<font color='#000000'><font face="arial, helvetica, sans-serif"><font color=#cc0000><font size=4>و عقب اسبوووع تقريبا استوت عزيمه في بيت نوره بمناسبة نجاح شمه ونوره وتخرج روضه من الكليه..
ويوم وصلوا قوم خالة نوره .. سارت نوره تستقبلهم عند الباب .. واول ما شافت نوره اللي موصلنهم فز قلبها من مكانه لان اللي موصلنهم كان روح قلبها عيسى .. وعقب ما نزلن شمه وميثه وامهن.. سلمت نوره عليهم وعقب سارن ميثه وامها داخل البيت اما نوره وشمه كانن واقفات عند الباب .. لان عيسى قال حق شمه انهاا تخلي نوره تتريا شوي لانه يبغي يقولها شيء .. اول ما نزل عيسى من السياره سار صووب نوره وشمه ..
عيسى : السلام عليكم شمه ..
نوره : وعليكم السلام عيسى ..
عيسى : شحاالج؟
نوره : يسرك الحال والله ..
عيسى : مبرووووك عالنجاح
نوره : الله يبارك في حياتك
عيسى : عيل اسمحيلي بترخص منج الحين ..
نوره : على وين؟؟ توك ياااي
عيسى : بسير الستي عند الشباااب ..
نوره : (( قلبها شاب غياظ )) عنبووو 24 ساعه مطيح عندهم على الاقل اشرب لك فنيان قهوه وعقب سير وين ما تسير ..
عيسى : حاظر .. عشانج بس بيلس .. ها شو رايج؟؟
نوره : ((وهي مستحيه)) مشكوووور
عيسى : العفو ..
سار عيسى صوب ميلس الرياييل وسارن نوره وشمه داخل البيت ..
&n bsp;
&n bsp;
................
(( داخل الصاله ))
( نوره وشمه وروضه وميثه وام شمه وام نوره في الصاله يالسات يسولفن عن عرس روضه )
ام شمه : عقبااالج يا نوره
ام نوره : الله يسمع منج
ام شمه : ها ترا بنتكم محيره حق عيسى لا تقولون ما قلتلكم بعد ..
شمه تطالع نوره بطرف عينها و تبتسم لها ..
ونوره مستحيه وفي نفس الوقت فرحانه ..
وعلى هذا الحال وصل يوم عرس روضه من سالم اخو عيسى ..
وطبعا البنات كلهن سارن الصالون عسب يتعدلن حق العرس .. وعلى الساعه 8 المغرب وعقب ما خلصن نوره وشمه وميثه من التعديل عند راعية الصالون سوت ميثه حق الدريول عسب يوديهن الفندق بس كان مشغوول وما حصلن حد اييبهن وبعد ما ضاعت كل الفرص قررت ميثه انها تسوي تلفون حق عيسى لان عيسى راسه يابس ومايودي حد مكان الا عقب مذله ..
ميثه : هلا عيسى
عيسى : اهلين ميثانه
ميثه : وينك؟
عيسى : يالس اطر في الشارع يعني وين بكون بعد اكيد في العرس
ميثه : الله لا يهينك ممكن تييي وتودينا الفندق؟
عيسى : ليش والدريول ؟
ميثه : مشغووووووول
عيسى : انا بعد ما اروم اظرب خط لين الصااالون
ميثه : حراااام عليك ..
عيسى : الله ما حرم
ميثه : دخيلك
عيسى : لا تحاااولين ..
ميثه : حرااام عليك اليوم عرس روضه واختها نوره ويانا يعني ما تبغيها تشوف اختها في ليلة عرسها..
عيسى : ها .. شو ؟ نوره وياكم ؟
ميثه : بلااااك استقطعت هيه ويانا ..
عيسى : دقيقه واكوووون عندكم ..
(( شكله عيسى بدا يكن شعوور حق نوره ))
ميثه : اشمعنى يوم قلت شمه رضييت تيي ؟
عيسى : ما يخصج ويا هالراس ..
ميثه : ما يسوى علينا خلااااص سحبنا الرمسه ..
عيسى : يالله تزهبن عقب عشر دقايق بيي ..
ميثه : اوكييه ..
وعقب عشر دقايق وصل عيسى وركبت نوره في الكرسي اللي ورا السياره ويلست ميثه في الكرسي اللي عدال عيسى ويلست نوره عداال نوره ..
وطووووووووووول الوقت الاخ عيسى مسنتر على المرايه اللي جدامه طبعا لانها تعكس صوره نوره ..
ويوم وصلوا الفندق نزلوا البنات وساروا صاله الحريم وسار عيسى صوب صالة الرياييل ..
وعقب ما خلص العرس كلهم تيمعوا عند بااب الفندق ..
شمه : شو رايج تبااتين عندنا اليوم ؟
نوره : الشور هب عندي .. الشور عند امي
شمه : خاااااالوه ممكن نوره تباات عندنا اليوم ..
ام نوره : اكيد ممكن .. ليش كمن شمه عندنا ؟
شمه : احم احم .. فديتج خااالووه
نوره : ثانكس امييه ..
ام نوره : شو سانكس بعد
شمه : خااالوه يعني مشكوووووره ..
ام نوره : هييه .. العفو
نوره : فديتج ايميه يوم بتوصلين البيت قولي حق البشكاره تزهب ثيابي وانا بخلي دريول خاالوه اييبهن عندي ..
ام نوره : ان شاء الله ..
ام شمه : يالله نرد بيوتنا ترانا تأخرنا ..
ام نوره : يالله
كل وحد ركب سيارته ورد البيت ..
...............................
(( في بيت خالة نوره ))
نوره وشمه يالسات في الصاله يسولفن عن العرس وفجأه يدخل عليهن عيسى وكانت الساعه وحده فليل ..
عيسى : اوووووووه .. اقووووول ليش البيت منور ..
شمه : احم احم .. تسلم اخويه
عيسى : وانتي منو رمسج الكلام موجه لنوره ..
شمه : السااع ما قلت حقي ..
نوره : بوجودك والله ..
شمه : منو وين ياي ؟
عيسى : وانتي وش لج ؟
شمه : اعرف وحتى لو ما قلتلي ..
عيسى : قولي ..
شمه : الستي
عيسى : لا
شمه : برجمان
عيسى : لا
شمه : البستان
عيسى : لا
شمه : وافي
عيسى : لا
شمه : ميركاتو
عيسى : لا
شمه : استسلمت
عيسى : كنت ويا ربيعي على الممزر..
شمه : غريبه ..
عيسى : شو الغريب؟
شمه : غريبه ما سرت ولا مركز من المراكز اللي طريتهن
عيسى : ما عليج العصر سرت صحااارى
شمه : قلت بو طبيع ما يوز عن طبعه ..
(( يصيح تلفون عيسى ))
عيسى : اوكيه عيل بخليكن ..
شمه : منو متصل؟
عيسى : يا ربي عالفضول .. الله يعينج يا نوره عليها ..
شمه : برايك سير لاني اعرف
عيسى : خل عاااااااد
شمه : يالله في حفظ الله ..
عيسى : مع السلامه..
...........................
نوره : شموووه منو قصدج؟
شمه : أخاف اذا قلتلج تتضايقين من كلامي
نوره : لا عاااادي
شمه : متأكده
نوره :ميه بالميه
شمه : هاذي وحده طايحه عليه طيحه واسمها ريم .. فاضيه ما عندها شغل
نوره : شمووه انتي شو تقولين؟؟
شمه : مثل ما سمعتي ..
نوره : (( وهي تصيح )) ليش هذا الانسااان ما يتغير.. ليش ما يقدر شعوري اتجاهه .. ليش ما يحس بمشاعري وفي حبي له .. ليشكل حيته لعب في لعب .. ليش ما تكون عنده لحظه جديه .. ليش؟ ليش؟ ليش؟
شمه : استهدي بالله .. وتعوذي من بليس ..
نوره : اعوذ بالله من الشيطان الرجيم
شمه : كم مره قلتلج ان عيسى هب ويه حد يحبه ..
نوره : شمه بليز خليني فحالي .. اللي فيه كافيني ..
شمه : على راحتج ..
بندت شمه الليت ورقدت ويلست نوره على السرير وهي تصيح ..
.....................
ومن الظيجه اللي في نوره ردت بيتها باليووم الثاني..
وعلى الساعه5 العصر سوت حصه تلفون حق نوره ..
حصه : مرحبااااا الساااااااع
نوره : مرحبتين
حصه : شو بلاج صوتج متغير ؟
نوره : ما شيء بس تعبانه شوي
حصه : سلامتج الغلا ما تشوفين شر..
نوره : الله يسلمج
حصه :المهم .. البشاااااااااااره
نوره : على شو؟
حصه : خلااااااص غيرت رايي
نوره : في شو ؟
حصه : بكمل دراااستي في دبي
نوره : حلفي
حصه : وحياااااتج
نوره : الله يبشرج بالخير
حصه : ها شو رايج في البشاره ؟؟
نوره : تستااااهلين حبه عالخشم
حصه : مشكوره الغلا
نوره : العفو
حصه : اقوول نوره بخليج الحين لاني بسير ابوظبي
نوره : تروحيين وتردين بالسلامه ..
حصه : ان شاء الله ..
نوره : الله يحفظج..
عقب ما بندت نوره عن حصه سوت نوره تلفون حق شمه ..
نوره : مرحبا
عيسى : مرحبا الساااع والله
نوره : شحاالك عيسى؟
عيسى : يسرج الحاال والله .. انتي شحاالج ؟
نوره : بخير الحمدلله
عيسى : عساااه دووووم وهب يووووم
نوره : تسلم ..
عيسى : ها بغيتي الملسونه شمه ؟
نوره : ((وهي تضحك )) هيه اذا ما عليك أمر..
عيسى :حاااااظر .. بس دقيقه بسير ازقرها..
نوره : اوكييه
......................
(( وعقب شوي ))
شمه : هلا
نوره : ؟؟؟(( سرحانه))
شمه : حووووه
نوره : ها
شمه : هب منج الغاليه .. كله من اللي شل التلفون
نوره : خلي عنج ..وخلينا في سالفتنا أحسن ..
شمه : أي سالفه ؟؟
نوره : سالفة الكليه ..
شمه : اهاا
نوره : ها وين قررتي تسيرين؟؟
شمه : ان الله راد كلية دبي
نوره : الله انا بعد بسير هنااك ..
شمه : الله أخيرا بتكووووونين ويايه في نفس الكليه ..
نوره : الحمد لله ..
شمه : اوكيه عيل بخليج .. بشوووف عيسووه شو يباني..
نوره : اوكييه مع السلامه ..
شمه : مع السلامه ..
&n bsp;
&n bsp;
..............................
مرت الأياام ودخلن نوره وحصه وشمه نفس الكليه .. وكل وحده منهن اشترتلها موبايل للكليه .. وفي يوم من الايام الاولى للكليه كانت نوره تشتغل على واجبها في الكمبيوتر وفجأه يوصلها مسج من عيسى وكان مكتووب فيه .......
<font color=#cc0066><strong> &nbs p;
&n bsp;
(( يتبع ))</strong></font></font>
</font></font></font>
رد مع اقتباس
مواقع النشر (المفضلة)