شو أحلى أو أسوأ المواقف اللي مرت عليكم في السفر؟؟؟

أنا أحب أسمع سوالف السفر وااايد :2: وأشوف الصور:b015:



طبعا الصور موجوده والجماعه مب امقصرين في التقارير، بس شو عن المواقف اللي ما بتنسونها في السفر؟؟؟

ان شاء الله افا عليج بس هيدي عشان ازهب وابري القلم
شكلي بكتب وايد


راجعلج:h_daleel:

مراااااااااحب

بالنسبة لي السنة رحت لتايلند

وهذه أول مرة أروحها

رحت الجزر و قالوا لي اركبي على الفيل

قلت مستحيل و بعدين ركبته

يا ربي على الاحساس
خوف و فرح و احساس ما اعرف كيف اوصفه

بس ما اظني ارد و اركبه من جديد


الموقف الثاني
كنت في بانكوك ورحت السوق مع صديقتي
منا رايحين في تاكسي و على الرجعة ركبنا القطار

ربي لا يوريكم كيف كان زحمة و بقينا واقفين لين ما وصلنا
بصراحة اسوأ موقف لي اني اظل واقفة في زحمة ناس
ولا ما تعرفي وش يصير عليج بين هالناس

و حلفت ما اكررها و اطلع بروحي و اركب قطار

هذا اللي في بالي الحين

هههههههه


مرة بتركيا تحرونا تركية فكان تركي يكلمني فهمت طبعا بالاشارة انه حور مب راقده عدل في الجاري مالها


طبعا بكل تاكيد ما فهمت شيء من رمسته التركية الا انه في شيء غلط وياشر على حور ومعصب...


وفي موقف سخيف في ماليزيا صيحني بذكره بعدين

أذكر وانا اصغير في تركيا مع الاهل مسافرين سياحة وفي هذا اليوم كان أخوي مختفي وصار يوم عزاء وحزن سبحان الله كان هذا اليوم متداول بخطف الاطفال وصارت عندنا حالة رعب وبالاخير طلع أن أخوي راقد في السكن وناسينه^_^

السلام عليكم...


يااااالله ع سوالف السفر... سوالف مووول ما تنطرى... ههههه

بكون مستمتعه وايد و انا اقرا عنكم... :)

الصراحه مسكين هذا الفلان - شو موقفه يوم يسمع هذا الخبر - يقال بأن الإمارات تنصح رعاياها بعدم السفر لتايلند وهو حاجز وأمخلص - أكيد هذا موقف عمره ما بينساه ^_^

أحلى موقف كان نفسه أسوأ موقف في السفر

يقولكم كنا حاطين ببالنا إنه بنرد على تاريخ معين قبل دوامي بيومين

بس إلي حجز لنا ما أكد على تاريخ الرده

فانصدمنا إنه الحجوزات فل ومستحيل مستحيل نلقى حجز لنا كلنا بنفس الرحلة

فقلت لهم ( كاقتراح ) كل حد فينا يرد برحلة ( وأنا أدري إنه أخوي بيهزبني على هالاقتراح)

وبعد ساعتين ... قالي حلوووم زهبي شطنتج إنتي واليهال ( ولد وبنت ) والشغاله بوديكم المطار عالويتنق

وأنا امبهته !! مووووول ما تخيلت هالموقف !! أنا أسافر بروحي !!

المهم راحت الزعيمه حلم وحصلت 4 كراسي ودخلوني لباب الطياره وودعوني

وطول الرحله أفكر بالموضوع وأضحك ! هل كيف بيكون استقبال الوالده لي يوم بتكتشف إني راده بروحي ههههههه

ورديت وداومت وانهزب أخوي هزاب على فكرته العبقريه

^ حلوه ..



والموضوع بكبره حلو ، يالله نبي نشوف مواقف أكثر ،
بانتظار تواصلكم جميعا ، وتواصلي جان تذكرت شي ينذكر !.



شكرا خليجية عالطرح =]

حلمووووووه - أخوج ما صدق افتك من المسؤوليه ^_^ هههههه -

فرفوش

تصدق !! حلوه المسؤوليه

لا وعياله وياي بعد

كانت أكشنات حلوه الصراحه بالمطار والطياره

يالله يا كثر السوالف والمواقف


يخبركم بسالفه مادري جان قلتها الكم من زمان والا لا .. المهم


مره قلوب كان ساير لندن وكنا نحن 8 نبا انروح ميونخ وطبعا ايامها صار اضراب

المهم كل ما انروح المطار ماشي طيارات قلنا ماشيء غير القطار

سرنا محطة واترلو وقطعنا تذاكر Vip وقالوا الرحله بعد ساعه وطلعنا من لندن وصلنا فرنسا و منها كملنا الى بلجيكا

وهناك لازم انبدل القطار وتمينا نركظ نحن وشنطنا في المحطة ( اتقولون فلم هندي ) ولما وصلنا الى النقطة شفنا القطار امروح

تعالوا واتريوو 4 ساعات و عقب سرنا النقطة عشان نركب القطار وقلوب مستانس شال كيمرته ويالس ايصور سكه الحديد

ما وحالي والا شويه شرطي وشرطية ياييه ( اكسيوزمي باسبروت بليز )

وانا اهني اقول ابخاطري يالله ما ايفوتني القطار هذا بعد

وربعي من ورايه تعليقات : اللي ايقول بنروح عنه واللي يتمصخر

وصل القطار وانا اقوله بليز ابا اسافر : الشرطي قالي لا اتصور مره ثانيه وعطاني محاضره وهدني

برد على محور الحديث واللي هو كيف نوصل ميونخ اتخيلوا القطار بدلنا 3 مرات واخر قطار ركبناه كان عباره عن صندقه مال السامان

يعني حطينا شنطنا ويلسنا فوقها لمدة ساعتين وطبعا طلعنا من لندن 10 الصبح ووصلنا ميونخ 3 الفجر

رحله عذاب واللي امحلنا كيمرتي فيها تفاصيل الذكريات وحتى سكه الحديد اللي مامسحتها هههههه

وبنرد عليكم بالعلوم والسوالف في الايام اليايه

وعن صفحتنا لا اتخوزووون

والا اقولكم مرخوصين..

قلوب دبي مستوي بوعمر !!

لا تخوزون أونه :)

اخووها افتك قال يا بويه هاي حلوووم ام العلوم بتم الا تهذرب واتهاذي خلها اترد هههه

حط لنا الصــوور في واحة التصوير بوغنيــم ^^~

هههههه أنا بعد استوالي موقف وأنا أصوّر ياني الشرطي ويلس يعطيني محاضره أنه ممنوع أصور وجي
وأنا أقوله أوكي أوووكي أباا اسييييير أهليه كلهم سبقووني وأنا من النوع الـ خوّااف ما احب اتم بروحي!