<font color='#000000'><font face="arial, helvetica, sans-serif"><font color=#cc0000><font size=4>عقب ما خلصت نوره من التلفون سارت عند امها في الصاله ويلست اتسولف وياها
وعند أذان العشا كانت نوره يالسه اتشوف التلفزيون ويا امها .. فجأه يسمعن صوت سيارة اسعااف ويوم طلعن خاري شافن سيارة اسعاااف جداام البيت .. ويوم تقربن أكثر انصدمن .. تعرفووون ليش؟؟ لان الضحيه كان حمد اخو نوره الصغير .. كان طايح على الشارع وكان الدم ينزف من راسه وخشمه وكان ما يندرابه اذا بعده حيى ولا مات..
والرياال اللي دعمه شرد .. أول ما شافت نوره وامها هالموقف ربعن ويلسن عدااال حمد وهن يصيحن ..
ام نوره : حمد .. حبيبي لا تمووت .. انا باجر بسير اشتريلك الدراجهاللي كانت فخاطرك بس دخيلك لا تموووت لا لا..
ركبوا حمد سيارة الاسعاف وودوه المستشفى .. وسارت نوره وامها البيت وتلبسن عبيهن بسرعه وسارن المستشفى ..
اول ما وصلت سيارة الاسعاف المستشفى دخلوا حمد غرفة العمليااات لانه كان ينزف بقوه .. ولانه كان يحتااج خياطه في راسه .. يلست نوره وامها على الكراسي المجابلات لغرفة العمليات .. وعقب نص ساعه ام عيسى وعيسى ساروا المستشفى ..
ام شمه : السلام عليكم
نوره : وعليكم السلام والرحمه (( ام نوره ساكته من الصدمه ))
ام شمه : ختيه تعوذي من ابليس واذكري ربج وان شاء الله ما بيستوي الا كل خير
ام نوره : لا الاه الا الله .. انا لله وانا اليه راجعون
عيسى : اخالتي ان شاء الله حمد بيطلع بالسلامه
نوره : ان شاء الله
ام نوره : منو خبركم عن حمد؟
ام شمه : بنتي شمه سوت حق بيتكم تلفون جان تشله البشكاره وقالتلها السالفه ..
ام نوره : مشكورين ما قصرتوا .. تعبناكم ويانا ..
ام شمه : افااا عيب هالكلام .. مثل ما حمد ولدج تراه الا ولدي ..
ام نوره : تسلمين الغاليه ..
وعقب ساعه طلعوا حمد من غرفة العملياات بس كان تحت تأثير البنج ..
سارن ام نوره وام شمه ورا الدكاتره .. وتمت نوره يالسه على الكرسي وهيه تصيح وكان عيسى واقف على اليدار
اللي مجابل نوره ..
عيسى : نوره .. عن الصياح اللي ما منه فايده .. ان شاء الله حمد ما عليه شر
نوره : ان شاء الله ..
عيسى : ما عرفتوا منو داعمنه ..
نوره : واحد ما عنده ضمير دعمه وشرد
عيسى : حسبي الله ونعم الوكيل
نوره : الله يسامحه
عيسى : ويسامح الجميع ..
نوره : (( ساكته ))
عيسى : يالله انسير انشوف بو شهااب ..
نوره : يالله
سارت نوره وياعيسى عند حمد .. وعقب فتره ردوا قوم عيسى البيت ..
نوره :اقوو اميه شو رايج تردين البيت وترتاحين ؟
ام نوره : ومن وين بتيني الراحه واخوج في المستشفى ..
نوره : اميه حمد ما عليه شر ان شاء الله
ام نوره : ان شاء الله
نوره : اميه انتي ردي البيت ارتاحي وباجر الصبح تعالي وانا ببات عنده ولا تنسين ان الله ويانا ..
ام نوره : ونعم بالله ..
نوره : ياالله الغاليه الحين ردي البيت وباجر الصبح تعالي ..
ام نوره : انزين والكليه ؟؟
نوره : ما يضر الا يومين وبس ..
ام نوره : انزين نوره يلسي عدااله وان احتاي ماي شربيه وان احتاي اي شيء من البيت سويلي تلفون وانا باجر بييبه له
نوره : حاظر
ام نوره : مع السلامه
نوره : في حفظ الله
يلست نوره سهرانه لين الساعه 2 فليل وبعدين ررقدت وعلى الساعه6 الصبح نشت
سارت نوره الحمام عيب تتوضأ ويوم خلصت من الصلاه سارت ويلست عداال حمد .. فجأه نوره اتشووف حمد يحرك ايده ..
نوره : حموود حبيبي .. حمد يالله نش ..
يوم سمع حمد صوت نوره فتح عينه وقال:
حمد : نوره وين اناا؟
نوره : حبيبي انت في المستشفى ..
حمد : ليش ؟
نوره : خل عنك هالسالفه
ويلست نوره تسولف ويا حمد لين الساعه سبع ويوم شافت ان السستر تأخرت وما يابت الريوق
سارت نوره عند السستر اللي في الممر الثاني وطلبت منه انها تييب الاكل الغرفه ويوم دخلت نوره الغرفه
شافت باقة ورد عوووده عدااال حمد ..
ويوم تقربت وره اكثر شافت بطاقه وكان مكتووب فيهااا (( الحمد لله على سلامة ولدكم ))
نوره : حمد منو يابلك هالباقه
حمد : ما عرف منوه .. هذا رياال دخل عليه يوم انتي روحتي عطاني هالباقه وحبني على راسي عقب روح بسرعه
نوره : هو شيبه ولا شباب
حمد : لا شبااب
نوره : نحن ما نعرف حد غير عيسى
حمد : لا مب عيسى هذا واحد ثاني ..
نوره : ما ادري والله
حمد : متى بييبون الاكل؟ انا ميت من اليوووع من البارحه الظهر ما كلت شيء
نوره : فديت روحك انا .. الحين بييبونه
وعقب ما خلص حمد من الريوق ومع انه ما كل شيء قال حق نوره ..
حمد : نواري ريوقهم مب حلو .. ابغي ريوق اميه ..
نوره : حاظر الغالي الحين بتي اميه وبتيب الريوق وياها ..
وعلى الساعه ثمان الصبح يت ام نوره ويابت ويااها ريوق حمد ..
ام نوره : السلام عليكم
نوره : وعليكم السلام والرحمه
ام نوره : شحالكم؟
نوره : يسرج الحال والله
ام نوره : وشحاال بو شهااب
نوره : بخير وسهاله
نوره : اميه ترا حمد من الساعه ست الصبح يترياج
ام نوره : عسى ما شر
نوره : ما شيء .. بس الظاهر توله على أكلج ..
ام نوره : فديته انا الحين بغرفلك ..
ومر الوقت وياااي المغرب وعلى الساعه ثمان يت شمه وامها وعيسى المستشفى .. ويلسوا يسولفون ..
شمه تغمز حق نوره عسب يطلعن برع ... (( ويوم وفقفن ))
ام شمه : على وين ان شاء الله ؟
شمه : بنتمشى في الممر شوي
ام نوره : حشى كرنيش هب مستشفى ..
ام شمه : سيرن بس هب تتأخرن .. وما أبغيكن اتسيرن مني ولا منك ..
شمه و نوره : ان شاء الله
&n bsp;
&n bsp; .............................
(( نوره و شمه يتمشن في الممر ))
شمه : ها شحالج بعد ؟؟
نوره : الحمد لله بخير ونعمه .. انتي قوليلي شخبار الكليه؟؟
شمه : زينه والله .. لا تتهربن وقوليلي شحال الغالي وياج ؟؟
نوره : اتصدقين احسبه اعتدل أكثر من قبل ..
شمه : غربلات عدوج انتي شو مسويه فيه ..الحينه هو من الساعه عشر يكون في البيت ..
نوره : ساحرتنه ..
شمه : كل شيء جايز
نوره : خلي عنج هالرمسه .. وانا ابغي اقولج شيء
شمه : شو؟
نوره : اليوم الصبح ياي واحد عند حمد وعطاه باقة ورد وحبه على راسه وروح بسرعه ..
شمه : ومنو هذا ؟
نوره : ما ادري به .. على قولة حمد أنه اول مره يشوفه
شمه : ومنو حاطه في بالج؟
نوره : يمكن أحمد ..
شمه : منو أحمد بعد ؟
نوره : لا يروح فكرج لبعيد .. هذا اللي شفته في الجمعيه
شمه : وانتي شو دراج بإسمه ؟؟ .. وأصلا هو شو دراه بأخوج حمد؟
نوره: تعاااالوا انا ما قلتلج السالفه..
شمه : اي سالفه ؟
نوره : اووووه .. سالفه طويله
شمه : دام ان السالفه طويله اكيد السالفه يبالها يلسه
نوره : شيء أكييد
قالت نوره سالفة احمد حق شمه .. وعقب ما خلصن ردن الغرفه..
وعلى الساعه عشر فليل ردوا قوم شمه البيت ..
وتمت ام نوره ونوره يالسات ويا حمد في الغرفه ..
نوره : اقوول اميه انا بسير اشوف الدكتور متى بيرخص حمد..
ام نوره : تعرفين بقعته وين ولا بعدج بتلفين المستفى بكبره ..
نوره : اميه عنبوو انتي بعدج ما اتطورتي .. امييه الحين في شيء اسمه استعلامات .. بس قوليلهم اسم الدكتور وبيقولولج وين مكانه ..
ام نوره : وانا شو دراني ؟؟
نوره : اوكيه انا الحين بسير
ام نوره : اوكيه
&n bsp;
&n bsp;
.....................
(( سارت نوره عند الدكتور وسألته متى بيرخصون حمد .. وقال الدكتور حقها ان من عقب العشاء باجر مسموح له يطلع ))
ردت نوره الحجره .. ويلست ويا امها وعقب فتره ردت امها البيت ..
وباليوم الثاني نشت نوره الساعه ثمان ويوم نشت ما شافت حمد على سريره ..
ويوم سارت الحمام ما حصلته ويوم طلعت في الممر شافته يالس على الارض يسولف ويا ولد على قده وهو من الغرفه اللي عداالهم
نوره : انته هنيه وانا يالسه ادورك داخل
حمد : انا من زمان واعي .. وانتي كنتي راقده وانا كنت ملان ويوم طلعت حصلت سالم يلعب في الممر فقلت العب وياه
نوره : هلا سالم انت من وين؟
سالم : انا من ابوظبي ونحن يايين هنيه عسب اخويه مسوي حادث في دبي ..
نوره : ان شاء الله ما استوابه شيء
سالم : بس حاطين جبس على ايده ولافين راسه ..
نوره : الله يعينه ..
حمد : سالم تعاال ويايه الغرفه .. بنلعب ويا بعض
سالم : انزين ..
&n bsp;
&n bsp;
....................
وعل الساعه تسع كان حمد يلعب ويا سالم في الغرفه وكانت نوره تشوف التفزيون وفجأه تسمع نوره دقة على الباااب
ويوم سارت نوره عسب تفتح البااب انصدمت يوم شافت اللي داق الباااب ..
&n bsp;
&n bsp; (( يتبع )) <img src="http://oasis.bindubai.com/emoticons/laugh.gif" border=0></font>
</font></font></font>
رد مع اقتباس
مواقع النشر (المفضلة)