<font color='#000000'><font face="arial, helvetica, sans-serif" size=3>وأول ما طلع عيسى صااح تلفوونه وكان في نوره فضووول تبا تعرف منو اللي مسوي ويوم قرت النك نيم بغى يغمى عليها من الصدمه .. النك نيم الي كان مسوي حق عيسى هو (( الغاليه )) .. وأول ما شافت نوره النك نيم سيده سوت تلفون حق امها عسب تردها البيت وأول ما بندت نوره عن امها تمت تصيح وشمه تسألها عن السبب بس نوره ما طاااعت ترد عليها .. وعقب فتره قصيره يت ام نوره وشلت نوره وردتها البيت .. وأول ما وصلت نوره البيت سارت بسرعه الحجره وقفلت على عمرها الباب .. ويلس نوره اتصيح داخل ويوم سارت ام نوره الحجره ما طاعت ترد على امها .. ويوم دقت امها الباب مره ثانيه فتحته .. اول ما شافت نوره امها لوت (( احتضنت )) امها بقوه وهي تصيح ..
ام نوره : نوره غنااااتي شو بلاج اتصيحين ؟؟ شو استوابج ؟؟
نوره : اميه بليز خلوني بروحي وباجر ان الله رااد بخبرج
ام نوره : ان شاء الله .. بس الحين يا بنتي سيري صليلج ركعتين لربج عسب يفرج همووومج ..
نوره : ان شاء الله ..
عقب ما صلت نوره تمت اتصيح لين الفجر من ثقل الهم اللي في قلبها .. وعلى الساعه 8 الصبح صاح تلفون نوره وكان المتصل عيسى .. أول ما شافت نوره ان اللي متصل عيسى سيده اغلقت التلفون وفرته في الكبت .. ويوم سوت شمه تلفون حق نوره ما طاعت ترمسها لانها مالها نفس ترمس اي حد ابدا .. وعند الغدا بعد ما طاعت نوره تاكل شيء ويوم سارت نوره الصاله حصلت امها وحمد يتغدووون ..
نوره : اقوول اميه عقب ما تتغدين بغيتج تين حجرتي ..
ام نوره : ان شاء الله
ويوووم خلصت ام نوره من الغدا سارت حجرة نوره ..
ام نوره : عسى ما شر غناتي .. شو بلاج ؟
نوره : اميه ان ما ابغي عيسى
ام نوره : شووووه .. نوره انتي شو تقولين ؟
نوره : انا ما ابغي اتزوج عيسى
ام نوره : نوره انتي مضيعه الحاسيه ولا شو ؟؟
نوره : لا يا امييه انا اتكلم ويااج جد
ام نوره : ليش ما تبغينه؟
نوره : بس جذيه
ام نوره : ما يستوي لازم في سبب
نوره : يا اميه قلتلج ما في سبب ..واذا ما بتسويلهم تلفوون انا اللي بسويلهم
ام نوره : يا بنتي مب حلوه جذيه .. شو بيقولون عنا الناس ؟
نوره : خليهم يقولون اللي يقولونه انا مالي خص فيهم ..
ام نوره : اسمحيلي بنتي ما ارموم ارمس ختيه في هالسالفه ..
نوره : اوكيييه خلاص انا بوصلهم الخبر بطريقتي الخاصه
ام نوره : يا بنتي فكري عدل لا تهدمين حياتج بإيدج ..
نوره : فكرت وقررت وانا اذا حطيت شيء في راسي مستحيل اغيره ولو شو صاااار..
ام نوره : سوي اللي يريحج .. واله مالي ويه حتى اشوف او ارمس خالتج عقب اللي بتسوينه
نوره : اميه انتي ما بيكون لج دخل في هالموضووووع انا اللي ما ابغيه
ام نوره : على كيفج سوي اللي تبينه
نوره : اكييد بسوي اللي ابغيه لاكن مب الحينه ان الله رااد المغرب ..
وعلى الساعه 5 العصر سوت حصه من بوظبي تلفوون حق نوره ..وكانت نوره محتاااجه لوحده ترمسها وتبوحلها بهمها اللي ميودتنه في قلبها .. شلت نوره التلفوون
حصه : هلا نوره
نوره : اهلين حصوووص
حصه : بلاج شكلج وايد متظايجه
نوره : ما شيء متظايجه شوي..
حصه : شو ياينكم اليوم .. لايكوووون يوم الظيج العالمي وانا ما ادري
نوره : ليش ؟
حصه : لان عندنا حد شراتج
نوره : منو؟
حصه : أحمد
نوره : ها ... احمد
حصه : هيه احمد بلاج مستغربه
نوره : ليش شو بلاه؟
حصه : ما ادري من ياي البارحه وهم متغير ولا حتى يرمس حد ..
نوره : اهاا .. اووه نسيت اقولج (( الحمد لله على سلامة ولد خالتج ))
حصه : الله يسلمج من الشر .. بس انتي شو دراج ؟؟
نوره : يوم كنت في الستشفى كان هو في الغرفه اللي عداااالنا ..
حصه : خير ان شاء الله شو كنت اتسوين في المستشفى؟
نوره : كان اخويه حمد مسوي حادث ..
حصه : فديته انا .. ان شاء الله ما استوابه شيء
نوره : لا الحمد لله الحين هو احسن عن قبل
حصه : الحمد لله يارب .. وانتي شو دراج انه ولد خالتي
نوره : احمد قالي
حصه : احمد ..ليش هو كان في دبي البارحه
نوره : هيه وعقب العشاء رد بوظبي
حصه : وانتي منو قالج انه بيرد بوظبي عقب العشا ؟
نوره : هو قالي ..
حصه : شكلها سالفه طويييييله .. يالله قوليلي وبالتفصيل الممل ..
نوره : والله انج فاضيه .. انا مالي نفس اقولج الحين.. ان شاء الله بقوولج بعديين
حصه : اووووه
نوره : سمعي ابغي اقولج شيء وابغيج ادورين ويايه عن سبب
حصه : كلي آذان صاغيه
نوره : البارحه يوم قلت حق احمد اني مخطوبه تغيظ ولبسني وروح
حصه : وبعديين
نوره : يا خبله ما في بعديين هاذي السالفه وما فيها
حصه : اها وانتي اي سبب تبغين
نوره : سبب ظيجه من الخبر اللي قلتله
حصه : اهااا .. في سبب واحد وما في غيره
نوره : يالله قولي بسرعه ..
حصه : أحمد يحبج
نوره : حصوووه انتي شو تقولين
حصه : اقول ان احمد يحبج ..
نوره : انتي ينيتي
حصه :لا ما ينيت ولا شيء .. واقوووول ليش هاذا كله
نوره : شو قصدج ؟؟
حصه : اولا كل ما يشوفني يقولي سلمي على نوره
نوره : هاذا مب سبب
حصه : صبري انتي خليني اكمل رمستي
نوره : كملي
حصه : ثانيا يوم ركبت سيارته ويا اخته حصلت ميداليه وكان مكتوب عليها حرف ((الان)) يعني الحرف الاول من اسمج ..
نوره : بعد هاذا سبب هب كاافي .. شو يظمنج انه هالحرف يكوون حرفي ليش يعني ما في حد غيري يبدأ اسمها بحرف النووون ..
حصه : صح كلامج بس مع ذلك انا مصره على انه يحبج
نوره : بليز خلي هالكلام عنج الحين .. حصووه ابغي اقوولج شيء
حصه : آمري
نوره : انا ما ابغي اتزوج عيسى
حصه : نورووه انتي بحاسيتج
نوره : هييييه مليون بالميه
حصه : ليش ؟
نوره : عيسى في حياته ما وفى بكلامه
حصه : ليش هالكلام ؟
نوره : البارحه يوم سرتلهم البيت يانا عيسى في الحجره وحط تلفونه على جرج شمه وروح
حصه : وبعديين
نوره : اول ما طلع صاح تلفوونه وكان نك نيم اللي متصل (( ساكته ))
حصه : ليش سكتي ؟؟ كملي
نوره : كان نك نيم اللي متصل (( الغاليه ))
حصه : (( مندهشه )) الغاليه ؟؟
نوره : هيه
حصه : وانت شاكه في حد؟
نوره : شاكه في وحده اسمها ريم
حصه : منوووه هاي بعد ؟
نوره : على قولة شمه انها وحده من هالبناات الفاضياات اللي يلعبن بالرياييل ..
حصه : نوره ان بعض الظن اثم .. لا تشكيكن ولا تظنين الايوم تتأكييين
نوره : انا متأكده
حصه : يعني مصره تفسخين خطوبج منه
نوره : مصره
حصه : بس انتي تحبينه
نوره : انا ما انكر اني في يوووم حبيته لاكن هو ما اظن انه في يووم من الايام حبني
حصه : لا تقووولين جذيه .. انتي ما تعرفين انج الوحيده الي جلبتي حيااااااته وغيرتيه ..
نوره : انا اموووووت فيه لاكن قلبي ما يستاهل انه يعيش مع واااحد خااااااين ما عنده ظميير
حصه : بس يا نوره لا تقوولين هالكلام .. انتي شرحتيله موقفج ولا بعدج ؟
نوره : لا عقب صلاة المغرب بسويله وبقووووووله
حصه : نوره احس ان اللي بتسوينه كله غلط في غلط
نوره : الا كله صح في صح
حصه : انا ما اقدر اقول اكثر من اللي قلتلج اياااااااه .. هاذي حياتج وانتي حره فيها ..
نوره : حصه انا بخليج الحين لاني بسير اتسبح
حصه : اوكييه .. بس بليز فكري في اللي قلتلج ايااه عدل ولا تقررين الا عقب ما تفكرين اوكيه
نوره : حصووووه بليز انا قررت وما راح ارجع في قراري ولو شو استوى ..
حصه : كيفج .. يالله عيل مع السلامه
نوره : مع السلامه .. اقول حصه
حصه : هلا
نوره : سلمي على احمد
حصه : سلام يبلغ
نوره : مع السلامه
عقب ما بندت نوره عن حصه سارت واتسبحت .. وعقب صلاة المغرب سارت نوره حجرتها وسوت تلفووون حق عيسى ..
نوره : مرحبااا
عيسى : مرحبااا ملايين ولا يسدن
نوره : شحاالك عيسى
عيسى : بخير وسهااله انتي شحالج ؟
نوره : انا ما برتااح الا اذا قلتلك اللي في خاطريه
عيسى : آمري شو في خاطرج
نوره : عيسى ابغيك تفسخ خطووووبتنا
عيسى : نوره ليش؟
نوره : بس جذيه
عيسى : نوره انا ابغيييج
نوره : بليز يا عيسى
عيسى : بس انا احبج
نوره : اذا كنت تحبني افسخ خطوبتنا
عيسى : نوره حراام عليج انتي الوحيده اللي غيرتي حياتي انتي اللي نبهتيني عن الاشيااااء الغلط اللي كنت اسويها .. عشانج بعت العاااالم كله واشتريتج
نوره : اقدر لك كل اللي سويه بس بليز سو اللي قلتلك عليه
عيسى : نوره انا في حياتي ما رديتلج طلب وحتى نفذت كل اللي طلبتيه مني .. شو ياااج ؟؟ شو جلب مخج مره وحده
نوره : محد جلب مخي يا عيسى
عيسى : نوره انا احبج والله حرااام اللي تسوينه ..
نوره : عيسى جانك تحبني بليز نفذ اللي طلبته منك ..
عيسى : والله لولا قدرج عندي جان رديت طلبج مع انه صعب عليه ..
نوره : تسلم ..
عيسى : بس بغيت اقووولج شيء وااااحد
نوره : قووول
عيسى : انا في حياتي ما حبيت حد مثل ما حبيتج .. حتى البناات اللي كنت ارمسهن قبلج كانن كلهن ما يهمني بس كنت العب .. بس ويياج عرفت معنى الحب .. واوعدج ان محد غيرج بيحبه قلبي شراتج وانج بتبقين فيه لين ما امووووووووت واتذكري هالشيء وحطيه في بالج
نوره : عسى يومي قبل يومك ..
عيسى : لا تقوولين جذيه يا نوره .. على العموووم الله يسعدج ويرزقج ولد الحلال اللي يسعدج
نوره : وعسى الله يرزقك بنت الحلال اللي تستااهلك
عيسى : يالله مع السلامه
نوره : مع السلامه
أول ما بندت نوره عن عيسى يلست اتصيييح من الخاطر .. وعقب شهر من هاليوووم كانت نوره يالسه في الحجره وفجأه يصيح تلفوونها وكان رقم اللي متصل غرييب
ترددت نوره هل تشل التلفوون ولا تخليه يصيح لين ما يبند رووحه .. خلت نوره التلفوون يصيح وما شلته .. رد نفس الرقم يسوي تقريبا 4 مرات ورا بعض .. عقب قطع وما عاد سوى مره ثانيه .. بسطرشلها مسج وكان مكتووووووب فيه (( نوره بليز شلي التلفوون )) اول ما قرت نوره المسج قالت يمكن تكووون حصه لانها قالت انها بتغير رقمها .. ويوم رد نفس الرقم شلته نوره ويووم شلته عرفت نوره انه احمد من نبرة صوته ..
احمد : السلام عليج
نوره : وعليك لسلام والرحمه
احمد : نوره :
نوره : هيه نوره منو وياي؟
احمد : انا احمد ..
نوره : احمد .. من وين يبت رقمي ؟
احمد : يبته من تلفوون حصه .. لاتخافين انا اللي خذته منها بدون ما تدري يعني هيه مالها دخل في الموضوع
نوره : اهاا .. خير ان شاء الله شو تبغي
احمد : نوره ابغي اقوولج شيء في خاطري كان ودي اني اقولج ايااه من زماان
نوره : قووول
احمد : نوره انا احبج
نوره : انت شو تقووول ؟
احمد : نوره ابغي اخطبج
نوره : (( ساكته ))
احمد : ها شو بلاج ساكته ؟؟
نوره : ما شيء
احمد : انزين شو موافقه ولا لا ؟؟
نوره : انا هب عاطتنك جوااااب الا يووم بتي انت واهلك عسب تخطبووني ..
احمد : اهاا يعني في امل
نوره : يالله مع السلامه
احمد : توكيه مع السلامه اناللسه رااد يوم الخميس بيي انا والاهل عسب نخطبج
نوره : يصير خير
احمد : مع السلامه ..
نوره : الله وياااك
ومرت الاياام وياااي يوم الخميس .. خطب احمد نوره .. ونوره وافقت بس لان الصدمه واايد اثرت فيها بس هيه ما تحب احمد هيه وافقت عليه بس عسب تنسى عيسى وتنسى انها في يووم من الاياام حبت واحد اسمه عيسى ..
مرت الايااام وياي يوم عرس نوره .. وقبل ما تسير نوره الصالون وصلها مسج منعيسى وكان مكتوووووب فيه (( شوقي لك مثل اللي بكى في ليلة زفاف .. يشوف اللي يحبها تحل لواحد غيره )) اول ما شافت نوره هالمسج نزلت دمعه من عينها ..وفجأه يصيح تلفووونها وكان اللي مسوي هو عيسى ... شلت نوره التلفوون وقبل ما تتكلمقالها عيسى (( نوره انا احبج ولو شو تسووين بتظلين الاولى والاخيره في قلبي وما بتحل وحده غيرج مكانج .. المهم انا هب مسوي عسب انكد عليج ان مسويه بس عسب اباركلج واقوولج الله يرزقج الذريه الصالحه )) وقبل حتى ما تتكلم بند التلفون يلست نوره اتصييح من الخاطر .. وكانت بتتراجع في قرارها بس اذكرت ان في بعد واحد يحبها يترياها الحين .. سارت نوره الصالون وحاسه انه في شيء بيستوي..
وعلى الساعه 10 فليل كانت نوره على الكووشه ويا ريلها احمد .. وكان عيسى في سيارته يتذكر نوره ويوم كان يسوق سرح شوي وما ركز في الدرب ودخل في شارع (( رونق سيد )) جان تي شاااحنه كبيره وتدهسه وتنخش سيارة عيسى تحت هاذي الشاحنه .. ويوم يت الاسعاااف طلعوا عيسى من السياره بس للاسف توفى عيسى وهو في السياره .. وعقب هالحادث دخلت نوره في مرحلة اكتئاب شديده .. وعقب سنتين من هالمده كانت نوره يالسه ويا شمه في صالة بيت شمه ..
شمه يالسه وفي ايدها موبايل عيسى .. وكانت تصيح .. وكانت نوره يالسه علىالسرير ..
شمه : الله يرحمه يارب
نوره : الله يغفرله يا رب .. ويغمد روحه الجنه
شمه : فديته انا كاتب النك نيم مالي في تلفوونه (( الملسونه ))
نوره : الله يرحمه
شمه : وكاتب نك نيم اميه (( الغاليه ))
نوره : ها شووووو الغاليه ..
شمه : هيه الغاليه .. شو بلاج
يلست نوره اتصيح ويالسه تقول (( عيسى انا ظلمتك بليز رد لي والله حرااااام انا في حيااتي ما حبيت حد شراتك .. سامحني انا ظلمتك .. ))
يلست نوره طول هالمده تحس بالندم لانها ظلمت وااحد اخلص لها في حبه ..
ربت نوره ويابت ولد وسمته عيسى .. على اسم روح قلبها عيسى
عاااشت نوره طول حياتها ويا احمد بس قلبها عاااش طول حياااااته مع عيسى
&n bsp;
&n bsp;
(( تمت ))
</font></font>
رد مع اقتباس
مواقع النشر (المفضلة)