النخلــــــــــــــــــــ ـــــــــــــه

[أحلى منصوري]

<font color='#000000'><FONT color=#000000>
<P align=center><FONT color=#000000><FONT color=#000000><FONT color=#000000><FONT color=#000000>السلام عليكم ورحمة الله وبركاته
هاي اول مشاركه ليه&nbsp;معاكم&nbsp;في هالمنتدى وانشالله انها تعيبكم
اليوم بخبركم عن انواع النخل وبعض مميزاته ومن هالسوالف
في نوعين للنخل من حيث اللون با قولكم بعض هالانواع لانه هناك اكثر من ميتين نوع للنخل
اوا شي النخل اللي يسوي رطب لونه <SPAN style="COLOR: orange">اصفر</SPAN>ومنه :الخلاص وشيشي ولولو وزعمران وخضراوي والهلالي والنغال والدباس والبرحي ...... .
اماا النخل اللي يسوي رطب لونه <SPAN style="COLOR: red">احمر</SPAN> تراه اقل من النوع الاول ومنه : الخنيزي والسكري والإخصاب وغيره.
وبخصوص الاخلاص والشيشي والخنيزي تراه افضل انواع النخل (يعني افضل رطب وتمر مال هالنخل)
والهلالي والبرحي والإخصااب تراه يقيض اخر موسم الرطب يعني يتاخر ويذل اشويه صاحبه بس يستاهل&nbsp;أما النغال فيقيض في اول&nbsp;موسم النخل .
اما الدباس فهو اكثر نوع موجود في الدوله خاصه في بوظبي وليواا وغياثي وله مثل شعبي مشهور يقول: (<SPAN style="COLOR: orangered">اللي ما عنده دبااس ما ياخذ بنت الناس</SPAN>).
اما عن حمال النخله ترها اتحمل في بداية شهر اثنين وينتهي موسم الرطب في اواخر شهر ثمانيه هذه بالنسبه اهنيه عندناا في الامارات يعني يختلف الموسم من بلد لاخر بسبة&nbsp;هالشي رطب اعمان يستوي قبلنا ورطب السعوديه وقطر بعدناا باختصار تاخذ النخله ستة اشهر من يوم اتحمل لين ما يخلص الرطب عنهاا.
وبخصوص الفسايل فتقدر اتشلها من تحت النخله من يكون عمره سبع اسنين وفي نااس يقولون من يصفر خوص الفسيله ويكون داخل على اللون الخضرواحسن وقت اتشل الفسيله تراه شهر سبعه وثماانيه.
والنخل تراه من الشير اللي يعمر&nbsp;و عادي يوصل عمرهن لمية سنه ويتجاوزهاا.
والنخله تراهاا اتحمل مره في السنه ولا&nbsp; امحدد ابكم يكون عمرها يوم اتحمل ولا&nbsp; يؤثر على النخله الام يوم اتشل من تحتها الفسيله بس لازم اتكون من اهل الخبره حتى لا اتاثر هالنخله او تذبح الفسيله.
اماا بالنسبه عن مراحل مرور ثمر النخله فهو كالتالي :
خلال والاخلال اللي يكون لونه اسود ويطيح عالارض يسمونه دماج والخلال الباقي يسمونه بسر وبعدين يسمونه رطب والرطب يمر بعدة مراحل لين ما يسير تمر.
وذكر النخله يسمونه الفحل وتقدر اتميزه عن النخله من الخوص بحيث يكون خوص الفحل اخشن من خوص النخله وتقدر اتفرق بينهم ابطريقه ثانيه عن طريق الطلع لانه طلع الفحل يكون فيه بودره.
والســـــــــموحه لاني طولت عليكم بس انشالله تعجبكم مشاركتي بس اشويه املخبطه لانهاا الاولى .
اخـــــوكم
<SPAN style="COLOR: darkblue">احلى منصوري</SPAN></FONT>
حقوق الطبع محفوظه لدى واحاات بن دبي</FONT></FONT></FONT> </P></FONT></font>