<font color='#728FCE'><font color=#003399><font size=3><strong>هلا حبايبي
وصلنا انه وعد يابت شوق وكانت شوق نسخة من أمها ......في العيون والشفايف حتى الحركات والدلع.....
شوق كانت تموت في أمها ووين ما تسير أمها هيه وياها...... (تذكرون أن وعد كانت تراسل أخت سعود) توطدت علاقتهم وقاموا يكلمون بعض وستوو أكثر من الخوات....بس طبعا أخت سعود ما كانت تييب طاري أخوها جدام وعد..... أخت سعود اسمها مريم وهيه ماخذه ولد عمها...إلي هو أخو مرت سعود (وعلى فكره مرة سعود أسمها وفاء)
المهم نرد للقصه ......مريم غزمت وعد على عيد ميلاد بنتها موضي وأكيد وعد مابترد مريم وسارت هيه وشوق.
وصلت القاعه اللي فيها العيد ميلاد..... ويلست ويا بنتها وكلوا الكيك وعطوا موضي هديتها......وسارن شوق وموضي يلعبون بروحهم.....ووصلوا عند باب القاعه ...فطلع في ويهم سعود وشلهن وقام يلعب وياهن.... ومن حط عينه بعين شوق حس انه حاط عينه بعين وعد ....مع انه مايعرف شوق ولا يعرف منو أمها......سألها: شو أسمج يا حلوة؟
شوق: أنا شوق وأمي يايه وياي.....شوفها.....هذي.....نزلت من على حضنه وسارت عند أمها ومسكتها من أيدها ويابتها عند سعود....
سعود شاف وعد وماعرف شو يسوي....... وعد وقفت مصدومه انه بنتها يابتها للشخص اللي كانت امها تحبه...... وبكل جرأه
وعد: هلا سعود شخبارك وأخبار وفاء
سعود: هااااااا. هيه بخير وسهالة....وانتي شو اخبارج
وعد: بخير....شفت بنوتي الحلوة شوق؟
سعود: انا من شفتها حسيت انها ماخذه كل شي منج......
وتدخل وفاء بينهم : سعود. أوه اسمحولي ما كنت ادري ان العيد ميلاد تحول لحفلة عشاق.
يستغرب سعود من وفاء لانه يعتقد انها ما كانت تعرف شي..... طلعت أم سعود مخبرتنها ومنبهتنها من هذا الموضوع.
سعود: وفاء شو هالكلام هذي ربيعة مريم
وفاء: عليه هالكلام... انا ادري انها كانت حبيبتك
وعد: اسمحولي انا طالعه..... خذت شوق وروحت البيت
وهيه في السيارة كانت تصيح من الموقف اللي صار.... ولان شوق أول مره تشوف أمها تصيح حضنتها وتمت تصيح معاها......
وصلوا البيت ، وأول ما فتحت الخدامه الباب ركضت شوق عند أبوها حمد تصيح.... وكان حمد يموت في شوق وما يحب يشوفها متكدره....اتريا وعد علشان تقول شي بس شاف عيونها مدمعه
حمد: حبيبتي شو فيج.... ليش اتصيحين...... وعد كانت ميوده عمره واول ما حضنها حمد وحست انه في حد وياها في هاي الدنيا صاحت....
وعد: ماشي حبيبي بس عيوني تعورني....ما ادري شو دخل فيها.
حمد: أشوف عيونج..... فديت هالعيون ....حلوات حتى وهن مدمعات.
اليوم الثاني اتصلت مريم بوعد علشان تتأسف منها..... وفي نفس الوقت اللي شلت فيه وعد التليفون ريلها شل السماعه الثانية بالغلط..... وكان بسكر بس سمع اسمحيلي وعد عالموقف...فسمع كل الكلام..... وعرف الموضوع.....
تتوقعون شو اللي صار ........<img src="http://oasis.bindubai.com/emoticons/oo.gif" border=0>
وللحديث بقية............
تحياتي</strong></font>
</font>
<img src="http://oasis.bindubai.com/ubbc/smileys/0088.gif" align=absmiddle border=0> <font color=#ff0000 size=3><strong>مــونــامــور</strong></font> <img src="http://oasis.bindubai.com/ubbc/smileys/0088.gif" align=absmiddle border=0></font>
رد مع اقتباس
مواقع النشر (المفضلة)