<font color='#000000'>السلام عليكم ..
عندي مشكله مع اقرب ربيعه اليه .. بس .. و الله العظيم
ما اعرف شو هو السبب ..
الله اسلمكم .. انا و هي ربع من 6 سنين .. و الي في
خاطريه عندها .. و الي في خاطرها عندي .. يعني انا
و هي ما انغبي على بعض اي شي حتى اتفه الامور ..
و بداية هذي السنه الدراسيه ( في شهر 9 ) كان عرسها
وكنا نجهز انا و هي .. و في يوم العرس .. ما قدرة احضره
لأن كان عندي ظرف طارئ .. و كلمته و اتقبلت الوضع
( اني ما بحضر العرس ) بس .. مع الايام لاحظة انها قامت
تبتعد عني لا و اتصدني بعد .. كنت ارعيها في ظروفها
اقول : امعرسه ما بتفضالي مثل الاول .. بس بعدين حسيت
او لاحظة انها ما تبا تسمع اسمي بالمره .. استغربت ..
حاولت اواجها .. لكن .. مثل ما قلت انها كانت اتصدني ..
بعدين قلت خلاص الله اهنييها في حياتها .. انا ما احب اضايق
اي انسان .. فما بالكم بالي هي اقرب الناس اليه .. بس ..
صدق انا الحييين افتقدها .. واااااااايد .. لكن ما بأيدي شي ..
ما اقدر اسوي اي سي .. بس .. تدرون اني لين هذا اليوم اني
ما اعرف شو سبب تغيرها .. ( ما اضن ان العرس اغير جذيه )
بس ما اقول غير الله اوفقها و اسمحها ..
و اسمحوولي طولت عليكم .. و ثقلت عليكم .. بس حبيت اني
ارتاح و اطلع الي في خاطريه ..
السموووحه و مشكووريين
الرميثيه</font>
مواقع النشر (المفضلة)