<font color='#728FCE'><font size=3><strong>بس خلاص الحلم اللي كانوا يحلمونه اتبدد..........خلاص ......
سكر سعود التليفون وتمت الدنيا ادور فيه لين ما اغمى عليه...... وفي المستشفى كانوا اهله متيمعين في الغرفة ويتريونه اقوم ........ سعود قام يهاذي ( وعد الله يخليج لا تخليني)...... قامت امه تصيح وركضت برع الغرفة واتصلت لوعد ...... وقامت تكلمه بخشونه واتلومها على اللي سوته...
وبعد نص ساعه انفتح باب الغرفة وتدخل وعد وتركض صوبه وتبوسه على راسه وهو مغمي عليه.... وتسير عند ام سعود واتحبها على راسها وهي تصيح وتحلف انها ما كنت تبى تسوي هالشي بس سعود قال انه بيخطب وحده من اهله....
أم سعود استغربت من الكلام اللي قاله ولدها.....واتحرته يبى يخطب بنت عمه صدق...... وبكل خبث قالت لوعد : هيه هو خطبها بس يمكن لانه ما اتوقع انج تملجين بهذي السرعه,.,,,,, وقامت اتلومها اكثر....
طلعت وعد من المستشفى وهي تصيح..... وفجأه يتصل خطيبها فهد: وعد وين انتي امج تقول انج طلعتي من البيت وانتي تصيحين.....
وعد: ها لا بس كنت مصدعه وسرت خذت دوا من الصيدليه...
فهد: اوكيه حبيبتي انا في بيتكم اترياج..... لاني بسير اتغذا وياج<img src="http://oasis.bindubai.com/emoticons/love.gif" border=0>
وعد: اليوم .....لازم يعني...خلها باكر لاني مصدعه <img src="http://oasis.bindubai.com/emoticons/rock.gif" border=0>
فهد: لا حبيبتي انا اليوم عندي لج مفاجئة ولازم تشوفينها....
وعد: أوكيه<img src="http://oasis.bindubai.com/emoticons/glare.gif" border=0>
بعد ربع ساعه وصلت وعد البيت...... وتتفاجأ وتشوف انه سيارة غريبه عندال البيت..... دخلت واول ما فتحت باب البيت لقت فهد وهو يضحك ويا عمته ( أم وعد)
وعد: أمي سيارة منو هاي اللي واقفه برع
أم وعد (تستهبل): وين ....مادري مانتبهت لها......
وعد: وين ما انتبهتي والسيارة واقفه في الكراج...
فهد: خلي السيارة الحين تعالي اباج......بس ممكن اربط عيونج؟
وعد: شو؟؟؟؟؟ <img src="http://oasis.bindubai.com/emoticons/oo.gif" border=0> شو السالفه
فهد : يالله عاد
سار فهد وربط عين وعد ومسكها من ايدها ومشاها لين الحوي (الحوش) وهو يفتح الرباط عين عينها قال: مبروك حبيبتي
وعد: ها هاي السيارة لي؟؟؟؟؟ مو معقوله... ليش تعبت عمرك..... وتحاول تقول حبيبي بس لسانها مربوط لانها ماتوقعت انها بتقولها لشخص ثاني غير سعود. وسكتت
فهد: ماشي كلمة حبيبي؟؟؟؟!!!!!؟
وعد: سوري بس من الفرحه انربط لساني. ( علشان تغطي عالموضوع)
وطلعوا الاثنين وساروا يتغدون في مطعم...... واستانسوا واتمشوا في السيتي سنتر..... وقام يشتري لها اغراض...
رجعت البيت حوالي الساعه 6 المغرب وخذت لها شور وحطت راسها عالمخده ونامت.....
قامت اليوم الثاني وهي تفكر..... شقايل قدرت اتسويها وتوافق عالملجه.....كانت تقدر اطول في الخطبة بس
ويقطع حبل افكارها صوت التليفون وهو يرن
وعد: سعود ليش متصل..... شو يبى....؟
وردت عليه: آلو
سعود: حبيبتي وينج؟
وعد: هلا. شو اخبارك؟ اتكلمه بجفاف لانه ام سعود طردتها من المستشفى
سعود: شو فيج...ليش متغير
وعد: متى بتملج..... يقولون انه خطيبتك حلوة
كلام وعد مثل السم على سعود..... بس كله من امه اللي ما وضحت الموضوع واستغلت الفرصة
سعود: وعد دخيلج كلميني عدل.
وعد: سعود انا مشغوله خطيبي عندي الحين....باي
سكرت التليفون وهيه قلبها يتقطع.... بس لانه كرامتها انكسرت واحست انها رخيصه عند سعود.....لانه هو اللي وبدى وباعها ببنت عمه.
مرت الاسابيع مثل الدهر على وعد لانها ما تعودت انه يمر يوم وما تكلم سعود حبيب قلبها.
اتصل سعود لام وعد وكلمها بالموضوع اللي صار.
سعود: السلام عيج خالو....اسمحيلي ادري انج بتقولين وله ويه يتصل..
أم وعد: عليكم السلام.... افا يا سعود وينك.. شو صاير خبرني.
ويبتدي سعود يقول السالفه لام وعد.........
أم وعد: تصدق اني توقعت هالشي بس وعد وافقت على الريال لانها كانت مضايجه منك..... وكانت تقولي : باعني يا امي ....سعود اللي تقولين انه بيصوني وانج واثقه انه بيسعدني ......باعني....
سعود وعيونه تدمع: والله اني اباها .....حتى لو تطلق الحين باخذها....
أم وعد: لا يسعود انته ما ترضاها .....تبى تطلق البنت علشان تاخذها......انته خلني اكلمها....يمكن نشوف حل.
سكرت أم وعد السماعه وسارت عند وعد: وعد حبيبتي اباج في سالفه.
وعد: انا ادري انه كلمج بس قوليله مب وعد اللي بترضا انها تتهزأ من أمه .....
أم وعد: ليش شو صاير
وقال وعد السالفه لامها يوم سارت المستشفى.... وعلى طول اتصلت لسعود وقالت له انه لا هيه ولا وعد يبون يسمعون صوته......
استوى الكره بين العايلتين....... وازوجت وعد وخذت فهد...... حتى سعود ازوج بعد ما امه غصبته......
مرت سنتين من عمرهم وعد استوت ام ويابت شوق اللي هيه ام سنه...... وسعود ياب ولد وسماه أحمد..........
وللحديث بقيه
تحياتي
<img src="http://oasis.bindubai.com/ubbc/smileys/0088.gif" align=absmiddle border=0>مونامور <img src="http://oasis.bindubai.com/ubbc/smileys/0088.gif" align=absmiddle border=0></strong></font></font>
رد مع اقتباس
مواقع النشر (المفضلة)