آخـــر الــمــواضــيــع

صفحة 12 من 12 الأولىالأولى ... 289101112
النتائج 166 إلى 175 من 175

الموضوع: غربــــــــــة الأيـــــــــــام

  1. #166
    عضو جديد الصورة الرمزية بنت العين
    تاريخ التسجيل
    Jun 2003
    المشاركات
    66
    قوة التمثيل
    257
    <font color='#8D38C9'>

    اهااااااااااااااااااا

    افـــــــــــــــــــــــ ـــــــا
    ههههههههههههههههههههه</p></font>

  2. #167
    عضوية البكالوريا الصورة الرمزية الحساس
    تاريخ التسجيل
    Mar 2002
    المشاركات
    1,999
    مزاجي
    Cheerful
    قوة التمثيل
    368
    <font color='#810541'>حرام عليكم&nbsp; صار لي يومين اقرا في القصه لا ظهرت مكان ولا شي حتى عشا ما ذقته من يومين واخر شي القصه طلعت هب كاامله&nbsp; حررااااااااااااااام والله

    ظلمتونا جي

    ليش تنزلونها دام انها هب مخلصه&#33;&#33;&#33;


    كملوها بسرعة وفكونا

    القصه غاويه الصراحةة&#33;&#33; بس كملوها وفكونا.. ولا طولون فيها خلصوها وفكونا وريونا&#33;&#33;&#33;

    تسلمين يالكاتبه وربي يعينج...

    تحياني</font>

  3. #168
    عضوية البكالوريا الصورة الرمزية الجنيه
    تاريخ التسجيل
    Jul 2003
    المشاركات
    2,182
    قوة التمثيل
    361
    <font color='#810541'>حليلك والله يا الحساس عيل بعدك ماذقت المر اللي نحن انذوقه شو بتقول لو اقولك اني اقرا هالقصه من ثلاث&nbsp; شهور تقريبا وطبعا اتريا اسبوع اسبوعيت ن ثلاث لين يحطون لنا جزء صغيييييييييييييير،،،،، عموما اتمنى صدق يخلصونها بسرعه لانه صدق طفح الكيل والله يعين الكاتبه على اللي فيها ويفج ضيجتها</font>
    لو حلفت انك تبيني ،،،
    وميت وهيمان فيني ،،،
    بأعتبرها ألف كذبه،،،
    طحت من قلبي وعيني ،،،

  4. #169
    عضو جيد الصورة الرمزية رتوجه
    تاريخ التسجيل
    Sep 2003
    المشاركات
    201
    قوة التمثيل
    261
    <font color='#000000'>

    <font face="arial, helvetica, sans-serif"><font face="tahoma, arial, helvetica, sans-serif" color=#3333ff size=3><strong>بس حرااااااااااااااااااااااا ااااااااااااااااااااااااا ااااااااااااااااااااااااا اااااااااااااااام<img src="http://oasis.bindubai.com/emoticons/sad.gif" border=0>لا تتاففون وااايد قالت عندها ظروف و الله يعينها على الي هي فيه<img src="http://oasis.bindubai.com/emoticons/down.gif" border=0>&nbsp;و ترا الصبر زين بس انتوا &nbsp;ادعولها ربي يفرج لها همها انشالله عشان تكمل&nbsp;لنا القصه <img src="http://oasis.bindubai.com/emoticons/smile.gif" border=0>&nbsp;و الجنيه كلنا بالهوا سوا <img src="http://oasis.bindubai.com/emoticons/wink.gif" border=0>و الحال من بعظو</strong></font> &nbsp;</font></p></font>

  5. #170
    عضوية البكالوريا الصورة الرمزية الجنيه
    تاريخ التسجيل
    Jul 2003
    المشاركات
    2,182
    قوة التمثيل
    361
    <font color='#810541'><font color=#ff6699>رتوجه ،،،،ماماتي لا اتعصبين ولا اتلومينا يوم نتافف الصراحه ملينا من كثر ما نقرا قصص وما تتكمل يعني بذمتج كم قصه تقرين في المنتدى
    وللحين هب مخلصه؟؟؟ انا عن نفسي اقرا اربع قصص من تقريبا خمس شهور وللحين ولا شفت نهايه قصه وحرمت اني اقرا قصه الا يوم اشوف كلمه النهايه في آخرها الصراحه اتعقدت والله مافيني صبراكثر من جي.....

    أما بالنسبه للكاتبه فالله يعينها ويصبرها على اللي هي فيه ....

    و السموحه</font> <img src="http://oasis.bindubai.com/emoticons/tounge.gif" border=0></font>
    لو حلفت انك تبيني ،،،
    وميت وهيمان فيني ،،،
    بأعتبرها ألف كذبه،،،
    طحت من قلبي وعيني ،،،

  6. #171
    عضوية البكالوريا الصورة الرمزية الحساس
    تاريخ التسجيل
    Mar 2002
    المشاركات
    1,999
    مزاجي
    Cheerful
    قوة التمثيل
    368
    <font color='#810541'>وين التكمله&#33;&#33;&#33;&#33; ول اقصيتوا علينا&#33;&#33; كالعاده كملوها&nbsp; بسرررررررررررررررررعه
    </font>

  7. #172
    عضو جيد الصورة الرمزية شمس
    تاريخ التسجيل
    Nov 2003
    المشاركات
    248
    قوة التمثيل
    260
    <font color='#000000'>السلام عليكم
    مرحبااااااااااا شباب و شابات

    عندي لكم بشارة حلوة ... ما اعرف اذا بتعيبكم و لا لا ؟؟&#33;

    بس احب اقولكم

    ان القصة تكملت و اذا ما في مانع انزللكم الجزء اليديد..........

    بنزله للي يحب يقراه

    .................................................. ......................

    <span dir=rtl></span><span dir=rtl></span><span lang=ar-sa dir=rtl style="font-size: 12pt; color: #832351; font-family: arial; mso-bidi-language: ar-sa; mso-fareast-font-family: &#39;times new roman&#39;; mso-ansi-language: en-us; mso-fareast-language: en-us"><span dir=rtl></span><span dir=rtl></span>+ :: الجزء الثالث عشر :: +

    كانت النار تلتهم قماش الستارة بسرعة كبيرة.. وخالد يالس جدامها وحاط ايده على ركبته يطالع اللهب بانبهار.. كان لون النار زاهي وشكلها وهي تتمايل جدامه وايد مغري.. وكل ما كانت النار تكبر كان ابتسامته تزيد.. وكان خاطره يلمسها.. مد إيده صوبها بس الحرارة منعته وخلته يرد ايده على ورا بسرعة.. وتم على حالته هاذي وهو يشوف الستارة تحترق بشكل عمودي.. وللحين مب مستوعب انه هالشي ممكن يضره بأي طريقة..
    وعقب شوي يوم مل من اللي سواه.. يلس يفكر كيف ممكن يطفي النار عشان لا احد يهزبه أو يكتشفه.. وتم يتلفت حواليه يدور شي يفره على الستارة ويت عينه على الشال اللي كانت يدوته تلبسه ساعات يوم تبرد.. وركض صوبه عشان يطفي به النار بس في اللحظة اللي ابتعد خالد فيها عن الدريشة انفجر الزجاج بقوة خلته ينتفض بكبره وتم يطالع الزجاج اللي تناثر من الدريشة وعيونه مبطلة ع الاخر من الخوف.. وركض صوب الباب يحاول يبطله بأي طريقة.. بس خالد اللي قفل الباب بكل عفوية ما كان يعرف كيف يبطله.. ورغم انه حاول ويا المفتاح بس انصدم انه مب راضي يتحرك.. وانترست عيونه دموع وهو يدق الباب وينادي بصوت مخنوق: بطلوا...&#33;&#33;&#33; لولة بطلي الباب... بسرعة&#33;&#33;&#33;

    أمولة وسارة اللي كانن في الصالة سمعن صوت الزجاج وهو يتكسر .. وكان الصوت ياي من الممر..
    أمل: سارونا شو ها؟؟
    سارة (بتعب): شي انكسر..
    أمل: خلوود وينه؟؟
    شهقت سارة: قومي بنشوفه لا يكون كسر شي هناكي..
    وركضت أمل بسرعة صوب غرفة يدوتها وسارة تحاول تركض بتعب وراها.. وأول ما وصلوا الممر شموا ريحة الدخان وسمعوا صوت خالد وهو يصيح من خاطره.. وكانت سارة هي اللي هجمت على الباب تبا تبطله بس ما رامت.. ونادت بصوت عالي: خلوووود؟؟؟؟
    سمعها خالد اللي كان ملصق اذنه بالباب ويلس يصيح أكثر ويترجاها تبطل الباب: ساروه بطلي الباب.. بسرعة.. أبا أطلع..&#33;&#33;&#33;
    أمل: منو قفل عليك الباب؟؟؟
    سارة: بروحه قافلنه من داخل.. .خالد .. خالد.. شو هالريحة... انت حرقت شي داخل؟؟؟
    خالد: انا ما سويت شي.. طلعوني... بسرعة... &#33;&#33;&#33;
    اطالعت سارة أمل وهي بتموت من الخوف وزاعجت عليها: سيري ازقريهم .. خالد قافل على عمره الباب والحجرة تحترق.. &#33;&#33;&#33;&#33;
    أمل ( ودموعها تنزل):ما بسير... ببطل عنه الباب.. بسرعة... وخري عني..
    حاولت أمل تبطل الباب من دون فايدة وسارة محتشرة عليها تباها تروح تزقرهم.. وركضت لولة بسرعة صوب الصالة عشان تزقر أي حد يساعدهم..

    ***

    في الميلس.. كانت ياسمين توها داشة وقامن الحريم كلهن يسلمن عليها وهي تتمخطر من بينهن مثل الطاووس المغرور.. بنات صالحة عيبتهن ياسمين وايد وقررن على طول انها تكون من أعز ربيعاتهن.. وسلامة أول ما دشت ما عيبتها أبدا.. وهذا بعد كان احساس لطيفة اللي همست لأمها: كم قوطي كريم أساس حاطة على ويهها هاذي؟؟
    سلامة (وهي تبتسم): لطوف عيب..
    لطيفة: بس حرام جي .. حد يخبرها انه هاذي عزيمة عادية مب عرس ولا حفل تتويج..
    سلامة (وهي تطالع بنتها بنظرة حادة): لطوف صخي.. &#33;&#33;
    لطيفة: هههه.. امايه جربي حطي صبعج على خدها أكيد بيغوص في الكريم أساس..
    سلامة( وهي تحاول تخبي الابتسامة اللي على ويهها): لطوف&#33;&#33;&#33;&#33;
    ابتسمت لطيفة وصدت صوب اختها موزة اللي كانت تضحك وتهمس بشي في إذن ليلى وراحت صوبهن.. وأول ما شافتها موزة قالت لليلى: هاذي لطيفة .. اختي اللي في الثانوية..
    ابتسمت ليلى للطيفة ووقفت تسولف وياها شوي قبل لا يروحن هن الثلاثة ويسلمن على ياسمين اللي كانت ترمس أم أحمد وتبتسم لها بخجل.. ويوم وصلت ليلى صوبهم سمعت ياسمين تقول لأم أحمد: ان شالله عمتي .. بتشبعون مني ومن عبدالله.. وإذا تبين بعد ببات عندكم الليلة..
    أم أحمد: الله يعطيج العافية يا بنيتي..
    سلمت ليلى على ياسمين ببرود.. بعدها متظايجة منها بسبة الحركات اللي كانت تسويها في السفر.. وعرفتها على لطيفة وموزة.. وبعدين يت سلامة وبنات صالحة وربيعات ياسمين يسلمن وياسمين شوي وبتطير من الوناسة بسبة الاهتمام اللي محصلتنه منهم.. ويوم يا دور شيخة مرت فهد ، ابتسمت ياسمين بإعجاب.. هاذي بالذات مبين عليها مب سهلة..
    شيخة: الحمدلله على السلامة.. ومبروك.. ولو انها يت متأخرة وايد
    ياسمين (تبتسم): الله يبارك فيج غناتي.. انتي مرت ولد صالحة صح؟
    شيخة: هى انا مرت ف...
    قبل لا تكمل شيخة جملتها بطلت الخدامة نجمة الباب بكل قوتها وكلهم التفتوا صوبها بخليط من الخوف والانزعاج..
    نجمة (وصوتها يرتجف): ماما.. ماما... هريجة.. هريجة داكل غرفة ماما كبير..
    أم أحمد اللي وقفت بصعوبة أول ما دشت نجمة.. مشت لها بسرعة الحين يوم سمعت رمستها وسألتها بعصبية: شو تقولين؟؟؟؟ ارمسي عدل نجموه..&#33;&#33;&#33; شو مستوي؟؟
    بلعت نجمة ريقها وابتدت الدموع تنزل من عيونها .. كانت خايفة وتعرف انه خالد داخل بس خوفها وارتباكها مب مخلنها تفكر عدل..
    نجمة: ماماه غرفة مال انتي في حريجة عودة&#33;&#33;&#33; بسرأة ماماه.. &#33;&#33;
    ليلى كانت أول وحدة تحركت من الميلس.. أول ما سمعت الرمسة اللي قالتها نجمة ما حست بعمرها الا وهي تركض بكل سرعتها صوب البيت.. وإيدها على قلبها وعيونها زايغة .. وهي تدعي ربها انه يحفظ اخوانها اليهال..

    ***

    أمل أول ما وصلت للصالة وزاعجت ع الخدامات عشان يسيرن يخبرن يدوتها واختها.. تمت واقفة في الصالة تصيح ما تعرف شو تسوي.. ويت عينها على التيلفون وتذكرت انه ليلى مخزنة لهم رقم مايد ومحمد في التيلفون.. إذا ضغطت على رقم واحد بيوصلها لمايد.. ورقم 2 لمحمد.. وبدون تردد يودت السماعة واتصلت بأخوها مايد اللي كان طالع من البيت قبل نص ساعة ورايح يلعب كورة ويا عيال حارتهم.. وسمع تيلفونه يرن مرتين بس ما سوى له سالفة لأنه كان منمدج في اللعبة ..
    سالم : ميود تيلفونك...
    مايد (وهو يشوت له الكورة): يود الكورة بجوف منو متصل وبرد لكم..
    طلال: ياخي قلنالك بند تيلفونك قبل لا تلعب..
    ركض مايد صوب التيلفون .. ورد بسرعة يوم جاف انه الاتصال من بيتهم..
    مايد : </span><span style="font-size: 12pt; color: #832351; font-family: arial; mso-bidi-language: ar-sa; mso-fareast-font-family: &#39;times new roman&#39;; mso-ansi-language: en-us; mso-fareast-language: en-us">hello<span dir=rtl></span><span dir=rtl></span><span lang=ar-sa dir=rtl><span dir=rtl></span><span dir=rtl></span>&#33;&#33;&gt;&gt; </span>who&#39;s speaking<span dir=rtl></span><span dir=rtl></span><span lang=ar-sa dir=rtl><span dir=rtl></span><span dir=rtl></span>??
    أمل: ها؟؟ مايد وين؟؟
    مايد: ههههههه.. لولة يالسبالة ليش تلعبين في التيلفون؟؟
    أمل اول ما سمعت صوت مايد انفجرت من الصياح.. واختفت الابتسامة عن ويه مايد..خصوصا انه سمع حشرة حواليها وصوت الخدامة الثانية تاميني وهي تزاعج.. وسألها بعصبية: أمولة شو فيج؟؟؟ شو مستوي؟؟ بلاها هاذي تزاعج.. ؟؟
    أمل: ميودي بسرعة تعال.. خالد في غرفة يدوه والباب مقفول.. وفي شي يحترق داخل..
    مايد: شو؟؟؟ شو اللي يحترق؟؟
    اطالعت أمل الممر.. وشافت السواد اللي تيمع على السقف من الدخان الاسود وتمت تصيح بصوت عالي وهي تقول له: ما اعرف الحجرة احترقت ميودي خالد داخل.. ما اعرف ابطل الباب.. تعال&#33;&#33;&#33;&#33;&#33;&#33;&#33;&#33;

    أول ما استوعب مايد السالفة ركض بسرعة للبيت وربعه يزقرونه مستغربين منه.. وسالم من الخوف ركض وراه يشوف شو استوى به..
    مايد كان مب عارف يفكر.. أفكاره كلها متلخبطة.. وكل اللي كان في باله انه يوصل للبيت بأسرع وقت.. ما يبا يتخيل شكل خالد وهو داخل ولا فكرة انه ممكن يفقد أي احد ثاني من عايلته.. فكرة الموت مخيفة .. وايد مخيفة.. خصوصا لمايد اللي بعده ما برت جراحه اللي تنزف بسبة موت امه وابوه .. </span></span>
    </font>

  8. #173
    عضو جيد الصورة الرمزية شمس
    تاريخ التسجيل
    Nov 2003
    المشاركات
    248
    قوة التمثيل
    260
    <font color='#000000'><p class=msonormal dir=rtl style="margin: 0in 0in 0pt; direction: rtl; unicode-bidi: embed; text-align: right"><span dir=rtl></span><span dir=rtl></span><span lang=ar-sa style="color: #832351; font-family: arial"><span dir=rtl></span><span dir=rtl></span><font size=3>***

    أول ما طلعت ليلى من الميلس ركضوا كلهم وراها.. حتى نهلة وربيعات ياسمين سارن يشوفن شو استوى.. إلا ياسمين وشيخة.. هن الوحيدات اللي تمن واقفات في الميلس... ياسمين على ويهها نظرة قهر وشيخة نظرة تعاطف مصطنعة..
    شيخة: ليش ما رحتى وراهم؟؟
    اطالعتها ياسمين بنظرة وقالت: أكيد الخدامة تبالغ.. تلاقين العشا احترق وهي مسوية هالحشرة كلها ع الفاضي..
    شيخة: خربوا عليج ..
    ياسمين (بنبرة حادة): نعم؟؟
    شيخة: خربوا عليج.. هالليلة المفروض تكون ليلتج .. وفي لحظة كلهم ابتعدوا عنج وخلوج هني بروحج..
    سكتت ياسمين.. وابتسمت شيخة وهي تقول: مب لازم تتصنعين جدامي أو تجامليني.. أنا ادري انج ما تحبين اهل ريلج..
    ياسمين: شو هالرمسة؟؟ منو قال لج هالشي.. ؟؟ انا مب من هالنوع..
    شيخة: قلت لج لا تحاولين تغيرين شخصيتج وياية.. انا وانتي من نفس النوع..
    يلست ياسمين ع القنفة واطالعت شيخة بنظرة شك: أي نوع؟؟
    شيخة: النوع اللي يحس انه كل اللي حواليه سخيفين وأفكارهم واهتماماتهم مب من مستواه.. ياسمين انا وانتي مستوانا وايد اكبر عن اهل ريلي واهل ريلج.. صح.. ولا انا غلطانة؟؟
    ياسمين: ما ادري.. انتي خبريني.. أنا بعدني يديدة في هالعايلة..
    شيخة: شو أقول لج عنهم.. هاذيلا ناس متشددين.. أو بالأحرى متعقدين.. كل شي عندهم عيب ومنقود.. أنا عن نفسي من زمان تمردت عليهم وعلى عاداتهم..
    ابتسمت ياسمين وهي تأشر على الكرسي اللي حذالها: وكيف تمردتي عليهم؟
    يلست شيخة وقالت: يعني مثلا.. عندي سيارتي الخاصة وأسوقها بروحي واطلع في أي وقت اباه وويا ربيعاتي ومحد يروم يقول لي شي.. أنا مشترطة هالشي على ريلي من البداية وهو موافق..
    ياسمين :: هممممم.. يعني ريلج </font></span>
    <span dir=ltr style="color: #832351; font-family: arial"><font size=3>cool</font></span><span lang=ar-sa style="color: #832351; font-family: arial">
    <font size=3>شيخة: هى.. فهد وايد متحرر.. مب شرات امه اللي منغصة عليه حياتي..
    ياسمين: ووين تروحين ويا ربيعاتج؟
    شيخة: كل مكان.. نقعد في الكوفي شوب.. نتمشى في السيارة.. امممم.. واشيا وايدة بتعرفينها عقب..
    ياسمين: بعرفها عقب؟؟
    شيخة: هى.. هذا اذا كنتي تبين صداقتي؟؟
    ابتسمت ياسمين: وليش لاء؟ انا ما عندي ربيعات هني.. عطيني رقمج..
    عطتها شيخة رقمها وسمعوا حشرة برى وصوت ناس يصرخون.. وكل اللي سوته ياسمين انها تنهدت وقالت لشيخة: خبريني.. شو الكوفي شوبات الحلوة هني في العين؟؟

    ***

    في الغرفة اللي ابتدت تحترق بسرعة فظيعة.. كان خالد منخش ورا شبرية يدوته يطالع بخوف الباب اللي ابتدا يحترق.. خلاص ماله أمل انه يظهر من اهني.. صوب الدريشة نار وصوب الباب نار.. وين بيروح؟؟ عيونه كانت تدمع من الدخان الكثيف في الغرفة وخدوده صارن حمر من الحرارة الفظيعة.. وفوق هذا كله كان يعرف انه يوم بيظهر بيهزبونه عشان اللي سواه.. خصوصا انه يسمع صوت ليلى تصرخ وتزاعج برى وأكيد بتظربه..
    حس خالد بجفونه تثجل وبتعب انسدح حذال الشبرية وغمض عيونه وتكور على نفسه وابتدا يصيح بهدوء..

    برى الغرفة كانت سارة لاصقة في الباب .. ويوم يت ليلى شافتها تصيح وملصقة خدها واياديها ع الباب تحاول تسمع صوت خالد اللي صار له دقيقتين ما طلع له حس.. وحاولت ليلى تبعدها عن الباب بس سارة كانت عنيدة وتمت متعلقة في مقبض الباب اللي كان حار من الخاطر... وشدتها ليلى بكل قوتها وحاولت تبطل الباب.. بس طبعا من دون فايدة.. وتمت واقفة عند الباب تنادي أخوها الصغير : خالد&#33;&#33;&#33; خالد&#33;&#33;&#33;..
    وقربت اذنها من الباب اللي ابتدى يحترق ويتفحم بس ما سمعت أي صوت وسمعت يدوتها وراها تصيح وسلامة تحاول تهديها وسمعت صوت موزة تقول لهم انها اتصلت بالمطافي ..
    تنفست ليلى بصعوبة وحست بدموعها تنزل بغزارة من عيونها.. خالد داخل.. ماله حس.. وهي هني برى مب عارفة شو تسوي.. مب قادرة تدش عنده داخل.. تخفف عنه.. اطمنه انه بيكون بخير.. وانه ما بيستوي به شي.. هذا اذا كان بخير؟؟
    حست ليلى بضعف فظيع.. حست انها مشلولة مب قادرة تتحرك ولا تسوي شي ولا حتى تفكر.. وغمظت عيونها حيل وهي تدعي ربها من كل قلبها: يا رب تحفظه.. إلا خالد.. يارب&#33;&#33;&#33;
    وفي وسط ذهولها تحركت بسرعة للتيلفون واتصلت بمحمد .. رغم انها تعرف انه بعيد ويمكن يوصلهم متأخر بس لازم يكون وياها.. لازم حد من اخوانها يكون وياها.. ما تقدر تواجه هالشي بروحها.. خلاص ما عاد فيها حيل ..

    ***

    في هالوقت كان مبارك في باركنات العمارة اللي فيها شركته.. وقف سيارته بسرعة ومشى بخطوات سريعة للبوابة.. وما اهتم للبواب اللي حاول فضوله يخليه يعرف ليش مبارك ياي الشركة هالحزة..
    مبارك يعرف انه شكله يوحي بإنه عنده مصيبة.. عيونه حمر ومب لابس غترته وحتى كندورته ما غيرها قبل لا يظهر.. وكل القهر والغضب اللي في داخله مبين في ملامح ويهه.. والبواب قبل لا يبطل حلجه شاف النظرة اللي اطالعه فيها مبارك وقرر انه يتم ساكت احسن له..

    دش مبارك المصعد وضغط على الطابق الخامس.. وتم يطالع انعكاس ويهه في الجامة وأول ما وقف المصعد طلع بسرعة وبطل باب مكتبه ودش.. وكل ما كان يقترب من أدراج مكتبه ، كان يحس انه قلبه يدق بعنف أكثر.. الحين بيكتشف كل شي.. الحين.. كل شي بيتوضح..
    بطل مبارك الدرج عقب ما شغل ليت المكتب.. وتم يفتش بين الملفات.. وحصل من بينهن ملف فواتير الشهر اللي طاف.. ومن كثر ما هو متلهف يبا يعرف شو السالفة .. يلس ع الارض وطلع الفواتير كلهن وكانت فاتورة ناصر بن درويش أول فاتورة.. وفعلا المبلغ المسجل عليها كان 700 ألف درهم.. وناصر خبره انه دفع للشركة 980 ألف درهم.. يعني 280 ألف درهم زيادة وين راحت؟؟
    طلع مبارك الفاتورة الثانية.. كانت فاتورة خلفان بن عبدالله.. الشهر اللي طاف سلموه بنايته اليديده ومن دون ما يطالع مبارك الفاتورة كان متذكر عدل انه دفع لهم خمس ملايين.. مليون دفعة أولى .. والاربع ملايين اتفقوا تنخصم من إجارات البناية سنوياً ..
    اطالع مبارك ساعته.. كانت الساعة ثمان ونص.. وفتش بين الأرقام في موبايله على رقم خلفان بن عبدالله.. واتصل به بدون أي تردد.. يمكن فاتورة ناصر بن درويش تكون غلطة من المحاسب.. ما يقدر يظلم عبدالله من فاتورة وحدة.. وعقب الرنة الرابعة رد عليه خلفان..
    مبارك: السلام عليكم..
    خلفان: وعليكم السلام والرحمة.. مبارك؟؟
    مبارك (وهو يبتسم بدون نفس): هى نعم عمي .. شحالك.؟؟ ربك الا بخير..
    خلفان: بخير ربي يعافيك .. انته شحالك وشحال ابوك واهلك؟؟
    مبارك: الحمدلله كلهم بخير ونعمة.. عمي بغيت اتخبرك عن شي..
    خلفان: تفضل يا مبارك.. خير ان شالله؟
    مبارك: عمي تذكر كم دفعت لنا عشان البناية اللي سوينا لك اياها؟؟
    خلفان: هى بلاني ما اذكر؟؟ دفعت لكم مليون.. وباجي اربع ملايين وامية..
    مبارك : 100؟ امية ألف؟؟
    خلفان: هههههههه.. عيل امية ربية؟؟
    سكت مبارك... شو اللي يالس يستوي.. رد يطالع الفاتورة.. خمس ملايين.. من دون الامية ألف.. شو السالفة..
    خلفان: ألوو؟؟؟ مبارك؟؟
    مبارك: هلا عمي.. عندك نسخة من الفاتورة؟
    خلفان: هى عندي
    مبارك: ومسجل فيها خمس ملايين و 100؟؟
    خلفان: هى مسجل فيها والمحكمة بعد عندهم نسخة.. بس ليش تتخبر عن الفاتورة؟؟
    مبارك: ها؟؟ لا .. ماشي.. بس يالس اراجع الحسابات وبغيت أتأكد ..
    خلفان: هييييييه.. تحريت بعد بتزيدون علينا الفاتورة..
    مبارك: هههههه لا يا عمي اطمن .. خلاص دام انه العقد تسجل في المحكمة محد يروم يغير شي..
    خلفان: الحمدلله... يعني اطمن؟؟
    مبارك: هى عمي لا تحاتي.. بخليك الحين عمي مشكور وما قصرت..
    خلفان: أفا عليك يا مبارك.. ما سوينا شي
    مبارك: ما تقصر عمي.. مع السلامة..
    خلفان: مع السلامة..

    بند مبارك عن خلفان وتم يطالع شاشة التيلفون فترة.. هاذي سواتك يا عبدالله؟؟ تقص عليه؟؟ تقص عليه انا؟؟ وانا طول هالفترة شرات الأهبل ما ادري عن شي.. اذا هالصفقتين بس ربح من وراهن 380 ألف درهم.. عيل السوالف اللي ما اعرف عنهن أكيد أدهى وأكبر.. وسهيل.. مشترك وياه في هاللعبة ولا لاء؟؟
    وقف مبارك وفي عيونه نظرة حادة وقوية.. وقال بصوت مسموع وهو ياخذ الملف وياه ويطلع من المكتب: هيّن يا عبدالله... أنا بعلمك شقايل تلعب على مبارك بن فاهم.. إن ما خليتك تعض صبوعك ندم ما أكون مبارك..&#33;&#33;

    ***

    محمد – اللي ما كان يعرف عن كل اللي يستوي في البيت- كان يالس ويا منصور في ميلس بيتهم يسولفون في كل شي الا الموضوع اللي كان محمد ياي يرمس فيه.. لأنه من شاف منصور.. راحت عنه كل الشجاعة وما قدر يتنطق بحرف واحد.. ومنصور لاحظ ارتباكه هذا..

    منصور: محمد؟؟ شو فيك؟؟
    محمد: أنا؟؟ شو فيه؟ ما فيه شي&#33;
    منصور: كيف ما فيك شي وانته من يوم يلست كل شوي تتنهد وتنافخ.. ؟
    نزل محمد عيونه وفكر يخبره ولا لاء.. منصور ربيعه ويمكن يتفهم وضعه.. بس المشكلة انه كل ما يبطل حلجه عشان يرمس.. غصبن عنه يرمس في موضوع ثاني..
    محمد: ما فيني شي منصور لا تحاتي.. بس شوية ارهاق من الشغل..
    منصور: على طاري الشغل.. خلاص استلمت محلات ابوك الله يرحمه؟
    محمد: هى .. قدمت استقالتي في اتصالات وابتديت من يوم الأحد أدير محلات ومطاعم ابويه.. وأول شي أفكر فيه اني ابطل محل يديد في الامارات الشمالية..
    منصور: ما شالله عليك يا محمد.. ربي يوفجك في كل خطوة تخطيها
    محمد: تسلم والله .. انته بعد ما قصرت ويايه..
    في هاللحظة رن موبايل محمد وكان الرقم رقم بيتهم.. استأذن محمد من منصور اللي قام اييب لهم شي ياكلونه وأول ما طلع منصور رد محمد على التيلفون..
    محمد: ألو؟؟
    ليلى (وسط دموعها): محمد&#33;&#33;&#33;&#33;
    محمد يوم سمع صوتها زاغ : ليلى؟؟ ليش تصيحين؟؟
    ليلى: محمد تعال بسرعة.. ألحين تعال&#33;&#33;
    محمد: شو مستوي ليلى؟؟
    في هاللحظة سمعت ليلى صوت يدوتها تصرخ بأعلى صوتها وفرت السماعة وركضت تشوف شو استوى بهم ومحمد من كثر ما اتروّع طلع بسرعة وركب موتره عشان يرد البيت.. ويوم رد منصور الميلس ما حصله واستغرب من هالشي.. ويوم اتصل على تيلفونه انصدم انه ناسي التيلفون في بيتهم..
    منصور شل التيلفون وهو مستغرب.. شو اللي ممكن يخليه يطلع جي من دون ما يخبره؟؟

    ليلى يوم فرت السماعة ركضت صوب يدوتها وشافت مايد يركض صوب المطبخ ووقفت تبا تزقره بس غيرت رايها وسارت ليدوتها اللي كانت طايحة عند باب غرفتها وهي تصيح بكل قوتها.. الباب احترق بكبره وتفحم والدخان الاسود اللي يطلع من داخل الغرفة مستحيل يوحي بأنه اللي داخلها بعده على قيد الحياة..
    ليلى أول ما شافت الدخان خلاص فقدت الأمل وتمت تطالع الباب وعلى ويهها نظرة مصدومة.. خلاص خالد أكيد راح.. راح خالد منها.. أمها خلته حقها وهي فرطت فيه.. أمها ظحت بحياتها عشان تحميه وهي بكل غباء خانت الأمانة اللي في رقبتها.. وأهملته وراح..
    حاولت تشيل من بالها الصور الفظيعة اللي بدت تتكون.. صورته وهو يحترق.. وعلامات الخوف كلها مرسومة على ويهه.. وتذكرت ملامحه العذبة وابتسامته الرائعة وحست بألم فظيع في قلبها.. اطالعت اخوانها .. أمل كانت حاظنة سارة بقوة واثنيناتهن يصيحن وعيونهن على الباب اللي فرقهن عن اخوهن الصغير.. ويدوتها كانت يالسة ع الارض ..تلطم بإيدها على ويهها وتصيح بأعلى صوتها.. سلامة وبناتها .. صالحة وبناتها.. كلهن كانن يصيحن.. كلهم يأكدون لليلى حقيقة انه اخوها راح منها.. كلهم واقفين عاجزين جدام الباب المقفول..

    ..
    ...
    ..


    إلا مايد...

    مايد كان الوحيد اللي ما فقد الأمل فيهم..

    وهو الوحيد اللي فكر يتصرف..

    ***


    نهاية الجزء 13..... ترقبوا الجزء 14 ..
    --------------------------------------</font></span>
    </p></font>

  9. #174
    عضو متميز الصورة الرمزية نور السنا
    تاريخ التسجيل
    Apr 2003
    المشاركات
    765
    قوة التمثيل
    293
    <font color='#F52887'>ختيه شمس ارحب بج أول و احب أقول لج الصراحه المكلفين انهم ينقلون القصة هنا انا و عين الدماني... و أعتقد اهانة لنا انجتنقلين القصة من غير اذن مني أو منها بس على العموم حبيت أقول لج اني نزلت هالأجزاء و الجزء الخامس عشر بعد في موضوع ثاني فأتمنى انج تركزين على قصتج الي بصراحة وايد عيبتني و تخلين هالقصة لأصحابها.. و شكرا.

    و على فكرة الموضوع اسمه مفاجئة...</font>
    <img src="http://oasis.bindubai.com/download/noor_elsana/nnnnnn.jpg" border="0">

  10. #175
    عضو جيد الصورة الرمزية شمس
    تاريخ التسجيل
    Nov 2003
    المشاركات
    248
    قوة التمثيل
    260
    <font color='#000000'>السلام عليكم

    اسسسسسسسسفة نور السنا
    سوري ما كنت ادري بس انا بالاول شفت الموضوع م اكان مكمل
    ما كنت ادري انج كملتيه

    اسفة مرة ثانية ما يخصني في شي اوكي
    سوري

    و السموحة منكم</font>

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •