<font color='#000000'>أول ما عرفت نوره ان اللي واقف برع ريال سيده تغشت .. والريال اللي كان واقف برع كان أحمد .. وطبعا أحمد لمح نوره وسيده عرفها لانه شافها قبل يوم كانت في السياره ..
أحمد : هلا نوره
نوره : اهلين أحمد
أحمد : شحالج؟؟
نوره : بخير ونعمه
أحمد : خير ان شاء الله .. عندج حد تزورينه هنيه
نوره : اخويه الصغير حمد تعرض لحادث سياره
أحمد : وشحاله الحين ؟
نوره : الحمد لله بخير
أحمد : تستحقووون سلامته
نوره : الله يسلمك
أحمد : (( ساكت ))
نوره : وانت منو عندك هنيه؟
أحمد : اخويه مسوي حادث وهو في الغرفه اللي عدالكم
نوره : الحمدلله على سلامته
أحمد : الله يسلمج من الشر
نوره : وأكيد سالم هو أخوك الصغير
أحمد : هيه .. وانا ياي الحين عسب آخذه
نوره : خله يلعب شوي
أحمد : حاظر عشن خاطرج بس ..بس لا تخلينه يظهر برع
نوره : ان شاء الله
رد أحمد الغرفه وردت نوره دخلت الغرفه .. يلست نوره على الكرسي تتذكر سالفتها وياه في الجمعيه ..
وعلى الساعه 9 الصبح سوت ام نوره تلفون حق نوره ..
ام نوره :السلام عليكم
نوره : وعليكم السلام والرحمه
ام نوره : شحالكم ؟
نوره : بخير الحمد لله .. وين انتي الحين؟؟
ام نوره : في البيت
نوره : ليش؟؟ ما بتيين
ام نوره : ما اروم ولله .. ان شاء الله عقب صلاة العشاء بييكم عسب اردكم البيت ام
نوره : خير ان شاء الله .. شو الطاااري؟
ام نوره : ما شيء بس راسي يعورني جنه الضغط مرتفع شوي ام
نوره : الله يعينج ويشفيج
ام نوره : آمين
ام نوره : ان شاء الله
ام نوره : عيل بخليج الحين
نوره : في حفظ الله الغاليه
ام نوره : مع السلامه .. عااد ها ما اوصيج ديري بالج على بو شهاب
نوره : ان شاء الله من عيوني
وعلى الساعه 10 الظهر دخلت السستر الغرفه وكانت شاله في ايدها باقة ورد حمره وسارت وحطتهن على الطاوله سألتها نوره عن اللي مطرش هالورود فردت عليها السستر انه من الغرفه اللي عداااااالهم ..
ابتسمت نوره لانها تعرف ان أحمد هو اللي مطرشهن..
وعقب ما تغدى حمد رقد اما نوره يلست اتشووف التلفزيوون .. وعقب شوي تقريبا يصيح تلفون نوره وكانت اختها شمه هيه اللي مسويه تلفون ..
شمه : مرحبا الساع
نوره : مرحبا ملايين
شمه : شحالج ؟
نوره : يسرج الحال
شمه : شحال حمد ؟ … يوم سويت تلفون حق اميه قالتلي انه في المستشفى وانه مسوي حادث قوليلي شو السالفه ؟؟
نوره : اولا حمد بخير ونعمه … ثانيا سالفة حمد انه في واحد ما عنده ضميردعمه وشرد ..شفتي الدنيا ؟؟
شمه : حسبي الله ونعم الوكيل .. الحمد لله انها ياات على جيه ..
نوره : هيه والله
شمه : وشخباركم بعد ؟
نوره : والله ما شيء أخبار .. وشحاال عبدالله ومحمد ؟
شمه : يسرج حالهم والله
نوره : عطيني اكلم واحد منهم
شمه : كلهم عند ابوهم في الحديقه مالت الفندق
نوره : اهااا وشو الجو عندكم؟
شمه : الله يهديج نحن في لندن شو تبين الجو يكون يعني في غير مطر وبرد ..
نوره : الله يهنيكم
شمه : آمين ..
نوره : (( ساكته ))
شمه : وشحاال رواضي بعد؟
نوره : يسرج حالها من يومين كانت عندنا ..
شمه : اهااا
نوره : خلي عنج الرمسه وقولولي .. ما جنكم مصختوها مب سفره هاذي ..
شمه : شو نسوي بعد ؟؟ ان الله رااد بنرد عقب اسبوووووع
نوره : الله يردكم بالسلامه
شمه : آمين ان شاء الله .. اوكييه عيل بخليج الحين
نوره : اوكيه مع السلامه بس هب تنسين حبيلي عبوود وحموود ..
شمه : ان شاء الله
عقب ما بندت نوره عن شمه يلست اتشوف التلفزيووون
ومر الوقت بسرعه وأذن العشا ... سارت نوره تصلي وعقب ما صلت سارت ويمعت ثياب اخوها وحطتهن في الشنطه ورتبت القشار كله ..
وعلى الساعه 9 ونص سمعت نوره دقه على الباب
ويوم سارت لمحت أحمد فسيده تغشت ..
أحمد : السلام عليج نوره
نوره : وعليكم السلام
أحمد : اقوول نوره انا الحين برد بوظبي فقلت أسلم عليج قبل لا أروح ..
نوره : فيك الخير أخوي
أحمد : الله يخليج
نوره : اقوول اخويه ابغي اقولك شيء
أحمد : آمري
نوره : انا مخطوبه وهب عدل ان حد يشوفنا جيه
أحمد : (( وهو مستغرب))مخطووووووووووووووو ووبه
نوره : هيه مخطوبه
أحمد : ما رد عليها خلاها ترمس وروح عنها ..
نوره : أحمد أحمد شو بلاك

روح أحمد وما عطاها سالفه لان انصدم من خبر خطبتها .. لان أحمد بدا يحب نوره من كل قلبه
مرت الايااام وطول هالايام كانت نوره تفكر في بأحمد وموقفه يوم عرف انها مخطوبه .. وفي يوووم من الاياااااام كانت نوره تشوف التلفزيون عقب صلاة العشاء.. وصلها مسج من عيسى وكان مكتووب فيه ..
(( لي غالي لو أبتعد عنه يبقى عندي قريب ... مثل نبض القلب فيني ما يغيب ))
أول ما شافت نوره المسج سيده سوت تلفون حق شمه عسب تتخبرها ..
سوت نوره تلفون حق شمه
شمه : مرحبا
نوره : مرحبا ملايين
شمه : هلا نوير شحاالج ... والله واشتقنااالج
نوره : اشتاقتلج العافيه
شمه : شحالج بعد
نوره : بخير وسهاله.. انتي شحالج؟؟
شمه : يسرج حالي الغاليه
نوره : عسااه دوم وهب يوم
شمه : آمين والله
نوره : اقوول شحال عيسى
شمه : والله عنده تلفوون سيري تخبريه
نوره : من صدقج انتي ؟؟
شمه : هيه من صدقي
نوره : لا والله قوات ويه يعني
شمه : تقدرين تقولين جيه
نوره : لا حبيبتي انا استحي
شمه : ياويلي عليج بس
نوره : وين هو الحين
شمه : اضني سار الستي
نوره : شوووووووو
شمه : اضني ساااار الستي .. شو بلاج استقطعتي ؟؟
نوره : (( وهي متغيظه )) انا كم مره قلتله ما يطيح المراكز
شمه : ما ادريبه سويله تلفون وتفاهمي ويااه
نوره : يالله بااااااااي

أول ما بندت نوره عن شمه سيده سوت تلفوووون حق عيسى
عيسى : هلا والله
نوره : (( وهي معصبه ))عيسى انت وين ؟؟
عيسى : انا في الحجره
نوره : شووو
عيسى : هيه انا في الحجره
نوره : اقوول وين شمه عنك
عيسى : شمه صبري شوويه
سار عيسى صووووب الصااله وكانت شمه يالسه تشوووف المجله
عيسى : شمااااامي تعالي نوره تباااج على التلفووون
شمه : (( ميته من الظحك ))
عطى عيسى التلفون حق شمه
شمه : هلا نواااري
نوره : يا دبه يا حماره يا عنزه
شمه : شوي شوي علينا ..
نوره : ليش تقصين عليه ؟؟
شمه : يوووم قلتلج سويله تلفوون تخبريه ما طعتي فقلت اسوي مقلب عسب تسويله وما شاء الله على مقلبي نجح ميه بالميه.. اسميج مقصه
نوره : يالحماره خليتيني اظلمه
شمه : هههههه
نوره : ويا هالراس
شمه : راسج
عيسى : حوووه هب بسكن مناااقر .. شماامي عطيني التلفون ابغي ارمس نوره
عطت شمه التلفون حق عيسى وردت الصاله .. ويلسوا نوره وعيسى يسولفون

وعلى هاذا المنوال وفي يوم الاربعاء كانت نوره وشمه يالسات في الكافتيريا ..
شمه : اقوول نواري شرايج تباتين عندنا اليوم
نوره : ما ادري والله
شمه : لا اصلا انتي تبينها من الله
نوره : شمووه يبالج ظرب
شمه : انا ما عليه منج بسوي حق خاالوه وبقولها.. رضيتي ولا ما رضيتي
نوره : كيفج
يوم خلص الدواام وجداام باب الكليه سوت شمه تلفون حق ام نوره وقالتلها ان نوره بتبات عندهم اليوم فوافقت

ردت نوره ويا شمه البيت..
وعلى الساعه 10 فليل كانت نوره يالسه فيا شمه في الحجره وفجأه يصيح تلفووون نوره.. وكان المتصل هو
عيسى .. وهو ما كان يعرف ان نوره عندهم في البيت وهواول ما ياي سار الحجره عسب يرقد ..
عيسى :مرحبا ولله
نوره : مرحبتين
عيسى : شحالج ؟
نوره : يسرك حالي والله
عيسى : ها جيه ما ييتي عندنا اليووم
نوره : (( في قلبها نيه سوده )) مشغووووله هالايااام شوي
عيسى : الله يعينج
نوره : ويعين الجميع
عيسى : وشحال خالتي بعد ؟
نوره : اليوم راسها يعورها الظاهر الضغط مرتفع عندها اليوم
عيسى : هاذا كله من المالح اللي طرشته اميه حقكم
نوره : ههه ... اسميها حتى اميه ما تيوز عن المالح
عيسى : الله يحفظهن
نوره : آمين
عيسى : شو تسوين الحين
نوره : يالسه اكتب واجباتي وأكمل البروجيكت مال البيسنس عن واحد من المصانع اللي بجبل علي.
عيسى :حافظ عليج..هابه ريح..
نوره : وين شمه عنك؟
عيسى : ظنتي أنها في الحجره
نوره : أنزين عطني ياها أبغي أرمسها
عيسى : عنبوه بسكن عن الرمسه مجابل بالكليه ومجابل هنيه..وهيه عندها موبايل أتصليلها عليه بس هب ألحينه بس عقب ما أرمسج
نوره : بس عشان خاطري عطني شمه شوي بس دقايق
عيسى : عشان خاطرج العين تهون..كم نوره عندنا صبري بسير أشوفها لج
سار عيسى صوب حجرة شمه عسب يعطيها التلفوون ... واول ما فتح عيسى الباب شااف نوره وشمه يالساات على الشبريه وهن ميتاات من الضحك وقالن بصوووت واحد (( صااااااااااادووه ))
عيسى : حسبي الله عليكن قصيتن عليه
نوره : ها شو رايك بالمقلب ؟؟
عيسى : دام انه منج اكييد حلو
شمه : احم احم
عيسى : اوكيه عيل بخليكم .. شمه انا بخلي تلفوني على الجرج مالج لان الكهرباعندي خربانه ..
شمه : اوكيه
حط عيسى نلفونه على الجرج وطلع ...
وأول ما طلع صااح تلفوونه وكان في نوره فضووول تبا تعرف منو اللي مسوي ويوم قرت النك نيم بغى يغمى عليها من الصدمه
تبوون تعرفوون شو كان النك نيم ..

تابعونا في الجزء السابع والاخير ..</font>