-
.. مـامـات الواحات .. و .. بابات الواحات ..
السلام عليكم...
حبيت افتح هالموضوع لامهات الواحات.. و لاي حد يبا يشاركنا خبراته في سوالف الاطفال العسولين ..
..
اكثر شي لعوزني في حمووودي.. يوم يمرض.. و يزجم..
مرات لا ادويه اتفيد ولا شي..
بس يوم يزجمون يريحهم شوي اذا رقدوا على ظهرهم.. شوي يكون تنفسهم احسن..
..
طبعا سالفه الطيحات و التكفيخ ع الراس بالبيزه.. مسكين راسه دوم وارم..
وحده من ربعي اتقول انه سودو كريم ينفع ينحط مكان الكفخه عشان ما تورم.. بس للحين انا ماجربته !!
..
ممم.. وشو بعد ؟
-
رد: .. مـامـات الواحات ..
انزين نحن مب امهات عاااادي اندز فيسنا ^^
عاد عن شوو بنرمس لووول ... عن عيال خواتنا هههههههه
فدييييييييييت ولدج اتحملي منـــــــــــــــه ..كله ولا الطيحــــــــات ...
هيه انا بعد سمعت عن كريم سودواااا انه وايد زييييييييييييين ...جربي وخبريناااا ومنكم نستفيد يا امهاااات ..وعليج بزيت الزيتون ما اوووصيج اذا زجم ولا طاااح بسم الله عليه قبل ما يرقد دهني جسمه وويهه وايد مفييييييييييد تراا هاا برووحه دواااا ..(:
-
رد: .. مـامـات الواحات ..
حياج الله عهووووده...
بالعكس اصلا احسن من خبره الخالات ماشي... عاد انا كنت خاله جديمه.. و نسيت هالسوالف...
..
والله دوم يقولولي عن زيت الزيتون.. بس مول ما احطله... شكلي الليله بستلمه...
-
رد: .. مـامـات الواحات ..
من خبرتي من اللي حواليه .. عطي الياهل دوا الكحه ( كح كح كح ) وبيناااام على طووول ( مجرم لاااه :11: )
من يقووول آه ولا ايه ولا يصييييح ... دواااا الكحه ,, إنــــتااااا فيـــن :4:
مبرووك يا ام حمووود ويتربى في عز وااااالديـــــه
مــنــــ9ـــــوري
-
رد: .. مـامـات الواحات ..
الله يحييييييييج ,,,,
صدقج يا شوووق من صرت خاله وعمه صاااارت خبرتي في الامووووومه تووووب ^^
المنصوري
ذكرتني في ربيعتي يوم تبغي عيالها يرقدوون على طووول تعطيهم شراب اكتفت خخخخخخ مجرمه نفسك
-
رد: .. مـامـات الواحات ..
شكرااااااااا على مثل هالموضوع الغاوي ..
عاد انا ما سمعت عن هالشي ××
و معلوماتي عاديه ..
الله يخلي امي كل ما صار شي ل صوغه اتصل بها على طول او حق وحده من خواتي
وان شاء الله نستفيد من هالموضوع
-
رد: .. مـامـات الواحات ..
السلام عليكم...
مسا الورد على أمهات أ الواحات...
بالنسبة للسودو كريم ما جد استخدمته للضربات ...بس للحساسية والصفح الجلدي وينفع للحروق....وللصيحات استخدم فولتارين جل او فيكس...
وبالنسبة للصغاريه اذا يتهم حمى بعيد الشر عنهم وما تنزل درجة الحرارة اعطيهم نوعين من خافض الحراره كل اربع ساعات بالتناوب ...وخل التفاح ينفع وانا يربته لحور يخفض الحرارة.
-
رد: .. مـامـات الواحات ..
المنصوري...
يوم اتغصص و ما اعرف شو اسويبه... و الصياح شال البقعه.. مالي الا الادول..!! يغمضني اعطيه دوا كحه بلا سبب !! اصلا ادويه الكحه كلها اشوف انها مالها مفعول...
..
الله يبارك فيك... :)
خلاص الحين غدا ريال... جان تبا حد يضاربك و يشرمخك.. ترانا حاضرين :a032:
-
رد: .. مـامـات الواحات ..
جنون امرأه...
انا بعد.. ع الدقه اتصل باختي العوده.. و لا امي..
مرات الواحد يدور اسه... ماشاء الله هالصغاريه سوالفهم ما اتخلص.. و المشكله انج ما تدرين شو يعورهم... كله تخمييين ..!
-
رد: .. مـامـات الواحات ..
طير...
حيالله ام عبادي...
مب وايد نعطيهم نوعين من خافض الحراره... احس مب زين انزود عليهم... !!
و خل التفاح سمعت عنه مره.. يقولون زين لانه بسرعه يتبخر فيسحب وياه الحراره..
..
تسلمين على هالمرور.. و ماشاء الله اتوقع عندج خبره كبيره ويا اليهال...
-
رد: .. مـامـات الواحات ..
مســاج كل الهدووء ويعله خالي من صياح و صراخ حمود :pullhair:..
من أكـئب اللحضات يوم الياهل يمررض ويطول في المرررض .. الام تتعب والياهل يتعب بعد وعادي اذا طوول في مرضه يضعف فـ قلب الأم يحاتي ويخاف اكثر كل ما مرض البيبي ولو كان مرض موسمي بسيط ..
اذا كان حمود من النوع اللي يمرض بسسسرعه فـ يمكن يكون السبب انه مناعته ضعيفه .. كيف :m_afaker: ..؟ يمكن مب متعود على اللعب برع او تغير الجو و الأكـل أو انه ضعيفون ما تأكلينه أكـل صحي وايد :bash:يـــمــكــن :fa46:.. فـ حاولي تبعدينه عن الجو البارد او البيئه اللي تمرضه بسرعه واستشيري دكتور مختص شاطر تراه يأثر في العلاج .. ولا تنسين بعد العلاج النفسي للبيبي اذا مـرض لازم اتكونييين صبووره وايد معاه ودوم تمسحينه وتهمزينه بكريم تراه يأثر بعد :vampire:..
وعن طيحات اليهال.. ماشي غيير اتراقبينه 24 ساعه كل ما مشى ولا ركض :h_negab:..
من تجربه خاله اتمووت في الصغاريـــه :a100:
وربي يحفظج ويسعدج مع حمود :a054:
-
رد: .. مـامـات الواحات ..
أم حمووود
في دكتور في بوظبي وااااايد شاطر بسوالف اليهال
بنت أختي تحت لسانها لاصق ماتعرفين كيف
قالولها لما تكمل سنه تقدر تسويلها جراحه
بس واايد تمرض المسكينه
دوم فيها حمى
-
رد: .. مـامـات الواحات ..
الســــلام عليـــكم ..
شحــــالهم مــامــات الواحــات :fa35:؟!
عســاكم مرتاحيــن :fa41:
عـــالم الأطفــــال :a032::bash::glare::icecream::7:
:a100:
فعــلاً أصعب شي ع الأم لمــا يكــون الياهـل مريــض ومش عــارف يشكي أو يخبــرها شو اللي يعــوره أو مضـايقنــه فـ يبدا سيناريو الصيــــاح ... :k_no:
فـ ما أقـــول إلا اللـــه يعيـــن كـل أم ويحفظــلها عيــالها ..
مـلاحظــة بس حبيت أقــولها لكم ..
دوا السعــال (أكتيفيد وغيره) أبـــد مش صحيــه للياهل.. حتى لو كان عنده سعــال
خــاصة اليهــال اللي تحت سن 6 سنــوات ..
صــح أنــه يهدّيهم شوي بس واايــد يأثر على صحتكم "سلباً" ..
فـ ما بالكــم تعطونهــم وهم مش محتاجينـــه!! :k_no:
أنــا عنــّي (كـ عمـّه وخـاله ) أفضـّـل استخدام العلاج الطبيعي ..
عندكم مثــال .. العـســل واايد مفيــد للسعــال ..
:inlove:
ووو شـــو بعـد؟!
بـالتوفيــــق عزيزاااتي ..
:a070:
-
رد: .. مـامـات الواحات ..
صــدقــج أمــطار العــسل الطبيعي وااييييييييد وايييييييييد مفيد للكبار والصغار ..
-
رد: .. مـامـات الواحات ..
ههههههههههههههههههه
اذا عالخبرة ...كل يوم نتعلم
يالله ربي يرزقج بنوته...دلوعه شروات حور.....ربي يبارك فيهم البنات...ضراير مش بنات...حياتي والله
-
رد: .. مـامـات الواحات ..
السلام عليكم
كيف الحال؟
تاريخ اليوم 5-5-2010
في هالتاريخ المفروض اني اولد ..
والحينه دخلنا اليوم الاول من الشهر العاشر
وللحين مافي اي علامات للولاده :Oo:
في حملي الاول .. ولدت بـ الطلق الصناعي .. وكان هذا في يوم موعد الولاده ..
لكن في حملي الثاني ماعرف شو السالفه .! :wacko:
الدكتوره قالت لي بتعطيني طلق صناعي يوم العاشر من الشهر العاشر ..
والصراحه بما اني مجربه هالشي من قبل .. ما اظن اني اقدر اتحمل العوار الفظيع والطوييييييل .. :fa43:
خبروني .. شو اسوي؟
مع العلم اني امشي وايد .. وما اشرب مشروبات غازيه .. والعشا يكون خفيف ..
احتاج للنصيحه :sad:
-
رد: .. مـامـات الواحات ..
هلا عزيزتي...
لا اتخافين و لا اتشلين هم... ان شاء الله تولدين طبيعي هاليومين ... دام انه الياهل بخير.. ان شاء الله كل شي بيكون تمام...
اللي عليج انج تهتمين بصحتج.. وتدعين الله انه يسهل عليج ..
و متى ما الله راد بتربين ... لا اتوترين اعصابج...
و ان شاء الله اتبشرينا جريب :)
-
رد: .. مـامـات الواحات ..
الله يسمع منج الغاليه
احس عمري وايد طولت .. ومافيني صبر بعد
لكن مثل ما قلتي .. كل شس بايد الله سبحانه
ادعولي دخيلكم
-
رد: .. مـامـات الواحات ..
ربي يسهل عليج... استغفري و اذكري الله وايد.. و اقري قران...
وارقدي و ريحي جسمج... لااااحقه ع السهر.. ^ـ^
-
رد: .. مـامـات الواحات ..
اقتباس:
المشاركة الأصلية كتبت بواسطة نجمة دبي
السلام عليكم
كيف الحال؟
تاريخ اليوم 5-5-2010
في هالتاريخ المفروض اني اولد ..
والحينه دخلنا اليوم الاول من الشهر العاشر
وللحين مافي اي علامات للولاده :Oo:
في حملي الاول .. ولدت بـ الطلق الصناعي .. وكان هذا في يوم موعد الولاده ..
لكن في حملي الثاني ماعرف شو السالفه .! :wacko:
الدكتوره قالت لي بتعطيني طلق صناعي يوم العاشر من الشهر العاشر ..
والصراحه بما اني مجربه هالشي من قبل .. ما اظن اني اقدر اتحمل العوار الفظيع والطوييييييل .. :fa43:
خبروني .. شو اسوي؟
مع العلم اني امشي وايد .. وما اشرب مشروبات غازيه .. والعشا يكون خفيف ..
احتاج للنصيحه :sad:
أهتمي بـ أكل الرطب - ورد ذكر الرطب في القرآن في حيث أن السيدة مريم العذراء - تناولت الرطب لتخفيف حدة ألم ولادة النبي عيسى عليه السلام حيث أوحى لها الله عزوجل في كتابه من سورة مريم " وهُزِّي إليكِ بجذعِ النَّخلَةِ تُسَاقِط عليكِ رُطَباً جَنِيّاً(25) فَكُلِي واشرَبِي وقَرِّي عيناً فإمَّا تَرَيِنَّ من البَشَرِ أحداً فَقُولِي إنِّي نَذَرتُ للرَّحمَن صَوماً فلن أُكَلِّمَ اليومَ إنسِيّاً(26)"
هذه المعلومه سمعتها في أحدى القنوات الطبيه^_^
-
رد: .. مـامـات الواحات ..
نجمـــــة دبي ،،
الله يسهل علييج إن شااء الله و نسمع بشاارة ولادتج وسلامتج انتي و المولوود جريب بإذن الله ...
-
رد: .. مـامـات الواحات ..
شوق القلوب / طفلة من هذا الزمان
ان شاء الله يارب .. :)
فرفوش
تراني اكل تمر وايد
في اليوم الواحد اكثر من 10 حبات
واليوم شربت جرفه
للحين مافي شي
شكرا للكل
-
رد: .. مـامـات الواحات ..
لا اتهجين جسمج اكثر من اللازم... هذي امور بيد الله سبحانه...
ولا تشربين الخروع تراه مب زين.. لانه يزيد الالم
-
رد: .. مـامـات الواحات ..
الله يسهل عليج يا نجومه .... وتولدين بالسلامه وتفرحين بالبيبي إن شاء الله
يحليله فرفوش ....من كثر ما غمضتيه وكسرتي خاطره عطاج نصيحه مفيده الصراحه
بس بعد التأخير بالولاده شيء طبيعي فلا تحاتين وايد ....
-
رد: .. مـامـات الواحات ..
شوق القلوب / طنط حلم ^_^
كل حد يقول لي ان في غلط بالحسبه .. واني معطية التاريخ غلط للمستشفى
الصراحه مادري .. ما اذكر .. كل شي جايز
باجر عندي موعد تخطيط .. ان شاء الله خير
-
رد: .. مـامـات الواحات ..
الله يسهل عليج يا نجمه ويقومج بالسلامه انتي والبيبي
عاده طمنينا علييج :)
-
رد: .. مـامـات الواحات ..
عادي حبي انا بحور تاخرت اسبوع عن موعد الولادة اشربي زعتر او جرفه....وادعي ربج
الله يسهل عليج وعلى كل حامل:)
-
رد: .. مـامـات الواحات ..
حبيبتي نجمه لآتحـآتين
آن شاء الله بتربين وبتقومين بالسلامه
آكلي عّجوه يقـولون انهـا وايد زينه ..
الله يسهل عليج ولآتنسين آطمنينآ عنج
-
رد: .. مـامـات الواحات ..
دمعة شوق
سرت اليوم وقالوا كل شي اوكيه .. ويوم بيعورني بطني او استوى اي شي على طول الحوادث
بتريا لين يوم الخميس وبشوف .. اذا ما ربيت بسير عند دكتوره زينب .. كاستشاره
مشكوووره
طير الحب
شربت امسات جرفه لكن ما استوى شي .. الصراحه اخاف اشرب اي شي ..
مافيني عالعوار واخر شي يطلع مب ولاده ..
مشكووووره
مهابه
تراني اكل وايد .. وان شاء الله ربي يسهل عليه وعلى الجميع
-
رد: .. مـامـات الواحات ..
بشرينا عنج ... ماشي اخبار ؟
-
رد: .. مـامـات الواحات ..
للحين مافي شي :(
اليوم العصر مشيت نص ساعه
-
رد: .. مـامـات الواحات ..
ان شاء الله خير .. :)
البيبي شكله مستانس داخل.. ما وده يفارقج
-
رد: .. مـامـات الواحات ..
السلام عليكم
بدخل في الموضوع مباشرة ..
بنتي عمرها تقريبا سنه .. من الصبح احس بها مب طبيعيه
ما اتطيع تاكل اي شي
الصبح رجعت شوي .. وكان في بلغم في صدرها
اي شي احط في حلجها ما اتطيع تاكله
مع انها تلعب عادي وتضحك ..
المشكله في الاكل
كل يوم تتريق وتتغدا .. والعصر فواكه او كيك .. وفالليل تتعشا
لكن اليوم مووووول ما كلت شي
عطيها خاشوقة صغيره عسل طبيعي عسب البلغم يطلع .. وبالغصب بلعت شوي منه
قبل شوي سبحتها بماي دافي .. والحينه رقدت
طمنوني :( وايد احاتيها
-
رد: .. مـامـات الواحات ..
يا اختي سالفه هالبلغم في اليهال مشكله !!
انا ولدي يته شهور.. طول اليوم عادي... من اعطيه حليبته و ارقده في سريره.. تبدا عنده الكحه و السبه هالبلغم.. و مرات يغفل وعقب يتم يكح لين ما يرجع كل شي.. و يرتاح ! طبعا لانه البلغم يكون طلع من صدره...
واخر شي اكتشفت انه المكيف كان يضرب على سريره و هو اللي امسببله هالالتهابات و البلغم... فاشتريتله هالستاير اللي يغطون بها السرير من بيبي شوب... و الحمد الله الوضع صار احسن...
باجر جان رمتي وريها العياده خل يكشفون عليها عشان تطمنين انه ما عندها التهاب...
-
رد: .. مـامـات الواحات ..
المكيف !!
ما فكرت فيه الصراحه
فالليل البسها بيجاما خفيفه .. قميص كت او نص كم مع شورت
يمكن عسب جي !!
قبل ما ترقد دهنتها بزيت الزيتون من راسها لين ريولها .. عسب ترتاح
وباجر ( جان ما ربيت خخخخ ) بوديها العياده ان شاء الله
مشكوووووووووووووووووووووو ووره
وربي يحفظ ولدج ويخليه لكم ان شاء الله
-
رد: .. مـامـات الواحات ..
الله يشفيها يـ نجمـه ~|
اتذكر ولد ختيه نفس الشي كان فيه بلغم ومايرقد الا يوم يرجع كل اللي ماكلنه طول اليوم ’’ وأصلن مايكون ماكل شـي الا يالله يالله
لانه يكون مضايق ، فـ يرجع ويـرقـد ,, حتى انه وااايد ضعف الفتره اللي كان فيها تعبان
~
عن سآلفة تأخير الولادة لاتحاتيـن
توني اتذكرت ان ختيه دخلت العاشر وماربت
والحمدالله ياها الويع بدون طلق صناعي ,, ويوم تروحلهم يهولون الأمور
وبيرقدونها عندهم فـ هي قالت يوم بيني الويع بييكم ,
والحمدالله ربت طبيعـي ^^~
فـ لاتستعيلين وآن شاءالله خيـر ,,
-
رد: .. مـامـات الواحات ..
نجمه دبي..
يحليلها بنوتج لا تلبسينها جي حزه الرقاد.. احسن شي لهم في هالعمر الاوفر رول الكامل ولا بجامه ايدها و ريولها طويله... لانه اليهال لازم يفرون اللحاف.. و اتخيلي الحجره بارده وايدها و ريولها يجيسها هالهوا البارد... فلازم بتستبرد..
وصح جيكي اذا هوا المكيف يضرب على سريرها... رطبي ايدج بماي... وحطيها صوب سريرها.. جي بتحسين بالهوا اذا يضرب عليها..
..
عن تاخير الربا... انت جيكي ع البيبي بين كل فتره.. لانه في مرات تستوي انه الياهل يبدا عنده الخروج ( عزج الله ).. و يختلط بماي المشيمه فيرد الياهل يبلعه.. و هالشي طبعا مب زين.. انا ما ابا اخوفج.. بس الحذر واجب..
-
رد: .. مـامـات الواحات ..
هلا
البارحه فالليل تعبت زياده و رجعت وايد
على طول وديتها حوادث الوصل
قالوا فايروس منتشر
ويوم سالت الدكتوره سبب الفايروس
صدمتني يوم قالت الاكل الـ مب نظيف واليد الـ مب نظيفه
وتذكرت اني مرات الصبح لما اكون راقده .. بنتي تكون عند البشكاره
ومن اليوم ورايح خلاص .. كله عندي وكل شي انا اسوي لها
:(
-
رد: .. مـامـات الواحات ..
اووه نسيت اخبركم
تراني للحين ما ربيت خخخخخخخ
توني شربت كوب حليب دافي مع ملعقتين كبار عسل طبيعي اصلي
ان شاء الله خير :)
-
رد: .. مـامـات الواحات ..
مووول لا اتامنين بشي عند الشغالات..! ترا عادي يوم يآكلونهم.. اتلاقينها تاكل الياهل لقمه و في حلجها اللقمه الثانيه..!!