<font color='#000000'>هذه القصه .. من تحصل في كل مكان وكل زمان .. لكن في اسماء غير واشخاص غير ومواقف غير .. هذه قصه تحكي حب من نوع فريد ونقدر نقول من مستحيل انه ينتهي في زواج .. او استمرار .. هذه القصه تحجي حب بين انسانه في مقام عالي و انسان عادي .. انسانه لم تعرف هذا الشخص ولم هو يعرفها هي بديره وهو بديره اخرى .. وكان الرابط بينهم رابط الحب وشبكات ,, قصة انا ودبدوبي قصه من نوع فريد .. وان شاء الله تعجبكم .. اخوكم الكاتب اللورد الكويت ''
-------------------------------------------------------------------------------
سلوى : بنت من عائله كبيره ومعروفه في الامارات وله صلتها وتجارتها الكبيره .. وكانت هذه انسانه به الغرور القليل وجمال الكبير وذكاء العظيم .. كانت بنت في عمر الزهور تدرس في جامعه تخصص تجاره واعمال .. وكانت وحيدة ابوها وكان امالها انه بعد عمرها تكون هي صاحبة هذا المال الذي تعب لين جمعه كله .. وكانت سلوى غير ما كانت تحب هذه امور كانت تحس انها مدمنه على النت .. ولا تفكر الا فيه .. ومع هذا مال كله وعيشه هذه كانت تحس في فراغ كبير ..
خالد : شاب عادي .. يتيم ابو و ام .. الذي فقدهم مستشهدين في الغزو الغاشم على دولة الكويت .. وكان خالد وهو صغير متعلق في ابوه وامها .. لكن تكفلت فيه عمته .. وكانت نعم ام و اب .. وكان خالد توه متخرج من ثانويه وينطر لين يقبل في الجيش .. كان حلمه انه يكون ضابط في جيش .. وكان يقضي اجازة الصيف مع صدقيقه الوحيد الانترنت ..
في يوم من ايام كان خالد في شات ينطر واحد من ربعه .. يدش علشان يبداء المغازل في رومات الياهو .. وكانت سلوى توها داشه شات الياهو ولا تعرف فيه شي بس حب استطلاع .. بسبت ما قالت لها بنت عمتها عنه وانه روعه في طباعه وصوت وفيه ناس وايد دمهم خفيف ..
وكان نك سلوى الزعيم .. وكان نك خالد السيف .. وكان خالد مسوي لويه وصراخ في رومات وكانت سلوى متلعوزه من صراخه .. جان تدش عليه برايفت
الزعيم : يا اخوي شويه اعقل صراخ اذاني انفجر ت من صرخك..
السيف : اقول لحظه ..
الزعيم : اخوي شويه بعد حلجك عن مايك شنو اول مره في حياتك تشوف مايك ..
السيف : لا حول ولا قوة الا بالله العلي العظيم .. انت شتبي ؟؟
الزعيم : ابيك تسكت شفيه طباعه اطبع لين تشبع وعبر عن الي فيك ..
السيف : اقول جب جب ..
الزعيم: الغلطان مو انت انا الي غلطانه الي سمعت كلام بنت عمي ودشيت هني بس والله ما ادش هني لو على قص رقبي .. يالله اذلف يا غبي ..
خالد حس انه الي تكلمه مو ولد انه بنت .. ..
السيف : لحظه لحظه لا تطلع .. ابي اقول شي خاص .. ممكن تضيفني عندك في مسنجر الياهو ؟؟
الزعيم : شنو ضفتني على كيفك ولا تاخذ راي ..
السيف : مثل ما ضفتك ضيفني ..
الزعيم : اقول جب جب .. ويالله باي يا غبي ..
السيف : كيفج .. روحي ؟؟
الزعيم : شلون عرفت اني بنت ؟؟
السيف : ما قلتي باي .. يالله باي ؟؟
الزعيم باي ..
وبعد اسبوعين من سالفه وكل منهم نسى السالفه .. كانت سلوى مضايقه انه ما في شي وكل موجودين عنها في لسته محد موجود .. جان تقول خني اشغل ياهو .. اوووووه نسيت اني مو ضايفه اي احد . .يالتني ضفت هذاك مدري شنو نكه خنجر سيف معرف ايش ؟؟
السيف : قووووووووووووووووه
سلوى : بسم الله الرحمن الرحيم .. والله لو ذاكره مليون جان يت .. هذا شلون طلع لي ..
السيف : قنااااااااا قوووووووووووووه ..
الزعيم : هلا ..
السيف : الناس يقلون الله يقويك .. مو هلا ..
الزعيم : شدراني ..
السيف : اهااا ايل انتي مو كويتيه ؟؟؟
الزعيم : لا والله ما صار لي شرف ..
السيف : ايل منو وين ؟؟
الزعيم : وانت شكوو؟
السيف : خوش ديره .. بس وين هذه ؟؟ ابي اروح لها الصيف هذا ؟؟
الزعيم : ( كانت ميته من ضحك ) هذه الله يسلمك فوق الكويت بضبط ؟
السيف : العراق .. حسبي الله عليج تبين تذبحيني .. هناك يشمون ريحت كويتي والله ما يخلون غير ملابسه الباقيه .. مدري شنو بينها وبينهم ..
الزعيم : زين زين .. بلا صراخ ولويه .. انا من الامارات ..
السيف : يا هلالالالالالا والله بشعب زايد .. شعب الخير والله ودار الزين ..
الزعيم : مشكور بس عن نصب ما نوزع دراهم ..
السيف : ومن قال لج ابي دراهم .. ابي اتعرف عليج ممكن ؟.؟
الزعيم : زين لو تعرفت علي جم راح يكون رقمي عندك ؟؟
السيف : ااها قصدج من بنات .. لا ما تخافين رقم مميز راح اعطيك رقم واحد ..
الزعيم :ياكبره عند الله والله .. استغفر لا يطيح السقف ..
السيف : لو طاح سقف مشكلتج اختي لانك مو بانين الغرفه عدل وابوج تبخل في فلوس السمنت ..
الزعيم : لو سمحت لا تدش في سوالف ابو ولا مو ابو .. خلنا بيني وبينك..
السيف : اسف .. بس سوالف .. زين انتي من وين في الامارات ؟؟
الزعيم : من دبي ..
السيف : اهاا شلون مهرجانات عندكم ؟
الزعيم : حلوه بس ما اروح لهم ؟؟
السيف : زين صج ما تعرفنا عليج؟
الزعيم : انت في اول ؟؟
السيف : انا اسمي خالد عمري 19 سنه وجم شهر ..
الزعيم : يعني لين الحين نونو . ..
السيف : اي نونو .. وانتي ؟
الزعيم : انا اسمي سلوى .. وعمري 20 سنه ..
السيف : الي يسمعج لما تقولين نونو عبله عمرج في ثلاثين .. شنو فرق بينا يا شاطره جم شهر ..
الزعيم : الفرق بينا مو جم شهر .. الفرق بينا كبير ..
السيف : شنو يعني ..
الزعيم : يعني اكبر منك بيوم افهم منك بسنه .. وشنو الحين انا جم سنه اكبر منك .
السيف : جب جب .. الحين خلينا نتعرف على بعض ..
الزعيم : كان ودي بس الضروف ضدي .. باي باي .. ابي اروح انام ..
السيف : نوم عوافي وتغطي زين ..
سلوى .. حست في شعور وحست انها من زمان ما سمعت هذه كلمه .. كانت طول عمرها تنام ولا احد قال لها هذه شي لانه كانت تحس انها وجوده مثل عدمها ولا احد يهتم فيها ..
الزعيم : الله يعافيك ومع السلامه ..
وطلعت .. وبعدها دشت على طول ..
ياربي وينه هذا الحين .. نسيت اضيفه عندي ..
السيف : احم احم
سلوى فرحت ..
الزعيم : كان ودي اقولك متى راح اشوفك بعدين ؟؟
السيف :انا موجود كل وقت اكل واشرب على النت ما اخليه ..
الزعيم : حلو .. ايل ابي اضيفك عندي ..
السيف اوكي ..
وراحت سلوى وحطت راسها على مخدها .. بس كانت تفكر في كلمه الي قالها لها خالد .. اغمضت عيونها وفي باله كلمه هذه ..
الساعه 10 الصبح .. قامت سلوى وكان في بالها خالد .. تروح وتيي في غرفتها الكبيره بس خالد دايم على بالها .. ما تدري ليش؟؟ المشكله هي كلمت شباب وايد بس ليش خالد ما تدري ليش .. وساعه 12 الظهر بعد ما صلت عزمت تدش النت تشوف خالد .. دشت وشافت خالد موجود في الياهو .. ودز لها انفيت .. ودشت الروم ولا فيه سبعه ثلاث شباب و اربع بنات ..
حست في شعور لما شافت خالد كله يتكلم ويغازل في بنات .. دشت عليه برايفت ..
الزعيم : احم احم .. اشوفك عايش في نعيم اربع بنات وكل وحده ماسكه حلجه من ضحك عليك .. وتقول انا رقم واحد .. عن جذب اخوي ..
السيف : اقول جب جب .. هذيل كلهم مرتبطين في ناس في ياهو عندنا وانا بس جي .. والله العظيم ما احب اي وحدها فيهم ..
الزعيم : اي الحمدالله .. ( ولا درت شلون كتبتها )
السيف : شنو تغارين علي ؟؟ ما تخافين انا لج انتي وبس ..
الزعيم : لا والله وانت شنو اغار عليك ..
السيف : انا خالد ..
الزعيم : ويعني شنو خالد ؟؟
السيف : انا ما راح اتكلم ابي اخلي ايام هي الي تقولج ..
الزعيم : اي ان شاء الله .
طلع السيف من الغرفه .. وكمل ويه الزعيم ( سلوى ) برايفت ..
السيف : تصدقين سلوتي .. اني لين الحين سهران ؟؟
الزعيم : اول شي انا اسمي سلوى مو سلوتي .. وثاني شي شنو مسهرنك لين الحين مغازل ؟؟
السيف : لا والله بس جي وسوالف .. زين ممكن خدمه ؟؟ ابي اشغل الصوت ؟؟لانه اصابعي ورمت من كثر ما اطبع ..
الزعيم : اوكي بس انت الي تكلم مو انا ؟.؟
السيف : عارف .. اوكي ..
الزعيم : اوكي ايل لحظه ابي ادور مايك في درج ..
السيف اوكي .. وصار يدز مسجات وراى بعض يضحك على سلوى ..
السيف: مو هني في درج ثاني
السيف: لالا في درج اول ..
السيف: اقولج دوري عدل ممكن هني ولا هناك .
الزعيم: بس خلاص اسكت خني ادور .
السيف: اوكي لا تصارخين علي شنو شريتني ولا شاريتني ؟
الزعيم : تره ما في صوت ..
السيف: لالا اوكي خلاص ابي اسكت ولا اتكلم ..
ركبت مايك سلوى وطلبت محادثه صوتي وافق عليه خالد ولا تكلم .. قاعد ساكت .. وطول ولا تكلم وسلوى استغربت عبالها لين الحين ما شبك الياهو على صوت .. وبدون شعور قالت ..؟
سلوى : وين هذا الغبي طول ؟؟
خالد : ( بصوته ) احم احم .. غبي مره وحده حرام عليج ..
سلوى : بدون شعور ماتت من ضحك .. ومن احراج وسكرت مايك ..
خالد : قوووووووووه امارتيه ..
الزعيم : هلا ..
خالد : قنا قوه جم مره اقولج ينرد عليه ويقولون الله يقويك ..
الزعيم : الله يقويك ..
خالد : بذمتج ,, شنو رايج في صوتي ؟؟
الزعيم : يعني حلو ؟؟
خالد : حلوت ايامج .. تصدقين والله ريحتيني حيل حيل .. لاني والله تعبت من طباعه ..
الزعيم : شفت شلون .. شو تعطيني الحين جزاتي لي اني ريحتك .. لانه وانت عارف مافي شي بلاش ..
خالد : امممممممم .. تدرين ..اموووووووووووووووووح على خدج ..
سلوى لحظتها انحرجت وايد .. ولا قدرت تسوي شي .. غير انه صكرت الصوت ..
السيف: شفيك سكرتي صوت ..
الزعيم : شفيك انت ما تستحي .. وصدقني وعد مني ما راح افتح لك مايك مره ثاني تكلم جي ..
السيف .. والله اسف صدقيني قلتها بحسن نيه .. ولا شي اكثر والله العظيم .. انا اسف سامحيني ..
الزعيم : لا اسفه ما شي صوت تبي طباعه ولا كيفك ..
السيف : اوكي خلاص انا اسف واعتقد هذا جزاتي .. وانا راضي ..
الزعيم : اوكي تبي تسولف ولا اطلع ..
السيف : اوكي انتي في اي سنه في جامعه ؟؟
الزعيم : سنه ثانيه ؟؟
السيف بتوفيق ..
الزعيم :الله يسلمك .. وانت اي سنه ؟؟
السيف: انا توني مخلص الثانويه ونسبتي 70 وابي ادش لي ضباط الجيش ..
الزعيم : وليش ما تبي تدش لي جامعه احسن لك ؟؟
السيف: لا ابي اصير ضابط كبير واحارب صدام واذبحه ..
الزعيم : عفيه عليك شاطر بابا هههههههههههههههه ..
السيف : ياهل مو .. بس والله ما شفتي الي حنا شفنها ايام الغزو .. صج كنت ياهل صغير .. بس نقوم ونام على اصوات انفجرات ورشاشات ..
الزعيم : اي والله انا كنت صغيره بس كنت اتابع اخباركم .. والله كسروا خاطري الي كانوا يطلعون من الكويت .. وينادون على اهلهم في الكويت .. صدقني يا خالد انا كل يوم لما يطلع دعاء حق اسراء مالكم بعد كل اذان على صلاة اقول امين لما يخلص .. لانه والله مساكين صار لهم فوق 12 سنه هناك والله يصبرهم ويصبر اهليهم ..
السيف: اي والله . الله يصبرهم ويرحم شهدائنا .. الي بينهم امي وابوي ..
الزعيم : امك وابوك ماتوا ايام الغزو ..
السيف : .............
وسكتت سلوى .. و خالد 10 دقائق ..
الزعيم : انا اسفه خالد .. صدقني ما كان ودي اضايقك وافتح عليكم جروح ..
السيف : لالا عادي ما في شي ؟؟
الزعيم : شنو ما شي .. انا اسفه ..
السيف: صدقيني ما فيه شي .. بس جي حسيت في دمعه انزلت غصب ما ادري ليش..
الزعيم : خلاص ايل خنا نغير الموضوع .. شحالك خالد ..
السيف : حمدالله طيب .. بس سلوى .. ودي اتكلم في مايك ابيك اقولج كلمه واطلع ..
سلوى انحرجت .. لانه ما تبي ترد خالد .. لانه وعدت نفسها انها ما تخليه يتكلم في مايك ..
الزعيم : بس كلمه ..
السيف . اي بس كلمه ..
وشغلت مايك سلوى ..
خالد : ( بصوت ضعيف ومرتعش وعبره تخنقه ) ديري بالج على عمرج ومع سلامه .. وسكر مايك خالد ..
سلوى لحظتها ما تدري شنو تسوي ولا شنو تقول .. غير كلمه وحده قالتها لها ..
الزعيم : ان شاء الله ...
وطلع خالد وسكر جهازه .. وطالع لي صورة امها وابوها لما كانوا طالعين لي بحر قبل الغزو بجم شهر وكانوا ضامينه على صدرهم .. وتذكر المشهد الي كان يتكرر عليه وايد في كل لحظه .. لما كان يحن على امها وابوها يبي كوكاو وكان ايامها الكوكاو وماكولات الخفيفه شبه مقطوعه عن سوق بسبت العزو ونهب الي صار في جمعيات ..
خالد : يمه ابي كاكاو .. صار لي شهر ما اكلته حرام عليكم ..
ام خالد : يمه حنا في غزو وان شاء الله لما يروح ابي ايب لك ..
خالد : يمها صار لج اسبوعين تقولين جي .. ولا خلص الغزو ..
ابو خالد : انا ما اتحمل طلبات ولدج هذه والله كاسر خاطري انا ابي اروح ادور على كاكاو في جمعيات الي يمنا ..
ام خالد : خذني وياك مستحيل تطلع بروحك في حزه هذه الظهر ..
ابو خالد : خلج يا ام خالد عند ولد .. بره كلهم عراقين .. وانا خايف عليج وعلى ولد ..
ام خالد : ويعني انا الي ما اخاف عليك .. لا نعيش سوا ولا نموت سوا .. ما تسوى الدنيا بدونك يا ابو خالد ..
وطلعوا خالد وام خالد و ابو خالد .. ورحوا لي جمعيه بس في نزولهم لي مسافط جمعيها . .طلب ضابط عراقي هوية ابو خالد .. وعطها .. وصارت كلام بينهم وبين ابو خالد .. لكن ابو خالد تحمل مضايقتهم .. ومشى هو ويه حرمته ولد .. لكن تحرش ضابط في ام خالد ومد ايده النجسه على جسد ام خالد وصاحت ام خالد .. وكان من ابو خالد الا انه يدز الضابط عن حرمته .. ومن خست ضابط ونذالته مد ايده على سلاحه وضرب رصاصه خرقة راس ابو خالد ورصاصه ثاني في قلب ام خالد .. وركض خالد خايف ويبجي من بين الجنود لين ما شافه واحد من جيران ابو خالد .. وسكنه عندهم لين ما انتهى الغزو .. وبعدها عرف بيت عمة خالد ودها لهم .. وعاش عندهم .. وقاطع افكار صوت عمة خالد ..
عمة خالد : خالد شقاعد تسوي وحنا ناديك على غداء ولا تي ..
خالد : ( ودموع في عيون خالد ) هلا عمتي .. صدقيني سرحت شويه في صورة امي واتذكر لما خسيس لما ذبح اموي وابوي ..
عمة خالد : ياروحي والله وتمسح دموع من ويه خالد .. حبيبي امك ابوك شهداء .. وهذاك ان شاء الله الله لا يسامحه وان شاء الله ربك ما يخليه .. وانت الحين غسل ويهك وتعال تغداء ..
خالد : لا مشكوره انا اصلا لين الحين ما نمت ابي انام .. وبليل اتغداء ..
عمة خالد : اوكي ايل ابي اطفي ليت الحين .. وانت خذ راحتك ونام على طول ..
في هذه لحظه كانت سلوى .. جالسه عند بلاكونه .. تطالع لي سماء دبي الصافيه وكان الجو حلو .. وتفكر في خالد . ما تدري في شنو تفكر بس كان خالد في بالها .. تحول انها تنسى ولا تسوي اي شي علشان يروح عن بالها ما قدرت .. جلست تطالع لي تلفزيون .. وكان خالد في بالها .. حولت ما قدرت وجلست جي لين ساعه 9 بليل ودش النت وبغير شعور سكرت كل شي وخلت بس مسنجر ياهو فاتح .. وانطرت دخول خالد مرت ساعه وساعتين .. ولا دش خالد وقفت يم بلاكونه سرحانه وخايفه انه ما تشوف خالد الا صوت قوي من سماعات يدق .. ولا دخول خالد .. وراحت ركض حذفت روحها يم لاب توب على سرير واستانست لما شافت خالد .. دشت على خالد
الزعيم : وينك .؟؟؟
السيف: كاني ..
الزعيم : ههههههههههههههه كــــــــــــــــــــــــ ــــــــاني .. حلو هذه .. ههههههههههههه
السيف: عجبتج .. تره راس مصدع ولا اكلت شي لحظه ابي ايب لي بندول ..
الزعيم : بس اكلت شي .. لا تاكل بندول .. لين تاكل شي ..
السيف: اي بس انا تليفوني ما فيه رصيد وتليفون بيت مدري وينه وخدم نايمين وبيت هذا بيت دياجه من ساعه 10 كله نايم ..
الزعيم : ايل تدري عطني رقم مطعم .. ولا عليك ..
السيف: شنو تبين تسوين ؟؟
الزعيم :انت عطني رقم مطعم وحلفتك لا تاكل حبت بندول ولين اي مطعم امانه ..
ويعطيها رقم ..
الزعيم : شنو و دك تاكل ..
السيف: اي شي .. طلبي لي وجبة طلياني .. اوكي ..
الزعيم : اوكي
ودقت سلوى على مطعم الي عطها خالد دولي ..
سلوى : الوو السلام عليكم ..
مطعم : عليكم السلام .. لو سمحت واحد وجبة طلياني ..
مطعم : اوكي بس ..
سلوى اي بس ..
مطعم : العنوان شنو؟؟
سلوى لحظه لو سمحت ..
الزعيم : شنو عنوان بيتكم بسرعه ..
السيف: ويعطيها العنوان ..
سلوى : اوكي اخوي هذا العنوان بس بسرعه لو سمحت ..
مطعم : اوكي ان شاء الله .
الزعيم : اوكي ان شاء الله ربع ساعه ويجي مطعم ..
السيف : ان شاء الله ... بس انا اسف ما كان ودي اخسرج ..
الزعيم : لا ما شي خساير .. بس اهم شي لا تاكل بندول على جوع مو زين لك ..
السيف : سلوى والله مدري شنو فيني صداع ذابحني ..
الزعيم : ......
السيف : سولفي خليني انسى العوار ..
الزعيم : شنو اقول والله ما ادري شنو اقول ..
السيف : اخاف انتي مشغوله ؟؟
الزعيم : يا غبي والله داشه علشانك ومسكره كل شي ومخليه بس دريشه هذه .
السيف : اوكي يا هبله ..
الزعيم : هبله في عينك .. شو هبله ..
السيف : زعلتي ..
الزعيم : لو سمحت ماله داعي هذه كلمات .. شو هبله ..
السيف : اوكي بس انا ما زعلت لما تكررين علي كلمة غبي ..
الزعيم : يعني شو .. وحده بوحده ..
السيف : اممممممممم يعني ..
الزعيم : اوكي يا غبي .. ما راح اقولها مره ثانيه . .
السيف : اوكي يا هبله .. وانا مراح اقولها مره ثانيه ..
السيف لحظه جنه جاء مطعم ..
ورح شويه خالد ورد وابيده طلب مطعم ..
السيف : لحظه سلوى ابي اكل وارد لج ..
الزعيم اوكي . اكل على راحتك لا تستعيل ..
السيف: ان شاء الله ..
اكل خالد وشبع واكل ورها بندول .. ورد لي الزعيم .. ( سلوى)
السيف : باك ..
الزعيم : هني وعافيه .. ولكم باك .. اكلت بندول الحين ..
السيف : اي الحمدالله ..
الزعيم : وان شاء الله الحين بخير ..
السيف: شدعوا عفيه بندول صاروخ مو بندول يطير عوار جي .. نطري شويه وان شاء الله يروح ..
الزعيم : اوكي ..
وسكتوا لحظه ..
الزعيم : خالد شفيك ساكت ..
السيف : سلوى صدقيني عوار ذبحني ..
الزعيم : فديتك ..
السيف : شنو ؟؟ تفديني يا سلوى ..
الزعيم : ( انحرجت سلوى ,,) شفيك عاد لا تاخذ كلمه في معنها جي .. بس جي كاسر خاطري ..
السيف : اها اا .. عبالي تحبيني ..
سكتت سلوى ولا تدري شنو تكتب .. تبي تقول اي ولا تدري تبي تقول لالالا .. وهم ولا تدري .. شنو شعورها بضبط لي خالد ..
الزعيم : اقول بلا سوالف ماسخه .. خلنا الحين علمني .. شنو تسوي طول اليوم في عاده يعني ..
السيف : ماشي اقوم من النوم اتمشى في الغرفه .. واقعد على النت بس ..
الزعيم : يعني ما تطلع ولا تروح ويه ربعك ..
السيف : لالا انا مالي ربع غير هذا .. وحتى لين الحين ما طلعت رخصة سواقه .. لانه مو محتاج لها .. كل وقتي اقضيه على النت .. زين انا وعرفتي وانتي؟
الزعيم : والله يا خالد انا طول وقتي هني في غرفتي .. تصدق صار لي اسبوعين ولا شفت اهلي .. ولا احد جاني .. بس خدم يجون ينظفون الغرفه ويطلعون .. وانا بس هني على النت ..
السيف: يعني حنا متشابهين ..
الزعيم : اي .. كلنا بيوتين ما نحب طلعه وجيه ..
السيف : صح ..
الزعيم : ممكن سؤال ..؟؟
السيف : هلا امري ..
الزعيم : لا يامر عليك عدو ولا ظالم .. بس انا عارف انك راح اجرحك .. بس ممكن تقول لي شلون ما توا ابوك وامك ..؟
السيف :........
الزعيم : خلاص خلاص .. امانه لا تقول .. بس لا تزعل ..
السيف : ما راح ازعل .. وابي اقولك ..
الزعيم : وغلات الي تحبه .. ما تقول اذا حسيت روحك راح تتضايق ..
السيف : لا ابي اقولج .. وقال لها سالفها كلها .. من اولها لين اخرها .. وسكت ..
السيف : ,,,,,,
الزعيم :..............
السيف : شفيج ساكته .. ؟؟؟
الزعيم : لا ما شي .. بس جي .. ( وكانت لحظتها عيونها تدمع على الي سمعته )
السيف : سلوى راسي وايد عورني .. ما اقدر اقعد وياج اكثر ابي اطلع ..
الزعيم ( ضاق خلق سلوى لانه خالد يبي يروح ويخليها ) الله وياك .. ونام لا تقعد على النت ..
السيف : اكيد لو ابي اقعد جان قعت وياج انتي احسن .. يعني ابي القى غيرج اقعد وياها ..
الزعيم : مشكور خالد ..
السيف : اوكي ايل ..
الزعيم : تقاطعه .. خالد تقدر تقعد لو تكلمت في مايك ..؟؟؟
السيف : يمكن لو قعت مرتاح على الفراش ..
الزعيم : اوكي ايل ابي اشغل لك مايك وراح ترتاح ..
السيف: بس انتي وعتي روحج انج ما تشغلين مايك لي ؟؟
الزعيم : يا غبي انسى .. انا ابي انسي روحي انت تي وتذكرني ..
السيف : هههههههههههههههههههههه .. اوكي
خالد : اي جي شحلاتي على مايك .. ومتغطي في فراش ..
الزعيم : هههههههههههههه .. يعني ريحتك ..
السيف : بصوت هادى .. اي والله ريحتيني مشكوره سلوى ..
الزعيم : ( ما درت في شنو حست في كلمه هذه كانه يت على قلبها ) العفوا يا خالد
السيف : زين سلوى طلبتج ممكن خدمه ؟؟
الزعيم : امرني ؟؟
خالد : ابي اسمع صوتج لانه صدقيني والله العظيم ما اقدر اطالع لي شاشه .. وابي نتكلم انا وياج صوت ..
الزعيم : بس والله استحي ؟؟
خالد : لا شدعوا ما في بينا مستحى .. تكلمي عادي ..
وتكلمت سلوى ويه خالد وحس خالد انه طاير من فرحه ... لانه يسمع صوتها ..
واستمر خالد ويه سلوى في الكلام كل يوم لي مدة اسبوعين وحس خالد انها في كلام ودها يقولها لي سلوى بس ما يعرف شنو هو ؟؟ وهي بعد حست في الي حسه خالد .. بس كانت ما تدري شلون تعبر شلون تقول؟؟
خالد : سلوى تصدقين في كلام ودي اقوله لج ولا ادري شنو اقول .. ولا شنو ابداء ..؟؟
سلوى : شنو خالد قول لا تستحي ..
خالد : انا كل ما اشوفج ارتاح وايد .. ولما تغيبين عني افكر فيج .. ؟؟ ما ادري ليش ؟؟ معرفتي فيج ما طولت وايد بس احس انج كل شي في حياتي .. ؟؟ تقدرين تفسرين لي هذا كله ؟؟
سلوى : حتى انا والله يا خالد كانك تقول الي انا احس فيه .. خالد شنو هذا تعتقد ؟؟
خالد : ( ارتاح من كلام سلوى وحس انهم خلاص حبوا بعض ) تقدرين تلخصين هذا بكلمه يا سلوى ؟
سلوى : ( فكرت ) اي اقدر !!
خالد : شوفي خلينا نكتبها سوا! شنو رايج؟؟
سلوى : اوكي خالد .. اكتبه وبوقت واحد نبي نرسله لي بعض ..
خالد: اوكي .. ( كتب خالد .. احبك..) ورسله لي سلوى ..,
سلوى : ما صدقت الي شافته وقفت من صدمه في مكانها .. وردت الكرسي لي وراى .. وطالعت لي كلمته الي كانت كاتبتها .. وكانت ( ارتاح لك ) ,,, وقالت .. خالد مو كانك استعجلت شوي .. ؟؟
خالد : اخذ نفس .. صدقيني يا سلوى .. هذا الي احس فيه وانا مو ياهل علشان استعيل في كلامي .. صدقيني احس كل يوم عن يوم يزيد حبج فيني .. سلوى انتي بنت ما شاء الله عليج جامعيه وذكيه .. وتعرفيني عدل وانا ما عمري خبيت عنج شي كنت اقولج الصغير قبل الكبير .. وتعرفيني لو اضحك عليج ولا ما اضحك ..
سلوى : بس تدري انا شو كنت ابي اقول لك ؟ كنت ابي اقول لك يا خالد .. انا ارتاح لك ..
بس حب ما اعتقد .. اعتبر اخو اعتبرك ربيعي .. اي بس حبيبي يا خالد ما ودي اضحك عليك .. واعشمك في شي انا مو قادره عليه ..
خالد : ( يسكت لحظه ) سلوى انا راضي .. وراضي هم ان اكون حبيبي من طرف واحد .. عارف انه اصعب شي انك تحب من طرف واحد .. بس انا راضي .. وكلي عشم انه يجي يوم تحبيبي كحبيب ..
سلوى : بس يا خالد انا ما ارض لك عذاب هذا كله ..
خالد : انا راضي .. وخلاص انتهت سالفه .. بس ممكن طلب وامانه وامانه لا ترديني ؟؟
سلوى : امرني ..
خالد : ابيج تسمحين لي اني اقولج احبك .. امانه ..
سلوى : اوكي بس مو ايد تراني انحرج .. ولا اقدر اتحجى ..
خالد : اوكي ..
واستمروا على هذا موال .. اسبوعين ثانين .. وكان خالد في كل يوم يحب سلوى زياده ..
كان يحس انها كل شي في حياته .. كل شي في عمره .. كل شي في دنيته ... وكانت سلوى مستحيل تستغني عنها وكان من ودها من داخل انه تحب خالد .. بس مو قادره ..
وفي يوم وكان خالد شويه مصدع ومعصب ولا يدري من شنو .. وسلوى تاخرت عليه ولا دشت مثل عوايدها كل يوم ودشت ساعه 2الفجر ..
السيف : سلوى بسرعه شغلي مايك ابي احجيج ..
الزعيم : شفيك خالد ؟؟ ليش جي معصب ؟؟
السيف : شغلي مايك ابيج ؟؟
الزعيم : اوكي ..
سلوى : شحالك خالد ؟؟
خالد : سلوى وينج طول هذه مده وين رحتي ؟؟
سلوى : كنت في عرس لي وحده من خوات رفيجاتي ..
خالد : وليش جي طولتي ..
سلوى : خالد والله حتى ما غيرت هدومي .. شفيك ؟؟
خالد : شنو شفيني ساعه 2 الفجر .. وتوج جايه .. شخليتي حق اهل معرس ..
سلوى : خالد .. ليكون عبالك تحكم فيني وين اروح وين اجي .. لا يبه .. ما نخلق الي يتحكم فيني ..
خالد : صج هذه مره اقولج انتي غبيه .. شنو شايفتني ياهل اتحكم فيج روحي جي وتعالي جي سوي جي ولا تسوين جي .. لا يبه انا مو مثل هذيل شباب .. انا اكبر من جذي .. يا سلوى .. حرام عليج ( وقالها بصوت مرتعش) انا قمت احاتيج .. جاء في بالي الف شغله وشغله .. كنت خايف عليج وايد .. فرضي لو تعطلت سيارتج في درب .. الدنيا ما فيها امانه .. والله لو صار فيج شي صدقيني ما راح يكفيني الدنيا هذه كله .. والله اموت من قهر علشانج .. سلوى .. انتي وياي تسمعيني ..
سلوى : ( وهي منصدمه وحطيه ايدها على قلبها ) اي وياك ..
خالد : سلوى صدقيني من كثر ما افكر فيج عورني راسي .. سلوى يا غبيه انتي شعرفج .. والله ما ادري شنو اقول وشنو اعبر .. احس من خوف مدري شنو اقول ..
سلوى : لا تقول شي .. انا ابي اطلع .
خالد : اوكي .. بس لا تزعلين مني يا سلوى انا عارف اني الي قلته كبير وعصبت عليج .. بس صدقيني من خوفي عليج ..
سلوى : ( قاطعته ) خالد انت تخاف علي؟؟
خالد : اي اخاف عليج .. وكل ما زاد حبج في قلبي اخاف عليج زياده . .
سلوى : خالد امانه خلني اروح .. امانه طلبتك لي اول مره .. خالد احس راسي يبي ينفجر ..
خالد : قبل لا تروحين جاوبيني .. انتي تعشيتي ؟
سلوى : اي ..
خالد : ايل روحي نامي .. بس امانه اقري على روحج قبل لا تنامين .. اخاف احد حط عينه عليج في عرس ولا ذكر الله ..
سلوى : ( ساكته .. ولا تدري شنو تقو ل) ان شاء الله خالد ..
وطلعت سلوى .. ولا حست في روحها الا هي تبجي .. ليش تبجي ما تدري حولت توقف دموع لكن ما قدرت .. حولت و حولت .. لكن ما قدرت .. ونامت وهي تبجي ..
العصر ساعه 4 العصر في توقيت الامارات ..
كانت سلوى توها قايمه من نومها .. تطالع لي سقف الغرفه .. وكانت تفكر في كلام خالد .. وتذكرت انه حتى امها ما كلفت روحها ودقت عليها لما تاخرت في عرس .. وهي امها .. محد في بيت كان مهتم في امرها .. ولا احد كلف روحها ودق على باب غرفتها وسئلها شنو تبي ؟؟ وشنو مضايقها .. تذكرت انها مرات كانت تبجي بروحها في غرفه ولا احد يحس فيها .. كان عندها كل شي بس حاسه انها فاقده كل شي .. ولحظه فزت من فراش وحطت ايدها على قلبها .. وقالت بصوت عالي اهتزت فيها الغرفه الكبيره خــــــــــــــــالد .. فديتك شنو فيك الحين .. في هذه لحظها كانت ساعه 3 العصر في توقيت الكويت كان خالد طايح في الغرفه منغمي عليه ..
عمة خالد تدق باب على خالد ولا احد يدر عليها .. لين ما فتحت باب ..
عمت خالد : خالد غداء .. يا ويل قلبي ..( وتركض لي خالد ) خالد شفيك .. خالد ..
وتصيح على خدامه .. ميري ميري .. جيبي ماي بسرعه ..
وتركض خدامه وابيدها ماي وتخذ ماي وتحول تشرب خالد وتمسح على ويها . .. لين قام ..
خالد شفيك ..
خالد : ما ادري كنت ابي اقوم من فراش حسيت في دوخه وطحت ..
عمت خالد : لزم تروح اليوم لي مستشفى تسوي فحص ..
خالد : عمه ماله داعي دوخه بسيطه .. بسبب صداع امس ولين الحين فيني .. صدقيني اكل بندول .. وان شاء الله ما فيني شي ..
عمت خالد : ان شاء الله .. بس لو تروح لي مستشفى يكون احسن يا خالد :
خالد: ماله داعي ..
في هذه لحظه كانت سلوى .. تفتر في غرفه وخايفه وتبجي .. وتحس انه خالد كان فيه شي .. حست انه راح تفقد انسان كبير عندها .. وحست من خوف انه قلبها يطلع من مكان ..
وشبكت على النت وجلست ساعه وهي حدها خايفه .. كانت تنطر خالد انه يشبك لكن هي عارفه انه ما راح يشبك العصر لانه متعود بس بليل .. لكن صار الي ما توقعت وشبك خالد .. وبسرعه دشت عليه ..
الزعيم : شغل صوت ابيك ..
السيف : شدعوا ما في حتى سلام ..
الزعيم : شغل صوت تره الي فيني مكفيني ..
السيف : شفيج حبيبتي .؟؟
الزعيم : خالد امانه شغل صوت ..
وشغل صوت خالد
خالد : قوووه سلوى ..
الزعيم : تكلم في صوت عالي ابي اسمعك عدل واطمئن عليك ..
خالد : وليش ما تكلمين بس تطبعي ..
الزعيم : مايكي خربان ..
خالد : اهاا بس انا اسمع صوتج لما تطبعين ..
الزعيم : اسكت .. خالد فيك شي ؟؟
خالد : لا ما فيني شي ؟؟
الزعيم : جذاب فيك شي ؟؟ شنو صار لك خالد ؟؟
خالد : ( وهو مستغرب ) صدقيني ما فيني شي .. هو بس توني انغمى علي وحسيت في دوخه وبس .. شكله من سهر .. وقلت اكل ..
سلوى : تشهق .. يا غبي .. ( وهي تبجي ) وانت ليش ما تاكل .. اي اوكلك يعني والله غبي وراح تم غبي .. بس احبك يا غبي .. ولا ابيك تيصير فيك شي ..
خالد : نعم ما سمعت .. عيدي كلامج كان يقطع ..
سلوى : ( تسكت وتبتسم ) جذاب سمعت .. ولا راح اعيده لك ..
خالد : امانه من صجك انا في علم ولا خيال .. قلتي احبك .. اخيرا .. بعد هذا كله قلتيها ..
سلوى : بصوت عالي .. اي احبك .. احبك والله .. والله العظيم احبك .. انا اول وحده ولا اخر وحده احب غبي .. واحلى غبي .. بس والله لو صار فيك شي لا اذبحك ..
خالد : يضحك ( وسكت )
سلوى : شفيك خالد .؟؟
خالد : ما ادري بس احس قلبي يطق بسرعه .. مدري ليش .. اخ اخ ..
سلوى : يا عمري شفيك ..
خالد : ما ادري بس جي عوار بسيط جاني في قلبي ..
سلوى : فديت قلبك .. امانه تروح لي مستشفى ..
خالد : لا ماله داعي .. انا اصلا باجر رايح لي فحص قبول في كلية العسكريه ..
سلوى : ان شاء الله خير بس لين باجر والله راح احاتيك .. وايد ..
خالد : لا ان شاء الله ما في شي ..
سلوى : ان شاء الله
اليــــــــــــــوم التالــــــــــــــــي ..
دخل خالد الكليه وهو كان حاس في دوخه وصداع .. وهو اقف قدام طابور ينطر الدور ..
فجاء طاح على ارض .. مغمي عليه وشالوه الناس ودخلوه على دكتور في عيادة الكليه ..
الدكتور : خالد .. انا اسف بس بعد فحص طلع فيك عيب خلقي في قلب .. ومشكله انت تاخرت وايد عليه .. ولزم تسوي عمليه .. لانه قلب عندك يوقف وبعدين يرد ينبض .. وياخوفك يوقف على طول .. والحين لزم تروح لي اقرب مستشفى علشان تسوي عمليه ..
خالد : ( منصدم من صراحة الدكتور .. ولا حس الا في باله غير سلوى ) دكتور ما يصير اخليه باجر ..
دكتور: ليش يا خالد ليش نتاخر .. حنا الحين قومناك في صدمات كهربائيه .. ولزم الحين تروح لي اقرب مستشفى على اسعاف ..
وقام خالد وطلع من غرفه ودكتور يناديه .. وركض في ممرات المستشفى وطلع من كليه ولين وصل لي سياره .. هو مو في باله غير سلوى .. حلم الكليه .. وحلم انه يكون ضابط كبير .. تلاش .. وبقاء حلم واحد هو سلوى ..
ودش الغرفه .. وكان في حاله متعبه حيل .. وشغل النت .. وكانت سلوى توها طالعها .. جان يصرخ خساره .. راحت .. ياربي طول في عمري شوي بس ابي اكلمها ..
جان ترد سلوى ولا كانت تدري ليش ردت حست انه خالد رد ..
الزعيم : ولكم باك حبيبي بشر شنو سويت ؟؟
السيف : شغلي مايك .. ما اقدر اطبع ..
سلوى : حبيبي .. شنو فيك؟؟
خالد : ( قال لها كل شي ) حبيبتي هذه سالفه ..
سلوى : وهي تبجي .. يا غبي ليش تسوي جي .. انا شنو قلت لك ما قلت لك لا تهمل روحك .. حرام عليك يا خالد ..
خالد : انا يت علشانج .. ابي اكلمج قبل لا اسوي العمليه ..
سلوى : حبيبي العمليه مضمونه ؟؟
خالد : تحبيني .. سلوى ..
سلوى : يا غبي جاوبني .. العمليه مضمونه ..
خالد : تحبيني سلوى ..
سلوى : (تصارخ ) .. اي احبك .. وشنو لقيه فيك ما ادري غبي والله العظيم غبي .. بس احبك .. اي احبك .. واموت فيك .. خالد جاوبني العمليه مضمونه ؟؟
خالد : ( يضحك ) ما ادري .. كافي الي سمعته منج ..
سلوى : خالد شوف هذا رقم مبايل مالي .. ابيك تلكلمني كل يوم .. وعطني رقم تليفونك ..
خالد : سلوى .. ابي ادز لج هديه .. وابي ادزها لج على طرد اليوم ابي اروح اشتريها ..
سلوى : ياربي انت شو .. ما تفهم .. والله ما تفيق حضرتك .. شنو هديه وشنو خرابيط .. والله ابي اذبحك .. اذلف عن ويهي ..
خاالد : امانه سلوى .. وغلاتي عندج ..
سلوى : تبي تينني .. مينون انت ..
خالد : زين شوفي انا ما ابي اطلع .. ابي ادز لج هديه هو دبدوب عندي قديم .. بس جنه يديد .. كانت احبه وايد .. تخيليني انا هو .. اوكي ..
سلوى : اوكي .. وهذا عنواني في امارات .. بس الحين خلاص اذلف عن ويهي ورح لي مستشفى .. خل عمتك توديك ..
خالد : سلوى .. شنو راح تسوين لو مت ..
سلوى : لحظتها .. ما قدرت تمسك روحها .. ( وبجت .. وبجت خالد ) والله اذبحك لو مت ..
خالد : يضحك .. شلون تبذحيني وانا ميت اصلا ..
سلوى : خالد حرام عليك روح امانه .. لا تقطع قلبي ..
ويطلع خالد ويروح ويه عمته لي مستشفى ولكن في مستشفى عند باب دخول طاح خالد .. وشالته عمتها ويه المراجعين في مستشفى ودخل خالد لي عنايه مركزه ..
وكانت سلوى .. حالتها لا يحسد عليها .. لا تاكل ولا تشرب بس ماقبل لي لاب توب تنطر دخول السيف .. وبعد اسبوع .. وكانت حالت سلوى حيل تعبانه .. طق تليفونها ولا رقم من الكويت ..
خالد : بصووووت ضعيف .. قوه ..
سلوى : خالد .. هلا ..
خالد : لين متى اعلم فيج ... ينرد عليهم يقولن الله يقويك .. مو هلا ..
سلوى : ( وهي منصدمه وخايفه ) خالد .. انت وينك ..
خالد : انا في بيت ..
سلوى : شنو .. طلعت من مستشفى ..
خالد : اي طلعت وابي اكلمج على النت الحين .
ودشت سلوى النت .. بس على كثر مهي مستانسه لانه سمعت خالد لكن كانت خايفه ..
السيف : شغلي مايك ..
الزعيم : اوكي ..
خالد : شلونج حبيبتي ..
سلوى : شنو سويت خالد طول هذه مده .. ما في شي .. رقدوني في عنايه مركزه .. وطلعت .. تبين الصج .. طلعت على مسؤليتي .. علشان اشوفج لاني مشتاق لج وايد وايد وايد ..
سلوى : يا غبي .. والله شو اسوي فيك .. انت شو ما تفهم .. انا ما ابيك .. روح .. اذلف عن ويهي . انا ما احبك .. اصلا كنت اجذب عليك .. انا ما احبك افهم يا غبي..
خالد : ( وهو مو فاهم الي يصير ) انت من صجك ..؟؟
سلوى : اي ما احبك .. ما احبك ..
وطلع خالد من النت وحس انه قلبه يبي يوقف من صدمه .. وطلع من غرفته ومشى في صاله ولا يطيح .. وتنادي خدامه على عمته .. وتركض وتودي لي مستشفى .. ويترقد خالد في عنايه مركزه مره ثانيه .. بس كانت حالت اصعب من حالته قبل .. تعب حيل ..
وكانت سلوى تبجي ليل ونهار وخايفه حيل على خالد .. وبعد ثلاث ايام دقت سلوى على خالد .. ولكن يدق ولا يرد .. لين في اخر مره ردت عمت خالد ..
عمت خالد : الوو ..
سلوى : السلام عليكم ..
عمت خالد : عليج السلام يا هلا .. امريني اختي ؟؟
سلوى : انتي عمت خالد مو ..
عمت خالد : اي .. بس انتي منو ؟؟
سلوى : حلفتج ومعزت خالد عندج شلون خالد ؟؟
عمت خالد : وانتي شكو مو عيب عليج تدقين على عيال خلق الله .. يالله ذلفي عن ويهي ..
وصكت تليفون عمت خالد .. واستمرت سلوى تدق لين ما تعبت عمت خالد في تطنيشها جان تسكر الجهاز .. جان تدز مسج سلوى .. وتقول فيه " امانه والي يخليج خالد .. والله خايفه عليه حيل ودي اسمع صوته بس "
ولما شافت عمت خالد .. حن قلبها على البنت ودقت عليها ..
سلوى : الو ..
عمت خالد : انا اسفه .. بس تعرفين الدنيا .. وانا اخاف على ولد اخو ي..
سلوى: امانه خبريني هو شحاله الحين ...؟؟
عمت خالد : ما ادري شنو اقولج بس حالته تعبانه حيل ..
سلوى : وهي تبجي .. امانه ودي اسمع صوته .. ممكن يرتاح .
عمت خالد خلاص اليوم العصر راح تسمعين صوته .. وتكلمينه ..
ورحت لي مستشفى .. وقابلت الدكتور قبل لا تروح لي غرفة خالد ..
الدكتور : والله ما ادري شنو اقول لج .. بس خالد حيل تعبان .. وحيل قلبه تعبان ..
عمت خالد: يعني في امل يعيش..
الدكتور : العمر عند رب العالمين .. ما حد يدري متى يموت .. بس في العلم .. خالد حالته حرجه حيل ..
ولا قدرت تصبر سلوى اكثر .. جان تدق على عمت خالد ؟؟
سلوى : ها .. وين خالد .. ما قدرت اصبر اكثر ..
عمت خالد : الحين تكلمينه ..
يقاطعه .. الدكتور : عفوا اختي ممنوع تدشين في تليفون في غرفة عنايه مركزيه لانه خطر على اجهزه .. وعلى خالد ..
سمعته سلوى .. وقالت حق عمت خالد عطيني دكتور .
سلوى : الو دكتور ..
الدكتور :نعم امري ؟؟
سلوى : والي يخليك عيالك ويردك لي اهلك سالم .. تكفى برد قلبي .. والله راح اموت لو ما سمعت صوته .. صدقني هو الي صار له بسبتي .. امانه الي يخلي لك عيالك .. ممكن يساعده اذا سمعت صوتي ..
الدكتور : ما قدر يقول شي .. خلاص بس لا تطولين عليه لانه ممكن ياثر عليه وعلى اجهز الي عليه ..
سلوى ان شاء الله .. وتسكر تليفون ..
وتدش عمت خالد ويه دكتور ويصحى خالد ..
الدكتور :: لالالا ما فيك شي .. ما شاء الله عليك .. احسن من قبل ..
خالد : وين يا دكتور وانا كل يوم احس اني العن من اليوم قبله ..
الدكتور : الحين راح نعطيك خوش دواء راح يريحك .. ويطلع الدكتور ويغمز لي خالد ..
خالد : عمتي شفيه الدكتور ؟؟
عمت خالد : لا ما فيه شي ( وتضحك)
خالد : عمتي ابي اطلب منج طلب .. اذا صار فيني شي ..
عمت خالد : تقاطعه .. لا سمله عليك ما راح يصير فيك شي ..
خالد : امانه لو صار فيني شي .. في دبدوب في غرفتي وتحته ورقه فيها عنوان دزيه في طرد على عنوان هذا امانه عمتي ..
عمت خالد : ان شاء الله .. ويرن تليفون .. وتعطيه لي خالد .. وتطلع تمسح دموعه بره الغرفه ..
ويرد عليه خالد ولا يشوف الرقم ..
سلوى : شحالك خالد ..
خالد : هلا سلوى .. اشتقت لج وايد ..
سلوى : خالد صدقني انا جذاب انا غبيه انا هبله .. صدقني كل كلمه قلتها لك جذب بس علشان تروح لي مستشفى .. خالد انا احبك .. ولا اقدر اخليك تروح عني .. خالد انا ملي غيرك في دنيا .. لا تروح وتخلنيي امانه .. خالد انا محتجه لك .. ارجوك خلك يمي ..
خالد : وانا يمج حبيبتي ..
سلوى : خالد احبك .. والله العظيم احبك .. وانا غبيه .. وهبله .. ومينونه .. وقول الي تقوله .. بس امانه لا تخليني .. والله لو مت .. اذبحك .. شلون تصير ما ادري .. بس والله العظيم اذبحك ..
خالد : ااااااااااااااااااااالله .. عيدها مره ثانيه ..
سلوى : عارفه .. شنهي .. ( وبصوت عالي لي درجه انه طلع صوتها من براء غرفتها الكبيره ) احبــــــــــــــــــــــ ـــــــــــــــــــــــــ ـــــــــــك ..
خالد : سكت ( وبصوت يعتصر فيه الم .. وانا بعد والله احبك وراح ابقى لين اخر لحظه في عمري ااااا حبك ( بصوت متقطع ))
وسمعت سلوى صوت ضجيج .. وسكت خالد .. الى ابد ..
صرخت سلوى .. خالد .. رد علي .. خالد رد علي امانه .. خالد وينك .. وغلاتي ترد علي .. خالد لا تخليني .. خالد لا تخليني بروحي في دنيا .. منو يقولي احبك بعدك .. منو يقولي غبيه غيرك .. خالد .. حبيبي عمري .. رد علي .. حرام عليك الي تسويه فيني . .خالد .. احبك يا خالد . احبك يا خالد .. ويقطع صرخها صوت امها الي كانت مسكته ولا حاسه فيها .. سلوى شفيج .. ردي علي شفيج ؟؟
سلوى : ( وهي تبجي ) مات خالد يا يمه .. مات خالد ..
ام سلوى : ( وهي معصبه .) منو خالد .. ردي عليه منو خالد ..
ويجي ابو على صراخ ام و سلوى ..
ابو سلوى : شنو سالفه صياحكم واصل لين ميلس عند ريايل .. شنو فيكم ؟؟
ام سلوى : شوف بنتك الي مخلينه على كيفها واثقين فيه .. دشيت عليه وهي تصارخ في اسم ريال الله عالم منو يكون ..
ابو خالد : شوو .. سلوى صحيح الي تقوله امج ؟؟
سلوى : ( وهي تبجي ) وتطالعهم وعيونها كلها غضب وتدزهم وتركض لي مطبخ ..
وتاخذ سجين من طاوله .. وتجي ام تركض ..
ام سلوى : شو تسيون يا مينونه ..
ابو سلوى: خليه تموت ونفتك منها ..
سلوى : بعد موت خالد .. مالي عيشه في دنيا هذه كلها .. وترفع كم ايدها اليسار .. وتمد ايدها بغضب على شراين ايدها وتقصهم من سجين وتصرخ وتطيح على ارض .. وتركض ام تحول توقف نزيف .. وابو يركض ويشيلها ويوديها لي مستشفى ..
وبعد ما خيطوا ايدها ردت وهي منهارها وحبست روحها في غرفها .. وبعد اسبواع ..
دق باب بيت سلوى ساعي بريد السريع .. ومعه طرد خالد خذته خدامه ودتها عند ابوسلوى واستغرب من طرد .. واسم الي في طرد ..
ابو سلوى : تعرفين اسم هذا .. خالد محمد .. من الكويت ؟؟
ام سلوى : والله ما ادري عنها .. فكه خنا نشوف شنو فيه ..؟
وفك الطرد ولقى فيه ورقه ودبدوب ..
ام سلوى : لحظه ليكون هذا الجلب الي كانت تصيح فيه سلووووووووه ..
وفجاء سمعت سلوى صوت صراخ ابوها ..
سلوى : وهي تعبانه ويها مصفر .. نعم شتبي ؟؟
ابو سلوى : شنو شتبي .. انا ابوج يا جلبه .. وبعد هذا كله تقول لي شتبي ؟؟
ام سلوى : تجر شعر سلوى .. هاا شوفي هذا عشقج الي تحبينه داز لج دبدوب .. بس حريمتج تاخذينه راح احرقه قدامج .. وتاخذه من ابوها ..
وتركض سلوى لي امه ..
سلوى : وهي ماسكه ايد امها .. امانه يمه . .. امانه لا تحرقينه عطينيها يمه .. امانه يمه امانه .. لا تحرقين قلبي كافي صاحبه مات ..
ابو سلوى : موتت جلب .. خليه يولي جلب ومات ..
سلوى: تصرخ .,. خالد مو جلب ولا عمره كان جلب .. وتركض لي ريول ابوها وتبوسهم .. يبه .. امانه .. ابوس ريولك خله تعطيني دبدوب .. سو الي تبي فيني بس عطوني دبوبه ..
يحن قلب ابو على بنت .. ويقول حق ام سلوى .. عطيها دبدوب ..
ام سلوى : تخسي .. راح احرق قدمها .. علشان تعلم ..
ابو سلوى انا قلت لج عطيها الدبدوب .. يعني تعطينها ويجرها من ايدها .. ويعطيها لي سلوى .. وتمسك سلوى دبدوب .. وتحظنه على قلبها .. وتصعد لي درج جان يناديه ابوها ..
ابو سلوى : سلوى في ورقه . يت مع طرد خذيه يا بنتي ..
وتي تركض تاخذ ورقه .. وتبوس راس ابوها .. وتطالع لي امها نظرت غضب وكرها وتصعد لي دارها ..
وتدخل لي دار وتركض يم سرير وتحظن دبدوب .. وتبجي .. على خالد .. وتشم دبدوب وتبوسه ..
وتذكرت الورقه وتقرها .. وكانت مكتوبه بخط حلو .. واضح ..
" حبيبتي .. سلوى .. حياتي انا عارف اني ميت ميت .. بس كان ودي اذكرج فيني في هذا الدبدوب واقولج ترني احبك .. لو انكتب لي عمر ثاني ما اتمنى الا اعيشها الا وياج .. سلوى صدقيني ما عمري حبيت في دنيا انسانه غيرج .. الله يخليج لي احبك .. وكنت استانس وايد لما اسمعها منج .. كلمت احبك .. احس اني اسعد انسان في العالم كله .. سلوى ديري بالج على عمرج .. ولا تنسيني .. سلوى اخر طلب مني لج .. اذا قريتي هذه رساله .. قولي احبك من كل قلبج "
وتصيح سلوى من كل قلبها كلمت احبك .. وحتى انها سمعوها ابوها وامها وهو في صاله تحت ..
وتكمل لي رساله
" سلوى .. خذي بالج في عمرج .. ولا تهملين روحج وصلاتج .. ما ادري شنو اقولج .. بس والله العظيم احبك ,, ويالله ما ابي اطول عليج لاني ما عندي شي اقوله .. وفي اخير اختم كلامي في دعوه لج .. ياربي لو انا سويت عمل ورضيت انت عنها ابي اجري انك تحافظ سلوى من كل شي .. وياربي هذه دعوتي وانت مستجاب دعوات يارب العالمين "
سكتت سلوى ولا قدرت تقول شي حظنت رساله واكتفت في بجي .. على حبيبه خالد
وبعد عدة اشهر من غياب خالد .. كنت سلوى مسويه حفلة عيد ميلاد جايبه كيكه .. علشان عيد ميلاده بس كانت لها بروحها .. وحطت قبالها الدبدوب الي كان ما يفارقها ..
وقالت بصوت حزين .. كل عام وانا بخير كملت21 سنه .. كل عام وانا بخير وكل عام وانا بعيده عنك في تعاسه وحزن .. تطالع لي الدبدوب رد علي شفيك ساكت .. رد علي خبرني .. وينك يا الغالي .. ومن غضب تدز طاوله وتطيح كيكه وتطالع لي الدبدوب في غضب وتضربه في كف ايدها .. ويطيح الدبدوب على ارض وتطالعه وتنزل دمعه وتركض يمه وتضم الدبدوب وتقول .. احبك يا خالد .. ولا يكفيني كل دموع عيني دموع عيني كثر البحر واكثر ما يكفيني حزن على فراقك .. يا غالي .. خالد .. والله مشتاق لك .. وايد وايد .. بس شنو اسوي.. جاك شبح موت وخذاك بعيد عني .. ياليت لما خذاك خاذني وياك ..
اه اه اه .. محد عندي غيرك يا الدبدوب انت الوحيد في الدنيا هذه كلها تعرف شكثر تعذبت بعد فراقك صاحبك ..
انتهت القصه ..
تعليق الكاتب ..
مات خالد .. لكن ما مات الحب الي في قلب سلوى . واستمر فيها لين اخر عمرها .. صج كانوا مع بعض بس جم شهر .. لكن حبوا بعض اكثر من اي حبيبين ..
الله يرحم خالد ويرحم سلوى .. ويرحم اي شخص حب حب طاهر مثل حب سلوى وخالد ..
هذه قصتي .. وعلى فكره هذه قصه يت لي بعد حلم حلمته !!!!
تحياتي
مشرف في دار القصص في منتدى مثير</font>
