<font color='#000000'><font color=#cc0033><font size=4><font color=#cc0000>مرت الأياام ودخلن نوره وحصه وشمه نفس الكليه .. وكل وحده منهن اشترتلها موبايل للكليه .. وفي يوم من الايام الاولى للكليه كانت نوره تشتغل على واجبها في الكمبيوتر وفجأه يوصلها مسج من عيسى وكان مكتووب فيه (( العود لولا الجمر ما بان غاليه والغالي لولا أفعاله ما عاش طاريه )).. أول ما شافت نوره المسج فرحت صدق من الخاطروكان لو الود ودها اتطرشله مسج لاكن قالت مب حلوه اتسوي جيه ..
رقدت نوره وحست انها اول مره ترقد وهي مرتااحه بضمير .. وباليوم الثاني نشت نوره وروحت الكليه .. وفي البريك سارت شمه صف نوره ..
شمه : هلا والله بالعرووس
نوره : اهلين وشو سالفج انتي ؟
شمه : اي سالفه؟
نوره : ليش تزقريني العروس؟
شمه : فاضيه
نوره : صدقتي ويا راسج ..
شمه : انزين متى عندج بريك؟
نوره : الساعه 2 الظهر
شمه : زين والله لاني انا عندي بريك بعد..
نوره : شو تبين ؟
شمه : عندي سالفه ابغي اقووولج اياها..
نوره : شو؟
شمه : يا الفضوليه تعالي الكفتيريا الساعه 2 الظهر اوكييه
نوره : اوكييه
شمه : وبتكوون وياايه حصووه بعد
نوره : ياااااي اكتملت الشله
شمه : اوكييه بخليج اتاخرت عن الحصه ..
نوره : الله ويااج ..
شمه :فمان الله ..
وبدت حصه نوره .. والانسه نوره في وادي و الحصه في وادي ثاني.. طبعااا هذا كله لانها تفكر في شمه وسالفتها ..
ويلست نوره كل خمس دقايق تناظر الساعه .. ويوم خلصت الحصه سارت نوره الكفتيريا .. ويوم دخلت ما حصلت شمه وحصه .. يلست نوره على الطاوله تترياهن ..
وعقب خمس دقايق يت شمه حصه ويلسن ويا نوره على الطاوله ...
نوره : هلا حصيص وشميم
شمه : اهلين
حصه : هلا والله
نوره :اشحااالكن ؟
شمه ونوره : يسرج الحال والله..
حصه :انتي شحالج؟؟
نوره : انا عاال العااال
شمه : انزين سمعي انا عندي سالفه تخص عيسى اوكييه .. وابغيج تسمعين رمسني عدل
نوره : عيسى .. خير شو بلاه .. شو استوا فيه؟
شمه : هدي هدي ما فيه الا الخير..
نوره : عيل شو بلاه ؟؟
شمه : نوره البارحه فليل ياني عيسى الحجره ورمسني في سالفه..
نوره : اي سالفه ؟
حصه : نوره شمه قالتلي كل السالفه ..
نوره : قولن حراام عليكن وترتن اعصابي ..
حصه : تبين تعرفين السالفه ؟؟
نوره : اكييد
شمه : السالفه وما فيها ان حلمج بيتحقق ..
نوره : اي حلم ؟
حصه : نوره يودي أعصابج ..
نوره : وانتن خليتن فيه اعصااب
شمه : نوره عيسى يبغي يخطبج ..
نوره : شو؟؟
حصه : مثل ما قالتلج شمه عيسى يبغي يخطبج ..
نوره : عيسى ما غيره
شمه : هيه
نشت نوره بسرعه من عندهن وسارت الصف واول ما خلص يومها ردت البيت .. واول ما وصلت نوره البيت سارت حجرتها وبدلت ثيابها وصلت العصر وعقب طاحت فوق السرير ويلست تفكر في سالفة عيسى .. وعقب رقدت لين المغرب .. نشت نوره من الرقااد وصلت المغرب وبعدين يلست تكتب واجبها على الكمبيوتر وعقب ما خلصت سارت عند اخوها الصغير حمد ويلست تلعب ويااه .. فجأه يوصلها مسج من عيسى وكان مكتوب فيه (( نوره اظني ان اختي شمه رمسج في السالفه .. وقالتلي انج ما عطيتيها جواب فلهذا انا ابغي اعرف منج الجوواب الحين ))
طرشت له نوره هالمسج ((عيسى ترا الشور هب عندي الشور عن امي واذا بغيت تخطبني تعاال انت واهلك وقومووم بالواجب وانا ما اقدر اعطيك اي جواب قبل هذا الوقت..)) اول ما قرا عيسى هاذي الرساله رد البيت(( طبعا الاخ كان في وافي سنتر)) اول ما دخل البيت سار عند امه في المطبخ..
عيسى : مرحبااا امييه
ام عيسى : مرحبتين ولدي .. غريبه شو يايبنك من وقت اليوم
عيسى : اميه ابغيج في سالفه ..
ام عيسى : خير ..
عيسى : عقب ما تخلصين شغلج تعالي الحجره مالتي..
ام عيسى : ان شاء الله
سارعيسى الحجره وعقب ربع ساعه سارت امه حجرته ..
................
ام عيسى : ها عيسى شو بغيتني ؟
عيسى : اميه ابغي اعرس
ام عيسى : هاذي السااعه المباركه ..
عيسى : وابغي نوره بنت خالتي
ام عيسى : ولله ابركها من ساعه .. باجر بسوي تلفون حق خالتك وبقولها ان بيهم يووم الخميس
عيسى : لا اليوم
ام عيسى : حااااظر
سوت ام عيسى تلفون حق ام نوره واتفقن على يوم الخميس ..
مرت الايام وخلص يوم الخطبه .. وبيووم الجمعه فليل صاح تلفون نوره وكان الي متصل عيسى .. ترددت نوره هل تشل التلفون ولا لا.. بس فالاخير شلته
عيسى : هلا والله
نوره : اهلين
عيسى : شحالج؟
نوره : يسرك الحاال والله
عيسى : دووم ان شاء الله
نوره : ان شاء الله
عيسى : اولا مبرووك علينا الخطبه ..
نوره : (( وهي مستحيه )) الله يبارك في حياتك ..
عيسى : قصدج في حياتنا ..
نوره : عيسى
عيسى : لبيه
نوره : عندي طلب وما ابغيك تردني فيه ..
عيسى : آمري .. عيوني لج..
نوره : تسلم عيونك..
عيسى : انزين شو طلبج ..
نوره : ما ابغيك تطيح اي مركز من هالمراكز الا للحايه وبس..
عيسى : تغارين؟؟
نوره : ((مستحيه))
عيسى : آمري في شيء ثاني بعد..
نوره : ما ابغيك ترمس اي بنت وخصوصا هاي اللي اسمها ريم ..
عيسى : منو قالج؟؟ اكييد شمووه
نوره : م في دااعي تعرف من وين؟
عيسى : اصلا انا قطعت علاقتي بها من زماان وهي دايما تسوي لي وانا ساعات ما ارد عليه وفي يوم السبت اللي خطف رديت عليها وهزبتها وقلتلها اني خاطب ومن هاذاك اليوم ما اتصلت ..
نوره : جذيه ابغيك..
عيسى : اعجبج ..
نوره : عيل بخليك الحين لان باجر ورايه دواااام..
عيسى : اوكيه مع السلامه..
نوره : مع السلامه ..
وباليوم الثاني سارت نوره الكليه وسلمن عليها ربايعها وباركن لها على الخطبه.. وعقب سارت الصف .. وعقب خمس دقايق يدخلن عليها شمه وحصه .. ويقوولن بصووت واحد؟..
شمه و حصه : هلا العرووووس..
نوره.. اهلين .. حسبي الله عليكن فضحتنا..
سلمت نوره عليهن ويلسن يسولفن..
شمه : سبحاان الله في نفس هاليووم بالذاات من الاسبوع اللي خطف يوم قلتلج هلا العرووس رديتي عليه شوسالفج تزقريني العروووس والحين تقوولوين اسكتي فضحتيني ..
نوره : الله يقطع بليسج صدقه عيسى يوم يزقرج بالملسونه..
كلهن ظحكن عقب هالرمسه كلها .. وعقب ما خلص اليوم سارن نوره وشمه وحصه برع الكليه عسب يترين السيايير.. يت سيارة حصه وكانت السياره مظلمه .. تعرفوون منو كاان فيهاا ؟؟ كان ولد خالة حصه واللي هو اخوها بالرضاعه .. اول ما شاف ولد خالة حصه نورهما صدق نفسه لان شمه هي نفس البنت اللي شافها في الجمعيه .. يعني باختصار احمد هو الرياال اللي شافته نوره في الجمعيه .. اول ما شافت حصه السياره سارت صوبها ..
اول ما فتحت حصه بااب السياره تفاجأت ..
حصه : بو شهااااب متى ييت من بوظبي
احمد : توني يااي .. سيده من اول ما طلعت من بوظبي ظربت خط لين هنيه ..
حصه : شو كاظنك .. عبااالي ان الدريول والبشكاره اللي في السياره ..
احمد : خلي عنج الرمسه.. و ممكن اسألج سؤاال ..
حصه : آمر ..
احمد : منو هاذيج البنت ؟
حصه : اي وحده ..
احمد : هاذيج اللي كنت يايه من عندهن ..
حصه : شمه ولا نوره ..
احمد : اللي على اليمين
حصه : نوره
احمد :اظني
حصه : شو بلااها
احمد : (( وهو يضحك)) ما شيء
حصه : قوول يا رياال
احمد : في يووم من الايام سرت الجمعيه و كنت ساير اشتري جريده وهي كانت هنااك تشتري مجله وبالغلط طاحن كل المجلات تحت ..
حصه : هههههههه ثرك انت الريال اللي رمستني عنه نوره ..
احمد : شو قالت ؟
حصه : ما شيء بس قالتلي السالفه ..
احمد : يوم بتشوفينها مره ثانيه سلمي عليها ..
حصه : ان شاء الله ..
وردت حصه البيت وعقب فتره قصيره ردت نوره ويا شمه ..
..................
(( وعقب المغرب ))
سوت حصه تلفون حق نوره .. وكانت نوره في الحجره
حصه : مرحبا
حمد : مرحبتين
حصه : شحاالك بو شهااب؟
حمد : بخير الحمدلله
حصه : وين نوره ؟
حمد : منو اقولها؟
حصه : قولها حصه ..
حمد : اهااا انت حصه ربيعة نورووه
حصه : هيه يا شطووووور
حمد : صبري بسير اشوفها ..
حصه : يالله
سار حمد عند نوره الحجره ..
حمد : نوروووه نوووره
نوره : نعم يا عيوون نورووه
حمد : ربييعتج عالتلفون
نوره : منو؟
حمد : حصه
نوره : اوكيه حبيبي الحين بسير عند التلفون
حمد : اقول نوره اذا تنشدت اميه عني قوليلها اني في بيت يارنا سيف اللعب ويا منصوور
نوره : اوكييه بس قبل صلاة العشاء ابغيك هنا ..
حمد : اوكيييه
سارت نوره الصاله عند التلفوون ..
..........................
نوره : مرحباا
حصه : مرحبااا الساع والله
نوره : شحااالج؟
حصه : بخير ونعمه ..انتي شحاالج ؟؟
نوره : الحمد لله
حصه : يسلم عليج احمد
نوره : اي احمد ؟
حصه : ولد خالتي ..
نوره : وشوعرفه فيني ؟
حصه : عااد هو يعرفج ..
نوره : وانا ما اعرفه
حصه : مشكلتج اذا ما تتذكرينه..
نوره : عن حرق الاعصاااب وقوليلي
حصه : احمد + جمعيه = الفضيحه اللي استوتلج
نوره : شو قصدج؟
حصه : قصدي ان الغاوي اللي طريتيه لي هاذاك االيوم يوم كنت في الجمعيه هو احمد ..
نوره : يعني حمد هو نفس الريال اللي شفته في الجمعيه..
حصه : يقوولوون
نوره : يا فضيحتي وشوقالج بعد
حصه : ما شيء بس قال سلمي عليها ..
نوره : الله يسلمه
حصه : اوكيه الغلا بخليج لان احمد بيحوطني اليوم..
نوره : يا بختج تحويطه ببلاش
حصه : ما عليج يوم بتعرسين بتتحوطين لين ما تعافين شيء اسمه حواطه..
نوره : الله يخس بليسج ..
حصه : اوكيه عيل برايج
نوره : مع السلامه
حصه : مع السلامه
..................
عقب ما خلصت نوره من التلفون سارت عند امها في الصاله ويلست اتسولف وياها
</font>
&n bsp;
&n bsp;
(( يتبع ))</font>
</font></font>
رد مع اقتباس
مواقع النشر (المفضلة)