!i! افـتــح آي فونـك .. وخبـرنـا شـو عنــدك !i!

السـلام عليـكم ورحمة الله وبـركـاتـه



جاءتني فكـرة عندمـا كنـت أعـابل آي فونـي الجميـل، ربمـا تكون فكـرة مستهلكـة في أمـاكن أخرى، ولكنهـا لم تطبق في واحاتنـا العزيـزة ،

تشجـعـت للفكـرة لسببيــن :
1 - لأني أمتلـك آي فـون
2 - لأني رأيت شغف الاعضاء في موضوع الأخـت شوق القلوب الذي استفسرت فيه عن الهـاتف ، ولاحظت أن أكثر من عضـو وعضـوة صـاروا آي فونيين :k_smartass:

وبالمنـاسبـة ، أحـب أن أبـارك للجميــع اهتمـامهم بالتقنيـة والتكنـولوجيـا الحديثـة ومواكبتهم للتطــور ، بالمختصـر أبـارك لكم انضمامكم لقافـلة زبائـن الشركـة المتميـزة " التفاحـة المأكـولة "





> اسمحولي على الفلسفة أعلاه ... من زمان ما تفلسفت بالعربي وحبيـت أستعرض شويه خخخ :14:<



ندش في صلب الموضوع
:k_blush-anim-cl:




الموضوع الله يسلمكم ويجعلكم من الأتقياء والبررة والصالحيين >> قولوا آميين


واضح من عنوانـــه


ببسـاطـــــة :



افتـــــح آي فـونـــك ....


وخـبـــرنـا شـو عنــدك :vertag:




خبـرونـا عن برامـجكــم ، شو اسم البرنامج، من وين نزلته ، سعـره إذا ما كان مجاني ، وشو فايدتـه أو كيف تستمتع به ...

خبـرونـا عن اكسسوارات هاتفكـم ، صوروهـا اذا تقـدرون ، خبرونا أسعـارهـا ومن وين ، وفائـدتهـا ...


تقــدرون تصـورولنــا صـور من آي فونكم ، واللي ما يعرف يصور

الطريقة : تضغطون على الزرين home + switch off في نفس الوقت على الصفحة اللي تبونهـا وبتسمعون صـوت الكـام وهي تصور + بتلمع الشاشة خخ





بالمختصـر : الموضوع لكم ،
ولكن اتمنى انه ما يكون للمشاكل التقنية أو الفنية في التلفون أو التحديثــات ...


أتمنـى أشـوف مشاركـاتكم وتفاعلكـم



دمـتـم ودامـــت آي فوناتكــم :love:



أختـكمـ
العـجـيـبـة

.. خلـونـي أبـدأ ..


بفتح لكم آي فوني وبخبركم عن بعض البرامج اللي عندي
برامجـي كلهـا free ومن Apple store
طبعا لانيي ما قدرت اسوي جيلبريك ، وما أنوي اشتري برامج فالفتره الحالية!


http://www.macgasm.net/wp-content/up...e-iphone-2.png

برنامج غنـي عن التعـريف ، الصوت فيه اوضح من المكالمات العادية حتى النفس ينسمع !
بس مشكلته عندي ما يفتح الا اذا عندي وايرلس .. ما ادري هل لأنه مجاني ولا هو جي مصمم أصلا !!
صح ، تقدرون تتصلون لأرقام الهواتف اذا عندكم رصيد فيه ، وطبعا قيمته احسن عن شركات الاتصالات بمليون مره!
وفيه محادثة كتابية ومكالمات مرئية - بس ما جربت المرئية -




- - - - -


http://2.bp.blogspot.com/_KyKTblcSDy.../paringo01.png

palringo

برنامج محادثـة ، تقدر تكلم اللي عندهم هواتف ثانية واللي عندهم نفس البرنامج فالكمبيوتر ، ويسوون فيه قروبات ...
اممم اشتركت في بعض القروبات العامة ، وطفررررت وااايد حشرره والتلفون ما سكت وسوالف شرات الجـات ...
لكن اتوقع بيكون حلو لو قروب لأصـدقاء أو جمـاعة يعرفون بعض ..
محادثة كتابية .. تسجيل صوتي ... وتبادل صور ...
وتقدر تفتح حساباتك مثل قوقل وياهو وهوتميل ... بس ما جربت!


http://b7st.com/thimages/Pipe%20mania%20Rip.jpg


لعبـة Pipe mania

بايين من اسمها ، شي لعبة في نوكيا من زمااان اذكرها نفس فكرة هذي ،
توصل بيبـات المـاي مع بعض عشـان ما يتسـرب الماي ...
طبعـا هذي مطورة اكثر عن لعبة النوكيـا ، ملونه وفيها اشياء يديدة ، يعني ممكن بيـب يليّــك وانت تلعـب لازم تصلحه لوول

لعبـه ممتــعــة وتحتاج سرعة وتركيـز



http://a1.phobos.apple.com/us/r1000/...175x175-75.jpg

MyGPA
برنـامج يحـسـب لي الـ GPA
يعني أحط فيه كل الـ GPA اللي قبل مثلا
واذا ابا اتوقع الـ GPA مال هالفصل وكم بيكون التراكمي بعده ..
أحط الدرجات اللي اتوقعها وهو بيحـسـب لي ...
برنـامج جميل وبسييط ومفييد للطلاب والطالبـات



أكتفـي هالمـــره ...

حلـــووو موضوعج وحبيييييت المقدمة وااايد ههههه

للأسف ما عندي آي فون..
لكن منكم نستفيد!

يمكن اتحمس وآخذ لي آي فون والسبة موضوعج ^^

ههه انا حبيـت تواجـدج يا أمطـار كأول رد ...

شوفي ... الاي فون حتى وان كان غير مفيد بنظر البعض، أو ممكن البعض يقول انا ابا تلفون اتصل به واطرش مسجات وخلاص!
أوكيي بس مهم جدا ان الوااااحد يصيـر اي فوني ... عشـان يعيش التطور أول ما يحدث ... يعني الواحد ليش يتريـا التقنية هذه يصير عمرها 10 سنوات عقب ياخذها ؟!
مثل الكمبيوتر ( مثال قديم ) ... الناس قالوا عنه مب مهم الراديـو مأدي وظيفته وزود ... ليش ناخذ كمبيووتر وماله داعي وما ادري شو ... الحين شي بيت بدون كمبيوتر؟!!
مثال آخر ( مثال مستقبلي )بتشوفييين الناس شو بيسوون اول ما ينزلن التلفزيونات اليديدة 3d بيقولون مالهـا داعي ، وهذا ويهـي بعد 10 سنواااات بتشوفيهم كلهم عندهم !!!!

الخلاصة ، ان الآي فون هو ( مثـال من الحـاضـر ) ...

عيشي التكنولوجيــــا يا أمطــــار وبتقـولي العجـيـبة قالـت

تخيلي مثلا مثلا يعنيي ... يوم تستوييين يدوه ، أحفـادج يعرفـون يستخدمون الاي فون وانتي لا؟!!!! بتقولي لهم انا ما حبيت استخدمه اول ما نزل ؟!!!


<<< خخخخ ما يسوى علييييج


بس خذي اي فوون وبتحبييينه :)


اسعدني تواجدج واسمحييلي حبيت ادردش معاج

وأنا حبيت ردج السريع على ردي
المشكله شوو.. أنه تتش وأنا يايتني عقده من التتش !!!
:fa44:

أمطار تواكب التطور بس من الصوب الثاني..
عندي بلاك بيري وأتابع كل يديد فيه!

أتعرفين شو أحساسي للـ آي فون؟!
كأني مشجعة لـ الريال مدريد بس يوم يسجلون برشلونه هدف أشجعهم وأتحمس لهم!

أقولج..
برد أكتب لج رد باجر!

شكلي سطلت بالقو!!!!

موضوعج وااايد حلوو يالعجيبه
عجيب :vertag:

عندي آي فون من شهر و شوي, من يوم رمسنا عن الايفون في موضوع شوق القلوب
و كل يوم يزيد اعجابي بالتيلفون و يزيد كرهي للبلاك بيري الي مافي سبب يخليني احتفظ فيه غير الـ BBM لأني اتواصل مع الكثير من الناس عن طريقه و ينفعني بشكل كبير فالسفر :smile2:

اقتباس:

---

المشاركة الأصلية كتبت بواسطة أمطار

أتعرفين شو أحساسي للـ آي فون؟!
كأني مشجعة لـ الريال مدريد بس يوم يسجلون برشلونه هدف أشجعهم وأتحمس لهم!

---

:birgits_giggle:

تشبيه بليغ

لي عوده بالبرامج الي عندي

من اهم البرامج الي استعملها

برنامج aNote
و هو عبارة عن مفكره شخصية اقدر احط فيها ملاحظاتي و مواعيدي و اقدر اسوي لستة مشتريات و غيرها من الامور

========

البرنامج الثاني الي غير حياتي اسمه sleep cycle
و هو عبارة عن منبه يتابع مستوى النوم عند الشخص عن طريق الحساسات الموجوده فالجهاز و يقوم بإيقاضه بطريقة تدريجيه و مريحه للشخص

انصح فيه و بشده :fa42:
و تقييمي للبرنامج 10/10

========

برنامج WorldMate ايضا من البرامج الرائعة جدا الي انصح فيها
و هو مفيد جدا جدا للسفر,, النسخه المجانية منه تفي بالغرض و ما اشوف انه شراء النسخه الكامله من البرنامج له داعي



======

لي عوده مع البرامج الترفيهية و الالعاب :a033:

و اللي عندهم ايبود تتش !!
ههه

حلو الموضوع ،
متابعه للاستفاده ، بس شكلي باخذلي آي فون ،
من متى داش خاطري وكل شوي أأجل !.




يسلمو عالطرح :yes: ..

عندي برنامج iQURAN فيه المصحف كامل ، وممكن تنزل كذلك صوت المقرئ وللحين اللي موجود للشيخ الحصري

وعندي IPray تشوف توقيت الصلاة ، وأظن تقدر تخليه ينبه على موعد الصلاه لكن ماسويته

وشي pMessenger المعروف إنك تاخذ PMiD مال الشخص وتسوي آد

كذلك برنامج العملات ( تحويل العملات ) وشي 3 ألعاب تقريبا

آنـآ مـآ آذكر شو عندي =p ، بمـا انه الآي فـون ف البيـت " لأن قوانين جامعـتنا تمنع الـتلفون لي فيه كام ، وانا مع القـوانين لوول "


فـ الويك إند ان شاء الله بحط الآلعـآب + البرامج + وكل شي في آي فـوني ..


لـي عوده =)

السلام عليكم...

حبيت موضوعج وااايد... لانه صدق مفيد...

تسلم الايادي :)

الرامج اللي عندي ..

alQibla.. لتحديد القبله واوقات الصلاه في كل مكان ..

http://eqibla.com/images/upload/start-200x300.png


Emoji .. icons for smily faces

http://4.bp.blogspot.com/_3LRNVfBfli...s400/emoji.png

Bluetooth.. image لتشغيل البلوتوث وتبادل الصور ..



flash for free لأنه الكاميرا ما فيها فلاش ..

http://image3.examiner.com/images/bl...e/flash(6).jpg

وطبعا كلهن ببلاش ..

بـآك


البرآمج والآلعـآب لي عندي


1- بـي مسنجر

للـتوآصل من آيفون لـ آيفون 2 ، حلــوو لكن ماعندي حّد لوول غير 1

2- آذكـآر

طبعـاً بـرنامج الآذكـآر واظن انه مجـآني

3 - بـآك قـرآوند :

لخلفـيـآت الآي فون ، بحكم اني وايد احب اغير وووو

بالنسبه للآلعـآب :

عندي درآيفر

عندي دآنكن دونتس

عندي لعـبه الديـآيه لوول بس ، هذي آحلى لعبه ف الآي فون ، تعيبني وآظن انهــا مب " فــري "



ولــي عوده

ألسلام عليكم

انا التطبيقات اللي عندي في الايفون:
برنامج whatsupيس بوك
نتلوج
تويتر
وندوز ماسنجر
جوجل توك
ياهو ماسنجر
weather bug
islamic calander
my space
جريدة البيان
جريدة الاتحاد
الجزيرة
برنامج قوانين دولة الامارات من اصدار النيابه العامة في دبي
جريدة ذا ناشيونال
جريدة 7 days
دائرة الكهرباء والمياة بدبي ديوا
british news
yahoo app news
جراند سينماز
الصفحات الصفراء
جوجل ايرث
اطلس
اعلام الدول
خلفيات
بيانو
men's health
hotels near me
convert units
حصن المسلم
المصحف
قنوات تلفزيونيه
3 تطبيقات للكتب الالكترونية
العاب حلوه طبعا عندي مجموعة بس احب هاللعبه نزلوها collapse free
وهيه بعد تطبيق حلو شريته اسمه AppBox Pro

وسلامتكم

ابغي برنامج ( مسنجر ) انا عندي اي فون، وربعي بلاك بيري ، كيف اقدر اتواصل وياهم ؟

واحد منهم اليوم سألني يستوي نسوي محادثه مع الآي فون

ارجو التوضيح

^
مـآظن يصير

الا اذا هم يطرون المسنجر العـآدي لي نرمس فيه آي حد

آمـآ من البلآك بيري ، للآيفون مـآ آعتقد يصير ، يقـولـووون بيسوون بس اظن بعدهم

المزوحي
فيه مسنجر اسمه WhatsApp
تتواصل به ويا ربعك في البلاك بيري..
بس لازم ينزلونه وانت تنزله ^^~

شكرا امطار بخبرهم عنه

http://oasis.bindubai.com/bin/upload...1253720525.gif

موضــوع حلـووو
الصراحه أنا من فتره كنت كارهه فونـي وبس كنت امنزله البرامـج المهمه واللي احتاجهــا شرات القرآن والأذكار والواتس اب والبي مسـن
وهالسوالف ولعبه ولا لعبتين عن خاطريـه :whistling:
بس من يومين رديت سويتله جيلبريك وأخيـراً رديت الثيمــات لـ فوني :fa51: أحلى عن الثيم الأصلي اللي اييب المـرض :mf_leia:

اليـوم بحطلكــم أول الصفحــات >> يعني most important :14:

[ الصفحــه الثانيــه ]

اهنيـه عندي البرامـج الأساسيـه من عقب الصفحه الأولى
ومن بينهـم

http://oasis.bindubai.com/bin/upload...747959bf27.jpg

السيديـا >> عن طريق الجيلبريك أنزله وأنزل منـه إضافات شرات الـ WinterBoard فيه سوالف الثيمــات

الـ Poof >> أخفي بـه البرامــج اللي ما أستخدمـهم عشان ما يسووليـه زحمـه ع الفاضـي :whistling:

في برنامج اسمـه MIM >> make it mine أنزله من السيديـا بس أنا امسويتلـه hide وعن طريقـه أغيـر كلمة الاتصالات أو دو
وبعد أقدر أحط مكان الساعه الكلمه اللي أباها

iconBoard >> شرات الكاركتر اللي فـ الكمبيوتـر فيه رمـوز وجيه

UAE YP >> من اسمه الدليل

Radio UAE >> بعد من اسمـه ينعـرف

Pmessenger >> برنامج جات بين الآيفون للتواصل بالكودات ،، بس مستوي كريه هـ الأيـام وايد يعلق وفي رمسه ماتوصل !

Skype >> اتكلمـت عنه الإخت العجيبه بس اللي هب حلـو فيـه إنه بس بالوايرلـس !

Nimbuzz >> برنامـج فري الصراحه جريب من السكايب بس الحلو فيه انه يشتغل حتى ع الـ 3G
لازم الشخص اللي بترمسونه يكون عندكم ف اللسته ،، والكول مايستوي إلا اذا هالشخص كان أونلاين
أما الجات فيه عادي يوصل حتى لو كان الشخص أوفلاين بس بالعربي يوصل مجلوب :fa44:
يعني بس حق الكول ينفع وخصه لو عندكم حد امسافر ويستخدم آيفون بيفيدكم

e-Buddy Pro >> لـ سوالف المسنجـر

وفـ الـ Dock تحت الزياده عندي الـ Home يتصل دايركت ع البيت
والـ WhatsApp >> برنامج جات بين الآيفون ويستوي بين البي بي والآيفون بعد بس الفرق هم مانقدر انطرشلهم صور وفيديو وصوت
أنا أفضل هالبرنامج ع البي مسن لنه أسرع ومايعلق صح صورة ونك اللي أرمسهم مابتظهر عندي إلا الاسم والصوره اللي أنا أحطها لهم
[ اللهم يوم يوصلني نوتيفيكيشن يطلعلي نكهم ] بس بعد يعتبر أفضل لين الحينه

:

[ الصفحــه الثالثــه ]

الصفحــه الاســلاميـــه

http://oasis.bindubai.com/bin/upload...74795b2e60.jpg

التقويم الهجري ،، والقبلــه والأدعيـه وحصن المسلم والأذكار والقرآن والسبحـه وأسماء الله الحسنى

بس تعبت باجر بكمـل الصفحـه الرابعــه :whistling:



http://oasis.bindubai.com/bin/upload...1253720525.gif

مرحبا طير الغرام شي حلو

بس كيق تقدرين ترتبين اللي تبينه في صفحه معينه

لأني انا يوم نزلت كذا شي من الابل ستور، وعقب فتره في شغلات ماعيبتني، فمسحت شي منهم تم المكان فاضي، يعني لو عندي 8 اشياء في الصفحه

الاولى عقب مامسحت 3 أشياء تم المكان فاضي، والصفحه الثانيه فيها 4 اشياء

كيف اقدر ارتب بــ هالترتيب ؟؟

اضغط على البرنامج ضغطه طويله
بتشوف الشاشه تهتز
عقب سير عن اي برنامج او شي ةتقدر تحركه وتوديه اي مكان

هالمـره اذا مـا طلع الرد ..... بطالب بحذف الموضوع :glare: يقهرر :/


المهم

السلام عليييييكم مره ثانيــه

أشكر لكم تواجدكم الجميييل ومشاركاتكم الرائعـــة .... :k_smile2:




:: الأخــــت أمطـــار ::
هههههه التتش هذااا غيـــر .... جربيه واحكمي
اعتبر رد الأخ ذنيني شهـادة يعتز بها الآي فون وخاصة انه جرب التلفونيين

اقتباس:

---

كل يوم يزيد اعجابي بالتيلفون و يزيد كرهي للبلاك بيري الي مافي سبب يخليني احتفظ فيه

---

أتمنى أشووفج تقوولين مثل هالجملـة يومـا ماااا لوول :whistling:

وبخصوص التشبيه ما فهمته بس باااين انه بلييييغ خخخخ

على فكره وللعلم ومجرد معلومة : على الرغم اني عندي اي فون ، بس بعد اباا بلاكبيـري عشان اجربه بعد خخخ :k_puppyeyes:



:: الأخ ذنـينـي ::

برامجــك حلـــــوة ، ووايد حبيـت فكـرة sleep cycle ،

سعيييييدة بتواصلك واتمنى تتحفنا بزيارات ثااانية مثل ما وعـدت :whistling:


:: الأخ مجمــوعة انســان ::

نقــــوله : افتـح آي بووودك وخبرنــــا شو عنــدك :a032:


:: الأخــت أنـامـل قلـــب ::

لا تؤجل عمل اليوم إلى الغد خخخ
خذيــه أختـاه وبيعيبـــج وسعييدين أكيد بمتابعتج ، نتمنى نشوفج من المشاركين معناا ....


:: الأخ المـزوحــي ::

برااامجك حلـوة وجمييييلـة أخوي، كلها جربتهـا ،
بس الـبي ماسنجر ... ما عرفت اضيف منو لوول مع انه برنامج واضح ان امكانياته حلووة ...

بانتظااااار المزيــد منك أخـوي ... وشكرا لك :police:


:: الأخـت شوق القلــوب ::

ونحن حبينـــا تواجدج أختااااه ، ونتمنى تشاركينـا وتتحفينـا بما عندكِ :fa35:


:: الأخ ما يهـزك ريـــح ::

حلووة التطبيقات اللي عندك ، وجربتها كلهـا :thumbup1:
بس الصراااحة ما عرفت استخدم برنامج القبلة !! ما فهمت كيف يحدد القبلة :ohboy:

وشكرااا لك ، لا تنسى تمر اهني كل ما نزلــت شي عنـدك :m_9afgah:


:: الأخـت مهابــــــه ::

هههه شو سالفتهم للحييييين الكااام ممنوع عندكم !! احس ساكنين في معسكر مب سكن داخلي :fa46:

اشكر لج مشاركتج الحلووة ، والبرامج اللي عندج حلوووة ....
بس اختااااااه ممكن تكتبيلنـا الاسماء بالانجلش ، عشان نقدر ندور بسهولة اذا بغينـا ...

ونتمنى نشووفج دوووم هنااا :inlove:


:: الأخ قلــوب دبـي ::

اشكر لك مشاركتك السريييعه ...
كنت اتمنى انك تحط انطباعاتك او ارائك على البرامج وخاصة اللي مب مشهورة وااايد .... بس ها ما يمنع ان نحن استفدنـا من مشاركتــــك :thumbup1:


نتمنى نشوووف مشاركاتك داايماا يا اخووي :police:


:: الأخــــت طيـــر الغــــرام ::

ما شاااااء الله علييييييج ... اي فووونـج وااايد مرتـــب وجميييييييل ...
حبيــت سالفة الثيمـــــــات ... طالع الشكل وايد كوول ...

انا ما قدرت اسوي جيلبريك لتلفوني ، لان اظن شرات ما ذكرتي مره في رد من ردودج انه ما يستوي ... فبرامجي كلها من الـapp store ! وما لقيت شيي يخص الثيماات ...


وااايد عيبتني البرااامج اللي عندج ، وخاصة nimbuzz لانه برنااامج شرات skype
واكتشفت انه له نسخه للبي سي ، يعني مب شرط اللي تكلمينهم يكون عندهم اي فون .... :thumbup1:

اشكر لج وجودج الجميييييل وبانتظار الصفحااات الباقييييه :11:





وبسسس

أسعدتوووني حقييقــــة :k_smile2:

عــــودة من جـــــــديــــــد


بحط لكم بعض الألعـاب اللي استمتــع بهــا ....

:: MazeFinger ::

لعبه جميييلة ، تمرر اصبعك عاللايـن من البداية للنهاية ،
http://img.brothersoft.com/mobile/sc...81d889002.jpeg

:: iGrave digger ::

لعبـة اقل ما يقااال عنهااا طررر ... ههه كيوووت وحلووة
تحفر قبووور للأعداء وتدفنهم عشان ما يوصلوون للبيت .....
http://www.appsundco.de/typo3temp/GB/e1518a7a92.jpg



:: collapse chaos ::

لعبـة عجييييبة لدرجة اني ادمنتها ، بس وصلت لمرحلـة علقــت فيها ، ما قدرت اعديهاااا من متى وانا اعيد واعييييد ومافييش فاييدة ...

تحتاااج لنوع من التركيـــز والسرعه ...

عرفتها بعد ما طراها الأخ قلووب دبي :cool:
http://images.appshopper.com/screens...2/531072_4.jpg
http://a1.phobos.apple.com/us/r1000/...320x480-75.jpg







وهييييك :)

العجيبه

انا مدمنة العاب لووول الله يكووون في العوووون من استلم اي لعبه لازم اوصل لنهايتها والعابج غاويه

العجيبه هاللعبه تنفعج لو انتي في مكان وتبين اتقزرين وقت

استمتعي بها

http://oasis.bindubai.com/bin/upload...1253720525.gif

-{ العجيبة }-

تسلمين
ألعابـج نايــس ،، أنا أول فتره خذت فيها الآيفــون كنت ادمـان ألعــاب
شكليــه فـ الاجازه دامهـا طويلــه بــرد ألعــب :whistling:

وبخصــوص برنـامج الـ Nimbuzz
جربناه مع البي بي مايستوي كول بس جات
الكول بس من آيفون لـ آيفــون

:
بكمــل عــرض باقي الصفحــات اللي فـ فونــي

برد اشوي ع ورا فـ الصفحــات :fa51: زدت كـذا برنامج فـ الصفحـه الثانيـه


http://oasis.bindubai.com/bin/upload...3b6370e4c8.jpg

3G Unrestrictor >>

نزلته من السيديا تابع للجيلبريك
وفايدتــه إنـه يخدع الشبكــه جنه شابكين بالوايرلس بحيث انه انكون شابكيـن عالنت بـ الـ 3G وانشغـل برامـج ماتشتغل إلا ع الوايرلس شرات الـسكايب

Flixster >>

برنـامج يعرض اليديد من السينمــا والـ Box office واللي بينزل جريب والأفلام

الاتحــاد >> المكتوب امبين من عنوانه

:

[ الصفحــه الرابعــه ]

الصفحـــه العلميــه :nerd:

http://oasis.bindubai.com/bin/upload...3b636e3abd.jpg

M3lomatk >> برنــامج مسابقــات وااايد حلـوو شرات من سيربح المليــون فيه وسائل مساعده

http://oasis.bindubai.com/bin/upload...3ba3014551.png


وإذا فزتوا كامل تقدرون عقب اتحددون قسم معين للأسئلـه
وبعــد فيه منافســه بين شخصيــن وجيــه اتكــون الشاشــه [ بينكم وبين شخص ثاني معاكم ]

http://oasis.bindubai.com/bin/upload...3ba3037001.png

أول فتره يوم نزلتـه كنت مدمنتنــه ،، عقب مليــت :fa45:

Thaqafatak >> برنــامج مسابقــات بس كل ماتخسرون النقاط تنقص

Maktoob dictionary & En2Ar >> قواميــس عربي انجليزي

COED&T ,, ODE >> قواميس انجليزيــه وفيهــا صوت

DOYouKnow >> برنامج هل تعلـم ،، معلومــات عامــه

والباقــي قواميــس طبيــه ،، وفيهــا مواضيــع وصــور وشــرح لبعـض الأشيــا فـ طب الأسنــان

:

لــي عـــوده مــع بــاقي الصفحــــات :fa51:



http://oasis.bindubai.com/bin/upload...1253720525.gif

http://store2.up-00.com/Jun10/UUV13887.png


http://store2.up-00.com/Jun10/RT113887.png

http://store2.up-00.com/Jun10/QQP14012.png

http://store2.up-00.com/Jun10/jej14012.png

^

Nice :redface:

:

نزل الأبديت اليديد ويمدحونــه وايد :thumbup1:
أنا بعدني ماجربته ،، بنت خالي جربته واتقول وايد حلـوو

:

عن خاطريــه قبل لا أفكــر أسوي الأبديت اليديد بحطلكــم :whistling:
[ الصفحــه الخامســـه ]

Photograpy , Backgraound & edit Apps

http://oasis.bindubai.com/bin/upload...0f2ede550e.jpg


Dphotographer >> مجلــة تصويــر أول نسخــه اتكــون فري والباقـي تشترونــه

Backgrounds & wallpapers >> خلفيــــات

iFlashReady >> تعديل الإضاءه فـ الصــور

Camera Zoom >> خاصيـة الزوم فـ التصويــر

CameraKit ,, Genius ,, Photo Fx ,, Photogene ,, ColorMagic >> برامــج تعديــل للصـور

PhotoFunia >> برنامــج تعديـل للصــور مع خلفيــات

Sketches >> برنــامج رســم

السلام عليكم ،،
وايد فيه برامج بالآيفون ، الواحد يضيع من كثرهم ،
حاليا صايره أتعبث فيه ، شوي أنزل وشوي أمسح وشوي أجرب .!

بالنسبه للألعاب ، معظم اللي عندي مال تمخمخ :
ـ logpuzzlef : وااايد أحب هاللعبه ، مبين من اسمه ، بس إييكم ع شكل جذع الشير ، ولازم تظهرون الجذع المقصود من المتاهه ..
ـ dots free : هاللعبه كنا نلعبها ، مجموعة نقاط لازم نوصل مابينهم وعلى كل مربع نكمله نكسب نقطه / لعبه ثنائية ..
ـ لعبة الـ إكس أو : بس مادري ماتحمسلها وايد ، احتمال أشيلها ..
ـ UNO : اممم ما لعبتها للحين ، بس جربتها مره من نزلتها ..
ـ touch4 : هاي كذلك نلعبها مرااااات بالواقع ، نطيح الكوينز إليـ نوصل اربع منهم ونفوز / لعبه ثنائية ..
ـ myme : اعصاااااب ، اونه "how smart r u؟" ، أنصح بهاللعبه أكيد ، جي تختبرون ذاكرتكم وحس السمع عندكم ..
ـ sudoku : هاي معروفه ..
ـ brick : امم عاديه ، حلوه بس تنمل ..
ـ removem : حلوه بس يمكن لأني كنت ألعبها وايد بالكمبيوتر ، كذلك محتاجه لتركيز ..
ـ اختلافات : اممم لفتره وتنشال ، او يمكن اللي عندي سخيف شويه ، ما يفتح النفس ..

* وعندي الـ butterflieslite ـ جي اسم اللعبه ـ امممم ما اعتبرها لعبه ، واااااايد الملف حلو ،
جي فراشات يدورون ابـ خلفية هاديه ، بس تقعدين تمررين أناملج عالشاشه والفراشات بيدورون معاج حسب ما تحركينهم ،
ولمن تثبتين صبعج تثبت الفراشه عليه ، تخبلت على هالملف ، غصب تبتسمون من الخـــاااااااطر ..

* منزله كذا ملف لسوالف الـ ميك اب ـ أفكار ونصايح بشكل عام ـ مال عبط ومنه الـ اوكي ،
اممم بعدني أساسا ما لحقت أشوف اللي فيه ، كذلك احتمال اشيلهم ، زحمه .!

* عندي المصحف + أذكار + حصن المسلم + برنامج اسئلة ، وبعدني أدور على غيرهم ؟!؟!؟!

* نزلت الـ translator + معجم بس بنزل غيره ما عيبني هذا اظني مسحته .!

* shop list ..

* خلفيات ـ أسيف منهم اللي ابيه وأرد أمسح الملف ..

* واااااايد منزله برامج للـ quotes ، فوق الصفحتين عندي بالآيفون بس للاقتباسات بانواعها ،
بس كلها بالانجليزي ماعدا ملف واحد "حكم" ، والباقي كلهم بمواضيع مختلفه ، وفي برنامج الـ دايلي كوت "كل يوم اقتباس مختلف" ،
ـ الحياه ، الايجابيه ، peace ، اشيا طريفة ، اقوال مشهوره ، الحب ، اقوال جاندي ، غير مصنف ، الخ ـ



وهذا اللي ابـ آيفوني حاليا .!