كيف و متى تتذكرون الواحات ؟

[أمواج]

:mar7aba:
.
.

اول سؤال .. وين تتذكر الواحات .. و شو هو الموقف او الشي الي يذكرك فيها ؟


بصــراحه ماتذكر الواحات إلا اذا دشيــت النت ، اول مادش النت على طول ادش الواحات والـ . . .

ثاني سؤال .. منو من اعضاء الواحات الي يكون في بالك يوم تتذكر الواحات ؟
والله وايدين اللي اتذكرهم ، اممم مثــلا مسـافر للجفــا ايي على بالي يوم أسمـع إغنيـه عبدالمجيد عبدالله ( مسافر للجفــا ) ، اممم أم خدووود دايمــا اتذكرها يوم اسمــع إغنيه بو الخيـر ( وشحالكم ياعرب ) و بعد محب الشيخين ايي على بالي كل ماشووف صورة واحد يكــتب في مجــله طلابيه تابعه لجامعـة الامارات مادري ليش أحس إنهم يتشـابهون brgll: ، وكل ماينطــرى جدامي جبيـله الزحمي ايي على بالي المزووحي أحس إنهم نفس الاســم
وايدين اللي اتذكرهم بس ماروم اكتب :kcl:
.
.

[شرجاوي]

ما اتذكرها

[الغاليه]

اتذكر الواحات يوم اكون في دبي .. واي شباب او بنات اخمن انهم من هل دبي اتخيلهم شباب وبنات الواحات ...


ممممممم تقريبا كل حد من اعضاء بن دبي مكونتله انطباع خاص فراسي .. ويوم اتمشى في المولات هههه اعلق ويا خواتي وبنات اهلنا هذا فلان وهذا علان .. وطبعا كله تأليف .. ويوم اتشرى واجوف بنات يتشروون اول وحده اتي افبالي ام خدوود واحسها رئيسة الشلة !

هيه صح ... واي انسان مطوع اسميه محب الشيخين ..

.. مب انا بس.. نشرت هاالاسم في بيتنا والبيوت المجاورة لوول .. حتى اختي مرة سارت مكان عقب قالتلي شفت وايد محب شيخييييين ( جمع محب شيخين ) اهناك.. قصدها وايد مطوعين .. brgll: .. ضحكتني بصراحه

المهم طبعا مب قصدي شي يامحب الشيخين .. بس هالاسم ارتبط عندي بهالشكل بعد التاريخ الحافل اللي جمعني بمناقشات حادة معاك ..

وعقب حالي كان جيه يوم نزلت موضوع في الفضفضة يوم قلت انه مافيك لحية او شي جيه

لاني مارمت اغير الصورة الظريفة اللي رسمتها عنك لانها خلاص تثبتت وترسخت وتشطبت في مخي ..

العفو ان كان كلامي ازعجك .. بس سؤال لماح كان جيه وانا بصراحه جاوبت

والواحات مكان أليف استانس عليه واحب امر عليه بين فترة والثانيه يمكن لاني اتعودت عليها ويمكن لانها تضم مجموعة وتركيبة من الناس بينهم المبدع جدا والمزاجي والدلوع واللي شايف نفسه على ماعرف شو واللي مسكين على نياته واللي تحسه عنده شي نفسي واللي مايخصه في الدنيا واللي مسوي عمره فاهم وهو ولا يخصه وبين الطيب وبين اللي نفسه مش اوكيه و بين المتميز اللي فرض نفسه ويخلي الكل يعجبون فيه .. وبين وبين .. وكلهم تعودت عليهم ..


وايد تكلمت وكتبت ويمكن خرجت عن الموضووع.. اســـفه .. ولاتزعلون

[الغاليه]

to tell u the truth



شكلي البارحه كنت راقدة ومتأزمه نفسيا وانا اكتب brgll: ..

سوري ياحلوين وحقكم عليه :kcl:

[تحفه]

اممم أم خدووود دايمــا اتذكرها يوم اسمــع إغنيه بو الخيـر ( وشحالكم ياعرب ) .

!!

ليش يعني بالذات اغنية وش حالكم يا عرب لول ..

ويوم اتشرى واجوف بنات يتشروون اول وحده اتي افبالي ام خدوود واحسها رئيسة الشلة !

لووول ,, ما نتبع نظام الزعامه في شلتنا brgll: .. بس فال خير فال خير :qor9anah:

[أمواج]

!!
ليش يعني بالذات اغنية وش حالكم يا عرب لول ..

لانج كنتي حاطــه هالاغنيــه مره فالواحات
وانا ماكنت اعرفهــا واول مره اسمعــها
ويوم يحطونها على قناة دبي على طوول اتيين على بالي

[تحفه]

يا سلاااااااااااام الي يسمعج يقول اغنيتي صدق ,, حظي قايم وياج ..

خلاص بسميها اغنيتي Xd

[الجديدة]

و عليكم السلام و رحمه الله و بركاته

سؤالين حلوين الصراحة
و راح اجاوب عليهم بصراحة يمكن تقولوا اني ابالغ بس هذا شعوري نحو الواحات

اول سؤال .. وين تتذكر الواحات .. و شو هو الموقف او الشي الي يذكرك فيها ؟
أتذكر الواحات كل ما ادخل أي منتدى ثاني انا مشاركة فيه و اضع مشاركة هناك و لا أضعها هنا
و أكون وايد متندمة على ذلك ، الشيؤ الثاني أذكر الواحات كل ما جبت سيرة كليتي لاني بديت مع الواحات من الكلية و كانت بداياتي فيها
مواقف كثيرة تذكرني بالواحات مثلا :لما أكلم أمطار ( دمعة العين سابقا) نتذكر الواحات و المواضيع الجديدة بها، لما اتذكر بعض المواضيع اللي ننقاشها و تجي في بالي الواحات خاصة الواحة المفتوحة.

ثاني سؤال .. منو من اعضاء الواحات الي يكون في بالك يوم تتذكر الواحات ؟
أول عضوة أمطار لانها هي من عرفتني بالواحات و ناس الواحات
العضوة الثانية الشوق بمواضيعها الزينة
الحساس صحيح انه غايب بس له وجود قوي بمواضيعه
خنفروش اللي صاير غايب بشكل كبير عن الواحات كل ما ارجع أقرأ بعض مواضيعه أتذكره
محب الشيخين لمواضيع الجديدة و المتميزة ما اعرف ليش يجي ذكره على بالي
قايد الريم بعد نفس الشي اذكره

كثير من الأعضاء بس هذيل يجوا على بالي كثير ما ادري ليش

شكرا لماح على الموضوع

[اصايل]

ان اذكر الواحات يووم اكون ويا ربيعاتي و نسولف عن المواضيع

و الشخص اللي اذكرة منصوري الدولة و بوظبي و عديمة احساس

[قصايد غلا]

أنا الواحات دومها على بالي

بالرغم من إني قبل أيام مشتركه لكني قبل سنتين تقريبا أو أكثر كنت مشتركه بنك ثاني
وأنا متعلقه بالواحات واااااا اااااايد


و يوم أشوف نيسان أتذكر لمّـ ــاح ، ويوم أمر جدا ستاربكس أتخيّل إنه حد من الأعضاء موجود فيه:m7tar: :gof:
ويوم أشوف سجاجين ولا يوم أمر القراين صوب مدرسة العروبه أتذكر المقاتل:bow:
ويوم حد يطري القصص ولا البر أو راس الخيمه أتذكر المزيونه:mar7aba:
ويوم أشوف الــBMW أتذكر قلوو ووب دبي ، ويوم أمر على جامعة الشارجه (كل يووووم أمر) أتذكر قرموشه
والجامعة الأمريكيه تذكرني بمنصوري الدولة واليـــاه
ويوم أشوف التصاميم والفساتين وهالسوالف مادري ليش أم خدود (بوظبي) تي على بالي
ثاانكس أخويــ لمـّاح ــه على الموضوع...

[الـيـاه]

سلاام

هممممم متى اتذكـر حـد من الواحــات ؟

- يــوم اســيـر ستاربكـس :harhar1: صــدق ستاربكـس واااايد يذكـرنـي فالــواحات

- يـوم اكــون في صحارى على طــول اتذكـر

- جيلــيـز بعد وايــد يذكـرنــي فيــها

- تـوم كروز و دبنهامز يذكـرووونـي في الواحـات ( بس مب قايله ليــش هههه )

- الجامـعـه بعـد :smartass:

- The village و المرسـى


.
.
.

[شمعة أمل]

ماتذكر الواحات ك*واحات* بس اتذكر الأعضاء الى فيها..

الياه وهزاايم دوم عالبال لاني ارمسهم تقريبا كل يوم واذا مارمسهم حد يرمسني عنهم ..

هالمره يوم سرت لندن .. اخر يوم سرنا الحديقه ويا امي ومشتنا الحديقه كلها وجان اتذكر قلوب دبي يوم كتب في موضوع كان ياخذ درب طويل عشان يسير الحديقه

همم سيرامك كافيه يذكرني في بوظبي وهذاك الهوت دوغ الى لونته اخضر بالفوتوشوب

خطيبة ولد عمي تذكرني في أنامل

في أكلات مادري ليش تذكرني في خيال الحب < صدق مايخصه .. بس احسه انسان وايد دب

مره جفت صورة وحده في الجريده .. حسيتها تنينه مادري ليش؟!

يوم اشتغلت هالصيف .. شكيت انه وحده من البنات هي الجنيه بس ماتجرأت اسير وأسألها لاني ماحتكييت وياها وايد .. بس كنت ابتسملها مرات لووول ..


كنت في كلاس icdl هالصيف حد من الاعضاء فيه .. بس ماسويت اعلان اني في نفس الكلاس .. عدد المواطنات فيه محدود كله زلمه وسخيفين عليهم حركات بايخه >_< ومايحترمون المدرس!
في البريك .. واحد لبناني سخيف سار عند السبوره ورسم دويرتين وحده عوده ودويره صغيره فيها .. اونه شو هذاا .. وحده لبنانيه بايخه ردت عليه *دوووننااات* جان يقول *لاااا ديه طاائية شاب مكسيكيي* .. في خاطري WHATEVERRRRRRRRRRRRRRRRRRRRRRR



وايد اشيا ثانيه .. بس خلوني اتذكر شو هم

[شهوووودة الأمورة]

موضوع جدييييييم بس حلووو..

مممم متى أتذكر الواااحاات ؟؟ مممم مادري بس اتيي ع باالي.. وخاااصة يوم افتح الابتووب ع طووول أول شي افتح الواحات .. طبع ما اطول فيها وااايد شوية وأظهر..

وسؤاال 2 .. منو من الأعضااء أتذكر ..

مممم لأني بسكن الجااامعه .. وااااااايد اتيي ع باالي أمواااج .. وكل ما أتمشى وألاقي وحده تمر حذاالي .. أقول يمكن هااي أموااااج ..
وبعد مزيووونوووه ام غمااازااات الدبة ما تنشاااف .. وشوق البدو نسييت ملامح ويهج دبووه ..

وهييه خياال الحب ايي ع بالي مراات لأنه بجامعة الإمارات .. واحسبه ربيع ولد عمتي ( يمكن مش اكييد مجرد احسااس) لأنه بنفس كليته لوووووووول

يووم ارووح الرحبة عند أختي .. اتذكر منصووري الدولة لأنه بنفس المنطقه ..
وهييه اتذكر الشوووق ( دووم ع الباال دبه وحده ) .. يوم ارووح الشارجه اتذكر عافك الخااطر .. يوم ارووح دبي اتذكر عفااريتوو و مممم بعد منووووه ؟؟؟؟

واااايدين بس هذوول أكثر شي ..

[الـيـاه]

اوه نسيت اقول كيف اتذكر الاعضاء ؟

شكسبير the village يذكرني بـ شمعة أمل

سبينيس يذكرني بـ بنت ناس وعرب

ستاربكس يذكرني بـ لمـّـاح

يوم امشي فالجامعه اقول فخاطري يمكن ها منصوري الدوله , والا ها احلى منصوري لول

امممم شو بعد

هيه الملاح يذكرني فـ بوظبي

يوم اشوف عمي اتذكر قلوب دبي لانه دوم ويا بعض في نفس الاماكن

[تنينه]

مره جفت صورة وحده في الجريده .. حسيتها تنينه مادري ليش؟!

لوول ليـش يعني اوييه لا يكون بس حاطين صورتي في الجريده وانا ما اعرف ,,


أبـى أجوف هالجريده والصفحه والصوره صدق جاسني فضول لوول