<font color='#000000'><span style='color:crimson'>أول ما وصل عيسى العزبه نزل من السياره وسار سلم على على ام نوره ويلس يتقهوى وياها .. قررت نوره انها تركد وما تسير تسلم عليه .. لاكن حبها كان أقوى من إرادتها .. سارت نوره صوب امها وعيسى ..
نوره : السلام عليكم
ام نوره وعيسى : وعليكم السلام والرحمه ..
عيسى : شحالج نوره ؟
نوره : الحمد لله بخير وسهاله ..
عيسى : وشحاال المدرسه ؟
نوره : يمشي الحال ..
عيسى : ها عاد شدي حيلج نبغي نسبه فنانه .. تراني ما اقبل اقل من 80
نوره : ان شاء الله ..
عيسى : عيل بترخص عنكم الحين ..
ام نوره : عنبوووو توك ياي ..
عيسى : شو اسوي عند شغل ..
ام نوره : مغازل البناات تسميها شغله .. الله يهديك
عيسى : اسميج يا خالتي..
نوره : (( في خاطرها )) الله يهديك متى بتيووووز من سوالفك ..
عيسى : فماان الله ..
نوره وامها : فمااان الكريم ..
عقب صلاة المغرب ردت نوره وامها البيت وعقب تسبحن .. ام نوره تلبست وتجهزت حق سيرة الجمعيه والآنسه نوره بعدها في الحجره تتلبس ..
ام نوره : نوورووه ..
نوره : ها امايه ..
ام نوره : االله يغربل هالرمسه شو (( ها )) بعد العرب يقولون نعم ..
نوره : نعم يا عيوون نوره ..
ام نوره : ياااالله خلصينا بسرعه ورانا سيرة الجمعيه ..
نوره : دقيقه بس بلبس عباااتي ..
ام نوره : يالله لا تأخرينا ترااني أتريااج في السيااره ..
نوره :اوكيه ..
عقب ما لبست نوره عباتها سارت صوب السياره ويوم وصلوا الجمعيه نزلن من السياره ..
اول ما نزلت نوره من السياره تغشت .. ويوم دخلن الجمعيه سارت نوره صوب ثلاجة الحلاوه وامها صارت صوووب العوووق (( الجدوووور و الملاليس )) في الطابق الثاني .. وطبعاااا نوره تموووت على شيء اسمه حلاوه وخاصة ((سنكرز)) والاخت مزرتلها سلة حلاوة وعقب ما خلصت صارت صوب امها في الطابق الثاني ..
نوره : هلا اميه ..
ام نوره : اهلين نوير .. عثره تعثر بليس شو شاريه
نوره :بس حلاوه .
ام نوره : توج تقولين بس سركز ما ادري سنكرز ..
نوره : عااااد انا اموووت على شيء اسمه حلاوه ..
ام نوره : عنبوو عبرتي الجمعيه ما خليتي فيها شيء ..
نوره : فدوه عن راسي ..
ام نوره : سيري تريني تحت الحين بييج ..
نوره : ليش بعدج ما خلصتي ؟؟
ام نوره :لابعدني ..
نوره : يالله يا اميه عااد انتي اذا شفتي الجدوور محد يروووم يفجج عنهن ..
ام نوره : تعرفيين اني ما يوووز عن الجدوور..
نوره : وتلوميني يوم اشترت الحلاوه ..
ام نوره : عن الرمسه وسيري تحت ..
نوره : ان شاء الله ..
ويوم نزلت نوره تحت سارت صوب الجرايد والمجلات.. وفجأه ايي واحد ويوقف بعيد عنها شوي وكان يترياها تخلص عسب يشتري له جريده الاتحااد ..
وأول ما مدت نوره ايدها عسب تاخذ المجله اللي تبغيها الا بكل المجلات اللي في العموود يطيحن تحت ..عاااد شو تتوقعوون ردة فعلها عقب هالموقف ؟؟
الصراااااحه احترق ويهها بضمير وما عرفت شو تسوي .. ومن طيب اصل الريااال اللي كان عدااالها يااي وشل المجلااات وردهن في مكانهن .. ويوم شافت نوره هالموقف تبلمت ومارامت ترمس الاعقب طلعت روووح..
نوره : مشكوور اخويه ما قصرت ..
الريال : العفو ..نحن ماسوينا غير الواجب
نوره : انا آسفه لاني حطيتك في هالموقف المحرج ..
الريال : لا محرج ولا شيء بس مجلات طاحن ورديتهن محلهن .. ما استوى شئ ..
نوره : من طيب اصلك اخويه ..
الريال : مشكوووره ختيه ..
عقب ما دفعت نوره فلوس المجله سارت عند امها فوق ..
نوره : عنبوو بعدج ما خلصتي ؟؟
ام نوره : لا بعدني ..
نوره :بتطولين وايد ؟؟
ام نوره :5 دقايق ..
نوره :عيل أنا بترياج في السياره ..
ام نوره : انزين ..
نوره : عطيني سويج السياره ..
عقب ما عطتها السويج نزلت وخلت سامانها عند العربانه ..عقب سارت صوب السياره وكانت شاله في ايدها السويج والمجلة وغرشة فيتامين سي .. ركبت نوره السياره ويلست جدام وشغلت المسجل وبالصدفه كانت غنية (( طااال ليلي )) عاااد الاخت تمووووووت على شيء اسمه ميحد حمد وأول ما سمعت هالغنيه قالت (( يااا ويل حاالي عليك يا ميحد حمد )) .. عقب ما شغلت المسجل عقت غشاتها لان الدنيا ليل وهي حاطه في بالها ان محد بيشوفها وعقب يلست تقرا المجله .. واندمجت نوره في القرايه .. وبالصدفه كان الريال اللي شافته نوره في الجمعيه مبركن سيارته عدال سيارتهم ..ونوره ما حست به يوم ركب سيارته .. ويوم ركب الريال السياره فتح غرشة الفيتامين سي ويلس يقراا الجريده والاخ بعد ما لاحظها الا يوم فتحت نوره الدريشه وعقت غرشة الفيتامين سي .. واو ما شافها تخبل عليها لان نوره بنت فنانه وغاويه وعلى قولتهم تطيح الطير من السما.. وهي طبعاا ما لاحظته لانه كان حااط مخفيىعلى سيارته .. وشوي يت امها ..
ام نوره : نوورووه انزلي وفتحي الدبه حق الحماالي ..
نوره : ليش انتي وين بتسيرين ؟
ام نوره : بسير اشتري عصير حق قوم خالتج .. والله نسيت اشتريه ..
نوره : اوجييييه..
عقب ما ردت امها الجمعيه نزلت نوره من السياره وطبعاا وهيه متغشيه .. وعقب سارت تفتح الدبه حق الحماالي .. بس نوره تغربلت ويا الدبه لانها ما رامت تفتحها .. اول ما شافها الريال نزل من السيارة وقالها ..
الريال : خير ختيه بغيتي فزعه ؟
نوره : يا ريت والله ما رمت افتح الدبه ..
الريال : حاضرين الحين بفتحها ..
فتح الريال الدبه وعقب ما فتحها قالتله
نوره : االسموحه اخويه تعبناك ويانا مرة ثانيه ..
االريال : مسموحه ختيه .. وبعد برد اقوولج نحن ما سوينا غير الواجب ..
نوره : مشكووور ما قصرت ..
الريال : العفو ..
ويوم خلص الحماالي من حط الاكياس في الدبه سكرت نوره الدبه و ردت ركبت السياره وعقب خمس دقايق تقريبا يت امها وعقب ردن البيت ..اول ما نزلت نوره من السياره سارت وزقرت البشكاره عسب تنزل القشار ..
وعقب سارت نوره حجرتها وعقت عباتها وطاحت فوق الشبريه .. ويلست نوره في الريال اللي شافته في الجمعيه واللي ما بتشوفه مرة ثانيه الا اذا استوت معجزه وشافته .. وشوي تدخل روضه الحجره والاخت نوره ما حستبها لانها كانت سرحانه وبعد لانها كانت عاطيه ظهرها للباب .. دشت روضه شوي شوي وحطت ايدها على خصر نوره ومن عقب هالحركه بغمت (( صرخت )) نوره بصوت عااالي ..
روضه : ((تضحك بضميير )) ..
نوره : واايد يضحك ويا هالويه زين ان اميه ما سمعتني ولا بتشوفينها يايه تربع من الزيااغ ..
وشوي تفتح ام نوره البااب ..
ام نوره : بسم الله الرحمن الرحيم بلاج اتصاارخين اعوذ بالله منج زيغتيني عبااالي شي استوا فيج..
روضه : ما شيء كنت اتمصخر ويا نوورووه وبدون حاسيه صارخت ..
ام نوره : انتن استر الله منكن انتن ..
وشوي يصيح تلفوون الصاله ..جان تربع نوره وروضه صوبه وكانن يتسابقن منو بيشل التلفون قبل ..
شو تتوقعووووووووووووون ؟؟
(( يتبع ))</span></font>
رد مع اقتباس
مواقع النشر (المفضلة)