<font color='#000000'><span style='color:darkred'>خنفروش و طنفروش شهود على زواج مجلوط من مقهوره طنفروش و خنفروش شهود على طلاق مقهوره من مجلوط سالت طنفروش :- الحياه الزوجيه و تكوين اسره شي سهل والا هو الجحيم قال لي :- هالحياه تبغي عقول جباااره</span>
<span style='color:sienna'>مرحباااا بكم حبااايبي احيانا نحن نبحث عن موضوع نكتبه و احيانا الموضوع يبحث عنا ومراااات كثيره الموضوع يكون جدامنا لكننا ما ننتبه له لانه ما يعنينا او لاننا نظن انناااا عارفينه – و طبعا معرفتنا تكون في الغالب نظريه للحين ما دخلت حيز التنفيذ – ليش هالمقدمه الطويله وليش هالكلاام العام لانناااا في مواضيع اجتماعيه كثيره ننصدم بواقع الناس ننصدم بان الي كنا نظنه او نظن اننا نعرفه في الحقيقه محد غيرنا مقتنع فيه و محد غيرنا ايفكر ايطبقه و الحين اقدر ادش في الموضوع حبااايبي والله انه شي يضحك و يثير في النفس العاقله اكثر من سؤال ويمكن اعاصير من الاستغراب لما انشوف واحد ما ايخصه في السياييير يرمس عن افضل الانواع و اقوى الماركات العالميه ونفس الشي في العطور لما انحصل وحده تتكلم عن الفرق بين العطور الباريسيه و الصرعه الامريكيه في انتاج عطور وهي اصلاا في الواقع ما تعرف ليش بعض العطور اتكون بالمضرب وليش بعضها ايكون براس بخاخ – يمكن الامثله ما ايخصها و يمكن انا اصلاا ما ايخصني في الموضوع لكن الي باااااااااااااط جبدي و رااااافع ضغطي و بيييييب لي الجلطه ان بعض البنات و الشباب يدعون الثقافه و الاطلااع وهم من حمله الشهادات لكن ما عندهم أي خلفيه في الاختلااف بين الجنسين اقصد الاختلاف النفسي فالوحده منهن ما عندها حتى استعداد انها اتدور كتاب يناقش مساله الفروق الفرديه وبمعنى اصح ما فكرت حتى انها تطـّلع على مبحث في فهم النفسيات و الشاب نفس الشي ولما تسالهم ليش ايقولون هذا شي بنتعلمه في الحياه والله اغبياااااااااااااء ليش انت تنتظر لما بنفسك اتخوض التجربه ليش ما تتعلم من تجارب الاخرين ليش ما تقرا للعلماء و اتعرف شو قالوا في هالمجال يعني اختي انتي لو باااااجر اتزوجتي و انتي ما تعرفين عن الريااااااااااييييل الا اشياء اكتسبتيهاااا من الاختلااط باخوج و ابوج او زملااء العمل او زملااااء النت او في السوق او هذااااك الي تحرش فييييج مره او فلااااان الي كانت بينج وبينه علاااااقه – و انتهت – المشكله انج ما عرفتي شي عن المرحله المتقدمه في معرفه الرجاااال مرحله علااقه الزوج بزوجته وهااااي اقوى انواع العلااقات الانسانيه فاذا اكتفيتي بالي تسمعينه من صديقتج العزيزه بحكم انها اخبر منج فيهم او من اختج بحكم انها متزوجه او تصرفات زووجه اخوووج الطييييبه فاذا انتي للحين مو متاكده من معلوماتج او استقيتيها من تجارب سطحيه او حتى تجارب غيرج سواء الفاشله او الناجحه – ترى مووب كل الريايييل مثل بعض –حسبي الله على الريااايييل ما يترس عينهم شي" هاي كلمه ام خنفروش قالت لازم اتحطها " وهالشي بعد مطلوب من الشاااب او ازواج المستقبل انهم ايعرفون و يتعلمون و اتكون ثقافتهم الاسريه اكبر ياااخويه مرتك كريمه على اهلها كيف انت اتقوم اتهينها و تراااها هي انسانه حساسه ولو كانت في نظرك دفشه و التعامل معاها بكرامه و تقدير فانت اتظن انه عااادي تلبسها وهي بتنشغل باشياء ثانيه – شو تتحراها اختك الصغيره – لا حبوووبي انت مسؤل عنهااا عن ضحكتها و دمعتهااا وعليييك انت توجههاااا و تقبل منهااا التوجيييه لانهاااا موووب خدامتكم ياااااا جماااااعه الخير والله اني طفرت هالايام واااايد اشوف ازواااج مختلفين فكرياااا ولا عندهم استعداد للتواصل يعني زوجي ارمس وياااه عن الافلاام و السينما او الاخبار ع الطااير او الحريجه الي صارت في فريجناااا اما في اختلاافاتنا في ردود الافعال فهااي بتنحل مع الايااااام واااااااء مستحيل ثقافه الطرفين هي الغايه وحتى ايكون بناء أي اسره يديده قوي و متمااااسك - و شوفوا نسبه الطلاق عاليه بين الي متزوجين قريب ليش ؟ - لانهم وبكل صراحه ما تثقفوا في فهم نفسيات الاخرين لا قبل الزواج ولا حتى بعده فاذا كنتي للحين جاااهله وشهادتج الجامعيه توظفتي بها فالحقي عمرج و لو كنت للحين جاااهل و تحمل الماجستير وفرحان بوظيفتك الحق عمرك لان الحياااه الزوجيه المعاصره موووب مثل حياااه ابوك و امك لالالا هي اعقد و متشعبه في مطالبها و ضرورياتها جمااعه الخير ترااااه موضوع وفلت لا تواااخزوووونااااااا و السموحه منكم حبااايبي</span></font>
رد مع اقتباس
مواقع النشر (المفضلة)