<font color='#F52887'>
فديييتكم كللللللكم أعضاء واحاتنا....
بساعد ختيه الدلييعه عين الدماني و بحط لكم التكمله..و باذنها طبعا, لأني قلت لها اني بكمل عنها اذا هي يصير لها فتره ما تحدر,, يعني بنتساعد انا و هي في نشر القصة و انشالله بتعجبكم ...
</p>
<div align=center><font color=red><font face=tahoma><font face="arial black"><font size=4><font color=black><font color=red>" يوم الجمعة الصبح، انتشر الخبر في الجرايد بسرعة كبيرة.. والكل عرف انه التاجر عبد الكريم محمد طلع من البلاد لوجهة غير معروفة.. وترك وراه عشرات الدائنين اللي يتريون استرجاع حقوقهم منه عبر محاكم دبي.. الجريدة كانت مسوية تحقيق كامل عن هالتاجر وممتلكاته وجميع أعماله ومشاريعه ولا زال البحث مستمرا عن الوجهة اللي رحل إليها.. "</font> </font></font></font></font></font>
</div>
</p>
<div align=center><font color=black><font face=tahoma><font face="arial black"><font size=4><font color=black>كانت الصدمة الناتجة عن هالخبر قوية جداً وخصوصا على مبارك اللي نش اليوم الصبح وهو يفكر بكلام سهيل اللي قاله امس ع الغدا.. معقولة كلامه يكون صح؟ ومبارك آخر من يعلم.. ؟؟ وكان مقرر يتصل بمحاميه عقب صلاة الجمعة وعقب ما يتغدى ويا أهله ويسأله عن هالموضوع وكان مقرر بعد اذا طلع الموضوع صج يروح بسرعة ويرفع قضية ضد عبد الكريم.. بس يوم شل الجريدة اللي كانت في الصالة وشاف اللي مكتوب في أول صفحة وبالخط العريض حس انه يبل انهد فوق راسه.. </font></font></font></font></font>
</div>
<div align=center><font color=black><font face=tahoma><font face="arial black"><font size=4><font color=black>ما عرف كيف يفكر وحس بالدم كله يتيمع في ويهه.. كلام سهيل كان صح.. عبدالكريم خلاص راح.. باع كل أسهم المجمع التجاري لشركة أجنبية وخذ البيزات وسافر من دون ما يدفع ولا درهم للناس اللي تعامل وياهم.. </font></font></font></font></font>
</div>
<div align=center><font color=black><font face=tahoma><font face="arial black"><font size=4><font color=black>والشركة الأجنبية أعلنت إنها غير مسئولة عن أي عمل قام به عبد الكريم قبل لا يغادر البلاد.. </font></font></font></font></font>
</div>
<div align=center><font color=black><font face=tahoma><font face="arial black"><font size=4><font color=black>نزل مبارك الجريدة من ايده ويلس يفكر وملامحه تعكس الألم اللي يخترق قلبه مرة عقب الثانية.. ليش جذي؟؟ وين ما يطقها عويه.. ؟؟ العمال اللي هلكوا وهم يبنون المجمع عشان يسلمونه في موعده المحدد.. من وين بيدفع لهم أجورهم؟؟ وشركة الصقر اللي زودته بكل معدات البناء .. من وين بيدفع فواتيره لهم ؟؟ وشركة الخرسانة والمهندسين وغيرهم وغيرهم؟؟ شو بتسوي يا مبارك ..؟؟ من وين بتييب كل هذا؟؟ من وين؟؟ </font></font></font></font></font>
</div>
<div align=center><font color=black><font face=tahoma><font face="arial black"><font size=4><font color=black>تم مبارك يالس في مكانه يفكر وأكثر من مرة كانت الدموع تتيمع في عيونه .. ودش عليه ابوه الصالة وهو على حالته هاذي وسلم عليه ووقف مبارك وحبه على راسه .. وأول ما يلس بوظاعن انتبه لملامح ويه مبارك وعرف انه في شي مستوي.. </font></font></font></font></font>
</div>
<div align=center><font color=black><font face=tahoma><font face="arial black"><font size=4><font color=black>بوظاعن: مبارك؟؟ شو فيك ؟؟ </font></font></font></font></font>
</div>
<div align=center><font color=black><font face=tahoma><font face="arial black"><font size=4><font color=black>اطالعه مبارك بيأس : أبويه انا انتهيت خلاص.. فلست .. انتهيت.. </font></font></font></font></font>
</div>
<div align=center><font color=black><font face=tahoma><font face="arial black"><font size=4><font color=black>بوظاعن (باستغراب وخوف): هاه!!!.. شو تقول انته .. ارمس عدل.. </font></font></font></font></font>
</div>
<div align=center><font color=black><font face=tahoma><font face="arial black"><font size=4><font color=black>تنهد مبارك وخبره السالفة كلها .. من أول الغدا امس ويا سهيل للخبر اللي قراه في الجريدة اليوم .. </font></font></font></font></font>
</div>
<div align=center><font color=black><font face=tahoma><font face="arial black"><font size=4><font color=black>مبارك: هالحيوان التعن في ستين الف داهية وانا هني متوهق ابويه ما اعرف شو اسوي.. </font></font></font></font></font>
</div>
<div align=center><font color=black><font face=tahoma><font face="arial black"><font size=4><font color=black>بوظاعن كانت اعصابه باردة مب شرات مبارك اللي كان يغلي في داخله: هدى اعصابك يا مبارك واسمعني عدل.. </font></font></font></font></font>
</div>
<div align=center><font color=black><font face=tahoma><font face="arial black"><font size=4><font color=black>مبارك : اسمعك ابويه.. </font></font></font></font></font>
</div>
<div align=center><font color=black><font face=tahoma><font face="arial black"><font size=4><font color=black>بوظاعن: أول شي تسويه .. تروح وتقدم شكوى ضده وشرطة دبي ما بتقصر وبترد لك حقك.. ياما استوت قبل وحقك ما بيضيع ان شالله.. </font></font></font></font></font>
</div>
<div align=center><font color=black><font face=tahoma><font face="arial black"><font size=4><font color=black>مبارك: ان شالله ابويه انا اول ما قريت الخبر قلت بقدم شكوى.. </font></font></font></font></font>
</div>
<div align=center><font color=black><font face=tahoma><font face="arial black"><font size=4><font color=black>بوظاعن: وبعدين انا ما بقصر وياك وبساعدك.. حتى لو اضطريت اني ابيع العزبة والمزرعة.. </font></font></font></font></font>
</div>
<div align=center><font color=black><font face=tahoma><font face="arial black"><font size=4><font color=black>اطالع مبارك أبوه بنظرة حزن وحنان.. وقال له: لا يا بوظاعن.. مهما تردت الحالة ما توصل لأنك تبيع العزبة والمزرعة.. انا مستحيل ارضى بهالشي.. </font></font></font></font></font>
</div>
<div align=center><font color=black><font face=tahoma><font face="arial black"><font size=4><font color=black>بوظاعن: شو بسوي بهن .. إذا ما بنفع بهن عيالي شو فايدتهن عيل.؟؟؟ </font></font></font></font></font>
</div>
<div align=center><font color=black><font face=tahoma><font face="arial black"><font size=4><font color=black>مبارك: أبويه لا تناقشني في هالموضوع .. الله بيفرجها .. </font></font></font></font></font>
</div>
<div align=center><font color=black><font face=tahoma><font face="arial black"><font size=4><font color=black>بوظاعن: وانته عندك بيزاتك في البنك تقدر تسد بهن ديونك لحد ما يلاقونه..</font></font></font></font></font>
</div>
<div align=center><font color=black><font face=tahoma><font face="arial black"><font size=4><font color=black>مبارك: أنا استثمرت ملايين في هالمشرروع.. مهما كان المبلغ اللي عندي كبير مستحيل يغطي هالتكاليف..</font></font></font></font></font>
</div>
<div align=center><font color=black><font face=tahoma><font face="arial black"><font size=4><font color=black>بوظاعن: الله يعينك يا ولدي.. </font></font></font></font></font>
</div>
<div align=center><font color=black><font face=tahoma><font face="arial black"><font size=4><font color=black>مبارك: مدري والله اذا الشكوى اللي بقدمها بعد بتنفعني ولا لاء.. ولا عشرين واحد مشتكي عليه..يا ربي شو هالمصيبة اللي حلت على راسي؟؟</font></font></font></font></font>
</div>
<div align=center><font color=black><font face=tahoma><font face="arial black"><font size=4><font color=black>استأذن مبارك من أبوه وراح يقعد في غرفة المكتب.. معقولة يخسر كل شي؟؟ عقب ما خسر مرته وعياله ما بجى له غير شغله يلهيه عن التفكير بهم والحسرة عليهم.. والحين حتى شغله بيخسره.. ما يعرف اذا الله يختبره أو انه يكفر بكل اللي يستوي له الحين ذنوبه في الماضي.. بس في شي واحد مبارك متأكد منه.. إنه بيحتاج حاليا لكل مساعدة يقدر يحصلها .. وغصبن عنه فكر بعبدالله.. يا ترى بيشمت فيه ولا بيشفق عليه؟؟ حس مبارك بالحزن وهو خلاص يحس انه هاذي هي بداية النهاية .. كل شي في حياته بدى ينهدم.. كل شي ابتدى ينهار.. </font></font></font></font></font>
</div>
</p>
<div align=center><font color=black><font face=tahoma><font face="arial black"><font size=4><font color=black>في هالوقت عبدالله وأهله كانوا بعدهم في ليوا وكان عبدالله يالس في الصالة وأمه تحن على راسه ومن الصبح فاتحة له سيرة الزواج.. </font></font></font></font></font>
</div>
<div align=center><font color=black><font face=tahoma><font face="arial black"><font size=4><font color=black>أم أحمد: شو اللي يمنعك؟؟ ما تم حد ما رمس عنك .. وكل حد يزيد رمسة من عنده..</font></font></font></font></font>
</div>
<div align=center><font color=black><font face=tahoma><font face="arial black"><font size=4><font color=black>عبدالله: يعني طول هالسنين وهم يرمسون.. شو اللي بيتغير الحينه؟</font></font></font></font></font>
</div>
<div align=center><font color=black><font face=tahoma><font face="arial black"><font size=4><font color=black>أم أحمد: ما بيتغير شي.. بس بذمتك.. ما تبا تشوف عمرك؟؟ ما تبا وحدة تظويك وتداريك؟؟ معقولة ما تفكر بهالشي؟؟</font></font></font></font></font>
</div>
<div align=center><font color=black><font face=tahoma><font face="arial black"><font size=4><font color=black>عبدالله: أفكر أمايه .. منو قال اني ما افكر..؟ بس خلاص العمر راح وانا كبرت.. خلاص يا أم أحمد لا ترمسيني في هالموضوع.. لا أنا ابا اعرس ولا حد بيرضى يزوجني بنته عقب هالعمر كله.. </font></font></font></font></font>
</div>
<div align=center><font color=black><font face=tahoma><font face="arial black"><font size=4><font color=black>أم أحمد (وعلى ويهها ابتسامة أمل): أنا لقيت اللي تباك وصدقني يا عبدالله انها شاريتك وما تبا أي حد غيرك..</font></font></font></font></font>
</div>
<div align=center><font color=black><font face=tahoma><font face="arial black"><font size=4><font color=black>عبدالله حس انه امه ترمس عن ياسمين وسكت وقرر ما يرد عليها.. ياسمين صح عايبتنه بس مستحيل يتخلى عن مبادئه عشان أي حد.. عبدالله ريال عاش عمره كله بروحه على ذكرى مرته اللي حبها من قلبه .. ليش يغير عادته وحياته الحين؟؟ </font></font></font></font></font>
</div>
<div align=center><font color=black><font face=tahoma><font face="arial black"><font size=4><font color=black>وفي هاللحظة دشت تاميني وفي إيدها الجريدة وخذها عنها عبدالله بلهفة وهو يبا أي شي يشغله عن رمسة أمه اللي كانت مصرة تقنعه برايها.. </font></font></font></font></font>
</div>
<div align=center><font color=black><font face=tahoma><font face="arial black"><font size=4><font color=black>أم أحمد: البنية هاذي ياسمين بنت علي بن يمعة .. بنية ما عليها قصور .. جمال وأخلاق.. ولو انه أمها مول ما تنحب بس انته بتاخذ البنية مب أمها.. وأبوها ربيعك..</font></font></font></font></font>
</div>
<div align=center><font color=black><font face=tahoma><font face="arial black"><font size=4><font color=black>عبدالله كان ساكت ولاحظت أمه انه ويهه تغير .. ما كانت تعرف السبب وانه توه يقرى خبر عبد الكريم في الجريدة وقالت بدون اهتمام: طول عمرك وانته تفكر بنفسك وبس.. متى بتفكر فيني أنا وبتحاول ترضيني؟؟ </font></font></font></font></font>
</div>
<div align=center><font color=black><font face=tahoma><font face="arial black"><font size=4><font color=black>اطالعها عبدالله بعصبية وقال: أمايه الله يخليج اسكتي عني هالسالفة مابا حد يفتحها وياي مرة ثانية.. وان طريتوا لي سيرة العرس بسير وباخذ لي مغربية وبييب لكم اياها في البيت!!!</font></font></font></font></font>
</div>
<div align=center><font color=black><font face=tahoma><font face="arial black"><font size=4><font color=black>انصدمت أم أحمد من أسلوبه وقام عنها عبدالله وسار برى في الحديقة عشان يقرى على راحته الخبر اللي صدمه.. معقولة عبد الكريم سواها؟؟ عبدالله يعرفه زين وعمره ما توقعها منه .. !! وفجأة شهق عبدالله وهو يتذكر إنه مبارك متعاقد وياه في مشروع كبير وهو مشروع المجمع التجاري.. وحس بقلبه يخفق بقوة .. مسكين يا مبارك.. ما ادري كيف بتواجه هالكارثة اللي حلت عليك .. وطلع عبدالله موبايله من جيبه واتصل بسهيل عشان يخبره.. </font></font></font></font></font>
</div>
</p>
<div align=center><font color=black><font face=tahoma><font face="arial black"><font size=4><font color=black>سهيل كان يالس يتريق ويا مرته سلامة وبناته الثنتين موزة اللي كانت هالسنة ثانوية عامة ولطيفة اللي توها داشة الاعدادي.. ومع انه قرى الخبر في الجرايد وكان متظايج من أول ما نش من الرقاد بسبة الرمسة اللي دارت بينه وبين مبارك أمس بس عمره ما حاول اييب شغله وهمومه وياه البيت .. ولا حاول انه يضيج بمرته وبناته عشان شغلات ما يخصهن بها.. </font></font></font></font></font>
</div>
<div align=center><font color=black><font face=tahoma><font face="arial black"><font size=4><font color=black>لطيفة : أبويه.. احم.. ابويه.. </font></font></font></font></font>
</div>
<div align=center><font color=black><font face=tahoma><font face="arial black"><font size=4><font color=black>ابتسم لها سهيل وهو يعرف انها تبا بيزات وسألها: ها لطوف؟؟ شعندج متلخبطة ومب عارفة ترمسين؟؟</font></font></font></font></font>
</div>
<div align=center><font color=black><font face=tahoma><font face="arial black"><font size=4><font color=black>لطيفة: أبويه انا هالمرة مابا بيزات..</font></font></font></font></font>
</div>
<div align=center><font color=black><font face=tahoma><font face="arial black"><font size=4><font color=black>سهيل: لا والله؟ غريبة.. </font></font></font></font></font>
</div>
<div align=center><font color=black><font face=tahoma><font face="arial black"><font size=4><font color=black>اطالعت لطيفة اختها موزة اللي نزلت عيونها على طول وما بجى جدامها الا امها اللي تنهدت وقالت لسهيل: البنات يبن انترنت.. يقولن انه ضروري لدراستهن.. </font></font></font></font></font>
</div>
<div align=center><font color=black><font face=tahoma><font face="arial black"><font size=4><font color=black>اختفت الابتسامة عن ويه سهيل وقال: انا قلت رايي في هالموضوع من قبل.. أي موضوع يحتاجنه بييب لهن عنه كتب بس الانترنت ما يدش بيتي.. </font></font></font></font></font>
</div>
<div align=center><font color=black><font face=tahoma><font face="arial black"><font size=4><font color=black>لطيفة: ليش ابويه ربيعاتي كلهن عندهن انترنت..</font></font></font></font></font>
</div>
<div align=center><font color=black><font face=tahoma><font face="arial black"><font size=4><font color=black>سهيل: انتي غير عنهن.. أنا ادش محاكم واشوف يوميا مصايب يشيب لها شعر الراس وكله بسبة الجات.. </font></font></font></font></font>
</div>
<div align=center><font color=black><font face=tahoma><font face="arial black"><font size=4><font color=black>موزة: أبويه نوعدك انا ما بنحدر الجات.. والله.. </font></font></font></font></font>
</div>
<div align=center><font color=black><font face=tahoma><font face="arial black"><font size=4><font color=black>سلامة: يعني انته ما تعرف تربيتك يا سهيل؟</font></font></font></font></font>
</div>
<div align=center><font color=black><font face=tahoma><font face="arial black"><font size=4><font color=black>سهيل: بناتي والنعم فيهن ماشي مثلهن في هالدنيا كلها.. بس والله انه اللي اسويه عشانكن انتن.. </font></font></font></font></font>
</div>
<div align=center><font color=black><font face=tahoma><font face="arial black"><font size=4><font color=black>لطيفة: ابويه لا تجبرنا نسوي شي من وراك.. انته بروحك تقول لنا انه كل ممنوع مرغوب.. </font></font></font></font></font>
</div>
<div align=center><font color=black><font face=tahoma><font face="arial black"><font size=4><font color=black>ابتسم لها سهيل بحنان وقال لها: معقولة تسوينها من ورايه؟</font></font></font></font></font>
</div>
<div align=center><font color=black><font face=tahoma><font face="arial black"><font size=4><font color=black>استحت لطيفة وقالت: لاء.. مستحيل أسوي هالشي بس بعد ما نبا نحس انه محرومين من شي خاطرنا فيه انته ما عودتنا على جذه.. </font></font></font></font></font>
</div>
<div align=center><font color=black><font face=tahoma><font face="arial black"><font size=4><font color=black>سهيل: خليني افكر.. وبرد عليكم باجر..</font></font></font></font></font>
</div>
<div align=center><font color=black><font face=tahoma><font face="arial black"><font size=4><font color=black>لطيفة: برد اسألك باجر في نفس هالوقت.. </font></font></font></font></font>
</div>
<div align=center><font color=black><font face=tahoma><font face="arial black"><font size=4><font color=black>سهيل: هههههه يصير خير.. </font></font></font></font></font>
</div>
<div align=center><font color=black><font face=tahoma><font face="arial black"><font size=4><font color=black>يوم خلص سهيل جملته اتصل به عبدالله ونش عنهن وسار يرمس في الصالة الثانية.. </font></font></font></font></font>
</div>
<div align=center><font face=tahoma><font face="arial black"><font size=4><font color=black>سهيل: صباح الخير عبدالله .. والله كنت اتريى اتصالك.. </font></font></font></font>
</div>
<div align=center><font face=tahoma><font face="arial black"><font size=4><font color=black>عبدالله: يعني قريت الخبر..</font></font></font></font>
</div>
<div align=center><font face=tahoma><font face="arial black"><font size=4><font color=black>سهيل: أنا من امس اعرف.. ربيعي اللي في التحريات مخبرني..</font></font></font></font>
</div>
<div align=center><font face=tahoma><font face="arial black"><font size=4><font color=black>عبدالله: وليش ما خبرتني.؟؟</font></font></font></font>
</div>
<div align=center><font face=tahoma><font face="arial black"><font size=4><font color=black>سهيل: ما بغيت أخرب عليك وانته في ليوا.. </font></font></font></font>
</div>
<div align=center><font face=tahoma><font face="arial black"><font size=4><font color=black>عبدالله: ومبارك ما تعرف عنه شي؟</font></font></font></font>
</div>
<div align=center><font face=tahoma><font face="arial black"><font size=4><font color=black>سهيل: رمسته أمس.. وحذرته.. ما صدقني.. </font></font></font></font>
</div>
<div align=center><font face=tahoma><font face="arial black"><font size=4><font color=black>عبدالله: ما تقصر يا سهيل .. سويت اللي عليك.. اذا عرفت أي شي يديد خبرني.. والله ما هقيتها من عبدالكريم..</font></font></font></font>
</div>
<div align=center><font face=tahoma><font face="arial black"><font size=4><font color=black>سهيل: عبدالكريم من يومه جبان وما يعرف يتصرف في الازمات.. ويوم زادت ديونه جمع اللي عنده وباع الباجي وهج من البلاد.. أنا كنت متوقع هالشي وعشان جذي ما خليتك تتعامل وياه.. </font></font></font></font>
</div>
<div align=center><font face=tahoma><font face="arial black"><font size=4><font color=black>عبدالله: يحليله مبارك.. </font></font></font></font>
</div>
<div align=center><font face=tahoma><font face="arial black"><font size=4><font color=black>سهيل: عبدالله متى بترد العين؟</font></font></font></font>
</div>
<div align=center><font face=tahoma><font face="arial black"><font size=4><font color=black>عبدالله: عقب الغدا بنرد .. اليهال باجر عندهم مدارس..</font></font></font></font>
</div>
<div align=center><font face=tahoma><font face="arial black"><font size=4><font color=black>سهيل: خلاص نتلاقى عقب صلاة المغرب.. </font></font></font></font>
</div>
<div align=center><font face=tahoma><font face="arial black"><font size=4><font color=black>عبدالله: على خير ان شالله. .</font></font></font></font>
</div>
<div align=center><font face=tahoma><font face="arial black"><font size=4><font color=black>بند سهيل عنه ويلس بروحه يفكر بمبارك بحزن.. اليوم بيرمس عبدالله في موضوع الدمج.. لازم ينقذ مبارك من هالورطة.. سهيل يحب مبارك وايد.. يحب حماسه وغروره وكبريائه.. يحب قناع القسوة اللي على ويهه والطيبة اللي رغم كل شي تشع من ويهه.. يعتبره ولده اللي انحرم منه ويحس انه من واجبه يشوفه ويرعاه.. هو بنفسه ما يعرف سبب هالاحساس.. كل اللي يعرفه انه اذا يقدر يساعد مبارك مستحيل يقصر في هالشي.. </font></font></font></font>
</div>
</p>
<div align=center><font face=tahoma><font face="arial black"><font size=4><font color=black>رد عبدالله الصالة وابتسم يوم شاف امه يالسة بروحها وشكلها مهمومة .. يحليلها وايد قسى عليها بس الله يهديها يوم تحن على الواحد ما تودره الا وهي مطلعة روحه.. </font></font></font></font>
</div>
<div align=center><font face=tahoma><font face="arial black"><font size=4><font color=black>اقترب منها عبدالله ويلس حذالها وهي يوم شافته لفت بويهها الصوب الثاني.. وضحك عبدالله بصوت عالي.. </font></font></font></font>
</div>
<div align=center><font face=tahoma><font face="arial black"><font size=4><font color=black>أم أحمد: بعد تضحك؟؟ </font></font></font></font>
</div>
<div align=center><font face=tahoma><font face="arial black"><font size=4><font color=black>عبدالله: اشوفج تدلعين.. </font></font></font></font>
</div>
<div align=center><font face=tahoma><font face="arial black"><font size=4><font color=black>أم أحمد: أنا ما اتدلع .. تراني صج زعلت.. مب انا اللي تفتن عليه وترمسني جني أصغر وحدة من عيالك.. </font></font></font></font>
</div>
<div align=center><font face=tahoma><font face="arial black"><font size=4><font color=black>عبدالله: اسمحيلي يا أم احمد .. انتي تعرفين مكانتج عندي بس بعد تعرفين انه هالسالفة تظيج بي وايد.. </font></font></font></font>
</div>
<div align=center><font face=tahoma><font face="arial black"><font size=4><font color=black>أم أحمد: خلاص ما بنرمسك مرة ثانية.. </font></font></font></font>
</div>
<div align=center><font face=tahoma><font face="arial black"><font size=4><font color=black>ابتسم لها عبدالله بحزن وقال: وين العيال؟؟ بعدهم رقود؟؟ الساعة الحين عشر.. </font></font></font></font>
</div>
<div align=center><font face=tahoma><font face="arial black"><font size=4><font color=black>أم أحمد: ليلى نشت وسارت تقعدهم.. بينزلون عقب شوي.. </font></font></font></font>
</div>
</p>
<div align=center><font face=tahoma><font face="arial black"><font size=4><font color=black>ليلى كانت فوق تطالع خواتها اللي كانن بعدهن راقدات وتفكر تقعدهن ولا لاء.. أمل كانت راقدة غلط وريولها في بطن سارة وليلى عدلتها مرتين في الليل ويوم ترد تنتبه تشوفها ردت لحالتها الاولية.. وسارة يحليلها من يوم رقدت المغرب ما انتبهت للحين من التعب اللي فيها.. محد أذاها غير خالد اللي كانت ريوله تعوره لأنه مشى وهو حافي ع الحصى ورغم انه ليلى همزت له ريوله بس كان بعده يصيح ويمسح بإيده عليهن ومن كثر ما انكسر خاطر ليلى عليه راحت وصخنت له ماي وسوت له كمادات حارة ويلست تمسح على ريوله لحد ما ارتاح ورقد.. </font></font></font></font>
</div>
</p>
<div align=center><font face=tahoma><font face="arial black"><font size=4><font color=black>ابتسمت ليلى وهي تطالعهم.. وفكرت بكلام ياسمين أمس يوم تقول لها تزوجي ولا تضيعين عمرج .. ليلى كانت مقتنعة انه هالخمسة هم مستقبلها وعمرها.. مستحيل ترضى بأي شي ثاني.. تبا تكون لهم الأم والأخت والصديقة.. تبا تشهد كل مرحلة في حياتهم .. كل حدث مهم أو غير مهم يمر عليهم.. تبا تكون موجودة في أي لحظة يحتاجون لها فيها.. يوم يحتاجون حد يفرح وياهم .. حد يصيحون على جتفه.. تبا تكون هي أول وحدة يلجأون لها .. </font></font></font></font>
</div>
<div align=center><font face=tahoma><font face="arial black"><font size=4><font color=black>كيف تضيع هذا كله عشان ريال أكيد ما بيتقبلهم وبيفرق بينها وبينهم.. ؟؟ </font></font></font></font>
</div>
</p>
<div align=center><font face=tahoma><font face="arial black"><font size=4><font color=black>في هاللحظة رفست أمل سارة بريولها وهي مب حاسة وشهقت ليلى وهي تشوف سارة تقعد وتتحسس بطنها بألم.. ويوم شافت ليلى قامت من مكانها ويت وحطت راسها على ريولها وابتسمت ليلى وشلتها ويلستها في حظنها.. </font></font></font></font>
</div>
<div align=center><font face=tahoma><font face="arial black"><font size=4><font color=black>ليلى: نشيتي؟</font></font></font></font>
</div>
<div align=center><font face=tahoma><font face="arial black"><font size=4><font color=black>سارة (بكسل): هى.. </font></font></font></font>
</div>
<div align=center><font face=tahoma><font face="arial black"><font size=4><font color=black>ليلى: راسج بعده يعورج..؟</font></font></font></font>
</div>
<div align=center><font face=tahoma><font face="arial black"><font size=4><font color=black>سارة (اللي توها تذكرت الالم اللي في راسها): هى يعورني.. </font></font></font></font>
</div>
<div align=center><font face=tahoma><font face="arial black"><font size=4><font color=black>ليلى: حبيبتي انتي.. باجر بتسيرين الروضة ويا لولة.. </font></font></font></font>
</div>
<div align=center><font face=tahoma><font face="arial black"><font size=4><font color=black>سارة: ماباها تسير وياي.. </font></font></font></font>
</div>
<div align=center><font face=tahoma><font face="arial black"><font size=4><font color=black>ليلى: هههههه .. حرام ليش؟ </font></font></font></font>
</div>
<div align=center><font face=tahoma><font face="arial black"><font size=4><font color=black>سارة: بس خليها اتم في البيت اروحها.. </font></font></font></font>
</div>
<div align=center><font face=tahoma><font face="arial black"><font size=4><font color=black>أمل (اللي نشت وسمعتهم): بسير غصبن عنج.. </font></font></font></font>
</div>
<div align=center><font face=tahoma><font face="arial black"><font size=4><font color=black>التفتت لها سارة بحدة وقالت: ما بتسيرين..</font></font></font></font>
</div>
<div align=center><font face=tahoma><font face="arial black"><font size=4><font color=black>أمل: بسير ودواج يوم انكسر راسج.. </font></font></font></font>
</div>
<div align=center><font face=tahoma><font face="arial black"><font size=4><font color=black>ونشت أمل بسرعة وركضت برى الغرفة كانت تتحرى انه سارة بتركض وراها بس سارة كانت تعبانة وافتشلت أمل وردت توايج في الغرفة ويوم شافت سارة يالسة مكانها ردت ويلست ع الشبرية بهدوء وتمت تتلفت حواليها.. </font></font></font></font>
</div>
<div align=center><font face=tahoma><font face="arial black"><font size=4><font color=black>ليلى: لولة...؟ </font></font></font></font>
</div>
<div align=center><font face=tahoma><font face="arial black"><font size=4><font color=black>أمل: هااااااااااااا</font></font></font></font>
</div>
<div align=center><font face=tahoma><font face="arial black"><font size=4><font color=black>ليلى: مب حرام جي تقولين حق سارونا؟؟ يحليلها بروحها راسها يعورها.. </font></font></font></font>
</div>
<div align=center><font face=tahoma><font face="arial black"><font size=4><font color=black>مدت أمل شفايفها وما قالت شي.. ونزلت ليلى سارة من حظنها ويلستها على الشبرية وراحت تشوف خالد وتقعده من الرقاد.. ويوم طلعت عنهن انسدحت سارة على الشبرية واقتربت منها أمل وضغطت على راسها من جدام.. واطالعتها سارة بصمت.. </font></font></font></font>
</div>
<div align=center><font face=tahoma><font face="arial black"><font size=4><font color=black>أمل: يعورج يوم أهوس هني؟</font></font></font></font>
</div>
<div align=center><font face=tahoma><font face="arial black"><font size=4><font color=black>سارة: لاء..</font></font></font></font>
</div>
<div align=center><font face=tahoma><font face="arial black"><font size=4><font color=black>أمل: وين يعورج عيل؟؟</font></font></font></font>
</div>
<div align=center><font face=tahoma><font face="arial black"><font size=4><font color=black>يلست سارة وحطت ايدها على مكان الالم.. وحطت أمل إيدها عليه بخوف وبسرعة نزلتها .. وراحت وشلت شي من تحت المخدة وحطته في إيد سارة ويوم اطالعته سارة ابتسمت.. كانت حصاه صغيرة من الحصى الذهبي اللي شافوه أمس وتسبب في هالأزمة كلها.. </font></font></font></font>
</div>
<div align=center><font face=tahoma><font face="arial black"><font size=4><font color=black>يوم شافت أمل سارة تبتسم ضحكت وسألت أختها العودة: انتي ترمسيني؟؟</font></font></font></font>
</div>
<div align=center><font face=tahoma><font face="arial black"><font size=4><font color=black>سارة: هى ارمسج..</font></font></font></font>
</div>
<div align=center><font face=tahoma><font face="arial black"><font size=4><font color=black>أمل: باجر بسير وياج الروضة؟</font></font></font></font>
</div>
<div align=center><font face=tahoma><font face="arial black"><font size=4><font color=black>ابتسمت سارة: هى تعالي اخاف اسير روحي.. </font></font></font></font>
</div>
<div align=center><font face=tahoma><font face="arial black"><font size=4><font color=black>اطمنت أمل على مستقبلها وراحت الحمام تغسل ويهها وتتريى اختها تطلع لها ثيابها من الشنطة.. وتبعتها سارة للحمام ويلسن يسولفن سوالف يمكن اذا سمعها حد كبير يعتبرها سوالف سخيفة بس بالنسبة لهن هن الثنتين كانت سوالف مهمة وايد.. </font></font></font></font>
</div>
</p>
<div align=center><font face=tahoma><font face="arial black"><font size=4><font color=black>دشت ليلى غرفتها اللي رقدت فيها أمس هي وخالد وشافته راقد مثل الملاك.. من بينهم كلهم ما تنكر ليلى انه خالد أكثر واحد تحبه وأكثر واحد متمكن من كيانها ومشاعرها.. هالطفل بالذات هو اللي تحبه ليلى .. هالملاك اللي كانوا بيخسرونه في الحادث ويا باجي حبايبهم.. كل ما تشوفه ليلى تحمد ربها على رحمته وتشكره من كل قلبها على فضله يوم انه ترك لهم خالد.. وما حرق قلب ليلى أكثر وأكثر.. </font></font></font></font>
</div>
<div align=center><font face=tahoma><font face="arial black"><font size=4><font color=black>مسحت ليلى على ريوله الصغيرة بحب وتذكرته أمس يوم يصيح ويترجاها بعيونه الكبار اللي كلهن دموع ويقول لها : لولي (ريولي)</font></font></font></font>
</div>
<div align=center><font face=tahoma><font face="arial black"><font size=4><font color=black>باسته ليلى على ريوله وما انتبه لها خالد.. وقررت تخليه راقد.. ما يهون عليها تقعده.. وقامت عشان تشوف خواتها الصغار.. وأول ما بطلت باب غرفتهن وسمعتهن محتشرات في الحمام كانت مقتنعة تماما بقرارها.. مستحيل تتخلى عنهم عشان ريال.. بتم طول عمرها وياهم .. ويا أغلى الناس على قلبها.. </font></font></font></font>
</div>
</p>
<div align=center><font face=tahoma><font face="arial black"><font size=4><font color=black>في آخر غرفة في الممر.. رن تيلفون محمد فترة بس من التعب ما انتبه له.. وتأفف مايد وهو يترياه يرد عليه ويقول في خاطره: متى برد البيت وبرد غرفتي ارقد فيها بروحي بدل هالمذلة والحشرة.. </font></font></font></font>
</div>
<div align=center><font face=tahoma><font face="arial black"><font size=4><font color=black>رد التيلفون يرن مرة ثانية ويلس مايد في فراشه وهو يزاعج على محمد: إييييييييه.. رد على تيلفونك حشرتنا!!!</font></font></font></font>
</div>
<div align=center><font face=tahoma><font face="arial black"><font size=4><font color=black>بطل محمد عيونه الوساع بكسل ومد إيده عشان يشل الموبايل من فوق الكمودينو.. وابتسم يوم شاف الرقم ورد عليه: ألو؟</font></font></font></font>
</div>
<div align=center><font face=tahoma><font face="arial black"><font size=4><font color=black>وفاء (بعصبية): ليش ما ترد؟ </font></font></font></font>
</div>
<div align=center><font face=tahoma><font face="arial black"><font size=4><font color=black>محمد: سوري كنت راقد ما انتبهت.. </font></font></font></font>
</div>
<div align=center><font face=tahoma><font face="arial black"><font size=4><font color=black>وفاء: الظاهر انه ليوا نستك وفاء.. أمس ما دقيت لي قبل لا ترقد.. </font></font></font></font>
</div>
<div align=center><font face=tahoma><font face="arial black"><font size=4><font color=black>محمد: والله اتصلت بس تيلفونكم مغلق.. </font></font></font></font>
</div>
<div align=center><font face=tahoma><font face="arial black"><font size=4><font color=black>وفاء: لا ما كان مغلق.. </font></font></font></font>
</div>
<div align=center><font face=tahoma><font face="arial black"><font size=4><font color=black>محمد: والله انه كان مغلق.. </font></font></font></font>
</div>
<div align=center><font face=tahoma><font face="arial black"><font size=4><font color=black>ارتبكت وفاء وكأنها تذكرت شي وغيرت الموضوع على طول: المهم حبيبي.. أنا تولهت عليك موت أبا اشوفك اليوم.. </font></font></font></font>
</div>
<div align=center><font face=tahoma><font face="arial black"><font size=4><font color=black>محمد: خلاص انتوا حددوا الوقت والمكان وأنا بييكم..</font></font></font></font>
</div>
<div align=center><font face=tahoma><font face="arial black"><font size=4><font color=black>وفاء: ويا دريولكم؟</font></font></font></font>
</div>
<div align=center><font face=tahoma><font face="arial black"><font size=4><font color=black>محمد: هى</font></font></font></font>
</div>
<div align=center><font face=tahoma><font face="arial black"><font size=4><font color=black>وفاء: متى بتاخذ لك سيارة ان شالله؟ </font></font></font></font>
</div>
<div align=center><font face=tahoma><font face="arial black"><font size=4><font color=black>محمد: جريب ان شالله عمي قال بياخذ لي..</font></font></font></font>
</div>
<div align=center><font face=tahoma><font face="arial black"><font size=4><font color=black>وفاء: عمك شكله ماخذنك على قد عقلك.. رد ذكره بهالموضوع الظاهر انه نسى.. </font></font></font></font>
</div>
<div align=center><font face=tahoma><font face="arial black"><font size=4><font color=black>محمد (بظيج): ان شالله برد ارمسه بالموضوع اليوم.. </font></font></font></font>
</div>
<div align=center><font face=tahoma><font face="arial black"><font size=4><font color=black>وفاء: زين ياللا قوم بسك رقاد.. </font></font></font></font>
</div>
<div align=center><font face=tahoma><font face="arial black"><font size=4><font color=black>محمد: قمت خلاص.. </font></font></font></font>
</div>
<div align=center><font face=tahoma><font face="arial black"><font size=4><font color=black>وفاء: دق لي أول ما توصل العين..</font></font></font></font>
</div>
<div align=center><font face=tahoma><font face="arial black"><font size=4><font color=black>محمد: ان شالله.. </font></font></font></font>
</div>
<div align=center><font face=tahoma><font face="arial black"><font size=4><font color=black>وفاء: ياللا مع السلامة..</font></font></font></font>
</div>
<div align=center><font face=tahoma><font face="arial black"><font size=4><font color=black>محمد: ف امان الله.. </font></font></font></font>
</div>
<div align=center><font face=tahoma><font face="arial black"><font size=4><font color=black>بند محمد التيلفون وشاف مايد يطالعه بعين وحدة والعين الثانية مغمظنها.. </font></font></font></font>
</div>
<div align=center><font face=tahoma><font face="arial black"><font size=4><font color=black>محمد: بسم الله ليش جي تطالع؟</font></font></font></font>
</div>
<div align=center><font face=tahoma><font face="arial black"><font size=4><font color=black>مايد: ما اروم ابطل عيوني اثنيناتهن.. فيه رقاد وانته ما خليتني ارقد ويا تيلفونك الحشرة.. </font></font></font></font>
</div>
<div align=center><font face=tahoma><font face="arial black"><font size=4><font color=black>محمد: محد كلف عليك.. انخمد.. </font></font></font></font>
</div>
<div align=center><font face=tahoma><font face="arial black"><font size=4><font color=black>مايد: منو ترمس؟</font></font></font></font>
</div>
<div align=center><font face=tahoma><font face="arial black"><font size=4><font color=black>محمد: انته شلك؟</font></font></font></font>
</div>
<div align=center><font face=tahoma><font face="arial black"><font size=4><font color=black>مايد: والله لأخبر..</font></font></font></font>
</div>
<div align=center><font face=tahoma><font face="arial black"><font size=4><font color=black>محمد: تخبر على شو؟</font></font></font></font>
</div>
<div align=center><font face=tahoma><font face="arial black"><font size=4><font color=black>مايد: عليك انته .. طلعت تغازل ما عليه يا حمود.. </font></font></font></font>
</div>
<div align=center><font face=tahoma><font face="arial black"><font size=4><font color=black>محمد: شو تخرف انته؟؟ </font></font></font></font>
</div>
<div align=center><font face=tahoma><font face="arial black"><font size=4><font color=black>ابتسم مايد وانجلب الصوب الثاني.. زين يوم انه لقى شي يبتز فيه محمد في وقت الحاجة.. ومحمد ما اهتم وقام يتسبح عشان يلحق يروح يصلي ويا عمه عبدالله.. وحاول يفسر شعوره تجاه وفاء.. بالرغم من انه ما جرب الحب في حياته بس بعد ما يقدر يسمي اللي بينه وبينها حب.. محمد كان وحيد في الفترة الاخيرة.. خصوصا انه ربعه اثنيناتهم دشوا كلية الطيران وهو من الفشلة انه ما انقبل ابتعد عنهم تماما وما قام يرد على تيلفوناتهم.. كانت في داخله جبال من الهموم والمشاعر اللي يضطر يكتمها وما عنده حد يطلعها جدامه ويشكي له.. ما عنده حد يشيل عنه الحمل الكبير اللي على جتوفه.. ووفاء دشت حياته في فترة كان فيها محمد في قمة الوحدة والحزن.. </font></font></font></font>
</div>
</p>
<div align=center><font face=tahoma><font face="arial black"><font size=4><font color=black>يتذكر محمد أول مرة قرر انه يتصل بوفاء.. كان ماخذ السيارة من ورى اخته ليلى ورايح يتمشى في شارع خليفة عقب ما خلص شغله في المكتب.. كان يوم الاربعا وهو في الشارع مر بسيارته صوب الكنتاكي وكانوا ربعه توهم رادين من الكلية وهم بعدهم باللبس واقفين حذال الكنتاكي ويضحكون ويا شلة شباب ثانيين.. ما يدري محمد ليش حس بالوحدة يوم شافهم.. حس بإحساس بشع.. احساس الحزن الممزوج بالغيرة.. كان بكل وضوح يحسدهم.. يتمنى يكون مكانهم.. يكون واحد منهم.. حس انه ولا شي.. انه مب ريال.. ما قدر يحقق الشي الوحيد اللي كان يحلم به.. حس انه مخنوق.. ودور له أقرب مكان وقف فيه سيارته واتصل بها.. ومن يومها ووفاء الوحيدة اللي يشكي لها.. الوحيدة اللي يطلع لها محمد الجانب الأضعف في شخصيته .. الجانب اللي مول ما يحب يطلعه في البيت وجدام اهله.. </font></font></font></font>
</div>
</p>
<div align=center><font face=tahoma><font face="arial black"><font size=4><font color=black>بس في الفترة الاخيرة تغيرت وفاء تغير جذري.. صارت تنشغل عنه وايد.. من بعد ما كانت ترمسه بالساعات في اليوم صارت مكالماتهم ما تتجاوز الدقايق.. ومن بعد ما كان يشوفها كل يوم تقريبا صار يشوفها في الاسبوع مرة.. واحيانا ما يشوفها.. أسلوبها وياه صار جاف واستوت غامظة وايد من عقب ما عرف عنها شغلات وايدة... انه عمرها 24 سنة وانها تشتغل مدرسة رياضيات .. وانها للحين مب معرسة.. في البداية كانت ترمسه بحنان وتقول له انها تحبه وانه حياتها وغناة روحها.. ومحمد رغم انه ما كان يبادلها الشعور بس كان يعزها وايد.. وساعات يلقى نفسه يفكر فيها وهو بين اهله..ويستغرب من عمره.. ما يقدر يحدد مكانتها في حياته بالضبط.. بس يعرف انه هالمكانة دوم تكبر.. وما يعرف وين بتوصل في النهاية.. </font></font></font></font>
</div>
</p>
<div align=center><font face=tahoma><font face="arial black"><font size=4><font color=black>----------- </font></font></font></font>
</div>
<div align=center><font face="arial black"><font size=3><font color=black><font face=tahoma>في هالوقت كانت ياسمين توها ناشة من الرقاد.. وبعدها ما بطلت عينها.. حاولت تبطل عيونها بس من التعب حست كانه حد ملصق جفونها ب</font><font face=tahoma>super glue</font><font face=tahoma> .. مول مب راضيات يتبطلن.. وتحسست الموبايل بإيدها وبطلتهن غصب.. واتصلت على ربيعتها نهلة اللي كانت بعدها راقدة.. </font></font></font></font>
</div>
<div align=center><font face=tahoma><font face="arial black"><font size=4><font color=black>نهلة (بتعب): ألووووو</font></font></font></font>
</div>
<div align=center><font face=tahoma><font face="arial black"><font size=4><font color=black>ياسمين: خس الله هالحس.. </font></font></font></font>
</div>
<div align=center><font face=tahoma><font face="arial black"><font size=4><font color=black>نهلة: عوذ بالله ليش جي انتي؟</font></font></font></font>
</div>
<div align=center><font face=tahoma><font face="arial black"><font size=4><font color=black>ياسمين: نهلوه انا مقهورة تعالي بيتنا.. </font></font></font></font>
</div>
<div align=center><font face=tahoma><font face="arial black"><font size=4><font color=black>نهلة: ماروم اليوم اليمعة ولا نسيتي؟</font></font></font></font>
</div>
<div align=center><font face=tahoma><font face="arial black"><font size=4><font color=black>ياسمين: انا حتى اسمي عادي انساه.. والله انيه مهمومة.. </font></font></font></font>
</div>
<div align=center><font face=tahoma><font face="arial black"><font size=4><font color=black>يلست نهلة في فراشها وقالت وهي عاقدة حياتها: من شو حبيبتي؟</font></font></font></font>
</div>
<div align=center><font face=tahoma><font face="arial black"><font size=4><font color=black>ياسمين: عبدالله..</font></font></font></font>
</div>
<div align=center><font face=tahoma><font face="arial black"><font size=4><font color=black>نهلة: أوهووووو.. ياهالعبدالله اللي ما بنخلص منه.. </font></font></font></font>
</div>
<div align=center><font face=tahoma><font face="arial black"><font size=4><font color=black>ياسمين: نهلوه تخيلي ما دق لي.. </font></font></font></font>
</div>
<div align=center><font face=tahoma><font face="arial black"><font size=4><font color=black>نهلة: نعم؟؟؟ شو تقولين انتي؟؟ الظاهر انج مسوية مصيبة.. </font></font></font></font>
</div>
<div align=center><font face=tahoma><font face="arial black"><font size=4><font color=black>ياسمين: تدرين قبل لا نسير ليوا سويت له شريط مقاطع.. والله خمس ساعات يالسة اسوي له اياه.. وفي نص المقاطع كنت حاطة له همسات بصوتي.. ااااخ يالقهر .. وفي نهاية الشريط حطيت همسة واخرها رقم موبايلي.. ولا فكر يتصل.. </font></font></font></font>
</div>
<div align=center><font face=tahoma><font face="arial black"><font size=4><font color=black>نهلة: دواج.. مسودة الويه.. ترومين تعطينه رقمج..؟؟؟ ياسمين شو استوى بج انتي عمرج ما كنتي جيه..</font></font></font></font>
</div>
<div align=center><font face=tahoma><font face="arial black"><font size=4><font color=black>ياسمين: ما ادري والله ما ادري .. يوم يتعلق الامر في عبدالله انسى كل شي.. </font></font></font></font>
</div>
<div align=center><font face=tahoma><font face="arial black"><font size=4><font color=black>نهلة: والله صدمتيني.. مب انتي ياسمين اللي اعرفها.. معقولة ريال يخليج ترخصين بعمرج وتنحطين لهالمستوى؟؟</font></font></font></font>
</div>
<div align=center><font face=tahoma><font face="arial black"><font size=4><font color=black>دمعت عيون ياسمين.. وسكتت فترة طويلة.. مب عارفة كيف ترد عليها .. </font></font></font></font>
</div>
<div align=center><font face=tahoma><font face="arial black"><font size=4><font color=black>نهلة: ياسمين؟؟</font></font></font></font>
</div>
<div align=center><font face=tahoma><font face="arial black"><font size=4><font color=black>ياسمين: اللي يقهر اني لأول مرة اتجرأ وانزل كرامتي القاع عشان واحد.. و في الاخير هو اللي ما يباني.. ليتني ما طرشت له الشريط ولا حتى سويت له سالفة من البداية.. </font></font></font></font>
</div>
<div align=center><font face=tahoma><font face="arial black"><font size=4><font color=black>نهلة: الحمدلله يوم بديتي تفكرين جذه..</font></font></font></font>
</div>
<div align=center><font face=tahoma><font face="arial black"><font size=4><font color=black>ياسمين: نهلة.. تعالي عندي.. تعالي تغدي عندي .. والله مالي نفس اتغدى وياهم.. </font></font></font></font>
</div>
<div align=center><font face=tahoma><font face="arial black"><font size=4><font color=black>نهلة: امايه ما بتخليني .. دقي لها وخبريها انج تبيني هي ما تحب تفشلج..</font></font></font></font>
</div>
<div align=center><font face=tahoma><font face="arial black"><font size=4><font color=black>ياسمين: خلاص غناتي.. بدق لها وبخبرها.. ياللا قومي البسي.. </font></font></font></font>
</div>
<div align=center><font face=tahoma><font face="arial black"><font size=4><font color=black>نهلة: ياللا.. </font></font></font></font>
</div>
</p>
<div align=center><font size=3><font face="arial black"><font color=black><font face=tahoma>بندت ياسمين عنها واتصلت في ام نهلة واستأذنت منها عشان تتغدى نهلة عندها ويوم وافقت حست ياسمين بالراحة وبندت عنها .. ونزلت تحت بس ما لقت حد.. كل حد كان راقد.. ولا كأنه اليوم الجمعة.. ويتها سيتا الخدامة وسألتها: مدام </font><font face=tahoma>you want to eat something?</font></font></font></font>
</div>
<div align=center><font face=tahoma><font face="arial black"><font size=4><font color=black>ابتسمت ياسمين بسخرية.. المفروض امها اللي تسألها هالسؤال.. مب الخدامة.. بس كل شي في هالبيت غير عن بيوت خلق الله.. </font></font></font></font>
</div>
<div align=center><font face="arial black"><font size=3><font color=black><font face=tahoma>ياسمين: </font><font face=tahoma>no </font></font></font></font>
</div>
<div align=center><font face="arial black"><font size=3><font color=black><font face=tahoma>راحت سيتا تشوف شغلها ويلست ياسمين بروحها وفي عيونها نظرة حزن.. تحاول تتخيل يوم الجمعة في بيت عبدالله.. أكيد ربشة وكلهم الحين يتجهزون عشان يتغدون ويا بعض يوم بيردون الرياييل من صلاة الجمعة.. أكيد ريحة البيت بخور.. وعبدالله مزاجه </font><font face=tahoma>top</font></font></font></font>
</div>
<div align=center><font face=tahoma><font face="arial black"><font size=4><font color=black>حست ياسمين بخدودها تحترق وهي تفكر بعبدالله. .امس كان تصرفها اللي تصرفته وياه طبيعي بالنسبة لها .. بس اليوم كل ما تذكرت الموقف كانت تحتقر نفسها وتحس بخجل فظيع.. حتى انها صارت تكره تفكر فيه من كثر ما كانت منحرجة. . أكيد عبدالله الحين يقول شو هالياهل؟ أكيد يحتقرها وما بيفكر يطالعها مرة ثانية.. </font></font></font></font>
</div>
<div align=center><font face=tahoma><font face="arial black"><font size=4><font color=black>نزلت دموع ياسمين من القهر وانسدحت على القنفة وضغطت على بطنها بكل قوتها عشان تخفف من حركة الفراشات اللي كانت تطير في داخله كل ما تفكر بعبدالله.. </font></font></font></font>
</div>
<div align=center><font face=tahoma><font face="arial black"><font size=4><font color=black>لازم تشيله من بالها خلاص خطتها فشلت.. ليش تعذب عمرها وتفكر بسراب؟؟ عبدالله كان شعاع الامل اللي اخترق حياتها المملة.. كان أملها في انها تطلع من هالبيت وتعيش حياة المغامرة والاثارة.. بس كل هذا راح وحلمها الوردي انتهى.. انهته لحظة طيش منها خلتها تفكر انه كل الرياييل واحد وانها بجمالها تقدر تملك الكون.. </font></font></font></font>
</div>
</p>
<div align=center><font face=tahoma><font face="arial black"><font size=4><font color=black>ما حست ياسمين بالوقت يمر وهي منسدحة في مكانها ويتها نهلة وهي بعدها في الصالة على حالتها .. نهلة كانت تشفق على ربيعتها اللي تعرف كل ظروفها وكل صغيرة وكبيرة في حياتها.. تعرف انه ياسمين تتصرف بعفوية وانه غيرها يفسر تصرفاتها هاذي بشكل خاطئ.. ويوم شافتها بروحها في الصالة راحت لها ويلست جدامها وابتسمت لها ياسمين بحزن يوم شافتها وباستها نهلة على خدها وخوزت شعرها عن ويهها.. وقالت: تعالي بنسير غرفتج.. </font></font></font></font>
</div>
<div align=center><font face=tahoma><font face="arial black"><font size=4><font color=black>ياسمين: غرفتي عفسة.. </font></font></font></font>
</div>
<div align=center><font face=tahoma><font face="arial black"><font size=4><font color=black>نهلة: بنرتبها .. وبنتصل بالكافتيريا وبنطلب غدا.. شو رايج؟؟ </font></font></font></font>
</div>
<div align=center><font face=tahoma><font face="arial black"><font size=4><font color=black>ياسمين : تمام.. </font></font></font></font>
</div>
<div align=center><font face=tahoma><font face="arial black"><font size=4><font color=black>وقفت نهلة وسحبت ياسمين وطلعن اثنيناتهن فوق وهن يسولفن عن كل شي وأي شي إلا عبدالله واللي صار وياه أمس.. </font></font></font></font>
</div>
</p>
<div align=center><font face=tahoma><font face="arial black"><font size=4><font color=black>-------- </font></font></font></font>
</div>
<div align=center><font face=tahoma><font face="arial black"><font size=4><font color=black>عقب ما تغدوا ولموا اغراضهم كلها .. روحوا عيال المرحوم أحمد بن خليفة وعمهم عبدالله ويدوتهم وبشاكيرهم العين.. هالمرة كانت ليلى وسارة وأمل في سيارة عبدالله ويا تاميني.. وأم أحمد ومايد ومحمد ويا الدريول ونجمة في السيارة الثانية.. وأول ما وصلوا العين طلعت ليلى السوق ويا عمها ويدوتها واشترت لهم اللي ناقصنهم من أغراض المدرسة و عقب ما وداها عبدالله السوق روح بيته وياها وويا أم أحمد عشان أم أحمد كانت بتييب باجي اغراضها اللي خلتها هناك.. ومحمد راح صوب مغافة عشان يشوف وفاء وهالمرة راح لها بروحه من دون الدريول.. وما تم في البيت الا مايد وخالد وسارة وأمل والبشاكير.. </font></font></font></font>
</div>
<div align=center><font face=tahoma><font face="arial black"><font size=4><font color=black>وعقب ما ردوا من برى.. خذ لهم عبدالله عشا وسار المقهى يشوف سهيل اللي كان يترياه عشان يرمسه في موضوع الدمج.. </font></font></font></font>
</div>
<div align=center><font face=tahoma><font face="arial black"><font size=4><font color=black>أول ما دش عبدالله المقهى فتش بعيونه على مبارك بس ما لقاه .. لا هو ولا ربعه اللي دوم يقعدون وياه.. بس شاف سهيل يالس على طاولتهم المعتادة وراح له وسلم عليه ويلس وياه.. </font></font></font></font>
</div>
<div align=center><font face=tahoma><font face="arial black"><font size=4><font color=black>عبدالله: ما وصلتك أي اخبار يديده..؟</font></font></font></font>
</div>
<div align=center><font face=tahoma><font face="arial black"><font size=4><font color=black>سهيل: لا والله ما عرفت شي.. حتى مبارك ما شفته هني ويوم دقيت على موبايله ما رد عليه.. </font></font></font></font>
</div>
<div align=center><font face=tahoma><font face="arial black"><font size=4><font color=black>عبدالله: تتوقع يأثر عليه هالموضوع؟؟</font></font></font></font>
</div>
<div align=center><font face=tahoma><font face="arial black"><font size=4><font color=black>سهيل: مبارك غلط يوم وافق انه يستلم بس 20 % من مبلغ المشروع في بدايته.. المفروض كان يستلم نص البيزات قبل لا يبدون في البناء والنص الثاني يوم يخلصون.. </font></font></font></font>
</div>
<div align=center><font face=tahoma><font face="arial black"><font size=4><font color=black>عبدالله انصدم يوم درى انه مبارك تنازل لعبدالكريم وخذ منه بس 20% .. معقولة مبارك يكون ساذج لهالدرجة؟؟</font></font></font></font>
</div>
<div align=center><font face=tahoma><font face="arial black"><font size=4><font color=black>سهيل: تدري يا عبدالله؟ مبارك سوى هالشي عشان لا يخسر عبدالكريم كزبون.. كان يبا يكسبه وكان خايف انه عبدالكريم بحكم انه ربيعك يتعامل وياك انته.. عشان جذي رضى ب20% بس كبداية.. </font></font></font></font>
</div>
<div align=center><font face=tahoma><font face="arial black"><font size=4><font color=black>عبدالله: يحليله.. والله اني افكر فيه من الصبح .. ابا اساعده بس اعرف مبارك ما بيرضى.. </font></font></font></font>
</div>
<div align=center><font face=tahoma><font face="arial black"><font size=4><font color=black>سهيل تشجع يوم سمع رمسة عبدالله وقال بدون تردد: عبدالله انته بالنسبة لي أخ عزيز.. وانا برمسك بكل صراحة.. </font></font></font></font>
</div>
<div align=center><font face=tahoma><font face="arial black"><font size=4><font color=black>عبدالله: تكلم يا سهيل.. </font></font></font></font>
</div>
<div align=center><font face=tahoma><font face="arial black"><font size=4><font color=black>سهيل: ليش ما تمدج شركتك ويا شركة مبارك؟؟ </font></font></font></font>
</div>
<div align=center><font face=tahoma><font face="arial black"><font size=4><font color=black>عبدالله: شو؟؟؟ انته يا سهيل اللي تقول هالرمسة؟؟ تبا توهقني ويا مبارك؟؟</font></font></font></font>
</div>
<div align=center><font face=tahoma><font face="arial black"><font size=4><font color=black>سهيل: وليش تتوهق وياه؟؟ مبارك ريال ما عليه كلام .. </font></font></font></font>
</div>
<div align=center><font face=tahoma><font face="arial black"><font size=4><font color=black>عبدالله: ما قلنا شي بس بعد مبارك الحين مديون .. وديونه يمكن توصل للملايين.. اذا دمجنا الشركتين بضطر اني انا اسدد عنه مبالغ كبيرة بحكم شراكتنا.. </font></font></font></font>
</div>
<div align=center><font face=tahoma><font face="arial black"><font size=4><font color=black>سهيل: وعندك شك في انه مبارك بيرد لك هالمبالغ؟؟</font></font></font></font>
</div>
<div align=center><font face=tahoma><font face="arial black"><font size=4><font color=black>عبدالله: ما عندي شك بس صعبة وايد يا سهيل.. ما اقدر اوافق على هالشي .. اسمح لي.. </font></font></font></font>
</div>
<div align=center><font face=tahoma><font face="arial black"><font size=4><font color=black>سهيل: اوقف ويا مبارك في محنته هاذي يا عبدالله وصدقني ما راح تندم.. </font></font></font></font>
</div>
<div align=center><font face=tahoma><font face="arial black"><font size=4><font color=black>عبدالله: اتمنى اساعده بس ما بإيدي شي.. </font></font></font></font>
</div>
<div align=center><font face=tahoma><font face="arial black"><font size=4><font color=black>سهيل: انته بإيدك كل الحلول.. أول شي عبدالكريم بيحصلونه أكيد لأنه وبكل بساطة غبي .. ما يعرف يتصرف وما بيعرف يتم متخفي على طول.. وحتى لو ما حصلوه بيبيعون بيته وكل اللي عنده هني وبيسددون بالبيزات ديونه.. يعني مبارك بيسترد حقه أكيد.. بس انته لازم تستغل فرصة ضعفه الحين واهتزاز ثقته بنفسه وتعرض عليه الدمج..</font></font></font></font>
</div>
<div align=center><font face=tahoma><font face="arial black"><font size=4><font color=black>عبدالله عيبته الفكرة بس في باله تكونت فكرة ثانية عيبته أكثر: وليش ما اشتري عنه الشركة كلها؟؟ </font></font></font></font>
</div>
<div align=center><font face=tahoma><font face="arial black"><font size=4><font color=black>سهيل: وتدمر مستقبله؟؟ ما اعتقد تقدر تسوي هالشي.. مبارك بيفيدك.. صح انه متهور ومندفع وما عنده خبرة بس ما تقدر تنكر انه شاطر ويجذب العملا بسرعة.. مبارك يقدر يدير عنك انت الشركة وعقب كم سنة بتحتاج لشخص يعلم عيال اخوك كيف يديرون ممتلكاتك ومنو احسن من مبارك عشان يسوي هالشي؟؟ </font></font></font></font>
</div>
<div align=center><font face=tahoma><font face="arial black"><font size=4><font color=black>سكت عبدالله وتم يطالع عيون سهيل بتركيز.. وسأله بعد تفكير: ليش مبارك؟</font></font></font></font>
</div>
<div align=center><font face=tahoma><font face="arial black"><font size=4><font color=black>سهيل: شو؟</font></font></font></font>
</div>
<div align=center><font face=tahoma><font face="arial black"><font size=4><font color=black>عبدالله: ليش مبارك بالذات هو اللي تهتم له هالكثر؟</font></font></font></font>
</div>
<div align=center><font face=tahoma><font face="arial black"><font size=4><font color=black>ابتسم سهيل: ظروفكم متشابهة.. محد بيفهمك مثل مبارك ومحد بيفهمه هو غيرك انته.. </font></font></font></font>
</div>
<div align=center><font face=tahoma><font face="arial black"><font size=4><font color=black>عبدالله: خلني أفكر.. أنا مبدئيا موافق.. هذا اذا وافق مبارك على اقتراحك.. </font></font></font></font>
</div>
<div align=center><font face=tahoma><font face="arial black"><font size=4><font color=black>اتسعت ابتسامة سهيل .. كان مستانس انه قدر يقنع عبدالله وقال له بفرح كان واضح في صوته: انا بقنع مبارك.. وان شالله اقدر اخليه يوافق.. </font></font></font></font>
</div>
</p>
<div align=center><font face=tahoma><font face="arial black"><font size=4><font color=black>مبارك كان يالس في المكتب ويا أخوه العود ظاعن.. ومطلعين كل الفواتير وأوراق الحسابات ومبطلين اللاب توب وللحين طلعت ديون مبارك فوق ال 7 ملايين درهم.. </font></font></font></font>
</div>
<div align=center><font face=tahoma><font face="arial black"><font size=4><font color=black>تأفف مبارك وحط إيده على ويهه بتعب.. </font></font></font></font>
</div>
<div align=center><font face=tahoma><font face="arial black"><font size=4><font color=black>مبارك: والحين؟؟؟ شو بسوي؟؟</font></font></font></font>
</div>
<div align=center><font face=tahoma><font face="arial black"><font size=4><font color=black>ظاعن: بيع بناياتك اللي في بوظبي..</font></font></font></font>
</div>
<div align=center><font face=tahoma><font face="arial black"><font size=4><font color=black>مبارك: بنايتين كل وحدة أجدم عن الثانية.. من سنتين أقول بسوي فيهن صيانة وأنسى.. اذا بعتهن ما بييبن لي أكثر عن مليون وخمسمية ألف.. </font></font></font></font>
</div>
<div align=center><font face=tahoma><font face="arial black"><font size=4><font color=black>ظاعن: والبنك ما بيرضى يسلفك فوق الخمسمية ألف .. </font></font></font></font>
</div>
<div align=center><font face=tahoma><font face="arial black"><font size=4><font color=black>مبارك: ما عندي الا اني استعيل منصور بن فاهم وأخليه يدفع لي بيزات قاعة الافراح اللي سلمناه اياها الشهر اللي طاف.. </font></font></font></font>
</div>
<div align=center><font face=tahoma><font face="arial black"><font size=4><font color=black>ظاعن: كم باجي عليه..ما دفعه؟</font></font></font></font>
</div>
<div align=center><font face=tahoma><font face="arial black"><font size=4><font color=black>مبارك: مب وايد .. 200 ألف بس.. </font></font></font></font>
</div>
<div align=center><font face=tahoma><font face="arial black"><font size=4><font color=black>ظاعن: انته كيف جي محافظ على أعصابك ابا اعرف.؟؟</font></font></font></font>
</div>
<div align=center><font face=tahoma><font face="arial black"><font size=4><font color=black>ابتسم مبارك بحزن وحط إيده على جتف أخوه.. وقال: تعودت وانا اخوك.. انا خسرت اللي اهم من هذا كله.. خسرت نجلا وخسرت عيالي.. تباني اتحسر على بيزات؟؟ أنا بس مابا حد يرمس ويقول اني غلطت.. هذا كل اللي احاتيه.. مابا حد يشمت فيه.. </font></font></font></font>
</div>
<div align=center><font face=tahoma><font face="arial black"><font size=4><font color=black>ابتسم ظاعن لأخوه وحسده على قوته.. لو كان مكانه اكيد بينهار .. وما بيعرف يفكر بأي شي: محد يروم يشمت فيك.. كلهم يدرون انك مب مقصر في شغلك.. </font></font></font></font>
</div>
<div align=center><font face=tahoma><font face="arial black"><font size=4><font color=black>مبارك: لا يا ظاعن.. منو قال لك انه محد بيشمت؟؟ وايدين اللي يتصيدون هالفرصة عشان يشترون الشركة مني.. ووايدين اللي يتريوني اتعثر واطيح عشان يرفسوني بريولهم.. </font></font></font></font>
</div>
<div align=center><font face=tahoma><font face="arial black"><font size=4><font color=black>ظاعن: ووايدين بعد اللي ودهم يتلقفونك ويتمون وياك عشان توقف على ريولك مرة ثانية..</font></font></font></font>
</div>
<div align=center><font face=tahoma><font face="arial black"><font size=4><font color=black>مبارك: قصدك عبدالله؟</font></font></font></font>
</div>
<div align=center><font face=tahoma><font face="arial black"><font size=4><font color=black>ظاعن: هى.. </font></font></font></font>
</div>
<div align=center><font face=tahoma><font face="arial black"><font size=4><font color=black>تنهد مبارك وقال وهو يفكر بعبدالله: الله يستر منه هو بالذات.. </font></font></font></font>
</div>
</p>
<div align=center><font face=tahoma><font face="arial black"><font size=4><font color=black>الساعة 10 فليل مر عبدالله بيت أخوه المرحوم قبل لا يرد بيته عشان يرقد .. وما لقى حد قاعد الا ليلى اللي كانت في الصالة تطالع التلفزيون وخالد في حظنها.. وقع ديسولف وياها شوي.. </font></font></font></font>
</div>
<div align=center><font face=tahoma><font face="arial black"><font size=4><font color=black>ليلى استغلت الفرصة عشان تكلمه في موضوع ياسمين.. كانت تفكر بهالموضوع طول اليوم.. واذا كانت ياسمين مناسبة لعمها ولا لاء.. وعقب تفكير قررت انه هالشي مب هي اللي تقرره.. عمها بس اللي يقدر يقرره.. وعقب ما شل عبدالله خالد عنها ويلس يلاعبه وحست ليلى انه مزاجه حلو.. </font></font></font></font>
</div>
<div align=center><font face=tahoma><font face="arial black"><font size=4><font color=black>ليلى: عمي..؟</font></font></font></font>
</div>
<div align=center><font face=tahoma><font face="arial black"><font size=4><font color=black>عبدالله: ها غناتي.. </font></font></font></font>
</div>
<div align=center><font face=tahoma><font face="arial black"><font size=4><font color=black>ليلى: عمي أبا أرمسك في موضوع بس ما أباك تنفعل ولا اباك ترد عليه من دون تفكير.. كل اللي اطلبه منك انك تسمعني للأخير.. </font></font></font></font>
</div>
<div align=center><font face=tahoma><font face="arial black"><font size=4><font color=black>ابتسم لها عبدالله : ارمسي يا ليلى وانا ما راح اقاطعج.. </font></font></font></font>
</div>
<div align=center><font face=tahoma><font face="arial black"><font size=4><font color=black>ليلى: عمي انته في عيوني أنا اعظم ريال في هالدنيا كلها.. من أيام ما كان أبويه المرحوم عايش وانا دوم أقول له محد ينافسك في قلبي إلا عمي عبدالله .. </font></font></font></font>
</div>
<div align=center><font face=tahoma><font face="arial black"><font size=4><font color=black>ابتسم عبدالله بسعادة.. كان يعرف مكانته في قلب ليلى وتمنى يعرف شو اللي تبا توصل له .. </font></font></font></font>
</div>
<div align=center><font face=tahoma><font face="arial black"><font size=4><font color=black>ليلى: أبويه كان دوم يقول لنا عبدالله بيعرس.. أصبروا عليه وبتشوفون.. </font></font></font></font>
</div>
<div align=center><font face=tahoma><font face="arial black"><font size=4><font color=black>تغيرت ملامح عبدالله وكان بيبطل حلجه بس تذكر انه ليلى كلبت منه يسمعها للأخير وسكت.. </font></font></font></font>
</div>
<div align=center><font face=tahoma><font face="arial black"><font size=4><font color=black>ليلى (بحزن): حتى في آخر يوم في حياته.......... كان واثق انك ما بتخيب ظنه.. كان واثق انك بتعرس.. </font></font></font></font>
</div>
<div align=center><font face=tahoma><font face="arial black"><font size=4><font color=black>عبدالله: ليلى..</font></font></font></font>
</div>
<div align=center><font face=tahoma><font face="arial black"><font size=4><font color=black>ليلى: عمي خلني اكمل كلامي.. عمي نحن محتاجينك.. يمكن نكون أنانيين في هالشي بس انا واخواني نعتبرك ابونا ..ونعرف انك تعتبرنا عيالك.. صح عمي؟؟</font></font></font></font>
</div>
<div align=center><font face=tahoma><font face="arial black"><font size=4><font color=black>عبدالله: أكيد غناتي..</font></font></font></font>
</div>
<div align=center><font face=tahoma><font face="arial black"><font size=4><font color=black>ليلى (والدموع تتيمع في عيونها): عمي لا تحرمنا من حقنا في انا نفرح.. حياتنا صارت كلها حزن في حزن.. انا ما عندي شي أعيش له الا اخواني .. حياتي تحددت ملامحها خلاص.. بتم طول عمري عايشة على ذكرى حميد.. بتم طول عمري خطيبته وبس.. هذا حقه علي.. </font></font></font></font>
</div>
<div align=center><font face=tahoma><font face="arial black"><font size=4><font color=black>عبدالله (بعصبية): ليش هالتفكير؟ منو اللي دخل هالافكار في راسج؟؟ </font></font></font></font>
</div>
<div align=center><font face=tahoma><font face="arial black"><font size=4><font color=black>ليلى (بحزم): انته.. هاذي أفكارك.. انا بكون شراتك عمي.. بكبر بروحي.. بكابر احساسي بالوحدة والغربة وانا اشوف غيري يبني مستقبله ويربي عياله.. بدفن مشاعر الغيرة اللي فيني مثل ما انته دفنتها .. بعتبر اخواني عيالي مثل ما انته تعتبر عيال اخوك عيالك.. ليش اكون مختلفة عنك..</font></font></font></font>
</div>
<div align=center><font face=tahoma><font face="arial black"><font size=4><font color=black>ما يدري عبدالله ليش جرحه كلامها.. بس حس بجرح فظيع في داخله .. وحس بحزن كبير .. وهو يتخيل المستقبل المظلم اللي رمسته ليلى لنفسها... وابتسم بسخرية وهو يتذكر انه الصورة اللي رسمتها ليلى هي صورة عن حياته هو .. </font></font></font></font>
</div>
<div align=center><font face=tahoma><font face="arial black"><font size=4><font color=black>اقتربت ليلى منه ويلست تحت جدامه وهي تترجاه بعيونها: عمي .. انا واخواني ويدوتي .. كلنا نترجاك.. تخلص من عنادك شوي.. ووافق انا نروح نخطب لك ياسمين.. </font></font></font></font>
</div>
<div align=center><font face=tahoma><font face="arial black"><font size=4><font color=black>حس عبدالله كأن حد صفعه على ويهه.. : ليش ياسمين بالذات؟؟</font></font></font></font>
</div>
<div align=center><font face=tahoma><font face="arial black"><font size=4><font color=black>ليلى: ما بتلاقي أحسن عنها عمي.. ياسمين شاريتك.. عمي أرجوك.. </font></font></font></font>
</div>
<div align=center><font face=tahoma><font face="arial black"><font size=4><font color=black>حس عبدالله بظيج كبير وعطاها خالد ووقف.. ما كان يعرف كيف يرد عليها وطلع من عندها من دون ما يرد عليها .. أما ليلى فتمت واقفة في مكانها تطالع الباب اللي تسكر وراه.. تتمنى انها ما تكون جرحته.. تتمنى تكون أقنعته.. على الاقل بفكرة الزواج.. </font></font></font></font>
</div>
<div align=center><font face=tahoma><font face="arial black"><font size=4><font color=black>* * * </font></font></font></font>
</div>
<div align=center><font face=tahoma><font face="arial black"><font size=4><font color=black>صباح يوم السبت كان غير بالنسةب لسارة.. غير عن أي صباح مر عليها.. اليوم أول يوم لها في الروضة.. أول يوم تلبس فيه اللبس الازرق الحلو.. أول يوم تحط فيه الشرايط البيضة في شعرها.. اليوم بتدش مجتمع غريب تماما عليها .. مجتمع مب متعودة عليه.. ومن الساعة 6 كانت سارة ناشة ويالسة في الصالة تحت تتريا اختها ليلى تنزل من فوق.. بس يدوتها طلعت قبل ليلى وضحكت يوم شافت سارة يالسة تتريى بترقب .. </font></font></font></font>
</div>
<div align=center><font face=tahoma><font face="arial black"><font size=4><font color=black>أم أحمد: سارونا؟ </font></font></font></font>
</div>
<div align=center><font face=tahoma><font face="arial black"><font size=4><font color=black>التفتت سارة عليها وهي تبتسم : ها</font></font></font></font>
</div>
<div align=center><font face=tahoma><font face="arial black"><font size=4><font color=black>أم أحمد: شو ميلسنج هني بروحج.. تعالي بنسير المطبخ نسوي الريوق.. </font></font></font></font>
</div>
<div align=center><font face=tahoma><font face="arial black"><font size=4><font color=black>قامت سارة وسارت ويا يدوتها صوب المطبخ .. لأنه أم أحمد تعودت خلاص تسوي الريوق بروحها وما تعتمد ع البشاكير.. ووقفت تسوي الجاهي والسندويتشات وهي لابسة دلاغ صوف في ريولها عشان أرضية المطبخ الباردة.. وسارة يالسة على الكاونتر تطالعها.. وعقب دقايق يتهم ليلى وسلمت على يدوتها وشلت سارة عشان تلبسها وكانت أمل متعلقة في جلابية ليلى عشان تتأكد انها بتسير وياهم الروضة.. </font></font></font></font>
</div>
<div align=center><font face=tahoma><font face="arial black"><font size=4><font color=black>لبست ليلى سارونا لبس الروضة ورفعت لها شعرها كله فوق وحطت لها ربطة شعر كلها ورود بيض لأنها ما تروم تشد شعرها بسبب الجرح اللي في راسها.. كانت سارونا حلوة وايد باللبس وعندها شنطة صغيرة حق الاكل لونها ازرق فاتح نفس لون لبس الروضة.. </font></font></font></font>
</div>
<div align=center><font face=tahoma><font face="arial black"><font size=4><font color=black>أمل طلعت حق عمرها شورت جينزل وبودي وردي.. بس يوم يت بتلبس الجينز ما رضى السحاب يوصل لفوق لأنه وزنها زاد شوي.. وحاولت ليلى وياه بس ما شي فايده .. </font></font></font></font>
</div>
<div align=center><font face=tahoma><font face="arial black"><font size=4><font color=black>ليلى: طلعي لج لبس ثاني.. </font></font></font></font>
</div>
<div align=center><font face=tahoma><font face="arial black"><font size=4><font color=black>أمل (وفي عيونها نظرة رعب): أنا ابا هذا.. </font></font></font></font>
</div>
<div align=center><font face=tahoma><font face="arial black"><font size=4><font color=black>ليلى: ما ايوز عليج .. مب منج من هالبيبسي اللي تغرينه كل يوم.. </font></font></font></font>
</div>
<div align=center><font face=tahoma><font face="arial black"><font size=4><font color=black>أمل: ما يخصني أنا أبا هذا!!!</font></font></font></font>
</div>
<div align=center><font face=tahoma><font face="arial black"><font size=4><font color=black>ويلست أمل ترافس وما رضت تغير ثيابها لين هددتها ليلى انها اذا ما غيرت ثيابها ما بتسير وياهم الروضة واضطرت في النهاية انها تلبس بنطلون ثاني بس ما رضت تغير البودي.. </font></font></font></font>
</div>
<div align=center><font face=tahoma><font face="arial black"><font
رد مع اقتباس
مواقع النشر (المفضلة)