عرض للطباعة
السلام عليكم ورحمة الله وبركاته
يقولكم
:k_puppyeyes:
كنت راقده احلم شرات خلق الله
حلمت اني مسويه معرض و عارضه لوحاتي
لكن رسماتي كلها شو؟
راسمه اوادم كبار بس على شكل الجنين
يعني ريال يالس جذا و جلده شفاف و عروجه طالعه و الخلفيه دم و حاله
كل لوحاتي جي كانت
و الناس مستغربين من لوحاتي يتحرونها صور صدقيه
و وحده قالت لي انا اول مره اشوف هالمنظر!
و يوم نشيت رسمت اللي رسمته في الحلم بس بالرصاص
ان شاء الله قريب برسمها على لوحه بالالوان
http://oasis.bindubai.com/bin/upload...1221135589.jpg
وبس
:bye2:
:
.
على كثر ما إن ابـ أفكارج خيـــــــااال وابداااااع ..
عـ كثر ما إنج خوفتيني ابـ هالأحلام ،، وهاللوحه ^^"
ماعرف شو أقول ^^"
.... { :k_special2: !
ابداع يا عمو
الفكره جميله وخيالي شبهها بشكل القلب في جسم الانسان
بس خفس علينا من افكارج الشيطانيه :k_devil2:
في انتظار روئع عمو دائماً
محاق
سكون ههههه اسكتي روحي زغت في البدايه
محاقنا..صح انا شبهتها بالقلب بعد عاده شسوي افكاري الشيطانيه تلاحقني في كل زمان و مكان هخخخخ
الله يعيني
...
يـــــاااي!
شي .. ما ادري شقول؟!
بسـ I can't wait to see it عمــوه,,
^_^
نفذيهاا بسرعهـ خااطري أشوووف النتيجه النهائية كيف بتطلع!
.
.
http://www.arb-up.com/files/arb-up-2008-6/y1Z36426.png
حبيبتي امطار
لا تعورين قلبي ترا ماروم ارسمها بسرعه هههه
يعني اقل شي عقب سنه يمكن ارسمها لان عندي 3 لوحات مب خالصات و لازم اضغط على عمري و اخلصهن
وانا من النوع اللي ماخلص الرسمه بسرعه يعني اخذ وقت في كل لوحه مثلاً عندي لوحه من سنتين ارسم فيها بعدني ما خلصتها... يالله دعواتكم الله يقوي ظهري و ايديه السكراب خخخ
(^_^)
...
غيري اسمج من عمووو لــ يدوووه يالعيووز
واايد حلوة فكرة الرسمه هذي
اتريا اشوفها رسمه فنية من اصابع فنية ومن انسانه فنانه مثلج
مثل الجنين
سبحان الله
مجموعة انسانوووه....يعني ليش العيوز ليش؟
مزايا... شكراً على مرورج (^_^)
...
من فترة شفت صورة تشبه هـ التطبيق وايد
http://fc10.deviantart.com/fs36/f/20...9e8b23f8c2.jpg
أشوفها نفس الفكره ..!!
سبحان الله ..
طبعاً
متشوقه اشوفها بـ الالوان ..
لا تبطين علينا اختي
ويسلمووونيشن عمتنا
و عليكم السلام ورحمة الله وبركاته ... الاحلام ... عالم عجيب ... عموتنا ليش ما كتبتي لنا شو تفسير الحلم ... طبعا رأيي في ابداعاتج معروف ... و انتي قد المعارض و اكبر منها ... عقبال معرضج الي فـ فرنسا ... و المعرض الي بتسويينه جمب سور برلين ... اونه الاخ ايعرف خخخخخخ
سؤال يسدح نفسه من ايحاء الحلم ... انتي نظرتج للاشخاص او للامور ... دقيقه ... و احيانا اتحسين انج انتبهتي لشي غيرج ما انتبه له ... صح ... و بعض احيان تنسألين ليش ما سويتي جيه اتقولين مجرد شعور و احساس راودني فما سويت ... يعني ردج يكون مثلا (( ما ادري ما ادري بس مب مرتاحه))
خنفروووووووووش
كلامك صح 100% شقايل عرفت؟؟؟
سبحان الله امسات اختي ترمس عني جدام ربيعتي تقول لها هاي الانسانه تقول اشياااااء غريبه عجيبه تستويلها ساعات عقب ايلس افكر في هالاشياء اقول صح انا بعد تستويلي بس ماكنت منتبهه لها ابداً ولا لاحظتها و هالانسانه الغريبه ملاحظتنه بأدق تفاصيلها... و تقول لربيعتي الله يعينج عليها خخخخخخ
المهم خنفروش خبرني كيف كيف شقايل عرفت شخصيتي المعقده؟ هههه و بالنسبه لتفسير الحلم انا ماعرف اسأل منو و اخاف اتصل في المشايخ لان مره اتصلت في شيخ مفسر احلام خوفني كان يزاعج عليه يقول لي ماتنشين الفير والله لساني انشل شوي و اصيح... عاده انت فسر لي الحلم خخخخخ
عذبة الروح... الصوره وايد اثرت فيني تعرفين ليش؟ لانها نفس فكرة اللي حلمته و ما جد شفت هالفكره في حياتي الا في حلمي اول مره و ثاني مره في هالصوره... سبحان الله بس هذيل لابسين و عندهم شعر...بس اوادم حلمي بدون لبس و شعر ههههه
اسمحيلي بحفظ الصوره عندي مايخصني (^_^)
و كل عام وانتم بخير مايندرا باجر العيد ولا ورا بااااجييييييييير .....
....
وايد وايد حبيت الرسمه ,,,,
تسلمين عهد
(^_^)
...
عمووتي عمووتي .. شحاالج
عيبتنيي وااااايد فكرة الرسمه ..
وتعوذي مرة2 يوم تشوفين أحلام تزييغ ^^ اوجييج عمووه
نتريا الرسمه بالألوااان
تبين الصراحه .. انا زغت ..
انا بزيغ لو حلمت جيي ..
بس الرسمه حلوه .. وغريبه ^^"
حتى باحلام تفكرين بالمعارض لول
بانتظارها ملونه
ههههه
تعيبني ردودكم كل شخص له راي
تسلمون والله
(^_^)
...
حلللوووة الفكرة ..
احب الاشيا الغريبة
لووول
بسْم الله الرّحْمَن الرّحيْم
السّلام عَلَيكُم وَرَحمَة الله وَبَرَكاته
،
،
،
تحية طيبه وبعد..
حلو لما الشخص يخلي في باله اشياء معينه يرسمهم..
والاحلى لما يطبقهم بالرسم تكون نفس الفكره
بما انج انتي من ضمن هذول الاشخاص.. فإني حقاً أبدعتي بالوصف في الرسم
ثابري.. وبالتوفيق في هذا المجال
،
،
،
دمتي بود
سِرْ الحُبْ
شكرا سر الحب ^ـ^
على فكرة للحين مادقيت الفرشاة ... الزبدة مب راسمه من سنين
و سرااا الليل و حنا ماسريناااااا
:a033: