ماذا تفعل أذا عرفت(...)وماذا تفعلين اذا عرفتي(...)

**بن دبي** · 13-09-03 ||, 12:43 AM

إحم إحم.........

شوفوا يمكن يكون ردي غريب.....

بس إختلاف وجهات النظر لابد منه.......

بالنسبة إذا الزوجة هي اللي كانت عاقر .....

فإذا هو يبي يعرس برايه.........

بس طلباتي راح تتضاعف.........بصراحه

لكن إذا كان العيب في الزوج.......

والله خير وبركة .......

نحن اشلنا في صدعة الراس وصياح اليهال وغير الحمل والولادة وتربيتهم والعناية بهم ومصاريفهم وتعليمهم وتمشياتهم وألعابهم وطلباتهم وتفهيمهمووووالخ خـــــــــــــيــــــــــ ـبــــــــــــــــــته  وفي الناهية ماتدري إذا بيعقوك في دار العجزة أو لا!!!

وفي الختام الله سبحانه وتعالى ما يظلم حد وكل شي قضاء وقدر

تحياتي.........ز

**منصوري الدوله** · 12-09-03 ||, 10:18 PM

<img src="http://oasis.bindubai.com/emoticons/smile.gif" border=0>الفاضلـــه ( عين الدماني )
اشكرج لتلبية الطلب ...
وممنونج يالفاضلـــه<img src="http://oasis.bindubai.com/emoticons/smile.gif" border=0>

**عين الدماني** · 11-09-03 ||, 07:50 PM

عيون الليل
أشكرج حبوبه علاى مشاركتج في الموضوع و طرحج لرأيج بكل صراحه
و انا وياج انه الكلام شي و الفعل شي ثاني و حتى انا قلت نفس الكلام..
بس أحيانا الزوج ايكون مب مقصر في شي مول لدرجة انه ما يستاهل انج تترمينه و نا يهون عليج بعد
عالعموم هاي كلها آراء و الموضوع طرح للنقاش..

**عيون الليل** · 11-09-03 ||, 06:04 PM

ماشاء الله

الكل طلع شهم... <img src="http://oasis.bindubai.com/emoticons/rock.gif" border=0>
 اخواني واخواتي مثل ما قالت احدى الاخوات... الفعل شي والكلام شي اخر...
الانسـان اناني بطبعه... وبالذات الرياييل اخ منهم <img src="http://oasis.bindubai.com/emoticons/mad.gif" border=0>
الحيـن لو الريـال حرمته طلعت عاقر بيسير وبيتزوج عليها.... ولو هو طلع عقيم هي حليلها بتسكت وما بتقول شي ...
بس انا بكســــر القاااعده .. نياهاهاهاهاي <img src="http://oasis.bindubai.com/emoticons/devil.gif" border=0> ... وبطلب الطلاق...

شو اسوي انا انسـانه صريحه... لانه لا ابا اشوفه هو محروم من العيال ولا ابا اشوف عمري محرومه من العيال.. ولا ارضى بحرمه غيري <img src="http://oasis.bindubai.com/emoticons/glare.gif" border=0> وانا ع ذمته...

الله يرزقنا جميعاً بالذريه الصالحه...

والسموحه....

اختكم... عيون الليل <img src="http://oasis.bindubai.com/emoticons/smile.gif" border="0" valign="absmiddle" alt=':)'>

**عين الدماني** · 11-09-03 ||, 05:35 PM

أما أحلين فا بحط وجهة نظري في السالفه مثل ما طلب مني اخوي منصوري الدوله (هههه أدري اني طولت وايد بس شو أسوي كنت أتهرب من الرد صراحه.. ماحب أنحط في هالموقف لكن ما قدرت أردك اخوي والله)
ماعلينا ما بطول السالفه

صراحه هالسؤال صعب وايد بالنسبه لي و الإجابه ع السؤال صعبه
وأنتي يافتاه يامجموعة احاسيس مرهفه.. اذا عرفتي ان زوجك الذي عاش معك بكل الاوقات .. زوجك عقيم ! شو راح تكون ردة فعلج معقول طلب الطلاق ؟!
يمكن هيه و يمكن لا و هذا يعتمد ع ريلي طبعاً
فاذا كان الزوج من النوع الذي يقوم برعاية حقي من جمبع الجوانب بما يرضي الله ولم أرى منه ما يكرهني واذا كنت سعيدة معه ويمكن أن أتجاهل شعور الأمومة وأبقى الى جانب زوجي فسوف أضحي..
و في نفس الوقت ما بخلي ايحس بأنه عاجز و طبعا ما بعايره مووول و مستعده اني أواجه كلام أهلي و كلام الناس كلهم و ماعليه من حد
و بصراحه ماروم أطلب منه الطلاق للأسباب التاليه:
ففي هذا المجتع الذي نحن نعيش به ليس من السهل حمل لقب مطلقة حيث أنه ينظر اليها بنظرة مختلفة.. فسوف أضطر الى التفكير الف مرة قبل طلبي هذا سواء كان يعاملني بحق أم لا
وبعض الرجال لايمكن أن يتزوج من أمرأة تخلت عن زوجها من أجل الأنجاب حيث يعتقد اذا تركت زوجها من أجل ذلك فماذا سوف يحدث معه هو
و أما إذا كان ريلي انسان غير متهفاهم و مب مرتاحه ويا و ما كان يحترمني صراحه بطلب الطلاق.. عسب هالشي انا أعتبره بيكون رحمه من الله تعالى أحسن من اني أعيش ويا شخص ما يعرف حقوقه و أتعذب طول عمري ويا... على شو و هو ما يستاهل..

ماقدرت أقول انه أنا ما بترك ريلي بدون توضيح الأسباب عسب الواقع أصعب بكثيييير لكن الرمسه سهله

هذا هو رأيي في الموضوع
تحياتي
عين الدماني

**عين الدماني** · 11-09-03 ||, 05:16 PM

ولد عيمان
تسلم اخوي على مرورك و مشاركتك..
و زين يوم فكرت بهالطريقه..
فعلا الحرمه مابيدها شي تسوي هذا كله من رب العالمين

أتمنى
تسلمين لي غناتي على مرورج مره ثانيه
أكيد الكلام وايد أسهل عن الفعل.. صعب انه الواحد ايكون قول و فعل و خاصتا في هالظروف والمواقف المشابهه
ماشاءالله عليج انسانه فاهمه و مستعده لتضحبه في سبيل سعادة ريلج

**نبراس الليل** · 05-09-03 ||, 05:57 AM

مشكورة على هالموضوع

الله يعافي جميع المسلمين اذا كانت زوجتي صالحه وانا عشت ايام حلوة معاها مستحيل اطلقها او اتخلى عنها بسبب شي من مشيئه الله سبجانه وتعالى
بالعكس بحطها على راسي ومابخليها تحس ان فيها عقم بعاملها مثل ماكنت اعاملها قبل مااعرف الخبر واذا كانت راضيه على زواج من ثانيه فهذاخير
وبتزيد محبتي لها .........<IMG src="http://oasis.bindubai.com/emoticons/love.gif" border=0>الله يرزقنا بالذريه الصالحة   واترك الاراء للاخوان ...

طارق

**عين الدماني** · 05-09-03 ||, 05:34 AM

الحلوه
هلا اختي.. تسلمين ع المشاركه
شي وايدين شرات الناس اللي من أهلج اللي قلتي عنهم صبروا و تحلوا بالإيمان و ما نسوا ربهم و بالمقابل ربهم ما نساهم
و أقرب مثل لها الشي:
دعا زكريا ربه، وناداه نداءً خفياً، قال: {قَالَ رَبِّ إِنِّي وَهَنَ الْعَظْمُ مِنِّي وَاشْتَعَلَ الرَّأْسُ شَيْبًا وَلَمْ أَكُنْ بِدُعَائِكَ رَبِّ شَقِيًّا * وَإِنِّي خِفْتُ الْمَوَالِيَ مِنْ وَرَائِي وَكَانَتْ امْرَأَتِي عَاقِرًا فَهَبْ لِي مِنْ لَدُنْكَ وَلِيًّا * يَرِثُنِي وَيَرِثُ مِنْ آلِ يَعْقُوبَ وَاجْعَلْهُ رَبِّ رَضِيًّا} [مريم: 4-5-6].

ولد الروح
لا شكر على واجب اخوي..
مشكور على مشاركيك و على رايك و تفكيرك بالهطريقه الصيحيحه
و إذا كل واحد سار و طلق حرمته عسب انها ما تييب عيال عيل جان وايدين من البنات انتها بهم المطاف مطلقات و في بيوتهم و أنا يسعدني اني أشوف الكل متمسك بحرمته أو ريلها.. ما ينخاف عليم والله

سفير الحب
فعلا الموضوع حساس جدا و من حقك أن تقف حائرا و لا تعرف بماذا تجيب
و الإجابه على هالسؤال تعتمد الموقف اللي بيكون في الشخص و على اسلوب الزوجه معا يعني إذا كانت انسانه تستاهل انه يقضي بقية حياته معها و بدون أطفال فأكيد انه راح يتمسك بها أما إذا كانت زوجه لا تستحق هذه التضحيه فأظن انه الشخص راح ايفكر بحلول اخرى
شكرا على مشاركتك

وردة الحب
تسلمين الغاليه على الطله الحلوه
و بصراحه نادر ما الواحد ايحصل وحده تفكر بضحيه كبيره مثل تضحيتج مهما ايكون صعب انه الحرمه تسير و ادور بنفسها حرمه ثانيه حق ريلها فعلا موقف صعب 
ياحظه ريلج اللي بياخذج صراحه<?xml:namespace prefix = o ns = "urn:schemas-microsoft-com:office:office" /><o:p></o:p>

**شموخ** · 04-09-03 ||, 09:15 AM

مشكوره اختي عين الدماني على الموضوع
انا بالنسبه لي مستحيل اتخلى عن زوجي عشان هالسبب
مع ان الاطفال نعمه وزينة الحياه
بس مهما كان هو بعد شو ذنبه اذا القدر حكم عليه بقسوه
ويمكن يكون هذا بلاء من عند رب العالمين يمتحن فيه عباده
وفي هالوقت هو بيكون محتاج لي اكثر من قبل محتاجلي اوقف وياه وخفف عنه
فاعتقد انه من عدم الوفا والاخلاص اني اتخلى عنه في مثل هالموقف

أختـــــــــــــــج
وفيـــــــــــت<img src="http://oasis.bindubai.com/emoticons/inlove.gif" border=0>

**المزيوونه** · 17-09-03 ||, 07:13 PM

عني انا.. عمري ما بتخلى عنه حتى لو كان فخاطري ياهل.. انسان شاركني فالحلوه والمره وتبوني اخليه..

مستحييل ما اعتقد.. <img src="http://oasis.bindubai.com/emoticons/smile.gif" border=0>

وتسلمين الغاليه ع الموضوع المفنتك..

**مراحب** · 18-09-03 ||, 01:59 AM

لا ماراح اطلب الطلاق و بتوكد على الله و بدعي الله ان يرزقني لاني اعرف وايدين لازم يكون عندهم عيال اكبر منا بس الله بس الله رزقهم بعيال ...

**ولد الحكومة** · 18-09-03 ||, 02:14 AM

<img src="http://oasis.bindubai.com/emoticons/smile.gif" border=0> اول شيء اشكرج من كل اعماق قلبي يا الغاليه  " عين الدماني " وموضوعج فعلاً يستحق النقاش......

والله اول شيء هذا نصيب وقدر ، يعني الانسان ما عنده شيء ايسويه غير ان يستعين بالله ....
و ما داوم احنا انحب بعض ومرتاحين ، ليش اطلقهاااا .......

تسليمن اختي ع الموضوع

**عين الدماني** · 17-09-03 ||, 05:56 PM

راقصة الباليه
هلا حبوبه
تسلمين لي الغاليه على مرورج و طرح رايج في السالفه
صدق قرارج غريب.. مع انه كل وحده تتمنى انها تكون أم مافي انسانه تستانس إذا انحرمة من الشعور بالأمومه..
بس انتي الظاهر ماشيه على الثل اللي يقول "خالف تعرف" هههه اتمصخر وياج الغاليه.. هذا رايج و انتي حره فيه و كل الآراء ع العين و الراس
و شكرا ع المشاركه مره ثانيه

**عين الدماني** · 06-09-03 ||, 12:03 AM

طارق
تسلم اخوي ع المرور و المشاركه
و ماشاءالله عليك متفاهم و من النوع اللي يقدر الزوجه و يحترمها..

**عين الدماني** · 05-09-03 ||, 05:33 AM

وفيــــــت
العفو حبوبه و أنا بدوري أشكرج على مرورج و مشاركتج
فعلا الأطفال زينة الحياة لكن أحيانا يطلعون العيال على عكس ما يتمناهم الأهل يعني يكونون عاقين لهم و ما يحترمونهم و.. و.. و.. و..و أشياء كثيره نسمعها في هالزمن و العياذ بالله مره الواحد يسمع عن ولد شال امه و ابوه و فارنهم في دار العجزه و الثاني شال ابو و جاتلنه و فارنه عند درام الزباله ((كرمتوا)) و حده ناسيه امها و ابوها و لاهيه في الدنيا و متاعها.. 
بس ما نقول غير الله يرزق الجميع بالذريه الصالحه

بهجة الروح
الله ايسلمج الغاليه
أهنيج على رايج هذا في انج ما تطلبين الطلاق و مثل ما قلتي هالشي بيد الله و سبحان الله عسى أن تكرهوا شيئا و هو خيرٌ لكم
تسلمين ع الرد

اسهر معي ليله
عليك السلام اخوي
صح كلامك والله.. الواحد مايروم يعترض على القضاء و القدر و كل اللي يقدر ايسويه هو انه يصبر و يتريا الفرج و إذا الله كاتب انه ايكون عنده عيال فا مافي أي شي يقدر يمنعه..
والعفو ذوقك الحلو اخوي

منصوري الدوله
هنيئا لي أنا على ردك الحلو هذا أشكرك اخوي
أهل الواحات ناس والنعم فيهم والله و ما أستغرب منهم تمسكهم بأزواجهم و زوجاتهم مهما كانت الظروف.. 
و أما عن تعليقي على كلامك فأنا معك في أن ترضى بما كتبه الله لك و عسى أن تكرهوا شيئا و هو خيرٌ لكم
و بالنسبه لشغفك للعيال و عدم قدرتك على إخفاء هذا الشي عن الزوجه فأنا أظن انه من الأفضل تبني طفل و تربيته حتى إن لم يستطع هذا الطفل أخذ مكان الإبن الحقيقي.. فأنت في نفس الوقت ستقوم بكفالة يتيم، قال رسول الله صلى الله عليه و سلم: ((أنا و كافل اليتيم في الجنة هكذا. و أشار بإصبعه السبابة و الوسطى))
و يسعدني انك تطرقت لنقطه أود الكلام عنها و هي مجتمعنا و كلام الناس الذي لا يرحم يعني صراحه التنغّيز هذا يأثر عالحرمه و الريال لكن الحرمه أكثر و يخليهم يعيشون في جو كئيب و ساعات يضطرون انهم يحبسون عمارهم في بيتهم بس عسب ما يسمعون الرمسه اللي تقطع القلب و تثير قهرهم
 و عن وجهة نظري في الموضوع يقولها عقب ما أرد عالأضاء
شكلي طولت عليك وايد المهم تسلم على ردك الرائع و إبدائك لرأيك بكل صراحه و تشرفني مشاركتك في موضوعي

آخـــر الــمــواضــيــع

الموضوع: ماذا تفعل أذا عرفت(...)وماذا تفعلين اذا عرفتي(...)

أدوات الموضوع

عرض

Hybrid View

معلومات الموضوع

الأعضاء الذين يشاهدون هذا الموضوع

مواقع النشر (المفضلة)

مواقع النشر (المفضلة)

ضوابط المشاركة