<font color='#000000'><span style='color:crimson'></span><span style='color:crimson'>نوره اتطرش رساله حق ربيعتها حصه في حصة التاريخ .. وكاتبتلها(( حصوووووه عقب هالحصه علينا انجليزي وأنا مالي نفس أحظر حصتها اللي تخلي الواحد يتثاوب غصبا عنه )) وترد حصه عليها وطبعاا بالرسايل (( نوووروووه ما فينا حق عوار الراس وحق المشاكل ولا تنسين اننا في المرحله الثنويه وإذا ما حظرنا الحصص راح يأثر هالشيء على نسبتنا ))وترد عليها نوره (( ياااا ويل حااالي عليج يالمصريه لاحقه على المذاكر والدراسه بعدنا في بداية السنه .. حصووه وأنا ابغي أقولج سالف خطيره هاا شو قلتي ؟؟ )) وترد عليها حصه (( نوير قولي ما شاء الله عنبوووو ما تخلين الواحد في حاله .. وبعدين شو هالسالفه الخطيره تعرفين اني فضوليه .. اقووول انا بعد لاعت جبي من الحصه يوم قلتي لي انج بتقوليلي سالفه)) ... عقب هذا كله اتفقن هالثنتين على الشرده وأول ما دق الجرس طلعن وسارن ورا المدرسه ...

نوره : اففف متى بنخلص من الدراسه ؟
حصه : ما باجي شيء بس هالسنه وبفتك
نوره : شو بيصبرني سنه كامله انا ؟
حصه : عنبوووووو عيل صبرتي 11 سنه وما رمتي تصبرين سنه وحده بس ..
نوره : اقوول حصوووه ان نجحنا ان شاء الله اي كليه بتسيرين ؟؟
حصه : كلية التقنيه مالت بوظبي
نوره : عثره يعني كل يوم بتظربين خط من دبي لبوظبي الله يعينج
حصه : لا الغاليه انا بسير ايلس ويا بنات خالتيه..
نوره : اهااا الله يوفقج ..
حصه : وانتي ؟؟
نوره : انا يمكن اسير كلية تقنية دبي..
حصه : الله يوفقنا جميعا يا رب ..
نوره : (( سرحانه ))
حصه :حوووه نوير .. بتخبرج نحن شاردين من الحصه عسب تسرحين ولا عسب نسولف عن سالفتج؟؟
نوره : يا غبيه تراني سرحت في السالفه
حصه : أي سالفه ؟
نوره : أونج تستهبلين ..
حصه : اهااا لا تقولين سالفة اللي خبرج..
نوره : وفي حد غيره ؟
حصه : وشو سالفته بعد ؟
نوره : اتتصدقين عندي نيه وحد بس ..
حصه : واللي هي ؟
نوره : أن الله يهدي عيسى ويخليه ايووز عن سوالفه ..
حصه : أي سوالف ..
نوره : مغازل البنات ..
حصه : اقووول نوره انتي شو تبيبه خليه في حاله ..
نوره : انا عن نفسي ابغي اخليه لاكن قلبي لا..
حصه : بنشووف آخرتها وياج .
نوره : ادعي له بالهدايه ويالله يا رب ان شاء الله يصطلب ويعتدل ..
حصه : آمين
نوره : الله يسمع منج ..
حصه : اقوول نوير طلعتي اللي في قلبج كله ..
نوره : ليش هالسؤال؟
حصه : قمنا نرد الصف ..
نوره : لا مالي نفس أجابل ويه هالدبه ..
حصه : ولا أنا بس شو نسوي غصبا عنا ..
نوره : لا ما ابغي اسير اكيد اذا سرنا الابله بتغسل شراعنا ..
حصه : عاادي تعودنا ..
نوره : في هاذي صدقتي .. يالله يالمصريه قمنا نرد ..
حصه : يالله ..
ويوووم ردن الآنسات الصف وأول ما فتحن الباااب عطتهن الأبله محاظره طويله عن التأخير ويوم سألتهن وين كانن قالن انهن كانن في الحمااام وانهن ما سمعن الجرس .. وعقب هالجذبه صدقتهن الأبله وسامحتهن ..
ويوم ردت نوره البيت سارت حجرتها ورقدت لين العصر .. وعقب مانشت صلت وبعدين سارت العزبه فيا امها واختها روضه و اخوها الصغير حمد.. ويلسوا هناك لين المغرب .. ومن يعديهم المغرب ردوا البيت .. وعقب ما ردوا سارت نوره الحجره واتسبحت وصلت وعقب يلست تطالع التلفزيووون لين صلاة العشا .. وعقب سارت الحجره عسب تحظر حق يووم السبت لانها تبغي تفتك من المذاكر في يوم الإجازه ..وباليوم الثاني نشت الآنسه نوره من الرقاد الساعه عشر الضحى .. وعقب ما تنشطت نوره سارت حجرة اختها روضه (( روضه هي اخت نوره الكبيره وعمرها22 سنه وهي مخطوبه من ولد خالتها سالم اللي هو اخو عيسى)) ..
نوره : هلااااااااا رويض ..
روضه : أهلين .. صح النوم الغاليه شو موعنج من وقت؟؟
نوره : عن الطنازه ..اتصدقين اني راقده الساعه 4 الفجر؟
روضه : شو كاظنج ؟
نوره : ما ياني الرقاااد ..
روضه : اهااا
نوره : شحااال ريلج ؟
روضه : منووو...سالم ؟
نوره : و في حد غيره يعني؟
روضه : بخير الحمد لله حت قالي سلمي على نوره ..
نوره : الله يسلمه من الشر .
روضه : آمين.. غريبه اليوم شو يايبنج الحجره في هالوقت انا ما احيدج تين الا المغرب او فليل ..
نوره : يايع عسب أسألج سؤال ..
روضه : واللي هو ؟
نوره :متى بتعرسين ؟
روضه : ليش تسألن لا يكون تبغين الفكه مني ؟
نوره : لا مب عسب جيه يالخديه .. لان الصرااااحه من فتره طويله ما استوى عندنا عرس اللي اذكره ان آخر عرس كان عرس اختي شمه .. والحين ما شاء الله عليها عندها ولدين عبدلله ومحمدووه ..
روضه : اهااا عيل البشاره عقب ثلاث سنين ..
نوره : جذاااااااااابه
روضه : صدقيني عقب ثلاث سنين ..
نوره : بعد بقولج جذااااااااااااااااابه..
روضه : ليش اتجذبيني؟؟
نوره : لان سالم يالله يالله صبرعليج سنتين وما اظني بعد بيصبر عليج ثلاث سنين لا عااد جذبتج ما تدخل العقل ..
روضه : حسبي الله عليج يا نوير وعلى لسانج الطويل
نوره : الله يخليييييه لي يا رب ... عاااد يالله يارويض قولي الصدق ..
روضه : عقب ماتخلصين من الإمتحانات ..
نوره : احم .. احم .. لهاذي الدرجه تحبوني ؟
روضه : منو قال عشانج لا الغاليع عشاني أنا ..
نوره : السااااااااااااع ما قلتي عشاني.. انزين وانتي متى بتخلصين ؟
روضه : أنا بتخرج في الاجازه اللي بيعطونكم اياها حق المذاكره .. ولين ما اجهز زاخلص بتكونين مخلصه الامتحااانات ..
نوره : اهاااا ..
روضه : ان شاء الله عقب ما تنجحين بنسوي عزيمه
نوره : احممم .. احممم.. أخجلتم تواضعنا
روضه : طااعوا هاي وايد مصدقه عمرهااا.. لا الغالي ولا تنسين بعد اني بتخرج ..
نوره : المهم أن نصهااااا حقي ..
روضه : الله يعطيج العقل
نوره : ويعطيج بعد
روضه : يالله شلي عمرج وقبظي البااااب ..
نوره : ليش ؟
روضه : ابغي ارمس ربيعتي
نوره : علينا هالرمسه قوليها ولا تستحين
روضه : نوووروه ترى لسانج يباله قص ..
نوره : يالله قوليها ووبعدين بطلع ..
روضه : لو سمحتي ممكن تطلعين برع لاني ابغي ارمس ربيعتي ؟؟
نوره : لا ما بطلع .. قولي (( ياغناتي ممكن تخليني بروحي لاني ابغي ارمس سلوووم خطيبي ))
روضه : مثل ما قلتي
نوره : الحين بطلع ..
عقب ما طلعت نوره سارت عند امها في المطبخ وأول ما دخلت.. دخلت بشويش يعني بدون أي صوت
وحطت ايدها على عيوون امها ..
ام نوره : هبي هباااااااااج الله يا نوير ..
نوره : ماااا شااء الله عليج يا امي عرفتيني من قبل ما اقولج منو أنا ..
ام نوره : وفي حد ما يعرفج .. يعني منو غيرج داقنه الهوى في هالبيت ..
نوره : عنبووو ولا حد فيكم تكرم ومدحني ولو مره في حياته .. شو هالاهل ؟
ام نوره : خلي عنج هالرمسه اللي ما منها فايده .. وسيري شلي دلة القهوه ووديها الصاله ..
نوره : انتي تامرين يالغاليه ..
ام نوره : هي الحين انتي فنانه .. ابغيج جيه دووووم ..
نوره : كللوووووووووووووووش اول مره حد يمدحني .. انا في حلم ولا في حلم لا اكيييد حلم ..
ام نوره : الله يكملج بعقلج .. يالله سيري ودي الدله والحين بيي وراااج ..
نوره : انزين ..
سارت نوره الصاله وتريت امها ويم يت امها يلسن يسولفن ..
ام نوره : اقووول نورروه متى بتخلصين من الدراسه ..
نوره : بس هالسنه وبخلص وان الله راد عقب ما بخلص بسير الكليه ..
ام نوره : عااد ها يا بنيتي ما اوصيج بالنسبه اللي ترفع الرااس ..
نوره : انا اذا تخطيت 50 حمدوا ربكم واشكرووه وحبوا ايدكم من ورا وجدام ..
ام نوره : ليش هالرمسه اللي ما تسر ان شاء الله بتيبين نسبه اخيرعن 50
نوره : ان شاء الله ..
ام نوره : عيل وين اختج ؟
نوره : رويض يلسه في الحجره ترمس ربيعتهااااااااااااااااا ..
ام نوره : انزين انا بسير الجمعيه تبغون شيء من هناك؟
نوره : ابغي سنيكرز وفيتامين سي ..
ام نوره : شو ها سركز بعد..
نوره : هاذي حلاوه ..
ام نوره : اقوول انا ما عرف شيء عن علومكن شو رايج اتسيرين ويايه ..
نوره : متى؟
ام نوره : يوم بنرد من العزبه سيده بنتسبح وبنصلي وبنسري ..
نوره : ان شاء الله ..
عقب صلاة العصر سارت نوره العزبه ويا امها واول ما وصلوا العزبه سارت نوره فوق العرقوووب ويلست الانسه تفكرفي عيسى وكانت تقوول حق عمرها (( أنا أحب عيسى من يوم كان عمري 14 وليومي هذا.. وانا اتعذب وهو فري يعني عااادي عنده .. يا ترى هل هو يبادلني نفس الشعورولا انا اعيش قصة حب خياليه )) .. واول مااااا خلصت هالجمله إلا تشووووف غبره سياره من بعيد ..واول ما شافت نوره السياره فز قلبها من مكانه لان راعي السياره هوعيسى ولد خالتها .. اول ما وصل عيسى العزبه نزل من السياره وسار سلم على ام نوره ويلس يتقهوى وياها ..</span></font>