<font color='#728FCE'>

<font size=3>المهم وصلنا عند انه وعد اشتغلت وقام سعود يشك فيها...... وعد حاولت ويا سعود انه يشل الشك من قلبه بس هو كان يزيد شكه.... ساعات تتفاجأ انه يترياها عند سيارتها. وساعات يروح لها الدوام ويدخل المكتب بدون ما يتصل.... حاولت وعد وياها لكن ماشي فايده منه........ بعد شهور من الشغل اتقدم لها واحد من الموظفين بس وعد ما وفقت لانها تفكر في سعود وماتتخيل نفسها انها تكون زوجه لريال ثاني... مرت الشهور وصادف انه الموظف اللي كان خاطب وعد موجود في مكتبها.. ودخل عليهم سعود.... استغرب وقال هذي سواياج.... وطلع.

حاولت وعد انها اتفهمه الموضوع بس هو ما كان يرد عليها.... وبعد شهر من المحاوله. اتصل فيها وقال انه بيخطب بنت عمه. ( اتصل وقال هالكلام علشان يغايضها مع انه ما فكر انه يزوج بعد وعد)

من هول الصدمه بغت هيه ترد هالشي عليه.....اتصلت للريال اللي متقدم لها .... ورجع مع اهله واتفقوا على المهر....... ويوم ملجة وعد اتصل سعود لانه شاف البيت منور من الليتات.( اكيد تعرفون اللمبات) المهم سمع صوت وعد وهيه اتصيح وتقوله خلاص انا في عصمة ريال ولا تتصل........... اتفاجأ سعود وقال ليش؟؟؟؟؟؟؟؟ وأنا؟؟؟؟؟؟؟؟؟؟؟؟؟

قالت له انته تقول انك بتخطب بنت عمك......قال: والله اني كنت اقول هالكلام علشان اغايضج بس......</font><img src="http://oasis.bindubai.com/ubbc/smileys/0006.gif" align=absmiddle border=0>

<font size=3>بس خلاص الحلم اللي كانوا يحلمونه اتبدد..........خلاص</font> <img src="http://oasis.bindubai.com/emoticons/sad.gif" border=0></p></font>