عرض للطباعة
نجمة دبي...أول شيء الحمدلله عالسلامة ومبروك ماياكم وتتربى في عزكم إن شاء الله
اشربي سوائل وايد وخصوصا الماي واحتمال يكون الصداع من الاراهاق والنوم المتقطع لانه البيبي بعده نومه مب ثابت واستانسي حلوين في هالعمر جان بتعطيني اياها وخذي حور ما شاء الله عليها بتزيد نسبة الصداع ربي يحفظها هالعسوله
اقتباس:
المشاركة الأصلية كتبت بواسطة وحي القلم
إي والله :doh: ..
أقول وحي ، شرايج كل ما باخذلي دراعه بقسمها بالنص بيني وبينج :icecream: !
:tongue: ..
الله يسلمج ويبارك فيج :love2:اقتباس:
المشاركة الأصلية كتبت بواسطة طير الحب
وايدين قالوا لي بسبب الارهاق وقلة النوم ..
والحينه قمت اشرب عصاير طازجه .. وابتعدت عن المشروبات الغازيه .. والحمدلله خف شوي
هههههههه الله يخليها لج ان شاء الله ..
خليني اتهنى بالبنوته في هالعمر .. ترى العذاب ياي بعد كم من شهر :fa56:
مشكوووووره الغاليه :a070:
بغيت أسأل..
شو من الفنادق اليديده الحلوه التي اتعرفونها في دبي.. يعني حق عرسان يداد..
شوق القلوب
اخوي مدح لي هالفندق
فندق المنزل
يطلع على النافوره ^_^
وهالموقع يتكلم عنه بشكل مختصر
http://www.travelerpedia.net/2008/06...zil-dubai.html
بغيت موقع نشتري منه لبس حق اليهال، شو موقع اوكي - وكيف طريقة الدفع ؟
نجمه دبي... تسلميلي والله ..
حلو الموقع أول مره ادخله .. ^_^
بغيت أسأل..
من وين أحصل ماترس زين... ؟؟
العفو عزيزتي
بخصوص الماترس .. يعتمد اي نوع تفضلين .. الطبي والا العادي والا بو حدايد ... الخ ^_^
شوفي فندق العنوان .... احس به فنان ... في برج دبي
ممم..
اتوقع الطبي ولا العادي.. المهم ما ابا اي ماترس.. ابا نوعيه وايد اتكون زينه..
يسلموا المزوحي.. بجيك عليه ان شاء الله :)
بنات ... حد منكم شاف إذا لاكوكيت عنده سكارفات حلوه ؟
شو يعني ماترس؟
^
دوشق
شووق
حق طبي عندج واحد يبيعونه في دبنهامز فوووق
واذا عادي
شي محل على شارع شيخ زايد في البنايه الى فيها مطعم البرز & subway عدال كراون بلازا
شوق القلوب
مري على سايلنت نايت في عيمان "المصنع" و تنقي الي تبغينه
و انتي يايه عيمان من صوب الشارجه بييج الجسر الي قبل السيتي.. انزلي من تحته و خذي يسار و عقب بييج الجسر الثاني و بعد انزلي من تحت و خذي يمين و عقب اول دخله على يمينج
اذا انتي في دبي .. دبنهامز يبيع هالماترس
وفيه محل ثاني اسمه كينج كويل .. بعد في البرشا !
انا اللي عندي شارنه من ID Design وايد زين .. وفيه عندهم انواع .. بعد سيري وشوفي اللي يعيبج ^_^
السلام عليكم
شوق : في كريستال بلازا في الشارجة بتحصلين كذا محل للدواشق :yes:
أنا مجربة واحد منهم أعتقد اسمه انتركويل :k_special2:
thanks 3l ma3lomah :h_mar7aba: i am such a lazy person when it comes to these stuff =P hehe
شمعة أمـــل.. ذنيني.. ما يهزك ريـــح .. قصايد غلا..
مشكـــوووووريــــــــــــ ــــن ما قصرتـــوا.. و ان شاء الله بنشوف اللي خبرتوني عنهم .. :)
العفو شوّاااقة :fa35:
شو احسن بطاقة موبايل في لندن ؟
http://www.gadgetlite.com/wp-content...ilt-in-gps.jpg
المزوحي : فودافون - اول ما توصل المطار تشتري منهم بطاقه تلفون بعشره باوند .. وطبعا تشتري البطاقه عشان الرصيد ... قولهم ابي حق المدل ايست عشان تروم تتصل حق اهلك في دبي او قولهم في اوروبا اذا اهلك في اوروبا ... وبس
ورويال قاردن فندق زين اذا مابتسكن في بيت او Carlton Tower صوب السوق .......
--
ابااا صابغ شعري هاللون .... شو احسن الصوالين اليديده؟
http://oasis.bindubai.com/bin/upload...1246333966.jpg
it will look nice one u but you need to be tanned ya snow white lool :P
la wallah it good color 3ala darker skin it's my opinion ba3ad madree entee warych
btw her legs are awful ya33 like paris hilton
-------
i need good place to do jalbayah for ramadan and for al eid
in dubai and its better in Jimera 3ashan afatak :P
also i need good hair dresser to cut my hair can anyone help
^ سيري عند سلفا ترا احسن منها ماشي في القص! انا سرت ويربت كلحد ورديت لها ماشاءالله ايدها وايد خضرا ... من سنه كامله وانا ما اخلي حد يقص شعري غيرها .. تعرف تقص قصه وايد حلوه جي مدرجه نصها قصير ونصها طويل غريبه من ورا ومن جدام .. اطلبيها هي بالتحديد ;)
انا ما احاتي اذا بيناسبني ولا لا الله يخلي الfake tan مايقصر ... انا احاتي وين الي بيعرفون يعطوني نفس درجه الللللللون -,-
light choco you can find every where will i think tony and gay are the best in my point of view
i love matlida colors its always looks natural
السلام عليكم
تحفة : ممكن أعرف وين مكان "سلفا" ؟
لأنه موووول ما ناسبني حد في القص .. كلهم من يقصون شعري يا يخف يا إنه ما يطول :smile2:
تحفه .. انا سامعة عن سلفا بس مااذكر وين قالولي عنهـآ \\
..\\خبريني وين ابا اسير اقص شعري لول
قصايد ورمش : في الجافليه ... تعرفين دوار برج راشد( المركز التجاري)؟ تخيلي عمرج بتلفينه وبتروحين برجمان .. لا تاخذين لفه برجمان خذي اللفه الي عقب لفه برجمان وتمي صوب اليمين وبتشوفين عمارتين إجدااااام باننهم الشيخ راشد الله يرحمه ...شي مطبعه وشي محل مال حلويات سوالف بقلاوه وجي وفي صالون اسمه سلفا علطرف ( شي واحد علشارع وواحد يديد مجابل الرمله ).... انتوا بركنو علرمله اذا ماشي مواقف جدام العماره ... بس قبل لاتروحون اتصلوا وخذوا موعد مع سلفا نفسها .... وحده لبنانيه عيوز واااااايد كيوت .. صالونها جدددديييم كل العيايز يسيرونله لول ... صارلها في دبي يمكن اكثر من ٢٠ سنه .. كانت تقص شعر فزاع يوم كان صغير P=
احسن شي في صالونها هي! لول!! اما الاشياء الثانيه تعبانه -,- بس في وحده لبنانيه توها يايه من "الجنوب" تعرف تصبغ يقولون .. كل ما ادخل الصالون اشوفها تصبغ شعرها وبعدين تحط طاسه فوق راسها .... تضحكني XD
وفي وحده روسيه مادري بلجيكيه او المانيه ترسم علاظافر يقولون نظيف شغلها .... وفي وحده هنديه حلو اتسشور مايكون فلات جنه ما فيه روح .. جي يكون فيه فاليوم .. بتشوفينها شكلها عيوز وتلبس ذهب
تعرفون العالم اول مره يوم خليتها تقصلي قصتي طول الوقت وانا اشوفها تقص اقول الحين بقولها stop .. مادري شو الي خلاني اسكت ... اخر شي يوم خلصت حمدلله استانست و لين الحين اقص شعري عندها
شوفي انا بس قصتي الي سويت فيها حركه .... ماحب سوالف حركات وطبقات في الشعر انا انسانه عمليه P= ... بس اذا تبين حركات فشوفي شعرها هي ماشاء الله على عمرها شعرها حلو و مب خفيف .. وقصته حلوه ..
وهيه صح اذا بتسوين القصه اتكون قصيره اتي عليمب شوي طايره ونصها طويل وقصير .. ماعرف كيف اوصفها لوول
ولازم ما تخلين القصه تطول لان شكلها بيخترب .. فلازم كل مره يا ياخذون من شعرج ويغلظونها او العكس حسب ما انتي تبين ...
يوم اقولج اتي على يمب و طايره ونصها قصير وطويل يعني تقريبااا جييي
http://www.fazza3.com/vb/attachments...d73f813a39.jpg
تسلمييييييييييييين حبيييييييييبتي تحفة عـ الشرح المفصل
وحمستييييني صدق أسيييييير
مع اني كنت قايلة ما بقص شعري هـ لفترة
بس شكلي بغير رايي لول .. =)
ثانكس حبيبتي ^__^
ييتي في وقتج تحوووفه... أخر مره قصيت شعري موووووووووووووووووووووووو وول مب شي.. حتى قصتي دوم رافعتنها.. ما احب شكلها..
بس للحين ما عرفت وصفج عدل... !! خاطري اسير اقصها مره ثانيه..
عن الصبغ.. ممم جربي سيري fifth avenu .. في دبي مول.. وحده صابغه عندهم و وايد عيبها شغلهم.. وللاسف يوم كنت ابا اسير .. ما حصلت الحرمه اللي اتقص.. مكانه اذا دخلتي من المدخل الرئيسي.. وين كارتير.. اصعدي الطابق الاول.. بتحصلينه ع الجهه اليمين...
تحفه من زمان كنت اودي الوالدة عند سلفا، لكن ودرتها ... تقول شايفه نفسها
...
ابغي هدية حق ولد عمره سنه، بس غير عن التعليم المبكر وتويز آر اص
رمش : العفوووو ما سويت شي تدرين فالصيف وماعندي لا شغله ولا مشكله D=
شوق القلوب : نعيييما واحس اطولين قصتج اذا وايد قاصينها .. ممم ما عرف اوصف اكثر .. بس هي مدرجه من جدام وورا حركتها حلوه .. قصيره بس ماتيي علويه خاصه الحين حر وفطيسه احس مابي شي ايي على ويهي لول ومشكووور علمعلومه .. ممم تعرفين اسم الحرمه؟ يمكن تطرين الي طلعت من صالون سسترز اسمها دلفين؟
المزوحي : غريبه بالعكس وااايد متواضعه واسلوبها لذييييييييذ ... شي محل في جميرا سنتر ورا قيرارد كوفي شوب .. فيه اشيا وايد كيوت لليهال .. انا كل ما اتريا الكابتشينو ايلس اطالع من الجامه ... احللللللي شي عندهم قواري اليهال يا ربي يوم اشوفهم اتمنا اشتريهم P= hehehe
ما عرف .... الوالدة تقول هي احسن وحده تعرف تقص لها قصتها، بس الفتره الاخيره قامت تخلي البنات اللي عندها
يقصون، وعن المحل اللي تطرينه، تقصدين المجرودي ؟
لا مب مكتبه ! لول مجابل جيرارد بالضبط!
مممم هي مسكينه عيزت ماتروم توقف عشر ساعات عريولها .... بس اذا طلبتوها للقص ما تردكم .. انا دوم تقصلي وتخلي الهنديه تسشورني ومرات انا اقولها مابي اسشور الا قصتي فهي تسشور قصتي :) مب خقاقه بس الحرمه كبيره يمكن استوت في الخمسينات ولا حتا الستينات .....
زين بسير اشوف المحل، تحفه.
للي بيقصون كذلتهم / قصيته من فتره جي من جدام ، مدرج عادي على صوب ،
بس كثفت القصه اكثر بحيث جزء منها ينرد على ورا + طرف القصه من الجهتين يوصلون لآخر الخد !
http://www.l5s.net/uppng/ERx13456.png
وايد تمو يقولولي متغيره / يمكن لأن كنت مطوله قصتي قبلها ..!
بس للي قصتهم قصيره دووووم ، يمكن يحبون يغيرون بشكل القصه اكثر / مثل مافادتكم اختي تحفه ..
وهذي قصة حياتي مع كذلتي الحاليه ^^"
تعرفون إذا فتح marc jacobs في دبي مول ولا بعده؟؟
عايبتني شنطه شفتها في الموقع :heart: