-
أبـا بنتلي جـي تـي
الســلام عليــكم . . .
شو أخـباركم جميعاً
نزلت نفس هالموضوع في واحة الإعلانات .. ما كنت اعرف انه المفروض هنيه:k_blush-anim-cl:
أنزيــن بندخل ف الموضـوع
أبـا بنتلي جـي تـي 2007 أو 2008
اللون أسود أو ابيض ومن داخل أحمر
مش مهم خليجي أو أمريكي
وبعـد اللي عنده فكره متى بيتغيـر شكلها لا يبخـل عليـه. . .
والسموحه . . .
-
رد: أبـا بنتلي جـي تـي
الموتر بتحصله مكود ف معارض راس الخور
-
رد: أبـا بنتلي جـي تـي
^
صح ..معارض البلديه اللي عدال كراجات العوير !
-
رد: أبـا بنتلي جـي تـي
ماشي !
بصراحه دورا لي ما حصلوا
ابا سعر مناسب مابا وحده غاليه ! وانتوا اتعرفون هل المعارض كيف يبالغون ف الاسعار
-
رد: أبـا بنتلي جـي تـي
من شهرين واحد كان متصل لي وقالي انه واحد يبا يبيع موتره بـ 400 ألف موديل 2008 وكان ماشي 4000 كيلو .. !
بس انا ما فكرت انه ممكن حد يباه ولا جان حطيت الموضوع .. !
وبالتوفيق .. ^_^!!
-
رد: أبـا بنتلي جـي تـي
ان شاء الله تحصلين // بسأل لج اخواني بعد
-
رد: أبـا بنتلي جـي تـي
يقولون الجي تي ارخص وحده .. انا ابا جي ٥٥ ذهبيه وانتيرير ابيض T.T واذا كانت بيضا اباها ورديه من داخل :S
-
رد: أبـا بنتلي جـي تـي
همممم اقدر جهودكم :/
عاد ضاربه ف راسي صدق و ادورها من شهر الحين ... واذا حصلت احصلهن وايد غاليات وايد يكونون امبالغين فيهن
-
رد: أبـا بنتلي جـي تـي
^شو تبين بالمستعمل؟ اطلبيها يديده احسن ;)
في مثل يقول لو فيها خير مارماها الطير ....
-
رد: أبـا بنتلي جـي تـي
لا بالعكس . . اتحصليــنهن يدااد ماشيات يا دووب كم ألف
ولا تيلسين تتريين الوكاله لين ما توصل السياره واتكون قريب المليون !:Oo:
وبعدين في منهم يشترون بس جي عشقة وايردون يبيعونهن .. ونحن نستفيد :fa51:
-
رد: أبـا بنتلي جـي تـي
^
صح كلامج .. يدوب يمشون بالموتر 3 آلاف كيلو .. ويبيعونه !
-
رد: أبـا بنتلي جـي تـي
السلام عليكم
سقت البنتلي شهرين :k_puppyeyes: من كثر ما كان فخاطري .... بس بعد هالشهرين عفته .... بس شكل ...مافي أي شيء .... وملفت وايد ... من اكون في مكان خلاااااااااااص كل الدنيا عرفت ...شو انزين ؟؟؟!!!!!! والمكيف حار ..لين ما تبرد السياره تاخذ وقت ...وهالشي انا كرهته في البي ام بعد ...صراحه احسن مكيف اللكزس .... بس السواقه حلوه ..اعترف في هالشي ..
اختي بتحصلينه في شارع الشيخ زايد .. المعرض اظني اسمه شي كروتدر ... راع المعرض باكستاني ... وفي عنده معرضين حذال بعض ... والمعرض وانتي يايه من أبوظبي ..بيكون قبل الجسر مال انترنت سيتي .... واعتقد هو الوحيد اللي اييب هالسيارة في شارع الشيخ زايد
بصراحه سياراته وايد نظيفه بس لازم تكسرينه في السعر .. يوم خذنا البنتلي كنا مبدلين بالرنج بس وايد حاولنا ننزل في السعر ...
بالتوفيق
-
رد: أبـا بنتلي جـي تـي
بالتوفيق يااختنا عيون الليل
وان شاء الله تحصلين سعر مناسب