.. مـامـات الواحات .. و .. بابات الواحات ..

للحين مافي شي :(

اليوم العصر مشيت نص ساعه

ان شاء الله خير .. :)

البيبي شكله مستانس داخل.. ما وده يفارقج

السلام عليكم

بدخل في الموضوع مباشرة ..

بنتي عمرها تقريبا سنه .. من الصبح احس بها مب طبيعيه
ما اتطيع تاكل اي شي

الصبح رجعت شوي .. وكان في بلغم في صدرها

اي شي احط في حلجها ما اتطيع تاكله

مع انها تلعب عادي وتضحك ..

المشكله في الاكل

كل يوم تتريق وتتغدا .. والعصر فواكه او كيك .. وفالليل تتعشا

لكن اليوم مووووول ما كلت شي

عطيها خاشوقة صغيره عسل طبيعي عسب البلغم يطلع .. وبالغصب بلعت شوي منه

قبل شوي سبحتها بماي دافي .. والحينه رقدت

طمنوني :( وايد احاتيها

يا اختي سالفه هالبلغم في اليهال مشكله !!

انا ولدي يته شهور.. طول اليوم عادي... من اعطيه حليبته و ارقده في سريره.. تبدا عنده الكحه و السبه هالبلغم.. و مرات يغفل وعقب يتم يكح لين ما يرجع كل شي.. و يرتاح ! طبعا لانه البلغم يكون طلع من صدره...

واخر شي اكتشفت انه المكيف كان يضرب على سريره و هو اللي امسببله هالالتهابات و البلغم... فاشتريتله هالستاير اللي يغطون بها السرير من بيبي شوب... و الحمد الله الوضع صار احسن...

باجر جان رمتي وريها العياده خل يكشفون عليها عشان تطمنين انه ما عندها التهاب...

المكيف !!

ما فكرت فيه الصراحه

فالليل البسها بيجاما خفيفه .. قميص كت او نص كم مع شورت
يمكن عسب جي !!

قبل ما ترقد دهنتها بزيت الزيتون من راسها لين ريولها .. عسب ترتاح

وباجر ( جان ما ربيت خخخخ ) بوديها العياده ان شاء الله

مشكوووووووووووووووووووووو ووره

وربي يحفظ ولدج ويخليه لكم ان شاء الله

الله يشفيها يـ نجمـه ~|
اتذكر ولد ختيه نفس الشي كان فيه بلغم ومايرقد الا يوم يرجع كل اللي ماكلنه طول اليوم ’’ وأصلن مايكون ماكل شـي الا يالله يالله
لانه يكون مضايق ، فـ يرجع ويـرقـد ,, حتى انه وااايد ضعف الفتره اللي كان فيها تعبان
~

عن سآلفة تأخير الولادة لاتحاتيـن
توني اتذكرت ان ختيه دخلت العاشر وماربت
والحمدالله ياها الويع بدون طلق صناعي ,, ويوم تروحلهم يهولون الأمور
وبيرقدونها عندهم فـ هي قالت يوم بيني الويع بييكم ,
والحمدالله ربت طبيعـي ^^~
فـ لاتستعيلين وآن شاءالله خيـر ,,

نجمه دبي..

يحليلها بنوتج لا تلبسينها جي حزه الرقاد.. احسن شي لهم في هالعمر الاوفر رول الكامل ولا بجامه ايدها و ريولها طويله... لانه اليهال لازم يفرون اللحاف.. و اتخيلي الحجره بارده وايدها و ريولها يجيسها هالهوا البارد... فلازم بتستبرد..

وصح جيكي اذا هوا المكيف يضرب على سريرها... رطبي ايدج بماي... وحطيها صوب سريرها.. جي بتحسين بالهوا اذا يضرب عليها..

..

عن تاخير الربا... انت جيكي ع البيبي بين كل فتره.. لانه في مرات تستوي انه الياهل يبدا عنده الخروج ( عزج الله ).. و يختلط بماي المشيمه فيرد الياهل يبلعه.. و هالشي طبعا مب زين.. انا ما ابا اخوفج.. بس الحذر واجب..

هلا

البارحه فالليل تعبت زياده و رجعت وايد
على طول وديتها حوادث الوصل
قالوا فايروس منتشر

ويوم سالت الدكتوره سبب الفايروس
صدمتني يوم قالت الاكل الـ مب نظيف واليد الـ مب نظيفه

وتذكرت اني مرات الصبح لما اكون راقده .. بنتي تكون عند البشكاره

ومن اليوم ورايح خلاص .. كله عندي وكل شي انا اسوي لها

:(

اووه نسيت اخبركم

تراني للحين ما ربيت خخخخخخخ

توني شربت كوب حليب دافي مع ملعقتين كبار عسل طبيعي اصلي

ان شاء الله خير :)

مووول لا اتامنين بشي عند الشغالات..! ترا عادي يوم يآكلونهم.. اتلاقينها تاكل الياهل لقمه و في حلجها اللقمه الثانيه..!!

شوق القلووووب :s

خليتيني اتخيل !!!!!!!!!!!!!!!!!


لاعت جبدي

انا وحده امخبرتني انها كانت اتراقب الشغاله... و هاللي شافته..!

سوري ام صوغه.. لوعت بجبدج.. بس هاللي يستوي..

شووووووووو !!!!

فديتها فطامي والله .. مووول ما بخليها بروحها او عند البشاكير :(

^
آبد آبد لآتخـلون عيـآلكم عند البشـآكير ، محد بيحبهم وبيدآري عليهم شرآتكم آنتووو

حتى لو كـآنت البشـكآره زينه بعد مب هي اللي تعبت عليهم ويـآبتهم ف الاخيره هي مرّبيه لآ آكثر ، دآم انها هي الوحيده وتوها صغيره خليهـآ عندج 24 سـآعه


آنا ختيه للحين مب طـآيعه تييب بشـكآره رغم انه بيـتهـآ عوود وولدهـآ صّيـآآح بس تقول جيه آريح لي ، مـول مانخلي يهـآلنا عند البشـآكير ، آبداً آبداً ، قّبل حتى البامبرز آحنا نغيره لهم ، لكن الحين آنا اعتزلت هالشغله لوول

هم آمانه من الله لآزم نحافظ عليهـآ =)


.


.


نجمه :

جـآن عندكم عزبه فيهـآ نـوق خّبريني
بعطيج طريقه يقـولون آنهـآ تسرع الولآده ، عن تجربه 2 من العـآيله لآنهم عّشرن بـعد ..

صدقتي يا مهابه...

هاليهال نعمه من ربي...امنها عليهم...
صح المراكض وراهم متعب... بس اشحلاتهم.. عسل ع القلب و الله ...

والوحده اذا حطت شغاله.. اتخليها وياهم بس جدامها.. ولا اذا بتطلع اتخلي الصغاريه ويا الشغاله عند حد من الاهل... لانه صرق مالهم امان.. مهما كانوا زينين.. ولو لا سمح الله الياهل صارفيه شي.. هالشغاله اشعرفها كيف تتصرف ..

الله يعينا والله .. و يحفظ عيالنا