<font color='#728FCE'><font size=3><strong>مرحبا
وصلنا عند انه وعد بالمستشفى والدكتورة تبغي اتولدها.
وعد: لا دكتورة، صبري شوي على الاقل لازم اتصل بزوجي
الدكتورة : عندج لين باكر بس لان اذا كبر الجنين انتي بتتعبين اكثر
سارت وعد البيت وعلى طول اتصلت بحمد.. لكن محد يشيل التليفون.... واتصلت بأمها وخبرتها بالسالفه
أم وعد: وعد شو بتسوين الحين، لازم تكونين بالمستشفى ،،، وريلج خليه عليه
وعد: انشاء الله امي ، الحين بمر عليج
أم وعد: حاسبي ولاتخلين السايق يسرع، كأن أم وعد كانت حاسه بشي.
وهم متوجهين لبيت أم وعد ، وعد بدت اتحس بألم وكل شوي يزيد،، السايق من الخوف سرع وهو عند اللفه طلع له واحد وذرب سيارة السايق وانجلبوا.....
نقلوهم المستشفى ودخلوا وعد غرفة العمليات وشلوا الجنين لانه مات... ووعد خلوها في العنايه اسبوع..... في هذا الاسبوع حمد كان كل يوم يتصل ابيت ومحد ايرد عليه ويتصل على بيت أم وعد وبعد محد يرد عليه..... تم حمد يحاتي ويفكر ليش محد يرد..... أكيد في شي
وحجز له ورجع البلاد.... وأول ما وصل البيت ما لقى سيارة السايق فقال اكيد بيت امها.... سار على طول بيت امها وبعد ما لقا حد في البيت بس سأل الجيران وقالوا له اللي استوى
سار على طول المستشفى ولقى ام وعد يالسه وتصيح..... فستر صوبها وهو خايف.....
حمد: شو صار فيها؟؟؟
ام وعد: وعد تعبانه لان الجنين مات في بطنها.
حمد: شقايل مات....ما يصير انا بشوف الدكتورة وبعرف السالفه
سار عند الدكتورة وسألها عن سالفه الجنين.... قالت انه قلبه كان ضعيف والجنين يحس باللي يصير حواليه ..... مات من الخوف لان وعد كانت خايفه.... فخوف وعد أثر عليه....على العموم الله يعوضكم بغيره... كفايه انه عندكم بنوته حلوة
حمد اذكر شوق اللي كان ناسنها من كثر ما كان يحاتي وعد وطلع يركض عند ام وعد: عمتي وين شوق؟
ام وعد: في البيت عندنا...
حمد: بس انا دقيت الجرس ومحد طلعلي.... انا بسير اشوف شوق وراجع..... وطلع حمد من المستشفى وسار عند بيت عمته ام وعد.... دق الجرس لكن محد كان يطلع له... وجرب يتصل تليفون مره ومرتين وثلاث بس الرابعه حد شله وسكت وحمد يقول ألو ألو ردوا وفجأه يطلع صوت شوق: بابا
حمد من الفرحه ما عرف شو يقول سكر التليفون وسار عند الباب وعفد وفتح دريشة الصاله وحصل شوق يالسه اتشوف التلفزون ومحد وياها
شل بنته وسار المستشفى وشافت ام وعد انه مضايج فسألأته : شو فيك
رد حمد: شوق بوحها في البيت وين الخدامه عنها
ام وعد: والله مادري ياولدي.... يمكن تطبخ....
حمد: المهم عمتي بسير اشوف وعد وراجع خلي شوق عندج
وسار حمد صوب وعد وشاف انها كانت تبتسم فمسك ايدها وتم يقرا وهو يصيح عليها..... ويقول لازم اتقومين نحن محتاييلج...
مر شهر على هالحال.... وفي يوم اتصل الدكتور تليفون لحمد وقال له تعال نباك.... سار حمد المستشفى وهو يحاتي واول ما وصل شاف الدكتور يضحك وقال اول ما فتحت عينها قالت ابغي حمد
حمد: والله وينها
الدكتور: في هذي الغرفه...تعال بوديك
ساروا عند وعد ودخل عليها حمد وحضنها وهو يصيح وقول: والله الدنيا ما تسوى شي بدونج يا ام شوق.
وعد: انا آسفه عاللي صار
حمد: افا عليج... بتعوضيني بغيره.... صح؟
وعد نزلت راسها وهيه عيونها تدمع وبنفس اللحظة تدخل ام وعد ويا شوق.... وعد من شافت شوق نست كل شي ..... ويلست ترمس ويا امها وحمد... وطلبت من حمد انه يطلعها بس الدكتور ما كان راضي..... فتمت وعد اسبوع في المستشفى علشان يطمنون على حالتها.... ورجعت البيت وهيه مستانسه بس اتفاجأت انه البيت متروس باقات ورد...... وسألت الخدامه منو اللي يايبنهن قالت مادري.....حمد كأنه حس بشي وقال يالله خلينا نتغدا الحين ونامي علشان الوالده بتي تتحمدلج على السلامه.
الساعه 7 دق جرس الباب وسارت شوق تفتح الباب ويا الخدامه ..... ووعد كانت في المطبخ تتأكد انه الاكل جاهز...... دخلت عمتها أم حمد مع خوات حمد وسلوا عليها ويلسوا يسولفون ونزل حمد من الغرفة ويلس وياهم ..... ومر اليوم بسرعه......
اليوم الثاني طلع حمد من الصبح علشان يحجز للسفر وهي المره بسفر وعد وشوق وياه...... وبعد يومين سافروا..... وتموا هنام شهرين ..... ووعد بالها عند امها... كل يوم تتصل فيها وتتطمن عليها....... وعد من كثر ما كان حمد طيب وياها ويحبها نساها حبها القديم سعود.... وهيه لانها بنت طيبه وماترضى الغلط.....ما تمت تفكر في سعود لانها حست انه مالها حد غير حمد (زوجها)
انشاء الله القصه عجبتكم
تحياتي</strong></font>
<img src="http://oasis.bindubai.com/ubbc/smileys/0088.gif" align=absmiddle border=0> <font color=#cc0000 size=3><strong>مونامور</strong></font><img src="http://oasis.bindubai.com/ubbc/smileys/0088.gif" align=absmiddle border=0></font>
رد مع اقتباس
مواقع النشر (المفضلة)