رد: هل اكلم خطيبتي ^_^ ؟؟
اقتباس:
جواب الســـؤال يجيز المحادثه اذا كانت بأمور بسيطه.. يمكن اتفاق على شي.. او استفسارات عامه... اما اذا حب الخاطب يسولف و يتعرف على خطيبه.. اتوقع انه من الاحسن ايي البيت و يكون بحضور أهلها.. اخوها مثلا..
هــذا اللي قصده فضيلة الشيخ وهذا اللي انا بعد أقصده :yes: ,, أشكرج شواقي ع الرد :ice: نيابةً عن الملهم لوول :gof:
رد: هل اكلم خطيبتي ^_^ ؟؟
شوق القلوب ..
الفرق بين تحدث الشاب مع خطيبته وتحدث الشاب مع فتاة .. هو ان مثل ما قلت نسبة الزواج بين الثاني30 او 40 % اما بين الشاب مع خطيبته 80 او 90% لذا فالخطيب يكلم خطيبته هاتفيا ويحبها ويكلمها فما الضرر ؟؟ فهم تفاهموا وحبوا بعضهم البعض فهذا الشيء يقوي الرابط بينهم ويسهل التفاهم بعد الزواج .. وكما قلت كل هذا في وجود راقب بينهم ..
اسعدني قراءة ارائكم ومنكم نستفيد ^__^
رد: هل اكلم خطيبتي ^_^ ؟؟
تسلمين يا شوق القلوب ونعم الكلام الي تفضلتي به..
واقعي 100 %
وبزيد عليكم بشي........
شو رايكم اذا الواحد رمس خطيبته مع العلم ان اهلها واهله يدرون ومامانعواهذا الشي والسبب : انهم واثقين فيهم!!!!! لان هذا حاصل الحين.. مع البعض
رد: هل اكلم خطيبتي ^_^ ؟؟
في رايي
احسن يرمس خطيبته قبل لياخذها عشان يعرفها وماينخدع فيها.. وبعدين يطلقون
لو انا انخطب بتمنى اني اقدر ارمس خطيبيbrgll: *مع انه ماتوقع هالشي يستوي* .. لكن اتمنى هالشي.. مابا اخذ واحد ماعرف شي عنه غير اسمه:kkk: .. لكن ارمسه لفتره قصيره .. يعني شهر قبل الملجه ولا شي جي .. مب سنه كامله
رد: هل اكلم خطيبتي ^_^ ؟؟
ذكرتوني بسالفه صارت ..
قبل فتره كنا في بيت خالي .. ويلسو الكبار ( ماما وبابا و خالي وحرمته ) يناقشون هالقضايا ..
وطبعا نحن الصغار ( امبقبقين ذنينا تبقبيق و اونه مسوين عمارنا مب مندمجين وانطالع تلفزيون ونلعب بتّـه )
شوفو شو صار
ماما وبابا الي هم suppose to be free و اونه عادي في عايلتنا البنت تسوق و تسافر و تظهر وي ربعها وما ادري شوه ( مانعو سالفة مبدا الصور و الرمسه في التيلفون للي في فترة الخطوبه "اونه كله جدام الاهل" / و زياده عن ها .. ما يوافقون على ظهرت البنت و الولد "بدون حد" بعد الملجه ) وكل ما يسمعون حد من عايلتنا كيف كانت طقوس خطبتهم و زواجهم يعلنون رفظهم المطلق لمثل هاذي الامور .. طبعا انا كوووووول .. ما افكر اتزوج .. وأخواني الصغار مخمخين و مخططين و مخلصين أمورهم .. أونه اخويه يوم استوا عمره عشر سنوات قال ( انا حرمتي ) توها انولدت .. ونحنا جي :nono: .. جان يقول .. حرمتي لازم تكون اصغر عني بعشر سنوات .. ونا صرت عشر سنوات .. يعني توها انولد .. وطبعا كلنا :hist:
وخالي وحرمته ( المتشددين شوي في امور طلعة البنت و سفرها .. و إلخ ) عارضو ماما وبابا و شجعوا ورحبوا بهالسوالف
فما ادري احسه كل هالامور ترجع للاهل < وحده من زمن الطاعه :harhar1:
رد: هل اكلم خطيبتي ^_^ ؟؟
انا ماحب حد ياخذني علشان والله انا بنت فلان و علانه .. ابي الي يتقدمون لي يتقدمون لي علشاني انا < إنسانه ماتعرف وين تبا ههه
والله اع وستين الف اخ .. على الي بياخذني علشان عايلتي .. مب علشاني :no0:
رد: هل اكلم خطيبتي ^_^ ؟؟
السلام عليكم
كل انسان له قناعاته الخاصة بشأن هالموضوع في رأيي في هالزمن صعبة أنه الشخص يلقى نصفه الثاني بسهولة...والله الصراحه الثعلب الرمادي هلكتني من الضحك تبانا تردنا 50 سنه للوراء المرأة لها احترامها...على فكرة الرجل يمل من المرأة التي تطيع فقط بلا مناقشة...الرجل محتاج لإمرأة تعاونه على الحياة...والصراحه في أسئلة كنت محتاجة أجابات صريحة عنها وفعلا مثل ما قالت شوق القلوب صلاة الاستخارة هي الحل...أنا يوم اقتنعت بهالشخص لجأت لله...وصليت أكثر من مرة إستخارة وصار عندي يقين انه الخير بيقدمه رب العالمين...يعني حلو انه شخصية الزوجين تكون متقاربة بنسبة 95% والله الاهتمامات وحدة وهذا يأثر بشكل ايجابي على حياتهم والاهم رغبتهم في مجاراة اهتمامات الآخر.
بوظبي...نفس تفكيرج في نقطة أني الواحد يأخذ فلانة لانها بنت فلان او لانها جميله...بالنهاية روحها هي المقياس....لأنه الجمال زائل والحسب والنسب بعد ما راح يظل للأبد.
رد: هل اكلم خطيبتي ^_^ ؟؟
انزين .. بس ضروفنا ما تسمح لهم يعرفونا ..
يا إلاهي وينتقدون الكويتيين .. اونه مجتمع متحرر وما عرف شو
شكلي اخر شي باخذلي كويتي .. وبعرس عرس كويتي .. وبعيش وبرمس شرا الرقيقات الي في المسلسلات ههههههههههههههه
والله صدق .. عرسهم بوايد احسن من هني اعوذ بالله
هناك يتعرفون على بعض " المب مطاوعه" يرمسون بعض وفي الخطبه يطلعون ويخبزون بعض خباز ويوم يملجون عندهم جنهم عرسو .. يسوون مجله حق الاهل و جي بس تلبس فستان ابيض و يسافرون شهر العسل ويوم يردون يسوون حفله ثانيه والسلام عليكم ورحمة الله وبركاته ..
مب هني .. ستين الف فستان و حفله جنها نازله من السما على الولد استغفر الله ..
والله حياتهم وايد كووول ..
رد: هل اكلم خطيبتي ^_^ ؟؟
واولادهم ( أكوّل ) من اولادنا ..
كشختهم وايد تعيبني .. مب هني استغفر الله .. الكشخه يعني سفره وكندوره .. وكناديرهم وحليلهم اشكالها مالت فقر .. شوفو الرويشد يوم في حفلة العيد كيف النقش على الكندوره و كيف الاستايل .. هني شوفو ميحد حمد جنه ما ادري شو اقولكم الحين . .
وحتا يوم يتحرطمون على الشباب وديون "المظاهر" انا استغرب .. ليش ما تبان عليهم الكشخه .. شو هالمظاهر الي يتدينون عشانها وماتبان عليهم ؟!
رد: هل اكلم خطيبتي ^_^ ؟؟
حتا يوم يلبسون بدل .. ما يعرفون يلبسون ..
انا في حياتي ماشفت واحد امراتي كشخته حلوه .. خاطري اشوف واحد كشخته كول والله العظيم منهم
رد: هل اكلم خطيبتي ^_^ ؟؟
هيه صح تعرفون ان فزاع بيعرس هالاسبوع ؟
ياحليلهم البنات الي ميتات عليه .. هيهيهيييي
رد: هل اكلم خطيبتي ^_^ ؟؟
أووه لاه .. شوبلاني محتشره جني وحده ميته على العرس .. ضيعت ساعه كامله في المنتدى .. بسير اخلص شغلي XP
رد: هل اكلم خطيبتي ^_^ ؟؟
أم خدود شو صاير فيج اليوم؟ تهلوسين أشوفج ؟
رد: هل اكلم خطيبتي ^_^ ؟؟
اقتباس:
المشاركة الأصلية كتبت بواسطة الثعلب الرمادي
مهمة الحرمة تغسل الثياب و تكويها و تنظف البيت و تطبخ لا اكثر و لا اقل و الباقي مب مهم ... الزواج مافيه مستوى فكري اذا الحرمة حلوة و تعرف واجباتها القصة انتهت بس الواحد لازم يتسلى على التليفون مع وحدة و ثنتين و ثلاث لين ما تضبط وحدة مزاجه و يوم يتزوجها حتى ابسط الاشياء ما تعرف تسويها.
المهم تكون الحرمة مطيعة و تنفذ الامور بحرفية
سوري بس كلامك غلط في غلط في غلط:nono:
ما في مستوي فكري والواحد لازم يتسلي لين تضبط واحده مزاجه :narr: ,,ايش هالكلام
ايش هالخرابيط الي يالسه اسمعها
رد: هل اكلم خطيبتي ^_^ ؟؟
أنا أحس عادي لكن عحسب البنت وخطيبها
يعني <<< يمكن الولد مايبي <<< يستحي
في هالحالة أضن من سابع المستحيلات ان البنت هي اللي تطلب منه يرمسها
أو
الأهل << أهل البنت منقود عندهم هالشي <<< ومحد يروم يغير العادات
تصبر لين ما يملج عليها ويرمسها
تسلم الملهم <<< عالموضوووع الحلووو
والسمووووحة
كل الود
امــــــــــــورة