-
شاركوني فن الرسم بأفكاركم الجزء الثاني
السلام عليكم ورحمة الله وبركاته
اخواني واخواتي الاعزاء
اقدم لكم اغلى تحية طيبه ونفحات زكية عطرة على تواصلكم الجميل بهذه الواحه
أشكر جميع من قاموا على إعلاء شأن هذه الواحة الجميله من فنانين ومبدعين ومتأملين.
أبدأ وياكم اليوم باسم الله الرحمن الرحيم الجزء الثاني من موضوعي إلي طرحته في السابق
وكان في بداية انضمامي للواحات تقريباً.
وكانت غاية طرحي للموضوع في السابق هو تقوية مستواي اكثر في مجال الرسم
وبالأخص رسم أفكار الآخرين .
يعني موضوعنا هذا بيكون عباره عن
(حط فكرتك وانا ان شالله ارسم الفكرة هاذي)
لكن بشروطي المعتاده
1- من غير ملامح البشر مثل العيون الخشم والبوز والاذن أو ما شابه .
2- ما تكون الفكرة مخله للأدب العام للدين أو للعادات والتقاليد .
3- اذا في اشياء ثانيه بخبركم عقب :14:
وان شالله بحط كم عمل من افكار بعض الاعضاء في الموضوع القديم
وان شالله اشوف افكاركم عن قريب
في انتظار افكاركم الجميله
:heart:
http://oasis.bindubai.com/bin/upload...1204654091.jpg
http://oasis.bindubai.com/bin/upload...1204654091.jpg
http://oasis.bindubai.com/bin/upload...1204654091.jpg
-
رد: شاركوني فن الرسم بأفكاركم الجزء الثاني
.......
:
وعليكم السلام ورحمة الله وبركاته ..
:k_special2: .. !
أخيرا لحقت أحجز المقعد الأول .. :fa46: !!
اممم ..
بما إني للأسف ماكنت حاضره الموسم الأول للطرح ..
إن شاء الله بيكون لي زيارة دائمه للجزء الثاني منه
جدا متحمسه أشوف أفكار أعضاءنا الطيبين ونتاج الرسم بريشتك تالي .. !
والأكيد إن بما إني حاجزه الكرسي الاول بيكون لي فكره بسيطه ..
بس خلني أفكر وأتخيل وأعيش الجو شوي ^__^ ..
صدق وناسه .. وايد عاجبتني الفكره ..
والرسمات اللي طرحتهم لفتو انتباهي بشكل كبير ..
طلعو الاعضاء مب هينين ما شاء الله بأفكارهم .. !
وأداءك كعادته مميز وطيب ..
لي عوده باذن الرحمن لطرح فكرتي ..
وجدا متحمسه أشوف نتاج الطرح ..
وبشده .. !
:
احترامي الدائم لشخصك كما تقديري لما تبذل من جهود ..
والمعـــــــذره .. !
اختك أنامل قلب :redface: ..
:
.......
-
رد: شاركوني فن الرسم بأفكاركم الجزء الثاني
السلام عليكم
أول شي أحب أشكر اخونا المحاق المشتعل على هالموضوع الجميل :fa34:
و أنا عندي فكره :tounge:
ممكن ترسم لنا ورد اللوتس "اللى ينبت على الماي" ^_^
..
-
رد: شاركوني فن الرسم بأفكاركم الجزء الثاني
انامل قلب
من الاعماق اختي الكريمه اشكرج على هذا الحضور الرائع
وعلى تلك الكلمات الطيبه من شخصكم الطيب
وانا ان شاء الله متفائل بوجودك معنا هذه المرة :fa34:
اتمنى انه ينجح هالطرح وما انشغل عن اداء واجبي بالشكل المطلوب
ربي يوفقني في اتقان افكارج ان شالله وافكاركم
سأكون بانتظار افكارج بإذن الله تعالى
مع جزيل الشكر والتقدير
محاق
-
رد: شاركوني فن الرسم بأفكاركم الجزء الثاني
وحي القلم
أشكر لج وجودج الطيب أختي الكريمه وان شالله ينال الموضوع بالفعل اعجابج :m_mar7ba:
بس ابا اعرف انا ماعرف اذا هي هاي الروده إلي في بالي ولا لا اخاف مب هي واتوهق
مب هاي إلي لونها ابيض وتطفوا عالماي ( وردة الضفادع ) :tounge: ؟
في انتظار ردج
محاق
-
رد: شاركوني فن الرسم بأفكاركم الجزء الثاني
-
رد: شاركوني فن الرسم بأفكاركم الجزء الثاني
ياهلاااا والله بالناس الطيبه^___^
حاليــــا مافي شي في بالــي بس لــي رجعـــه
-
رد: شاركوني فن الرسم بأفكاركم الجزء الثاني
هلا فيك اخويه خيال وحياك الله في كل وقت
وفي انتظار فكرتك ان شالله :fa35:
-
السلام عليكم ..
"المحاق المشتعل"
أحيد قبل كم سنه طلبت منك ترسم شي ويلسنا نعدل على الفكرة ويه بعض بس الظاهر انشغلت
وماقدرت ترسمها بس بعدني أتريا هالرسمه مافقدت الأمل وبذكرك فيها عن قرصان
المافيا اللي يسحب سيارة شخص متروع لسفينته عند المينا
وراعي السيارة يحاول بكل قوتها انه يشرد
بس طبعا ما في أي فايده من كل
المحاولات لأن القرصان
مسيطر
الاســـطـــوري
أخوكم
-
رد: شاركوني فن الرسم بأفكاركم الجزء الثاني
...
السلام عليكم ..
..
طرح مميز كالعاده ^^
..
ااممم ...
ابغي الفصول الاربعه بشكل غريب *
...
نار بوسط البحر وبجو ممطر *
..**
عالم تحت الارض ..^^
ــــــــــــــــــ
أفكار غبيه صح .. بس ماعليه ^_^
إحترامي وبالتوفيج ..**
-
رد: شاركوني فن الرسم بأفكاركم الجزء الثاني
المحاق المشتعل
مشكور اخويه
حلوه الرسمه ما شا الله :fa34:
أول مره أعرف أنه يسمونها وردة الضفادع :fa46:
-
رد: شاركوني فن الرسم بأفكاركم الجزء الثاني
محاقنا
فخاطري اشوف رسمه
تعبر عن
"لوعة الإنتظار و الصبر"
:a070:
لأني لين الحين ماقدرت ارسم هالفكره !!!
...
-
رد: شاركوني فن الرسم بأفكاركم الجزء الثاني
الاسطوري حبيبي انته وتاج راسي
ماعاش إلي ينساك بن عمي
انا والله ما نسيتك
ورسمت أول رسمه من فترة
بس انا ابا اسويها شي حلو من جي اتأخرت عليك بن عمي
وعدي ما نسيته وانته انسان طيب وانا ادين لهاي الطيبه بشي جميل ان شالله :fa35:
بس بقن رسمتين وبنجز إلي اتكلمنا فيه كنت ابغي اسويلك مفاجئه والله :icecream:
وفي موضوع غير هذا بس ان شالله بتوصلك الرسمات بن عمي
واذا تبغي تتأكد إني ما نسيت موضوعك ومخلص رسمه من قبل
برويك اول رسمه في موضوع من الموضوعات دش ودوره :a068: :tounge:
واسمحلي وايد عالتأخير والله وانته تامرني حبيب الشعب :a070:
محاق
-
رد: شاركوني فن الرسم بأفكاركم الجزء الثاني
إلا انا
شكراً جزيلاً للمرور الرائع
وان شالله بنشتغل على طلبج بإذن الله تعالى :mf_leia:
:tounge:
لج اغلى تحية :14:
-
رد: شاركوني فن الرسم بأفكاركم الجزء الثاني
هلا عمووووووووتنا
هلا بالفن والابداع
وهو كذلك عمو وطلبج في قائمة الانتظار بعد
انجاز طلبات إلي سبقوج ان شالله :14:
شكراً جزيلاً عالمشاركة يا مبدعه
محاق
-
رد: شاركوني فن الرسم بأفكاركم الجزء الثاني
وحي القلم
العفو أختي الكريمه
أتمنى من اعماقي ان تكون نالت رسمة فكرتكي رضاك
وان شالله ما اقصر ابد في امثالج من الطيبين
كل الشكر عالمشاركه :m_mar7ba:
محاق
-
رد: شاركوني فن الرسم بأفكاركم الجزء الثاني
-
رد: شاركوني فن الرسم بأفكاركم الجزء الثاني
-
رد: شاركوني فن الرسم بأفكاركم الجزء الثاني
اقتباس:
المشاركة الأصلية كتبت بواسطة المحاق المشتعل
إلا انا
استمتعت وانا ارسم فكرتج :fa34:
اتمنى انها تنال اعجابج واعجاب
شكراً جزيلاً عالمشاركه :2:
محاق
:fa35: حبيتهـــا وايد ,,"
:a070: ثانكس محاقو *
عيبتني ... وايد خصوصا التلوين ..**
-
-
رد: شاركوني فن الرسم بأفكاركم الجزء الثاني
-
رد: شاركوني فن الرسم بأفكاركم الجزء الثاني
استاذ .. استاذ ممكن انا اطلب .. >> يتحسب عمره في المدرسه خخخ
ابا رسمه للبحر .. وفي يمين الرسمة قارب وواحد ايدف ..
الشمس نازله ومنعكسه على البحر .... مثل وقت للغروب ..
مادري اذا فهمت عليه .. احس اني اشويه ماب عارف كيف اعبر !
-
رد: شاركوني فن الرسم بأفكاركم الجزء الثاني
إلا انا
عمة العيم
شكراً عالمشاركه :mf_turban:
-
رد: شاركوني فن الرسم بأفكاركم الجزء الثاني
ما يهزك ريح
اتفضل ابني اطلع عالصبورة :tounge:
حياك يا اخويه نورت موضوعك بوجودك الطيب
وان شالله اكون فهمت فكرتك بن عمي بالشكل المطلوب
واتمنى تنال اعجابك ان شالله
:fa35:
-
رد: شاركوني فن الرسم بأفكاركم الجزء الثاني
محاقنا
عندي سؤال
انا كيف اقدر ارسم اشياء غير ملموسه مثل
الأمل....الصبر...الحب...الصدق.. ..الكذب...المسامحه....البخل.... لاسراف....الحزن....كيف اقدر ارسم شي جي؟؟؟؟؟
لان ساعات احس عمري ابا ارسم ابا فيني طاقه و فيني رغبه ف يالرسم و فيني مشاعر ابا اطلعها لكن....يوم ايي ارسم اتجمد في مكاني و عقلي يتوقف ماعرف شو ارسم ...يجيسني احباط و ضييييج و اهد فرشاتي و اروح!
:(
اغيثوني
...
-
رد: شاركوني فن الرسم بأفكاركم الجزء الثاني
:
السلام عليكم والرحمه ..
ياعيني ياعيني عالتفاعل الطيب ..
مو جني متأخره بزياده .. . !
جدا حبيت أفكار الأعضاء ..
وجدا حبيت الرسمات كذلك ..
ما شاء الله عليكم .. :redface:
:
اممم انزين ..
ممكن أطلب طلبين ولا .. !
بحط الطلب الاول ..
وبعد ما تجيب الطلب بحط الطلب الثاني ..
وان شاء الله ماثقل عليك ^_^ ..
الطلب الأول يمكن تعتبره غريب ..
اممم ابيك استاذي ترسملي الحزن لكن بدون عناصر .. !
يعني كأنك بترسم خلفية ملونه ..
تكتفي بدمج الالوان وحسب
بالشكل اللي تحسه يوصل معنى الحزن بمحل ما ..
وهم انتقاء الالوان يكون باختيارك .. !
+ الطلب الثاني عقب ان شاء الله ..
في حال كان بالامكان يعني :fa46: ..
:
بالانتظار ..
والسموحه .. !
:...
-
رد: شاركوني فن الرسم بأفكاركم الجزء الثاني
عمة العيم
انا اولاً أسف وايد اني ما رسمت طلبج بالشكل المطلوب خفت من تكاثر الطلبات فرسمتها فكرة سريعه
وماتعمقت فيها
المعاني إلي طلبتي وصفها يبغيلها شرح لج وان شالله بسجل الشرح في
نوتي وبخبرج عنه بإذن الله قريباً إن شالله
لانه انا احس عندج هاي القدرة بس لو توجهينها في داخلج بطلعين طاقات هائله محبوسه من زمان
انامل قلب
حاضرين للطيبين انتي تامريني امر أختي
انا عن نفسي هاليومين مشغول اشويه بأمور ترقيتي في الدوام اوه صح قولولي مبروك :14:
وان شالله برسم افكاركم كلها قريباً ان شالله وان شالله ما يشغلني شي عنها بإذن الله تعالى
لج خالص الشكر والتقدير :m_mar7ba:
-
رد: شاركوني فن الرسم بأفكاركم الجزء الثاني
:
اوه مبروك أخوي ..
جعل ربي من الرقي بكل أمرك مب إلا بدوامك ..
وإيانا جميعا إن شاء الله ^_^ ..
:
خذ راحتك ..
واسمحلنا عإشغالنا لوقتك ..
احترامي ..
:....
-
رد: شاركوني فن الرسم بأفكاركم الجزء الثاني
^^
ووو نسيت ..
حط نسخه من نصايحك لعموه بالعام ..
خلنا نستفيد نحن بعد ..
لو ممكن يعني .. :fa46: !!
والسموحه .. !
:....
-
رد: شاركوني فن الرسم بأفكاركم الجزء الثاني
هلا هلا الشقيق لول
تو الناس -__- اخر واحد كالعاده
الصراحة موضوع عجيب
و رسمات أعجب ^__^
تسلم يا المحاق
-
رد: شاركوني فن الرسم بأفكاركم الجزء الثاني
وعليكم السلام والرحمه
وايد عيبتني فكره الموضوع
ولو انه ما في رسمه فـ بالي حالياً
عيبتني وايد رسمة الزهرة البيضا
واسمحيلي اخت وحي القلم .. اللوتس زهره ما تنبت على النهر
واللي رسمها المحاق .. هي زهرتي المفضله زنبق الماء - water lily
منها الوردي - البنفسجي - الأبيض
طلب
ممكن تحط لنا صورة الأولوان الشمعية
يعني اللي أقصده نوعها .. من أي ماركه
وبعد الورق اللي ترسم عليه
وايد عيبتني الرسمه
وربي يعطيك العافيه
ولا يحرمنا فنك
يسلموووونيشن محاقنا
-
رد: شاركوني فن الرسم بأفكاركم الجزء الثاني
عااادي اقولك كاريكاتير وترسمه
ولا طبيعه بس
-
رد: شاركوني فن الرسم بأفكاركم الجزء الثاني
محاقنا وينك طولت
ترا بديت اعصب انا
...
-
رد: شاركوني فن الرسم بأفكاركم الجزء الثاني
السلام عليكم من جديد
اعذروني عالتأخير والله
اشويه انشغلت هاي الفترة لكن ان شالله مب ناسنكم :m_mar7ba:
شكراً انامل على مباركتج لي على ترقيتي وعقبالج ان شالله ترتقين في دنياج وآخرتج
للي يحبه ربنا ويرضاه سبحانه
وعن طلبج حاضري وتامريني امر
وعن إلي طلبته عمة العيم حاضرين بعد ان شالله بكتبه هني ان شالله
عديم الشوق
مرورك هو الاحلى والاعجب
ودايماً يضفي على نفسي الثقه
من الاعماق اشكرك واتمنى تواجدك دايماً
:m_mar7ba:
عذبة الروح
جل احترامي لإضافتج الطيبه ولمرورج الاطيب
وان شالله دوم تكون موضيعي راضين عنها وتنال اعجاب احاسيسكم المرهفه
وعن اسم الورده
مهما اختلفت الاسماء تبقى الورده ورده جميله تستحقها انظارنا المتأمله
وتستحقها انظار تعشقها مثلك اختي الكريمه
اما بالنسبة للألوان
فهي مب شمعيه هي طباشيريه ( باستيل )
وهي من ماركة فيبر كاستل
بس المشكله وقفوها في السوق ماعرف ليش
صح هي مب غاليه لكن وايد روعه وفنانه
وإلي يحصل منها في السوق يخبرني :14:
واشكرج على ذوقج وتقيمج الطيب لرسمتي وان شالله تنال كل رسماتي اعجاب انظاركم
كل الشكر
محاق
-
رد: شاركوني فن الرسم بأفكاركم الجزء الثاني
خيال الحب
عمي إلي في خاطرك قوله دام انه ما بيتعارض ويا الشروط :14:
:fa35:
عموووو
آسف عمتي كله ولا جبلوخج عمو بتطيرين ويهي :smile2:
عمو سمعي
التعبير عن اي شي بسيط وهو مايباله شي
وتقدرين اتعبرين عن اي شي بسهوله وذلك بطريقة الرموز
مثلاً الغروب رمز للغربه للوداع للحزن لكثير من الاشياء
لكن اذا حطيت غروب وحطيت وياه رمز ثاني يمكن اتزيدين لذة الفكرة نفسها او اغيرها
مثلا ارسم الغروب فيكون منظر طبيعي
لكن اذا سويت واحد يالس ويتأمل الغروب بيكون هذا منظر حزين
واذا سويت هالمتأمل يبكي بعد بيضفي حزن عميق في اللوحة
واذا سويت حمامه اطير في الغروب من بعيد
بيدل على الوداع او الفراق
واذا سويت انه الحمامه تحمل قطعة قماش هالشي بيبين انه في قصة من البعد
وكل رمز تضيفينه يكو مثل تتبيلة اللوحة السرياليه
وحتى الالوان لها دور كبير في الانطباع الي تبغين اتوصلينه للمتلقي
وعن رسمج للأشياء الغير ملموسه مثل
الأمل....الصبر...الحب...الصدق.. ..الكذب...المسامحه. ...البخل....الاسراف....الحزن
هاي صفه والصفه مالها شكل معين
انما لها تعبير خاص قد يكون موجود في الطبيعه مثل اني ارسم
ريال ما ينفق على اهله او شخص يكذب ( بالكركتير ) او مسامح او غيره
او اقدر اني ارسم هالشي بطريقة الرموز واشوفها اجمل الطرق
اني مثلاً اصور الكذب في لوحتي بالحبل القصير
والصبر بخطوات اقدام في الصحراء
والحب بالقلب او بعدة طرق كزوج من العصافير الجميله وهما بجانب بعض
والامل النافذه المفتوحه التي يدخل منها النور
الحزن كالجروح او الغرفة الظلمه او القيود
كل تلك الصفات يمكن التعبير عنها بتلك الطريقه إن اردتي
اما اذا لم تريدنيها بطريقة الرموز يمكن تعبيرها بطريقة اخرى تخصك
كما يقوم بعض الفنانين بالتعبير بطرق عديده
وتقريباً كلها رموز ولكن تخص عالمهم الخاص ( التجريديه )
منهم من يقوم بوصف مشاعره بمزيج من الالوان وتكون اللوحة كلها الوان بس
يسميها مثلاً الامل أو الصبر او ما شابه
وتخلف طريقة عرض تلك المشاعر من فنان لفنان
لكن افضل تلك الرموز هي الرموز اتي تخطر في اذهان الناس
وهي كالغروب وغيره من مواضع
واتمنى تكون فكرتي وصلتلج عمو :14:
-
رد: شاركوني فن الرسم بأفكاركم الجزء الثاني
-
رد: شاركوني فن الرسم بأفكاركم الجزء الثاني
شكراً محاقنا
وصلت لي الفكره
لكن اظني مابتقبل الفكره الا عقب تجربه
ان شاء الله احاول ارسم لوحه تعبيريه لأول مره
(^_^)
...
-
رد: شاركوني فن الرسم بأفكاركم الجزء الثاني
عمو انتي تقدرين ومب صعب عليج موول
بس نفسيتج اتصعب السالفه
وانا اكتشفت انج على مقدرة بهالشي من زمان من احدى لوحاتج
بس قوي مقدرتج في الدمج بين العناصر والتخيل اكثر واستغلي الاضاءه من المنطقة المضيئة والظل من
الاماكن المعتمه على الاشكال المضافة الاخرى في اللوحة وشوفي النتيجه كيف :fa46:
-
رد: شاركوني فن الرسم بأفكاركم الجزء الثاني
-
رد: شاركوني فن الرسم بأفكاركم الجزء الثاني
مستمعة بصمت ..
مستمتعة بصدق !