السلام عليكم ..
قريت الموضوع من بدايته و استغربت من ردود البعض .. !
معلومة فقط .. في مصر هناك فتاوي كثيره ماينعدن من كثرهن .. مثلا فتوى تنص على ان الربا ( الفوايد البنكية ) حلال بشرط اذا كنت مغترب خارج بلادك ( عشان جيه انشوف بعض المدرسين المصاروه حساباتهم في البنوك الربويه وياخذون عليها فوايد و يقولوكم حلال ) .. و حف الحواجب و التنظيف نفس المعنى لكن الكلمات تختلف مثل ماتقولون "ربا" و "فوايد بنكيه" .. التنظيف عبارة عن إزالة الشعر الي عالأطراف بغرض ترتيب الحواجب .. ! يعني نفس المعنى، شعرتين ولا 10 شعرات في النهاية المقصد واحد .. و هو حلال في حـــــــــــالة وحده اذا كانت الحواجب تشوه وجه المرأة بشكل ملحوظ و يخليها تنحرج من شكلها امام الناس .. هيه نعم في هالحالة يجوز لكن بحدود يعني ماتحفيلي حيايج شرات روووبيترتبينهم بحيث يكون الشكل معقول ..
و على فكرة أيضا .. الكويتين اكثر ناس يمشون على فتاوي مصر ..
و احيد مره واحد على ما اضن مصري كان ايي الميلس عند ناس يفتيلهم .. 200 درهم = حرام ... 300 درهم = مكروه ... 500 درهم حلال .. اوكي كيف بيحلل الشي ؟؟ ماعليكم انتو هو بيلف و بيدور المهم ان الشي هذا بيكون حلال
لكن على منو تلعبونها .. على الله ؟؟:kkk:
إن الله يعلم ماتخفيه الصدور و إنما الاعمال بالنيات .. صدق ان اغلب اهل النار من الإناث .. الله يهديكن بس .. !
رد مع اقتباس
مواقع النشر (المفضلة)