رد: .. مـامـات الواحات ..
ياحياتي ع الحلويييين .
عمه العيم وخيال الروح :
مبروگين ويتربون ف عزكم
احم من خلال خبرتي المتواضعه والقصييييره جدا مع بنوتي ؛ مابدييييت وياه بالاكل يلييييين الـ٤ شهور
وحسيتها كل ما اعطيها شي وانتوا بكرامه تزوع ، خبرت دكتورتها وقالت اليهال امعاءهم ماتكمل يلين الـ ٦شهور ، وفي حد ف ال٤ وحد ٥ لكن بششششكل عام ف ال٦ شهور وهذا الشهر يكون الشهر المناسب
طبعا لازم اول شي تسسسون تست للاشيا اللي بتعطوهم ، انا قمت اعطيها اول ٣ جزر ( اوغره واحط ف الخلاط ويكون مهروس ، كنت بس اعطيها لقمتين او ٣ عسب اتاكد انها ماتتحسس منه
ولد حميتي اكبر عنها ب ٣شهور وظهرت له حبوب حساسيه من الجزر
خلاف ٣ كوسا بنفس الطريقه والحمدالله ماتحسست وعقب بطاطس
يوم شفت انه كل شي سليم بديت اهرسلها ويا العيش
لاتتوقعون انهم بيتقبلون الاكل بسسسرعه لان قابليه اليهال للاكل تختلف ، عندي هالبنت اكلها صعععععب بضرابه وصياح
جدولها كتالي :
اول ماتنش رضعه خفيفه
الظهر ع ال١٢ او ١ عبش مهروس مع حضار
العصر سيريلاك او بسكويت مع الماي لان يوم احطلها ف المرضعه يثجل عليها ويعورلها بطنها
المغرب جريب العشا شوربه شوفان او بطاطا مهروسه
يوم اتعايز اسويلها سيريلاك ابدل ب تفااااح مبشور
تذكرررت شي يوم كانت تمشي ف ال٣ شهور كنت اودن لها تمر ف الماي وخلاف اشخله واشربها واااااايد مفيد ويعطي صحه
انا من النوع اللي ماحب اخبص ل بنتي لكن حميتي ماشاء الله تعطي ولدها بليل عيش وروب وتعطيه هريس وكاستر ووايد اشيا
انا ما اطيع اعطيها مسوتلها جدول ومرتااااحه جيه
وبس
رد: .. مـامـات الواحات ..
مشكورة مهابه...
ان شاء الله بسوي مثلج
انا يومين عطيته عيش مطحون ويا شوي سكر...بس مره وحده فاليوم يعني الظهر... و باقي الوجبات حليب...
حسيته دوم يوعان و يصيح و ياكل ايده و اي شي جدامه
ف وقفت العيش,,,, الحين احط له بسكوت فالحليب مرتين فاليوم.... و باقي الوجبات حليب روحه احس انه مرتاح... بس مادري يبالي اعطيه شي ثاني مع البسكوت هذا ولالا؟؟؟
والا اوقف البسكوت و ابدا وياه جزر مثلا؟؟؟ ولا اكمل البسكوت و اعطيه جزر بعد؟؟؟ عادي جي؟
هي صح و اعطيه ماي تمر و ينسون بعد بس مب كل يوم... تعرفين الهيازه و جي خخخخ
رد: .. مـامـات الواحات ..
مممم لاتبدين وياه بالسكر عسسسسب يحب ةيتقبل الاشيا اللي فيها ملح
اذا جبده تتقبل البسكويت ولله الحمد ، حلو
عطيه هالشي حق رضعة بليل عسسب يشبع ويطول ف رقاده
من يخلص الرابع ويدخل فالخامس ع ثاني اسبوع جربي جزر مهروس ٣ ايام اذا الامور طيبه وف السليم كملي
التفاح المبشور بعد عادي لو تبدين به احين
الينسون عطيته اياه من اول اسبوع عسب الغازات واعطيها بعد جاي ميلوبيا وبس
السيريلاك فالسادس و
رد: .. مـامـات الواحات ..
رد: .. مـامـات الواحات ..
هالموضوع وايد فادني
تعرفوا على لغة عيالكم يوم يصيحون هههه
http://yebab.com/بالفيديو-5-أصوات-لل...ء-محددة
رد: .. مـامـات الواحات ..
عمه العيم
شفت الفيديو وايد حلو ومفيد في نفس الوقت
مهابه
مشكوره حبيبتي علي المعلومات ،،
رد: .. مـامـات الواحات ..
ما يهزك ريح .. عيبني الموقع وايد ^_^
انا دوم اطلب لولدي من Childrensalon.com
childsplayclothing.com
رد: .. مـامـات الواحات ..
ليش الردود تطلع عندي غلط، اول رد طالع عندي اخر رد !
الله يحفظ لكم عيالكم يارب ، أنا عندي بنتي تعبانه شوي اليوم كحه وبغلم فديتها ماظن بيعطوني لها دوا بعدها صغنونه :(
مهابه جدول بنتج بأي شهر؟!
رد: .. مـامـات الواحات ..
الحمدالله ع السلامه شتشوته..
بيشو الله يحفظها ؛عمرها ٨شهور ونص..
رد: .. مـامـات الواحات ..
رد: .. مـامـات الواحات ..
الله يسلمج مهابه خخخخ مادري وين ضيعت الآي فون بدوره وبرمسج عالوتسب
فديتها بشوره الله يحفظها خذي لها ال event baby cooker فنااااانه
رد: .. مـامـات الواحات ..
انا تلفوني الجديم في مهب الريح والارقام وياه كمان
انا بشاير ماتحب تاكل ، والله الاكل وياها بضررررابه
لازم حركات وابطل حلجي وسياسه ومنيه مناك عسب تاكل ><
بنوتج
ش قدها ؟ وشو سميتيها
رد: .. مـامـات الواحات ..
هلا بمامات الواحات...
شخبار الحلوين ؟
اليوم اتاكدت انه عيالي دلعتهم زياده عن اللازم... كل شي كل شي لازم انا اللي اسويه .. ولا الصياح ببيزه...
وفديييييييييت حموووووودي... دخل السنه KG1 ... بس نشه الصبح مب حلوه... الحين ماشي سهر.. لازم نرقد من وقت عشان الحق اجهزه و اوصله المدرسه...
..
ماشاء الله ع الكتاكيت الي بدوا ياكلون...
عيالي ما اكلتهم الا في السادس...بس اتحملوا و حاسبوا و انتو تعطون الياهل شي يديد...
شوشوتي فديتها طلع عندها حساسيه وايد من الاكل... كانت ع طول اترجع و يتحسس جسمها...
..
ووو شو الاخبار بعد ؟
رد: .. مـامـات الواحات ..
يآروووحي ع الصغنونين انا، ماشاء الله حمدي كي جي ١
يالله عقبال شوشو ..
انا بيشو ارقدها بين ١٠وال١١ واتنش الساعه ٩ طبعاا للحين كل ساعتين او ٣ تنش تبا ترضع
بس مووول ما اعودها ع السهر ، واعطيهت قيلوله الظهر ..
بس ف رمضان كنت ارقدها عقب صلاه الفير لوول
يالله متى تستوي بيشو قد حمودي عشان افكر اييي لها اخو ولا اخت^^
رد: .. مـامـات الواحات ..
^
الله يخليلكم عيالكم يارب ~
وناسه يوم اقرى ردودكم احس غير ..!!
دوم يوم خواتي يربون اول مره اقولهم تحبون البيبي !! يعني يوم اجوفهم يموتون عليهم اقولهم ليش يعني ؟ هههه سؤال غبي بس ..يقولون يوم بتصيرين ام بتحسين ..شعور غير ..~
الله يحفظهم ويخليهم لكم يارب ~