رد: مــجـــلـــس الـــســـيــارات
مافي مواضيع يديده وماشي حركة في الواحات، قلنا نفجر قنبله هنيه عشان الكل يصحى :bash:
وخلنا نتكلم عن سيارات الرنج روفر بانواعها :thumbup1:
الرنج العادي HSE و الاسبورت واللي عنده معلومات لايبخل علينا ويظهر اللي عنده :k_devil2:
نخلي موضوع سعر الموتر بعد البيع ونتكلم عن الناس اللي جربوا استخدام الرنج ولكن مايكملون الموتر
فهم مابيحسون بعيوبها كثر اللي عنده هالموتر ومع هذا بقولكم في حد يمدحه حيل وحد يذمه حيل :fa46:
والبعض يقول عيب الرنج في الدفريشن وحد يقول إنه القير يحر في موديل السوبر جارج :pullhair: ياليت الاخوان يفيدونا
رد: مــجـــلـــس الـــســـيــارات
السلام عليكم، لدي استفسار
وحده ماخذه استيشن من البريمي، و الحين تبي تدخل الموتر تجييك الـ 1000 كيلو
الفطيم قالوا لها مش عدنا، روحي دينا ترييد ؟ اللي أعرفه انه عادي يجيكون السياره
شو هالمنكر بعد، و متردده تاخذ السياره لـ دينا و الا لأ ؟
رد: مــجـــلـــس الـــســـيــارات
^ خليها تاخذها لـ دينا تريد وقاطعوا الفطيم للأبد .. خلو سياراته تصدي ^__^
دينا تريد هي وكالة ثانية للسيارات إلي موردها سعود بهوان " وكيل تويوتا في عمان " ويستقبل السيارت وارد أمريكا بعد بعكس الفطيم .. وخدمته أسرع وأرخص ..
رد: مــجـــلـــس الـــســـيــارات
يزاك الله خير هيثم
بخبرها ان شاء الله، مشكور عـ التوضيح
رد: مــجـــلـــس الـــســـيــارات
العفووو مزن .. افا عليج ..
وجان تبا تتريانا يمكن ندخل الأف جي تجييك الـ 1000 كيلو يوم الأحد ^___^ لول
رد: مــجـــلـــس الـــســـيــارات
هههههه لا كلش ما يحتاي، ما تقصر أخوي !
بالبركه عليكم الـ FJ ربي يعطيكم خيرها و يكفيكم شرها
رد: مــجـــلـــس الـــســـيــارات
عندنا لكزس LX570 ونبغي نبدلها بموتر ثاني ومحتارين بين لكزس LS460 و أودي Q7
طبعا مافيه وجه مقارنه أوربي وياباني ، فورييل وصالون
لأنه وايدين ذموا الأودي بالرغم إنه الشكل اليديد احلى من قبل بس مادري عن الشغلات الثانيه ، اما اللكزس يذمون البريك والبدي !
رد: مــجـــلـــس الـــســـيــارات
570 جيه تبدلونها ؟!! Q7 اللي أعرفه انه قطع غيار الاودي نار و الفورويل اشوف شكلها مو حلو ابد
اذا الصالون نفس سيارة أخوي خيال الحب هيه جميله السياره :heart:
LS460
اللكزس ما عليها غبار، بس انت شو تقصد عن البدي و البريك ؟ يمكن تطري البدي انه خفيف ؟
فضيعه السياره :fa41: إذا قدرت باجر بصور لك السياره من داخل
ثبااااات ثبات السياره فـ الشارع اسرتني هالسياره من أول نظره
لكزس عيبها انها يابانيه =)
رد: مــجـــلـــس الـــســـيــارات
مزن لأنه اللي بتسوق الموتر حرمه وهي ماتبغي لكزس فورييل ، وثاني شي سرنا الوكاله وشفنا لكزس ال اس وشي منها نوعين
الأودي قطع غيارها نار ، بس أظن إنه عليها عرض كونتراكت مثل البي أم بس ما سألنا بعدنا
رد: مــجـــلـــس الـــســـيــارات
شو رايكم بالكايين اليديد او عن الكايين عامه ؟
رد: مــجـــلـــس الـــســـيــارات
محد مدح لي الكايين بشكل عام ، لكن مادري عن مستوى الموتر إذا تبغي بسأل لك
وشي ثاني التشيكات غاليه يمكن تعرف هذا الشي كونه موتر ألماني
رد: مــجـــلـــس الـــســـيــارات
رد: مــجـــلـــس الـــســـيــارات
إذا سوينا مقارنة بين الجمس سييرا دينالي والشفروليه أفالانش ..
شو الأفضل من ناحية الشكل والاستخدام والراحة والاستخدام اليومي بشكل عام ..
يعني سيرة الدوام والحواطة والمناسبات .. ؟
مع العلم إنه من ناحية القوة أكيد السييرا دينالي ..
لكن أنا اطري الاشياء الثانية ..
رد: مــجـــلـــس الـــســـيــارات
الصامت لاتستعيل شو بتاخذ لك والله يوفقك
الهيثم كلهم حلوات وأفالانش لها هيبه بعد ..
اما حق المناسبات كيف يعني ؟؟؟ اعتقد الدينالي لأنه تخيل حاضر مؤتمر وإلا حفلة زواج بالبك اب ..
وننتظر راي البقيه
ناوي على وحده ؟؟
...
من ايام متصلين بي وكالة متسوبيشي حشروني يبوني آخذ باجيرو اونه مسوين عروض، وقلت لهم إني عزمت آخذ رنج روفر ، لو قلت لهم اشتريت سياره يديده
من ايام ابرك، لأنه صدعوني ... اليارحه 5 مس كووول واليوم ردوا يتصلون وقلت لهم شو العروض ؟؟؟؟ قالوا انته تعال ولايهمك
وسعر 3 ابوب نفس اللي في الصوره
http://uaesm.maktoob.com/up/uploads/85fbcbd900.jpg
بالنسبه لرقم واحد مكينتها 3.8 وفول اوبشن ، يعني سيتات جلد ، فتحه ، ليتات زينون ، سنسرات ...
أما رقم 2 مكينتها 3.5
يعني بالنسبه للموديل الجديم رقم 2 مكينتها 3.0
بالنسبه للاسعار
رقم واحد 111 ألف ورقم 2 93000
رد: مــجـــلـــس الـــســـيــارات
هيثم طبعا السييرا دينالي و بدون مقارنه بعد
اول شي الدينالي بيك اب بحجم كامل
ثاني شي مكينته اقوى و شكله اجمل بوااايد
ثالث شي مع احترامي لـ اصحاب الافلانش, لكنه موتر فاشل بكل معنى الكلمه, ما تقدر تستعمله كـ بيك اب ولا هو موتر عادي
يعني يا تاخذلك يوكن او تاهو
او تاخذ سييرا
هالفئة وجودها ماله معنى