم ! شو راح تكون ردة فعلج معقول طلب الطلاق ؟!
يمكن هيه و يمكن لا و هذا يعتمد ع ريلي طبعاً
فاذا كان الزوج من النوع الذي يقوم برعاية حقي من جمبع الجوانب بما يرضي الله ولم أرى منه ما يكرهني واذا كنت سعيدة معه ويمكن أن أتجاهل شعور الأمومة وأبقى الى جانب زوجي فسوف أضحي..
و في نفس الوقت ما بخلي ايحس بأنه عاجز و طبعا ما بعايره مووول و مستعده اني أواجه كلام أهلي و كلام الناس كلهم و ماعليه من حد
و بصراحه ماروم أطلب منه الطلاق للأسباب التاليه:
ففي هذا المجتع الذي نحن نعيش به ليس من السهل حمل لقب مطلقة حيث أنه ينظر اليها بنظرة مختلفة.. فسوف أضطر الى التفكير الف مرة قبل طلبي هذا سواء كان يعاملني بحق أم لا
وبعض الرجال لايمكن أن يتزوج من أمرأة تخلت عن زوجها من أجل الأنجاب حيث يعتقد اذا تركت زوجها من أجل ذلك فماذا سوف يحدث معه هو
و أما إذا كان ريلي انسان غير متهفاهم و مب مرتاحه ويا و ما كان يحترمني صراحه بطلب الطلاق.. عسب هالشي انا أعتبره بيكون رحمه من الله تعالى أحسن من اني أعيش ويا شخص ما يعرف حقوقه و أتعذب طول عمري ويا... على شو و هو ما يستاهل..

ماقدرت أقول انه أنا ما بترك ريلي بدون توضيح الأسباب عسب الواقع أصعب بكثيييير لكن الرمسه سهله

هذا هو رأيي في الموضوع
تحياتي
عين الدماني

آخـــر الــمــواضــيــع

الموضوع: ماذا تفعل أذا عرفت(...)وماذا تفعلين اذا عرفتي(...)

أدوات الموضوع

عرض

معلومات الموضوع

الأعضاء الذين يشاهدون هذا الموضوع

مواقع النشر (المفضلة)

مواقع النشر (المفضلة)

ضوابط المشاركة