ممكن طريقة تزيد من الدخل ؟
السلام عليكم
باختصار، كنت افكر طريقة تزيد الدخل ( غير الراتب )
شي بعيد عن عوار الراس :mf_leia: ولو كل بزنس لازم الواحد يتعب عشان يحصل اللي يباه !!
مابغي موضوع تأجير محل وعمال او ماشابه ذلك
ربح لو بسيط احسن من مشروع او شي اجازف فيه :fa45: وإن شاء الله مابتقصرون بأفكاركم
أتمنى ألقى رد :bye2:
رد: ممكن طريقة تزيد من الدخل ؟
السلام عليكم اخوي المزوحي
بعض البنوك عندها تداول الاسهم يشترون لك ويبيعون و فيها اقسام للتداول اون لاين إذا حبيت
و توجد فكرة الصكوك الوطنية (( بس هذا نوعا ما الاستثمار طويل الاجل )) في ناس تحبذ سوق السيارات تبيع و تشتري و ممكن العقارات كوسيط معتمد (( وهذا الافضل )) ما عندي فكرة عن التجارة الالكترونية لاني احس ان فيها نصب نوعا ما
بس ترى احلى شيء لما تبدأ مشروع صغير بإستثمار صغير (( تبدأ صغير و تكبر )) تتعب صح تنشغل أكيد (( و صدقني صدعة الراس تهون لما تشوف ان تعبك ما راح عالفاضي )) عندك ثلاث امور إذا استثمرت فيها و بديت مشروع احتمال خسارتك يعتمد على قوة تحملك و تسويقك لنفسك عند الاخرين
1 - الملابس (( خصوصا النسائية - شوف سوق العبي ))و كل ما يتعلق بها من اكسسوارات او الماكياج طبعا حتى الملابس و الاكسسوارات الرجالية و العطور
2 - الاكل
3 - الصحة
ممكن غيري يقول التعليم بدل الصحة ولكن (( سوق القرطاسية - من بيع اقلام الرصاص إلى عمل البحوث الجامعية شي رائج و ما يخلو بيت من الطلاب )) و اتمنى اني ما خبصت وايد
رد: ممكن طريقة تزيد من الدخل ؟
برايي ان في التجارة كلما زادت نسبة المخاطرة كلما زادت نسبة الارباح يعني كل
مادورت شي مافيه مخاطرة كلما شفت ان نسبة
الارباح تقل وياك
حسب التجارب اللي شفتها في حياتي دايما في الشراكة مشاكل بين الاطراف او ممكن في يوم تصير بين الورثة فالافضل
دايما الاستثمار الخاص المنفصل فبروحك تستانس في ربحك وبروحك تتحمل
خسارتك بدون ماتدخل في قضايا انت في
غنى عنها
رد: ممكن طريقة تزيد من الدخل ؟
^ اوافقك الراي اخويه الأسطوري ..
وساعات اللي يشارك عينه في اللي في ايدك حتى لو هو يستلم ارباح وياك ..
رد: ممكن طريقة تزيد من الدخل ؟
المستانس
مابغي ادخل في معمعة المحلات والايجار ولو إنه هاي فكره حلوة، بس انا مب راعيها ، اما بالنسبة لسوق السيارات فكرت في هالموضوع
الاسطوري
انا من النوع اللي ما احب شي اسمه شراكه ، وكلامك صحيح اخسر واتحمل هالشي روحي ولا ادخل حد ويايه
مايهزك ريح ..
صح وهذا اللي ما احبه ، فمن جيه بتجنب هالشغله، بس بغيت أسألك عن شي لو عندك خلفية
من فترة شفت وظيفة اون لاين، إنك تدخل بيانات وعلى عدد الساعات تحصل مبلغ، وعقب قريت آراء الناس إنه هالشي مافيه مصداقيه ( اليوم واحد من الهنود اللي ويايه كان يكلمني عن هالشي )
قلت له اعرف انا وكنت ابغي اسجل بس اترددت يمكن يخدعونا، قال ليش بيخدعونك انته جرب وشوف وعقب احكم !
رد: ممكن طريقة تزيد من الدخل ؟
رد: ممكن طريقة تزيد من الدخل ؟
شو شو من الهواايات عندك وطورها واستخدمها كمصدر دخل ثاني
واذا كنت من محبي السفر هات بضاعة مش موجودة فالبلاد شغلات مميزة طبعا بعيد عن تايلند
رد: ممكن طريقة تزيد من الدخل ؟
رد: ممكن طريقة تزيد من الدخل ؟
ماقررت بس اسمع الاراء وبشوف الانسب لي
رد: ممكن طريقة تزيد من الدخل ؟
أظن إن في طريقة للربح الآمن من النت عن طريق التسويق لبعض المواقع او جعل اكبر عدد ممكن من المستخدمين يضغطون على لنك معيّن
و إلا إن في سر (( أو لعبة )) تحتاج شرح بس الأكيد إنها مربحه عالأقل يخبرونا
رد: ممكن طريقة تزيد من الدخل ؟
مثل منت شايف أذا كنت بتستثمر أموالاك في سوق اسهم أو سندات المخاطرة فيهم كبيرة وبالذات هاليومين هي صحيح مريحه عن طريق المحافظ الاستثمارية بس مثل ما قلت فيها مخاطرة لذلك انا اشوف افضل طريقة لك في الاستثمار هو العقار ما فيه وجع راس مثل ما تقول والمخاطرة فيه بسيطة وربحه مضمون انشالله
تحياتي