عندما يغرد الطير ......Tweet !

السلام عليكم...

من بعد ثوره المنتديات.. و الاي فون و التوت الاسود ... انجذبت الناس لمواقع التواصل الاجتماعي... امثال الفيس بوك و تويتر... ومن فتره قريبه.. قلت خلنا نتصفح الفيس بوك.. وبالفعل سويتلي حساب و اتصفحت ع السريع... تقريبا ما استمتعت وايد.. لانه عالم كبيييييير و يباله انسان فاضي !!

ومن اسبوع.. قلت خلني اشوف .. شو سالفه هالتويتر ! دخلت و سجلت... و بصراحه استمتعت !!! موقع جميل .. مختصر مفيد.. مقتطفات رائعه لعلماء و شيوخ و مفكرين.. هم قريبين منك بلمسه Tweet و انت قريب منهم كـ follow ...

حاولت اكون تابع لشريحه مثقفه تسعدني تغريداتهم من امثال : نبيل العوضي - مشاري العفاسي - عائض القرني - محمد الثويني - محمد العريفي - احمد الشقيري - سلمان العوده - مشاري الخراز- نجيب الرفاعي - ... و لايزال البحث مستمر عن اسماء تصدح بتغريدات تنعش الروح ...



...

جرب... و سجل ..

مـــرحــبــــــــــــاااا ا(ن) بــشـــوق الــقــلــــوب ,,
عـــن نفــســـي جربـــت الفــيــــس بـــوك وبين فتـــرة وثانيــــة استخـــدمـــــه .. بـــس أبــــد(ن) ما دخــــل مــــــزاجـــــي ولا مـــزاجــــي دخلـــــه (يعـــنـــي علاقـــة فاشـــلــــة بــيــن الطـــرفــيـــن .. واللهم اعلم منـــو الخســــران .. يمكن العيـــال خخ )
التـــويــــتـــــر .,. حـــاب من زمــــن (فـــرعـــــون) انـــي اســــجـــل بـــــه .. بـــس يـــمـــــكـــن الــظــــروف ما تســــمـــــح ( عبــااارة بـــديــــلـــه :: بـــس ما تســــمـــح الظـــروف يــــمـــــكــــن )
امممم خـــّربــــوا عليـــنـــــــــا ؛؛

تحيـــاتــــي
مــنــــصـــوريـــــــــ

السلام عليكم...

هلا بالمنصوري... بالعكس بتلاقي وقت لو عندك اي فون ولا بلاك بيري ..

جرب... بيعيبك !

http://oasis.bindubai.com/bin/upload...b319ab28ef.gif


الفيــس بـوكـ بالذات مادري ليش هـب داخـل مزاجـي وكل ماأقول بعابـل فيـه مايكـون فيه شي يحمسني إني أسويليـه أكاونت
مع إنـه اربيعاتيـه دوم يقولـن لي اشتركي وحتى وحـده من النيرسـات اللي عندنـا فـ الجامعـه اتقولي سوي أكاونت عشان انكـون ع تواصـل
وليــن الحينــه جــاري التفكيـــر !

وأما عن التويتــر امممم أحســه أهــون وبعـد جـاري التفكيـر بـ النسبـه له ههههه

ع طــاري هـ الظاهرتيــن اللي انتشـرن بسرعــه من فتـره بنــت خالي اتخبرني عن جامعتهـم وهيـه تدرس فـ بريطانـيا
اتقـول يحسسـون الواحـد انـه هب موجــود فـ الدنيـا إذا ماعنده أكاونت ع الفيس بوكـ ولا التويتـر ولا فيـه شي غلط جنـه شي أساسي لا بـد منــه
مالنــا غيــر هـ المقولــه [ حشــرن(ن) مع النــاس عيـــد :4:]

شكــــراً ع هـ الطـــرح

^_^

http://oasis.bindubai.com/bin/upload...b3ade8b291.gif

الفيـس بوك سون لي فيه صديقـاتي اكاونت
لكن گنت ضاااايعه ف الطوووشه
مـاعرف ش السالفه ، ناس مادل من وين ، وما ادري شو
ماحبيته ولا يـاز لي

فـ طنشششته

التويتـر اسمع به لكن مافكرت اشترك فيه بعـد
رغم انه سهل اتصفحه من الايفون او حتى الايباد
لگن ماعرف ليش للحين ما جربـت



احسسس انه يوم حد يرمس عن هالاثنين شرررا اللي ماكان عنده ايميل ومسنجر قبل مادري كم سنه

غرّد من قلبك

http://www.abunawaf.com/post-11141.html


http://g.abunawaf.com/2011/10/16/boafnan/tweet.zip

hi5 و Netlog و Facebook و Twitter و foursquare و Google+


كلها برامج تعتبر هادفه بس للاسف نسبه كبيره من ربعنا قوم بو عراب يعتبرونها وسيله للمغازل و
البنات عرض الصور و العيون و الشنط الهرمس و اصطياد الخرفان
:4:


استخدم الفيس بوك و التويتر من 2009


الفيس بوك موقع عائلي و حق الربع صور و سوالف الخ ..
صفحه التويتر اعتبرها موقع شخصي بلباس رسمي .. بختصار عبر و قول اللي بخاطرك في 140 حرف فقط

الفيس بوك "كان" حلو
لانه يجمع الربع والاهل
موقع عائلي جميل ولطيف
منه تشوفون اضافاتهم وصورهم و الاماكن اللي يسوون فيها chick in
بس كرهته لانه صار شرات stalker
هاي شو كتبت .. وهاي متى رقدت ومتى نشت ولين متى واعيه تكتب
وضافت منو و وين سارت
تقدرين تقولين وقفت استخدمه بعد المواقف السخيفه والمشاكل الي صارت من وراه

التويتر موقف خفيف وسريع و حلو بس فيه كئابه شوي

يعني بصراحه .. البنات ماقاموا يشوفون انه عيب يسوون follow حق شاب او شاب يسويلهم follow back
"just followers" على قولتهم

في النهاية .. هذي عولمة والتكنولوجيا دايما في تطور .. يا نواكب التطور او انشل ايدنا من الموضوع ونكون في نظر البعض "جاهلين" !!!

تسلمين على الطرح

المغردون خارج السرب وكلام جميل هو ما نجده في تويتر - مكان نستطيع أن نهذرب بعبارة مختصرة دون قيود ومن يسمعنا هم أولاءك الـ follow me - ولكن لو قارنا بالمنتديات فالمنتدى مميز بنقاشاته وتفاعلاته الجميل المتبادلة غير عن التويتر وحيد يغرد فوق الشجرة -

بالنسبة لمواقع التواصل الاجتماعي تعتبر جيدة اذا اخذناها من الجانب الايجابي وبالذات اتكلم عن الاشخاص اللي نظرتهم مستقبلية من حيث العلاقات والتجارة الواحد ما يدري يمكن عن طريق هالمواقع تنفتح له ابواب ما يدري عنها

تحياتي

شكرا لكل من عقب...

بالنسبالي لا يزال تويتر هو الموقع الامتع بالنسبالي... و كل يوم استفيد منه اكثر و اكثر...

صباح الخير

رفيجتي اللي وايد معاها بالدوام، خليتها تفتح حساب بتويتر
اليوم تقول مزن وايد مستمتعه بتويتر اون حبيته اكثر من البيبي

مسا الورد


تواجدي في الفيس بوك او التويتر فقط من باب التصفح...وحبيت التويتر اكثر ووجودي فيه فقط ك follow لبعض الاشخاص منهم بالاضافة لقائمة شوق القلوب ياسر حارب والشيخ عبدالعزيز النعيمي(الشيخ الاخضر) اوزير الخارجية عبدالله بن زايد خدمة برق ومصدر

هلا مزن...

اتصدقين.. استويت ما اجيك البي بي الا كل يومين ...!!! و طبعا نادر ما اطرش.. احس انه شي ممل !!! ولولا انه وسيله اتصال سريعه بربعي جان كنسلته !!

..

ام عبادي... حارب اشوف له ريتويت .. و بجيك ع الشيخ الاخضر... و طبعا انا من ضمن فولورز بو محمد

Know the news of famous bloggers by following them

تــويتر ،،

الحلـو اللي فيه يوم الواحد ملان ويالس يتريا شي يتصفح فيه ويقرا :vampire:

يعني تقضية وقت ^_^

الاخبار اول باول وطماشة بعد !