<font color='#728FCE'>
<font size=3><strong>مرحبا.....
وين وصلنا.....أمممممممممم
هيه وصلنا عند حمد اللي سمع كل الكلام اللي انقال........ نزل من الطابق الثاني عند وعد وسألها منو عالتليفون.
قالت وعد: هذي ربيعتي مريم تسأل عني لاني طلعت من العيد ميلاد بدون ما اودعها.....تذكر لان عيني كانت تعورني.
حمد: أوكيه حبيبتي خاطري اتعشى وياج في مطعم....
وعد: خلاص اليوم بفضي حالي علشان اطلع وياك..... وبلبس شوق احلى لبس عندها.
حمد: لا شوق خليها عند امج...لانه ما ابغيها تخرب علينا الطلعه
وعد: استغربت... اوكيه على راحتك.
طلع حمد من البيت وقال لوعد تراني 8 المسا بكون موجود بالبيت يعني ارجع تكونين خالصه
وعد: ان شاء الله
جلس حمد في السيارة وهو يفكر شقايل بيفتح الموضوع لوعد وبقول انه سمع كل الكلام.
طاف الوقت واستوت الساعه 7.45 وهو بعده يفكر انه وعد حبيبته وزوجته كانت تحب شخص ثاني... وهو يقول ليش ما قالت لي .
وصل البيت وهو يحاول يخبي ضيجه..... آلو وعد خلصتي انا تحت اترياج.
دقيقة وطلعت وعد وهي تضحك..... حمد شو السالفه تبى ترجع لايام الملجه....ههههه
حمد: هيه ليش فيها شي... ولا حرام.. تدرين انه مالي حد اغلى منج ومن شوق. على فكره انته طرشتيها بيت امج.
وعد: انا بروحي وديتها... وكسرت خاطري ... يلست تصيح .
حمد: ...............
وعد: شفيك... في شو تفكر .
حمد: ها لا فديتج ماشي بس الشغل شوي يباله تركيز وانا هالايام احس نفسي مرهق..
وعد: شو رايك ناخذ أجازة أنا وأنته؟
حمد: فكره ...خلاص بشوف متى اقدر آخذ أجازة وبقولج.
وصلوا المطعم ويلسوا يطلبون الاكل، وكل واحد فيهم يختار للثاني. وفجأه تسكت وعد وتنزل راسها، لانها شافت سعود ياي نفس المطعم ويا وفاء.
حمد: شو فيج ليش سكتي؟
وعد: لا ماشي.
قام حمد يلتفت وشاف واحد يطالع ، وسألها انتي ستحيتي من الريال؟
وعد: هيه
وشوي وسمع وفاء تقول لسعود: حتى هني لاحقتنك، اكيد انته قايللها.
سعود: اشششششش. عيب عليج الحرمه يايه ويا ريلها وبعدين خفي صوتج عن يسمعج ريلها.
وفاء: ليش دام انك مومسوي شي ليش تخاف.
حمد ألتفت صوب وعد وسألها: تعرفينهم هذيل؟
وعد: هيه هذا اخو مريم وهذي حرمته.
حمد: وليش حرمته تقول هالكلام، سمعيني وعد انا يبتج اليوم لاني ابغي اعرف سالفة اخوها... اسمحيلي بس والله اني ما كنت قاصد وقال اللي استوى.
وعد: يعني كنت تجسس عليه. ليش ماشي ثقة
حمد: انا يوم سمعتها قالت اسمحيلي على اللي استوى البارحه قلت لازم اعرف شو اللي كان مصيحنج
وعد كانت عيونها تدمع وماعرفت شو ترد.
حمد نادى القرسون وكلمه على انفراد..... وأشر على السيارة.
ويلس يرمس ويا وعد عن انه لازم الريال والحرمه لازم يكونون صريحين وانه اذا واحد منهم عنده سر لازم يقوله علشان مايكتشف الطرف الثاني هالسر بروحه.... ووعد عيونها تدمع. وقطع كلام حمد القرسون وهو يعطي حمد مفتاح السيارة.</strong></font></p>
<font size=3><strong>حمد: يالله بنروح.. المكان مب مناسب، طلع يمشي وهو يشوف سعود بنظرة حقد.</strong></font></p>
<font size=3><strong>وعد: وين بنسير... تسأل وهي خايفة</strong></font></p>
<font size=3><strong>حمد: بوديج مكان علشان ترتاحين ونعرف نتكلم، ومسك التليفون واتصل لام وعد ألو عمتي ممكن طلب ، بغيتج ترقدين شوق عندج اليوم لانه يمكن نتأخر. وسكر وهو يضحك. وقول لوعد امج تقول هيه عقيتوها عليه وشردتوا. ابتسمت وعد وقالت خلنا نييبها البيت انته تعرف اني ما اقدر ارقد وبنتي مب وياي.... حمد لا والله وانا مالي رب..ريال شو عرض وطولي .... وخله عمره زعلان.</strong></font></p>
<font size=3><strong>وعد: حمد انا مالي غيرك، انته ريلي وبو بنتي..</strong></font></p>
<font size=3><strong>حمد ضحك ومسك التليفون واتصل البيت وطلب الخدامه انها ماتنتظرهم..وتروح تنام. ووصلوا البيت ونزل وهو شايل عشاهم في ايده... انا هالمره طلبتلج على ذوقي وبتكالينه حتى لو مب عايبنج..... يقول هالكلام لوعد وهو يضحك</strong></font></p>
<font size=3><strong>وعد ضحكت ومسكت ايد حمد ومشوا لين الصاله ويلسوا يتعشون ويضحكون وبدوا يتكلمون عن الشغل وعن زواجهم وعن شوق. فانتهز الفرصة حمد وسألها: وعد ممكن تخبريني عن أخو مريم.</strong></font></p>
<font size=3><strong>وعد: <img src="http://oasis.bindubai.com/ubbc/smileys/0078.gif" align=absmiddle border=0> ها.
حمد: قولي لي شو السالفه لاني انا ما احب افكر بطريقتي.
وعد: بقولك بس أتأكد انك من قبل ما تملج عليه انا كنت مودرتنه وبدت تقول السالفه كلها له..
حمد اضايج من شي واحد، انها وافقت عليه علشان تغايظ سعود. بس وعد كانت شاطره وقدرت تخلي الموضوع يمشي عادي يوم قالت له: انا وافقت عليك لاني صليت صلاة الاستخارة واطمن قلبي منك... وقلبي ارتاح لك...فحمد حس انه وعد واقت عليه برضاها.. ومسك ايدها وحب ايدها وقال الله لا يحرمني منج يا أم شوق.
وعد: آمين، قالتها وهيه عيونها تدمع..
مر اليوم على خير وجا اليوم الثاني وصحوا من النوم الساعه 10 واول شي سوا انهم يابوا شوق من عند ام وعد وطلعوا يتريقون. ومارجعوا البيت إلا وقت الغدا ... وشافوا سائق أم وعد عند الباب
وعد: خير أكيد في شي
حمد: لا تقولين هالكلام أكيد امج كانت تحاتينا.
نزلوا من السيارة وفتحوا باب البيت وشافوا أم وعد يالسه تترياهم وطابخه الغدا حقهم... وعد: أمي ليش تعبتي عمرج.. أم وعد: تعبكم راحه بس انتوا ليش ما تردون عالموبايلات... وعد: اسمحيلي أمي بس نحن ما خذنا الموبايلات ويانا.
يلسوا يتغدون ويسولفون لين ما أذن العصر وسار حمد توضا وسار المسيد, واول ما طلع أم وعد سارت عند وعد وسألتها شو السالفه اللي كانت مخلتنهم يخلون شوق عندها....
وعد: والله يا أمي شو أقولج السالفه انه حمد عرف عن سعود ....
أم وعد: شقايل وليكون زعل منج
وعد: هو كان مضايج بس يوم قلت له الصدق وأثبت له اني كنت موافقة عليه برضاي رضى ونسى الموضوع. بس يا أمي أبغيج اذا حمد كلمج في الموضوع تقوليله الصدق ولا تخافين من زعله,,, أم وعد: انشاء الله
مرت الشهور ، وبعد 8 شهور واسبوع بالتحديد::
وعد في المستشفى لانها حامل والدكتورة تبى تطمن على الجنين،،، بس وعد مضايجه لان حمد مسافر عنها في شغل وهيه في حاله تحتاج انه ريلها يكون وياها....
الدكتورة: بصراحه وعد لازم نولدج الحين لان الجنين حجمه كبير وما اعتقد انج بتولدين ولاده طبيعية لازم نسوي قيصرية.
وعد: لا دكتورة ......
وللحديث بقية
تحياتي....
<img src="http://oasis.bindubai.com/ubbc/smileys/0088.gif" align=absmiddle border=0><font color=#ff0000> مونامور</font> <img src="http://oasis.bindubai.com/ubbc/smileys/0088.gif" align=absmiddle border=0></strong></font></p></font>
رد مع اقتباس
مواقع النشر (المفضلة)