انا و ميثا

<font color='#728FCE'>قبل سنتين في نص الاجازة الصيفيه (في العاده نحن انسافر اول الاجازه الهند و اخرها نروح اي مكان بعيد) بعد ما رجعنا من السفر طلعت اسلم على ولد يرانا حمد(مع انه اكبر مني بسنتين لكن علاقتنا قويه لانيي اعرفه من 10سنين) ..
حمد : حمد الله عالسلامه ..
انا : الله يسلمك .. علومك
حمد : طيبه ..
انا : قبل ماسافر كانوا توهم حاطين اساسات هالبيت في شهر واحد خلصوا &#33;&#33;
حمد : الله يخليك هالبيت تركيب لازم بيخلص بسرعه ..
انا : انزين و شحال الشباب في الفريج ..
حمد : كلهم اوكيه .. صدق .. يا ريال فاتك بنات بنات ورا ..
انا : اي بنات؟
حمد : الفريج الورا فيه بنات .. هنيه عند راس السكه بعد .. قم تعال براوييك
انا : اوكيه
رحت وياه عند بيت و قالي ان بنات ييلسن فوق دومهن و ان كل عيال الفريج يتيمعون هنيه عشان يكلمنهن ..
انا : انزين وين هلهن عنهن؟
حمد : مادري
انا : ابويه يعرف ابوهن بتخبره عنه .. انزين خبرني شو يسون بعد
حمد : شباب الفريج يخبروني انهن يدوخن .. و انا شفتهن و حامد شافهن
(حامد ولد يرانا بعد و هو اكبر مني بسنتين بس بعد ايامها كانت علاقتنا قويه)
انا : وين حامد؟
حمد : مسافر .. ساير ويا امه و اخوه و مرت اخوه فرنسا
انا : همممم .. انزين منو الي قالك انهن يدوخن؟
حمد : نصور..
(ناصر هذا واحد من الشليتيه الي في فريجنا و صاحب مشاكل انا كنت مبتعد عنه و ما حبه)
انا : انا مافيني على مشاكلهن .. ابوهن ضابط بيلعن اسلاف الي يتحرش فيهن ..
عم البنات الي ييلسن فوق السطح ماخذ بنت عم ابويه فانا كنت لازم اسوي شي تجاه هالموضوع و اتصرف لو اني كنت صغير في السن حزتها و ما كنتي ابغي استشير حد و ما بغيت اقول لحد ان هل هالبيت يقربونا و لما وصلت البيت لقيت الوالد يالس و الوقت متاخذ و شفتها فرصه اني اكلمه ..
انا : السلام عليك ..
ابويه : و عليك السلام .. ها .. ما صدقت اترد البلاد الا طلعت استرغدت و رديت
انا : ابويه تدري انته بحركات المراهقين يعني .. اذا ما تسترغد ما تعيش
(انا من استويت و ابويه مخاوني لاني اكبر واحد من اخواني و بيني و بينه سوالف فضيعه هب لازم اقولها)
ابويه : يا بويه بتسير عند هالخياس الي ورا و بتسوي شرات كل مره و تضارب وياهم و تسوي لنا مشاكل فيها خلهم يولون شتبابهم انته ايصل منهم
انا : انزين انا مقاطعنهم ما سير لهم مول ..
ابويه : هيه .. اباك جذه .. خلك مضبوط .. سير اطلع دور لك وحدة تستوي القيرل فريند مالك .. عنبو عمرك 15 و لا جد سمعناك ترمس وحدة بالتيلفون يعني انته فاشل في كل شي
انا : هي هي .. يعني لازم اكلم بنت عشان اكون ناجح؟؟؟ و المسكينه بنت العم تترياني و صابره عليه اخر شي اخونها
ابويه : احين عرفنا انك تحب وحدة من بنات عمك .. بس قولي اي عم و اي وحدة منهن .. خبرني عشان اير ابوها من اذنيه و اقوله بنتك حق ولدي ..
انا : انزين ماعليه يوم بخلص دراستي بخبرك
ابويه : اقولك لا تلف و تدور . انته واقف هنيه تبا شي .. جان تبا فلوس باجر بسير اسحب و بعطييك احين لا
(ما كان يبا يعطيني فلوس عشان الوقت متاخر و اتم يالس في البيت ما اطلع لانه ما يمنعني اني اتاخر الا بهالطريقه)
انا : ابويه تعرف فلان ... وين هذا ؟
ابويه : مسافر ويا مرته مصر .. ليش اتخبر؟
انا : لا ماشي بس بغيت اعرف .. انزين عيل بترخص تامرني على شي
ابويه : وين ساير هالحزة
انا : انتي قولي حزة شو هذي احين
ابويه : حزة رقاد
انا : خلاص انا ساير ارقد تصبح على خير
ابويه : و انته من هله
سرت الغرفه و انا شاغل تفكيري بالبنات نفسهن بعدني ابا اعرف شو قصتهن بالضبط و ابا القى حل لها عشان اثبت لابويه اني عاقل و اني قد المسؤوليه ...
..... البقيه تاتي ....</font>

<font color='#000000'>يلا وين الباقي <img src="http://oasis.bindubai.com/emoticons/biggrin.gif" border="0" valign="absmiddle" alt=':D'></font>

<font color='#728FCE'>نشيت اليوم الثاني و نزلت و لقيت الاهل يتغدون,زقروني اتغدى وياهم لكن ما كان لي نفس ابد.فتحت ال N64 &nbsp;و تميت العب زيلدا 2 لين ما ايي وقت الطلعه ما نشيت الا مره وحدة و بالغصب منششيني عشان اصلي العصر و رديت اكمل اللعب . لين يت الساعه 7,30 نشيت و اتلبست و توه كان ماذن المغرب و سويت عمري اصلي جدام هليه و طلعت. اتصلت في حمد عشان يطلع من بيتهم .. و يلست وياه .عقب يانا حامد ..
حمد : هلا هلا بالفرنسي ..
انا : حمدالله عالسلامه
حامد : الله يسلمك
حمد : شو يبت لي من فرنسا ؟
حامد : يايب لك بيض ضبان و عرايين .. تباهن؟
حمد : شي عرايين في فرنسا ؟
انا : هاهاها يتمصخر عليك ويا ويهك
حامد : اقولك اتعلق فوق يدار بيتكم و شوف فوق .. في حد
انا : حد مثل منو
حامد: انته شوف
انا : اوكيه ... (بعد ما تعلقت و شفت فوق لقيت البنات يلوس) في حد فوق
حامد : يلا قوموا بنسير ورا يمكن انرقم ..
سرنا ورا و عسكرنا مقابيلهن .. انا كنت رايح وياهم عشان اسجل التقرير الكامل و المفصل عشان اسير ارمس ريل بنت عم ابويه الي هو عمهن و اقوله عن كل شي بالتفصيل لو اني كنت ادري بها خيانه لربعي (بس ولد عمي اولى من الغريب) و بعدين يونا الشليتيه الي في الفريج بيشاركونا المعسكر و نحن بصراحه ما اندانيهم بس رضينا ..
الشليتي 1: شييت شوفها شوفها ( كانت البنت لابسه كت و حط ايدها على رقبتها شو يعني سوت شي؟)
الشليتي 2: يا ريال ما بنرقد في الليل ..
حامد : شو شايف جني؟
الشليتي2: لا شايف عفريت (يبا ينكت بس مايعرف كيف)
حمد : يا جماعه بنترخص نحن السموحه منكم
الشليتيه : خلاص اوكيه نحن بنتم يالسين
و تحركنا انا و حامد و حمد نبا نسير عند الدكان نشتري جكاره و ديو حب (يعني كل الشي) المهم اشترينا و نحن راجعين تلاقينا ويا ناصر ..
حمد كلم ناصر لمصلحه و هي انه يتحراه يكلم البنات و يعني اذا بيسوي له واسطه في السالفه ..
حمد : ها نصور .. شو سويت ويا الي فوق ..
ناصر : يا ريال ... (يكلمني) وين انته من زمان ما شفناك
انا : كنت مسافر &nbsp;... (انا بطبعي ماحب اتكلم مول الا لو حد سالني او طلبوا رايي)
ناصر : وين؟
انا : خلها مستوره .. (لاني مادانيه فماريد اقوله كنت مسافر الهند عن يبدا لنا بخريطه و مغامراته ويا البنات في الهند لو انه عمره ما تعرف على بنت بس مادري ليش يتفاخر بالبنات الي عنده ... الي يسمعه يقول انه عنده بنات)
ناصر (بعد ما عرف اني ماريد اتكلم وياه) : انزين ... حامد شو فرنسا
حامد : شو يا ريال .. ع كيفك .. في الشارع يطيح الدور ..
ناصر : شو ما سويت شي
حامد : وين يا ريال اخويه و الوالده ما يستوي
ناصر : بارد انته يا ريال .. و لا ماعليه بلبسهم بسير اخلص ع الغش و برد .. (يسمي نفسه ريال يهد هله؟)
حمد : انزين اقولك انته ما عرفت شو اساميهن؟
ناصر : وحدة اسمها شيخه و الثانيه اسمها عاشه و وياهم وحدة ثالثه جنها بنت خالوتهم (طاااخ) ماعرف اسمها ..
انا : و انته كيف عرفت ؟
ناصر : كنت مار عندهم بالجلاب كلموني قالولي من وين يايبنم و عقب سالتهم شو اسمكم (طااااخ يود) قالولي شيخه و عاشه ..
انا : انتوا كيف عرفتوا انهن يدوخن ؟
ناصر : شفناهم
انا : من وين اييبن جكاره؟
ناصر : بعد ربك .. عندنا الطرق السريه ..
و بعدين ترخصنا عنه و ردينا فريجنا (هو بكبره فريج واحد بس شارعين شارع جدام و شارع ورا) و يلسنا وين ما نيلس دوم و كل شويه الاخ حامد يتاكد اذا ين فوق ولا ما ين ... وتمينا انسولف لين الساعه 10 و عقب كلن توكل على بيته و انا رديت البيت و طحت على ال N64 لين الصبح كالعاده ..و اليوم الي عقبه نشيت العصر و انا مدوخ و راسي يعورني .. فتحت الام اس ان و انا مادري شو سالفته و لا ادري بقصته .. و بعدين خليته يولي و سرت اطالع مسلسلات اجنبيه لين المغرب و نفس الحاله اطلع من البيت اسير عند حامد و حمد و عقب ارد البيت &nbsp;و انقعها سهره .. بعدها باسبوع تقريبا .. كنت مواصل لين العصر اليوم الثاني و مارقد مول .. رحت عندهم و نشرت ان البنات من هليه ترا و الي يتحرش فيهن ما بهده في حاله ..
و عقب المغرب .. اتلاقيت ويا حمد و حامد
حمد : احين صدق هالبنات من هلك .. هيه نعم من هليه ..
حامد : انته جذاب ..
الجماعه كلهم كانوا يتحروني اكلمهن و اني ادافع عنهن ..
و قلت لهم اسمحولي لو استوت مشكله ويا حد فيكم عشانهن ..
و بعد يومين .. على المغرب طلعت ويا الدريول و خطفت و شفتهم من السكه انهم كانوا بيعبرون و بيسيرون ورا بيت البنات جان الحقهم .. كان حامد و حمد و ولد خال حمد و ناصر .. سرت لهم و يوم وصلت ورا بيتهن لقيت وحدة منهن فوق السطح و الباقيين تحت يطالعونها ولا يكلمونها ربكم العالم .. ناصر يلس من الخوف و ما فج حلجه ابكلمه لما شافني و حامد و حمد اونهم بيستلعنون عليه و ولد خال حمد واقف يطالع ..
انا هذاك الوقت كان طولي 147سم و كنت قصير .. و حامد كان طوله فوق ال 175 و حمد طوله تقريبا 161 و ناصر طوله 170 .. يعني انا القزم نازل حق العمالقه ..
مسكوني و تموا يلعوزوني و انا ماقدر اسوي شي لهم . و بعدين ..
حامد (عقب ما وقفوا) : بلاك انته ياخي شو تشك فينا يعني ..
و عقب قلت لهم ما يخصكم فيهن انا ما اتغشمر و رحت عنهم
و انا رايح اتصل بي حامد ..
حامد : هاها .. اقولك رقمناهن الي من هلك ..
انا : شو .. انته جذاب .. بتقول الي بتقوله مافي دليل انك تكلمهن
حامد : هاها سلم على شمه كااااااااك
انا انصدمت .. هذي العوده .. شمه .. كيف عرف اسمها يعني صدق كلمهن
و بعدين تكلم حمد و قال جذاب يا بويه هب من هله ..
انا : حامد اقولك سكت هذا الي وراك و لا يوم بيي الفريج بقص راسه ..
حمد (مط التيلفون) : ايه اقولك بنذبحك والله ..
انا : بتذبحوني .. انا اترياكم .. انا في الفريج احين
... و تلاقيت وياهم .. حامد وقف بعيد لانه بس يسوي المشكله و يشرد .. اتضاربت ويا حمد و ولد عمته الي كانوا اكبر مني و اطول مني و اعرض مني و انا من بينهم طيطار .. و بعدين حامد يا ايحايز اونه عشان يكون ماله خص في السالفه بكبرها مع انه هو الي خلقها .. و يا واحد اسمه عيلان وقف بموتره تم يطالعنا و بعدين يانا واحد من الشباب اسمه خميس (هذا خميس يقرب لي و هو ربيع حمد ) و شلوني عنهم جان البسهم و ادخل السكه و انا معصب لان اخويه الصغير شافنا و بيخبر عليه .. كنت ادوخ و بعدين شفت خميس ياي فريت الصلب عن يشوفني و قالي سير صوب البيت ابوك يا و يباك .. انا قلت في خاطري ابويه درا يعني انا ما بيلسوني في الفريج .. اقل شي انهم يخلوني اسير العين عند خوالي و هذا كان اكره شي عندي .. شفت ابويه و حامد و حمد و ولد خال حمد واقفين رحت لهم ..
ابويه : شو سالفتك انته ..
انا : ماشي ..
حامد قال لابويه اني متضارب وياهم عشان بنات فلان طلع خبيث بشكل تم يقول لابويه من حقه يدافع عنهن و مادري ايش ..
ابويه : انته اشدراك انهن يدوخن ...
و كذا كذا و خبروا ابويه عن كل حايه و درا بالموضوع و خلانا نتصالح و بعدين الكل رد بيته ...و بعد كل هذا حامد قوا علاقته ويايه (طبعا النذل غرضه هب شريف )</font>

<font color='#728FCE'>قوت علاقتي بحامد بعد ما اتضاربت ويا حمد و سالته و طلبت منه يجاوب بصرحه هو من وين عرف اسم العوده .. هن هنتين وحده اسمها شمه وهذي اصغر مني بسنتين و بس رايحه صف اول ثانويه و اختها الي اصغر منها اسمها ميثا و هذي اصغر مني ب 3 سنين و رايحه صف ثالث اعدادي طبعا ما قلت له بس سالته وقالي الصراحه انا ماكلمتها بس سمعت حد يزقر باسمها و قصينا عليك عشان نخليك تعصب .. و في يوم من الايام كنت رايح عند الدكان على العصر و لقيت ناصر هناك و سالني عن الضرابه ويا حمد و ولد خاله و قلت له السالفه ..
ناصر : بقولك شي
انا : قول
ناصر : تدري اليوم فلان و فلان و فلان ( الشليتيه الي طريتهم قبل) كنت اكلمهم و قالوا انهم بيوون الفريج عشان ييلسون ويا البنات ..
انا : قولهم لو يلسوا هناك و الله ما بهدهم ... واحد من هالشليتيه كنت متضارب وياه من فتره عشان شي و احين شكله عرف انهن من هليه و يبا يتحرش ..و عقب رديت الفريج و قلت لحامد عن السالفه ..و قال ماعليك يوم بيون بنشوف.. و يو الفريج و على طول يو عندي لان ناصر نقال رمسه ايي عندي يقول كلام و يسير عندهم يقول كلام و شافوني و اتفاتنت وياهم و حامد كلمهم جد و هم يتحرونه يتمصخر &nbsp;و قلت لهم لو يلستوا و هم فوق تحملوا الي بييكم... و بعدين هم اتجدموا و راحوا يلسوا .. و بعدين رحت انا و حامد و ما لقيت حد فوق و حامد قالي البسهم دام ان مافي حد فوق بيحترقون و بيذلفون .. و بعدين محد تم ييلس فوق السطح و محد ييلس عندهن الظاهر وصل الخبر عند عمهن و جلب البيت عليهن .. و انتهت السالفه كلها و هذي مقدمه السالفه كلها .. سالفتي و سالفة ميثا و بقولكم الباقي بعدين .... انتظروني</font>

<font color='#728FCE'>مره ثانيه اتضاربت ويا حمد و انقطعت علاقتي نهائيا وياه و ماعدت اشوفه مول لاني سمعته انه ودر دراسته و دخل دورة شرطه و حامد اتضاربت وياه لاني دريت انه هو الي يسوي المشاكل حقي و قطعت علاقتي به هو الثاني و انا تميت لحالي بليا ربع و سافرت شهر بلجيكا ويا الاهل و عقب رجعت قبل المدرسه بيومين عشان نجهز .. المهم جهزت و قرعت لاني مليت من شعري (اوني عاد مستعد لدوره عسكريه) و بدخل الصف الثاني الثانوي و اخترت القسم العلمي عشان خاطر الوالده .. اول ايامي كنت اتضارب ويا اي واحد يكلمني .. ما كنت اطيق حد ابد .. و بعد فتره شباب تموا يرمسون يبون يعرفون شو فيني بالضبط بس ما قلت لهم سالفتي و شويه شويه سحبوني وياهم .. عبدالله و خليفه و ليث ...
عبدالله اصله من العين لكن عايش في دبي و خليفه من هل دبي و ليث ربيعهم اردني ... هم اكبر مني بسنه و نفس السالفه انا القصير من بينهم .. بس كانوا رياييل و تهمهم مصلحتي و كانوا ينصحوني في معظم الحالات و هم الثلاثه في ثالث ادبي لكن قدروا انهم يكسبوني و يترابعون ويايه .. انا زدت في الطول 5 سم و الجماعه من بين 5,5 - 6 اقدام .. عمالقه خخخخ .. المهم كنت اوقف وياهم دوم لين قبل نهاية الفصل الثاني واحد اسمه فيصل ياني يكلمني ..
فيصل : اقولك .. تعرف وحدة اسمها ميثا .. هي اتقول انك من هلها
انا(مستغرب لاني نسيت سالفتهن):منو هذي بعد
فيصل :وحدة ارمسها على المسنجر تقول انها تقرب لك
انا : ما عرفها و بعدين ماحيد عندي حد من هليه يكلمون شباب على مسنجرات .. (احاول اخلق مشكله عشان ما يقول عني هب ريال) .. و لا انته تشك يعني ؟
فيصل : لا لا يا ريال ماشي بس اسالك ابا اتاكد ...
وهذي كانت غلطتي .. لو اني قلت انها من هليه و ويهي عورني اشويه ولا اني اتستر على نفسي و اعرض البنت لبداية الخراب .. لو انا كنت قايل انها من هليه ما كان بيفكر يكلمها .. لو كنت قايل انها من هليه كان لبسها و خاف و ما يا صوبها مول .. لكن للاسف تسترت على نفسي و النذل رقمها و اتعرف عليها ..
و من بعدها نسيت السالفه كلها و لا قمت افكر فيها ... و خلصت ثاني ثانوي علمي و انا ناجح و خلاص رايح ثالث ثانوي ... ايام الدراسه كنت ادخل البال توك .. بس الاهل كانوا يمنعوني و كانوا يقولون لي انجح و بنشتري لك كمبيوتر يديد و آي دي اس ال عشان تيلس عليه 24 ولا حد بيرمسك .. المهم قطعت عبدالله و خليفه و قمت ادخل البال توك ليل نهار و ما اطلع .. كنت اواصل بالايام .. بس في حلبات السب الي في البال توك .. لين يوم من الايام فكرت ادخل بنيك نيم مشابه لاسم عيلتي .. و استخدمته لين ياني واحد و ساالني
الريال : اقولك تعرف وحدة اسمها ميثا
انا : شووووووه ... ( اقول في خاطري هذي مشهوره و انا اشتهرت انها من هليه بعد) ... تعال برايفت
و اتفاهمت ويا الريال و عرفت انه اخو واحد اعرفه و انه يدرس وياها في نفس المدرسه .. و قالي رمسها يا بويه هذي فضحتنا .. و قلت له عطني ايميلها و انا برمسها و بحاول اساعدها .... و عطاني ايميلها و سويت لها ادد و في نفس اليوم ..</font>

<font color='#728FCE'>يعني ما عيبتكم القصه <img src="http://oasis.bindubai.com/emoticons/down.gif" border="0" valign="absmiddle" alt=':dd:'> &nbsp;........ هب مشكله <img src="http://oasis.bindubai.com/emoticons/suspect.gif" border="0" valign="absmiddle" alt=':sus:'> &nbsp;....</font>

<font color='#3BB9FF'>عايبتنا القصه بليز كملها<img src="http://oasis.bindubai.com/emoticons/biggrin.gif" border="0" valign="absmiddle" alt=':D'> <img src="http://oasis.bindubai.com/emoticons/biggrin.gif" border="0" valign="absmiddle" alt=':D'> <img src="http://oasis.bindubai.com/emoticons/biggrin.gif" border="0" valign="absmiddle" alt=':D'></font>

<font color='#3BB9FF'>كان قصدي عيبتنا مب عايبتنا</font>

<font color='#000000'><span style='color:purple'>بليييييييييز كمل القصه...والله انها روعه...</span></font>

<font color='#000000'>تسلم اخويه طير نادر على هل القصه الحلووه

&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;والله يعطيكم العافيه <img src="http://oasis.bindubai.com/emoticons/biggrin.gif" border="0" valign="absmiddle" alt=':D'></font>

<font color='#728FCE'>سوت لميثا ادد .. و بعد نص ساعه تقريبا دخلت اون لاين ...
ميثا : هلا
انا : اهليين
ميثا : من وين يايب ايميلي (خيبه ماشي احترام)
انا : من الفوروردات ( كذبت عشان تسكت لاني لو قلت اني يايبنه من عند حد بتذلني .. منو هذا و وين هو يايب ايميلي .. خلني اسكر السالفه ..
ميثا : اها ..اوكيه.... اقولك انته من قوم بن *** ( نيك نيمي كان باسم عيلتي بعد)
انا : هيه نعم ..
ميثا : يعني انته من هلنا .؟
انا : و انا اشعرفني؟ ( ذكي ذكي .. اوني عاد استهبل)
ميثا : ترا نحنا بعد من نفس العيله ..
انا : انزين قولي لي انتي بنت منو بالضبط عشان اعرف ..
ميثا : فلان ..
انا : هيه اعرفه .. هذا نسيبنا
ميثا : قول و الله ...
انا : والله ..
ميثا : انزين شو اسمك و كم عمرك؟
انا : اسمي ** و عمري 16 و عقب شهرين بكون 17
ميثا : حلوووو و انا اسمي ميثا و عمري 14 .. صراحه توني داخه 14 ..
انا : ..........
ميثا : لحظة بدخل اختي شمه ويانا ..
انا : اوكيه ..
( الظاهر انهن متبريات من بعض لدرجه ان الوحدة فيهن تكره تستعمل الكمبيوتر الي تستعمه اختها)
شمه : شو تبيين انتي؟
ميثا : شمه اتعرفين منو هذا الي ويانا
شمه : ما حصلي الشرف
ميثا :هذا من هلنا .. و اسمه ***
شمه :شحالك ..
انا : بخير ربي يعافيج .. شحالج انتي ..
شمه : انا بخير .. كم عمرك؟
انا : 16 سنه .. و انتي
شمه : انا 15 ..
انا : .......
شمه : ممكن اسوي لك ادد عندي ؟؟؟
ميثا : اي اي هذا مالي انتي شو تبغين فيه (خيبه استويت مال سبيل)
انا : اوكيه
شمه : خلاص خلاص ما بسويله ادد ولا تموتين
(و بالفعل سوت لي ادد)
انا : خلاص لا تضاربن ما برمس اي وحدة فيكن ..
ميثا : لا لا خلاص ماعليك منها &nbsp;...
و بعدها سكت و لبستها و تميت كالعده اكمل مشواري في البال توك ..
.. هنيه عرفتني و عرفتها لو انها عمرها ما شافتني .. لان عندنا ما انشوف البنات الي يقربن لنا ..</font>

<font color='#728FCE'>ثاكس على الردود ..... <img src="http://oasis.bindubai.com/emoticons/biggrin.gif" border="0" valign="absmiddle" alt=':D'></font>

<font color='#000000'>[<span style='color:purple'>move] اسميها مذله [/move]



لو سمحت اخويه طير نادر كملها لانها حلـــــــــــــوة</span></font>

<font color='#728FCE'>في النفس اليوم الي سويت لها ادد فيه دخلت ميثا ..
ميثا : هلا
انا : بالمهلي
ميثا : انته شو تقول ؟ (من حقها ماتعرف عربي)
انا : ماشي ..
ميثا : من وين يايب ايميلي؟
انا : من الفوروردات .. (لو قلت لها من عند واحد بتضربني بلوك بليا تفاهم)
ميثا : اها ..
ميثا : انت من قوم بن فلان .. (نيك نيمي باسم عيلتي الي هي نفسها اسم عيلتها)
انا : هيه نعم ..
ميثا : يعني انته من هلنا ؟
انا : مادري
ميثا : عيل ليش نيك نيمك باسم عيلتنا ..
انا : و انا اشعرفني باسم عيلتكم ..
ميثا : نحن بعد من قوم بن فلان ..
انا : هممممم يمكن من هلنا .. قولي لي بنت منو عشان اتاكد .. (اوني عاد مادري شز السالفه) ..
ميثا : انا بنت فلان ..
انا : هيه اعرفه هذا قريبنا ..
ميثا &nbsp;: انته ولد منو ..
انا : ولد فلان ..
ميثا : ماعرفه ..
انا : اكيد ما بتعرفينه لكن لو تخبرتي ابوج بيعرفه ..
ميثا : همممممممممم .. كم عمرك (موووول ما يخصه في السالفه)
انا : 16 .. عقب شهرين بكون 17 ..
ميثا : اها ... انا 14 و توني داخله من شهر .. (انزين انا ما سالتج)
انا : انزين ..
ميثا : لحظة بدخل اختي دقيقه ( شو تسوين واسطه؟)
و دخلت شمه ... الظاهر كل وحدة بكمبيوترها .. من حقهن عيل ان كل حد بيعرفهن ..
شمه : شو تبين ؟
ميثا : شمه اتعرفين منو هذا ؟
شمه : لا ..
ميثا : هذا من هلنا و اسمه *** و عمره 16 ( كل ما اشوف عمره 16 اقول في خاطريه شو قصت 16 يعني فوق راسه ريشه؟) (طلعت حمار عقب اكتشفت ان قصدها انته مناسب حقي)
شمه : قولي والله .. شحالك ..
انا : يسرج حاليه
شمه : ممكن اسوي لك ادد ؟
انا : اكيد ...
ميثا : ايه ايه شو تسوين له ادد هذا مالي .. تبين تسرقينه بعد ( خيبه اشترتني في مزاد)
شمه : خلاص خلاص ولا تموتين ما بسويله ادد ولا شي ...
سوت لي ادد شمه و اختها ما تدري ..
شمه : هلا &nbsp;..
انا : اهلين ..
شمه : انته في اي صف ؟
انا : انا في الثاني الثانوي علمي و ساير ثالث ..
شمه : اي مدرسه ..
انا : المدرسه الفلانيه ..
شمه : هيه
انا : و انتي ؟
شمه : مدرسة (وحدة من المدارس الخاصه)
انا : اها ...
شمه : ليش ما اتي تدرس مدرستنا
انا : ماقدر انا من درست في هالمدرسه .. لو ييت مدرستكم يمكن ينزلوني سنه .. ماريد
شمه : اها ..
انا : انتي كم نسبتج اول ثانوي؟
شمه : 93 ..
انا : ماشاالله .. عيل خلاص انتي ممتازه .. غريبه ..
شمه : انته كم نسبتك ..
انا : 66 .. ادري فاشل .. تدرين امتحانات الفاينال اييب A و A+ مرات لكن في الشهور اييب F و C &nbsp;..
انا : مدرستي في جميرا .. و انتي ادرى بمال جميرا كيف .. ما يرتاحون غير ما يصيحون المصري .. تصدقين ان الي في صفي 8 منهم ما يعرفون انجليزي ..
شمه : في مدرستنا كلهم اوكيه في الانجليزي
انا : نحن 60% بس الي يعرفون يتكلمون .. مع ان منهجنا كله انجليزي ..
شمه : و انته تعرف انجليزي ولا لا ...
شمه : الانجليزي اسهل ماده عندي .. (ترا كتابتنا كلها انجليزي معرب ما نتفاهم بالعربي)
تطرش لي ميثا ..
ميثا : وينك .. ليش ساكت ؟
انا : لا ماشي .. انزين شخبارج بعد ..
ميثا : انا بخير .. .
و انا اكلم شمه من البرد الثاني ..
انا : شمه انتي كم عمرج ..
شمه : انا 15 &nbsp;..
انا: اها .. اوكيه .. برب
شمه : تيت
و رجعت اكلم ميثا ..
ميثا : بلاك .. ليش ما تتكلم ؟
انا : لا ماشي .. انزين .. تغديتي ( رمسة البنات .. شو غداكم اليوم .. طرشولنا)
ميثا : مادري .. يمكن سندويجات سوسج (Sousge)
انا ( فاج عيوني مستغرف شو يطلع هذا سوسج) : هيه .. شو تاكلين سندويج على الغدا ..
ميثا : ليش؟
انا : كلي عيش و لحم قوي جسمج ..
ميثا : ييييييييييع عيش .. شو عيش اخ .. (خيبه .. انا ماقدر اعيش بلياه و هذي اتقول اخ)
انا : حوووو نعمة الله .. جي &nbsp;شو تاكلون في بيتكم؟
ميثا : اي شي .. ستييك .. سندويجات ... اي شي ..
انا : اها .. انزين هالاكلات بشوكه و سجين صح؟
ميثا : هيه عيل شو ..
انا : حييها .. ثرج بنت طاولات و شوك .. نحن بعدنا ما تطورنا ناكل على الارض و بيدينا ..
ميثا : شو هالطريقه الحيوانيه ( خيبه خيبه .. هذي لو تدري اني بعدني اتريق خمير و جباب شو بتقول)
انا : شو هالرمسه ..
ميثا : ابويه ياكل بايده لكن على الطاوله .. شو تاكلون على الارض ويا الوسخ ..
انا : ليش يعني ؟
ميثا : يمكن غبار و رمل و جراثيم ..
انا : انزين الغبار لو موجود على الارض بيكون موجود في جسمج .. و عن الجراثيم تراها في كل مكان .. و تراج مخلوقه من رمل و ما ولا نسيتي
ميثا: بس الجراثيم الي على الارض غير ( انزين نحن انحط سماط بس فكيني)
انا : انزين ماعليه .. انا مادري من وعيت على الدنيا اكل على الارض و بيدي و يقولون ان يدان يداني كانوا يسون جذه .. اذا في خاطرج شي سيري رمسيهم انا هب محاومي مالهم ولا مال ابوهم ..
ميثا : خلاص خلاص هدي اعصابك ما نقدر نزعلك ( اتقولين عني حيوان و ما تبيني ازعل )
انا : انزين ..
ميثا : اليوم الخميس ما بتسير مكان ؟
انا : هيه اكيد بطلع
ميثا : وين بتسير عشان انيي نشوفك .. (من حلاتي عاد)
انا : بسير العزبه ..
ميثا : هذي في دبي؟
انا : هيه في دبي ..
ميثا : وين مكانها ؟
انا : عندنا هنتين وحدة في الطي و وحدة في العوير
ميثا : انتوا عندكم مركز تجاري .. وااااااااااو .. عيل انتوا اغنيا (من وين مركز تجاري؟)
ميثا : انا ماعرف وين الطي .. بس العوير ولا مره سرت هاك الصوب يمكن فتحوا سنتر و ماسرته
انا : هذي العزبه معناها الزريبه .. شو مركز بعد
ميثا : شو يعني زريبه؟ ( يلعن الساعه الي سويت فيها ادد لج)
انا : مكان يحطون فيه الدبش
ميثا : شو يعني دبش ( يلعني انا بعد وياها)
انا : يعني خرفان و عنز .. و &nbsp;عندنا بوش بعد ..
ميثا : بوش يعني جمال صح ..
انا : هيه
ميثا : االله انا خاطري اشوف هالبوش .. كله يقولون بوش وبوش و ماجد شفته في حياتي .. (انتي تطرين اي بوش؟ .. البوش الي في عزبتنا .. و لا الي يظهر في التلفزيون؟)
انا : حياج مره .. جان بتشوفينهن تعالي ... عندنا وحدة مدني و يقولون انها اليوم بتعق ,,
ميثا : مدني شو معناها ..
انا : قبل ما تطلعين على الدنيا وين كنتي ؟
ميثا : في بطن امي .. (طلعت ذكيه)
انا : يوم انتي تكونين في بطن امج يسمونها مدني ..
ميثا : اها .. و اليوم هالناقه بتربي؟
انا : انشالله ..
ميثا : عطوني البيبي الي بيطلع
انا : واصل
ميثا : انا احب البيبيات مال الحيوانات ( توج تسبين الحيوانات )
انا : اوكيه ..
ميثا : ......
انا : ...
ميثا : ليش انته تسكت ..
انا : انا بطلع اوكيه سامحيني بسير احين .. يلا فداعة الله
ميثا: شو فدعة الله ... (يعلج الحراق قولي آمين)
انا : يعني باي ,,
ميثا : اوكيه متى بنشوفك عاد ..
انا : مادري .. باي ...
وطلعت .. و بصراحه اميل لشمه اكثر من ميثا .. حسيت ان شمه شويه عاقله .. و سوالفها حلوه و تكلمني بحترام و تحاول ان تخلي حدود بيني و بينها اما ميثا فحسيت بها ياهل ولا تدري بالناس كيف عايشين .. شكلها هي الي توزع الارزاق ..
..................... بكمل المره اليايه ... باي <img src="http://oasis.bindubai.com/emoticons/tounge.gif" border="0" valign="absmiddle" alt=':p'></font>

<font color='#000000'><span style='color:sandybrown'><span style='font-size:13pt;line-height:100%'><span style='font-family:times'><div align="center">الصراحه القصه إلين الحين حلوووووه بس يوم تكملها تكون احلى....
ومشكور....</div></span></span></span></font>

<font color='#000000'><span style='color:purple'>مشكور اخويه على التكملة....</span></font>

<font color='#3BB9FF'>مشكوووووووووووره ونتريا الباقي</font>

<font color='#728FCE'>مرت الايام .. و بعدنا في هالاجازه الي هب طايعه اتخلص و و الجماعه لين احين ماردوا و انا 24 ساعه اون لاين و ماظهر من البيت (الغريب في السالفه اني ضعفت من اليلسه شكلي عكس الناس) و ميثا مسكينه دوم تكلمني و اتقولي انا سويت لك شي غلط .. ليش ما تكلمني اذا انا غلطانه في حقك قولي ..
المهم مليت من اليلسه .. اتصلت بربعي و كل واحد يقول انه بيرد من سفرته عقب اسبوعين .. و انا شو بسوي في اسبوعين,عيوني بيولن من اليلسه قدام المونيتر,سافر ويا عمي (اونه ساير عنده بزنس في بانكوك) و ماشي تمينا 18 يوم و رجعنا من هناك ( وداني بتايا عشان يراويني معالم اثريه على قولته) و لما رجعت جد ربعي ردوا .. و تميت دوم وياهم .. كل يوم نظهر و ما نيلس في البيت .. و الصبح اسير معهد لغات .. و ارد الظهر اتغدى و ارقد لين العصر اطلع اسير اتمرن كيك بوكسينغ .. و عقب المغرب ويا ربعي .. تميت على هالحال اسبوع بس عشان ابتعد عن الام اس ان .. و مادري كيف قالولي ان الاي دي اس ال مقطوع و عطوني بيزات عشان ادفع عنه ( اونه عشان ما ينقصن التيلفونات و المبايلات) و عقب ما رجعت فكرت افتحه عشان اجييك ايميلي .. و لقيت 6 رسايل في الان بوكس .. و لما فتحت شفت ان كلهن من عند ميثا و كلهن يقولن (انته ليش ما تدخل اكيد عاطني بلوك .. انا ماسويت لك شي حرام عليك بلييز لا تسوي جي فيني الله يخليك) و لقيت شمه اون لاين (اشتفت لها وايد) ..
شمه : ها يالقاطع
انا : هلا شمه .. كنت مسافر
شمه : وين؟
انا : السعوديه ( بتقول لي شو ساير يسوي في بانكوك هذا)
شمه : عمره؟
انا : هيه ( احلى عمره)
شمه : نحنا نيكست ويك (Next week) مسافرين لندن .. تبا شي من هناك
انا : هيه سكري باب الفندق قبل ما تردون
شمه : هاها سخيف .. صدق تبغي شي
انا : لا سلامت روحج .. كل شي موجود في البلاد لازم يعني من لندن
شمه : خلاص برايك .. بييب لك سيديات لو تبا
انا : ما اتسمع انجليزي ,, عندهم اغاني ميحد جديمه في سيديات؟
شمه : لا هذيلاك ما يجمعون بين النقيضين .. قصدي التخلف و التطور يعني
انا : ليش ميحد ما يركب على سيديات ..
شمه : لا يركب ولا تزعل اسولف وياك ..
انا : انزين شمه بظهر ربيعي يتصل بي بسير له اوكيه ..
شمه : اوكيه
انا : تروحون و تردون بالسلامه .. و اقولج .. اتصلوبي و انتو هناك اوكيه ..
شمه : اوكيه ..
انا : يلا باي ..
طلعت من الام اس ان و سرت لربيعي و هناك دخلني بيتهوم و فتح الكمبيوتر (امبوني شارد منه انته ترد و توديني عنده)
انا : عبود .. ياخ كرهت هالكمبيوتر .. تعال بنسير نلعب بليارد ياخي ..
عبدالله : اوكيه بس لحظة الحب اون لاين ..
انا : اوكيه خل الحب تنفعك ..
عبدالله : لا سوري ايلس دقيقه بس برمسها و سايرين ..
و كلم ربيعته و طلعنا نبا الصاله و كالعاده لعبنا و كل واحد رد بيته و رقد .. و كملت يومي عادي ... طاف الاسبوع الاول .. و الثاني ...
في الاسبوع الثالث ..
دخلت اون لاين و لقيت ميثا و شمه اون لاين (اكيد رجعوا البلاد)
ميثا : هااااااااي
انا : هااااااااي
ميثا : شحالك
انا :....
ميثا : ليش ما تتكلم ..
انا : ... ( عقبلها ضربتها بلوك ابا ارمس شمه)
...
انا : شحالج شمه .. حمدالله على السلامه
شمه : يسرك .. الله يسلمك بس بعدنا في لندن ..
انا : شو الجو ..
شمه : عادي..
انا : خاطري اييكم بس الاهل ما بيخلوني ..
شمه : عادي بتكبر و بتسير روحك ..
انا : متى بتردون ..
شمه : مادري يمكن عقب اسبوع .. اقولك ميثا تقولك طرش لها رساله عشان تبغيك ( ترا انا قلت لهم اني استخدم برنامج يخليني اتكلم و انا اوف لاين .. عادي معروف هب يديد)
انا : هلا ميثا
ميثا: انته شو فيك عليه .. انا ما سويت لك شي .. انته اكيد تكرهني
انا:لا ما اكرهج .. ليش اكرهج ..
ميثا : مادري يمكن .. عيل ليش ما تكلمني دوم اتكلم شمه
انا : انا دومي في البال توك لا ارمسج ولا ارمس شمه..
ميثا : مادري بس هب حلوه تخخلينا انذل عمارنا عشانك ( شو لهالدرجه انا مهم)
انا : انا اسف
ميثا : ولا يهمك .. بس رمسنا لا تذلنا ( قالت رمسنا صح .. جي هي كم نفر؟)
انا : انشالله برمسج .. بس الام اس ان ما يطلع صوتي
ميثا : كم رقمك بتصل بك احين ( اي اي .. رقمي اونه .. وين عايشين .. التايلنديات ما يسون جذه .. اعطيها ولا ما اعطيها)
ميثا : بلاك عطني رقمك برمسك دقيقه .. ابا اسمع صوتك ( هذي تغازلني احين؟)
انا: لا تخافين انا هب راشد الماجد صوتي عاي طبيعي (تراه وعر و يزيغ)
ميثا : برايه بتصل دقيقه بس ..
انا : اوكيه هذا رقمي .. تتصلين مره وحدة بس .. &nbsp;فاهمه ..
ميثا : برب ....
و رن التيلفون, رقم شاصي ظهر على الشاشه ...
انا : الوو ؟
ميثا : انته فلان
انا : هيه نعم
ميثا: عرفتني ..
انا : ما حصلي الشرف ..
ميثا : انا ميثا .. ( يعني هب هيلاري كلينتون؟)
انا : هلا ميثا ..
ميثا : تصدق صوتك غاوي ... (بدت بالخريط)
انا : مشكوره .. سمعت صوتي .. عيبج .. تامريني على شي
ميثا : سلامتك .. بس عادي لا تخاف ابويه بيدفع المكالمه .. عادي اتكلم وياك اكثر ؟ ( حوو حوو .. انتي يوم ان ما همتج بيزات ابوج اكيد ما بتهمج بيزاتي بعد و تبيني افكر فيج ..)
انا : انزين بس لا تطولين ..
ميثا : زين .. احين شعرك طول و لا بعده؟ ( كيف عرفت اني قصيته .. ادفع نص عمري اذا ما كانت شايفتني )
انا : هيه شويه ( اوني اسير وياها)
ميثا : انزين انا بسكر احين .. وبنرمسك بعدين ..(ول ول هذي بتتصل مره ثانيه .. و انا بروح وطي ان حد درا .. والدتي تغار عليه اكثر من غيرتها على والدي.. يعني بنراغ من البيت بسببها )
انا : ميثا .. انا قلت لج مره وحده .. دخيلج مافيني على المشاكل ..
ميثا : انزين بس بحاول اكلمك كل مده ..
انا : اوكيه بس لا تتصلين دوم ..
ميثا : اوكيه ..
و سكرت عني و طلعت اوف لاين مغيض و سرت اخذ لي لفه .. و رجعت البيت ..
بدت المدارس و هل ميثا ردوا .. و انا طبعا ثالث ثانوي علمي منو قدي ,و ربعي خلصوا و كل واحد في مكان .. خليفه دخل كلية شرطة بوظبي ( لانهم وقفوا تسجيل كلية دبي) و عبدالله دخل كلية خليفه الجويه .. و انا راقد في البيت ..
طاف الفصل الدراسي الاول بارد مافيه شي .. و في الاجازه مال المذاكره دخلت اون لاين و لقيت ميثا ...
ميثا : فلان دخيلك ساعدني انا متوهقه ..
انا : امريني ..
ميثا : انا بقولك شي بس لا تاخذ فكره خايسه عني ..
انا : اوكيه قولي عادي .. انا اعدج شرات اختي الصغيره و لو قدرت اساعدج اكيد بساعدج ..
ميثا : مشكور ما قصرت ادري بك ريال ..
ميثا : تدري يوم الخميس كنت سايره السيتي .. مواعده واحد كان يقول لي انه يحبني و انا كنت مصدقتنه .. و بعدين رحت له عند سيارته ف الباركات .. و تميت اكلمه من الدريشه .. شفت حد من الاهل خاطف جان اركب وياه عن يشوفونه لان موتره مخفي (الريال مجهز الموتر) و عقب جان يتحرك . . تميت اترجاه يرجعني لكن ما طاع و صل مكان و زخني قو و ما رمت ادافع عن نفسي و تم يلعب بي و يسوي لي حركات .. بس و الله ما سوالي شي اكثر .. و انا احين ابا انتحر ابا اموت ابا شي يستوي فيني , افتك من الدنيا .. انا احين كافره االله ما بيسامحني ..(امبونه راغج من رحمته من ركبتي وياه)
انا : انزين ليش اتقولين لي كل هذا ..
ميثا : تراك غالي عليه (عاد هب لهالدرجه)
انا :انزين بسالج سوال ... انتي احين عذرا ولا لا؟ ( طالع الغبي شو يقول)
ميثا: هيه .. و الله ما سوالي شي اكثر .. بس (touching and this stuff) &nbsp;على قولتها
انا : انزين يعني انتي تبيني اسير له و اضربه .. شو بقوله ليش تسوي جذه في هالبنيه الي روحها ركبت وياك برضاها و بدون ما انته تطلب منها ؟
ميثا : لا لا .. انا ابا منك شي ثاني .. بطلبك طلبه
انا : تم ( حمار اول شي اسمع شو بتقول عقب قول تم )
ميثا : انا طلبتك طلبه بس لا تردني دخيلك ..
انا : انشالله لو قدرت بسوي الي تبينه ..
ميثا : اباك تخطبني ...
انا (choked choked get off the stage) :.........
ميثا : عادي برايك لو ما تبا .. ( توج اتقولين دخيلك لاا تردني و بعدين هب حلاوه هي اباها و ما اباها )
انا ( في حالة لا احسد عليها على قولتهم) : مادري شو اقولج ..
ميثا : ادري بك ما تباني .. احين كل حد ما يباني .. و انا وين اسير ..
انا : خلا ماعليه انشالله تم .. ( يا في بالي انها من كثر ما هي ياهل بتروح تجرب ويا حد ثاني خلني احين اقول لها اني بخطبها و لين ما تهدا السالفه يحلها الف حلال )
ميثا: والله &nbsp;الكل يقول انك ريال و تسويها عشان جي انا على طول قلت لك ( منو الكل ؟)
انا : مشكوره .. بس انا ما حبيت اردج ..
ميثا : اخافك قلتها من ورا خاطرك .
انا : لا ليش من ورا خاطري .. ليش يعني انتي فيج عوق ؟ .. من هلي و ابوج ريال و نعم ( و الدليل انتي بنته) ..ولا يهمج يا ميثا انا قدها ..
ميثا : تدري اني احبك من زمان و ماعرف كيف اقولك ( هذي السالفه الي طلعتيها من شوي كلها كذب في كذب بس انا بعرف كيف اطلع انها كذب)
انا : مشكوره ( حرقت ويهها)
ميثا : لو تدري كم احبك بس مادري ليش ما اقولك .. اتحركا تكرهني ..
انا : لا ما اكرهج
ميثا : عيل اكيد تحبنيه ..
انا : مادري ماعرف انا اذا احبج ولا ما احبج ..
ميثا : انزين .. ابا اشوفك ..
انا : كيف ؟ .... (تصدقون احس بنفسي اني انا البنت و هي الي تبا تقردني)
ميثا : ابا اشوفك ..
انا : ماقدر عندي امتحانات ..
ميثا : انزين ماعليه بس بشوفك ..
انا : اوكيه ..
وطلعت اوف لاني بعدها وانا ادور حل للمشكله الي طحت فيها ويا هالياهل .. لو حد درا اقل شي بيحطوني في منفى .. و حرام اهد البنت بليا مساعده .. و طبعا ما اقدر اشاور حد .. انا ابا استر عليها اروح افضحها .. مادري شو اسوي و كيف اتصرف .. حزتها كنت اتمنى الموت &nbsp;.. &nbsp;
بكملها خلاف انشالله عندي بزنسس .. يلا سيي يوو</font>

<font color='#3BB9FF'>مشكوووووووووور ع القصه الفنانه
نتريا الباقي</font>

<font color='#3BB9FF'>حرام عليك كمل القصه
يله يالسه اتريا</font>

<font color='#000000'>وااااااااااايد حلوه القص والله انها تجنن</font>

<font color='#000000'>وااااااااااايد حلوه القص والله انها تجنن</font>

<font color='#3BB9FF'>يله عاد كمل القصه والله انه القصه فنانه يله كملها</font>

<font color='#000000'>والله ان القصه تجنن
بس متى بتكملها<img src="http://oasis.bindubai.com/emoticons/sad.gif" border="0" valign="absmiddle" alt=':('></font>

<font color='#EE9A4D'>حووو كمل<img src="http://oasis.bindubai.com/emoticons/mad.gif" border="0" valign="absmiddle" alt=':angry:'></font>

<font color='#000000'><span style='color:purple'>فديتني <img src="http://oasis.bindubai.com/emoticons/blush.gif" border="0" valign="absmiddle" alt=':b:'> دوم أدخل وما ألقاك مكملنها
شو هالمذله</span></font>

<font color='#3BB9FF'>حرااااااااااااااا اااااام عليك كمل القصه</font>

<font color='#728FCE'>بعد التفكير قلت خلاص احسن شي اني اساعدها .. و تميت اجيت وياها دوم و يوم تغيب عني احترق حراق .. قمت احس انها جزء من حياتي .. شي غالي ماقدر اخلييه .. اتعلقت فيها وايد .. و ايام امتحانات نص السنه كنت اجييت وياها لو ان عندي امتحان .. و بعد ما خلصت الامتحانات .. طلبت رقمي .. اول شي اترددت بس بعدين عطيتها و اتصلت بي .. و تمت اتسولف ويايه و اتقولي قصصها .. و تشتكي لي دوم .. و كل شكاويها خايسه .. ابوها ما يخليها اتسير القلوبل (GLOBEL) قصدها القريه العالميه .. و ابوها ما خلاها تطلع .. وامها ضاربتها .. حسيت اني كبير وايد و شيبت .. اذا هذي اصغر مني ب 3 سنين و جذه عقلها .. ذكرت يوم اني بو 14 سنه كنت اقول اني كبير احين عرفت اني كنت ياهل .. و كنت يوم الخميس ارجع قبل ال 12 لو انه هب من عادتي بس عشان اتصل بها .. و في الاخير ما اترد ... مرت السنه الدراسيه و نجحت في الثانويه العامه و يت الاجازه و يتني النسبه و كانت 77% الحمدلله مع اني كنت راسب الفصل الاول في 6 مواد (عادي دخلوني الامتحان واسطه) و كنت اتصل بها دوم .. بس اكثر الاحيان ما اترد عليه .. كنت اتمنى انها تشفق عليه و اترد .. ما كانت تتصل بي لا يوم اتكون فاضيه .. يعني انتي مخلتني على الهامش ..و انا مخلنج في عيوني ... و لما كنت اسالها ليش اتقولي هليه و الضروف و ابويه و مادري ايش .. قمت احس اني جابر نفسي عليها .. و انها غصب تكلمني .. فلبستها موول .. و سجلت في كلية الشرطه &nbsp;و قبلوني الحمدلله .. و قبل ما ادخل ال 45 يوم اتصلت بها ..
انا : هلا ميثا
ميثا : هلا .. (من ورا خاطرها)
انا:شحالج
ميثا : خرااا
انا : ليش بعد
ميثا : ماشي ماشي ( عشان اقولها الا اتقولين و ايلس اترجاها لكن انا فهمتها)
انا : انزين ماعليه
ميثا: اقولك بسكر انا انزين لاني مشغوله ( خخخخ ردت بعد تباني اترجاها)
انا : خلاص ابرايج بس انا بغيت اتصل بج و اسلم عليج باجر بدخل ال 45 يوم انشالله و بس
ميثا : اها اوكيه .. دام جذه السالفه اتصل بي الساعه 9 بكون فاضيه لا تتصل بي عقب ال 11 لاني راقده ( و الله .. طراره و تتشرطين )
انا : من عيوني يلا باي
و يت الساعه 9 لكن ما اتصلت .. اتصلت قبل ال 11 بربع ساعه و ما ردت عليه اونها يعني شرات ما اقولك تسوي تبا تتحكم فيني .. لكن اتصلت مره وحدة و سكرت هب شرات كل مره انقع التيلفون و اطرش مسجات .. و سجلت في المسج الصوتي اغنية بخيت المرر لكن خليت حد من ربعي يشلها شله
لا خلاني الرب من شوفك .. يالغلا يا عمري الثاني
زورني لو تسمح ضروفك .. لا تعذبني و تنساني
مدخلنك خذني بروفك ... المحبه عطف و احساني
لوفني و ان شيت بلوفك .. قاصدنك بالوفا عاني
كمل احسانك و معروفك ... حطني في قلبك العاني
استمد الشوق من يوفك .. و تستريح بشوفك اعياني
يالغلا تبهرني حروفك.. يوم باسمك ينطق الساني
يا حلا الحنا على كفوفك .. زاهين و العود روياني
احتجب و اخفي وصوفك .. لا يصيبك جور الازماني
روف بي عين الله تحوفك .. يا بعد عمري و خلاني
على امل انها تتصل و تسمع المسج الصوتي و تشفق عليه اشويه .. و دخلت كلية الشرطه حق ال45 يوم عذاب و دبيج و زحف و بواليع و انتوا كرام .. و خصلتهن بخير الحمدلله .. و لما فتحت موبايلي قلت اكيد طرشتلي شي تراها تدري اني اليوم بخلص و انصدمت انها هب امطرشتن لي شي .......
بكمل القصه بعدين ........</font>

<font color='#3BB9FF'>مشكوووووووووووووو ووور بس لاتخلنا نتريا هالقد المره اليايه</font>

<font color='#000000'><img src="http://oasis.bindubai.com/emoticons/smile.gif" border="0" valign="absmiddle" alt=':)'> <span style='color:purple'><marquee>thx على التكملة اخويه طير نادر </marquee></span> &nbsp; <img src="http://oasis.bindubai.com/emoticons/smile.gif" border="0" valign="absmiddle" alt=':)'></font>

<font color='#000000'>انا خذت وعد على نفسي مابدخل اي قصة الا لما اشوف لها الجزء الأخير عشان مافيني اتريا كل يوم نص جزء احس جنه ننذل عشان النهاية والله يوم بتحط يا طير نادر اخر جزء بقراهاااااااااااااااااااا ااااااا<img src="http://oasis.bindubai.com/emoticons/suspect.gif" border="0" valign="absmiddle" alt=':sus:'></font>

<font color='#728FCE'>مر اسبوع الاجازه الي بعد ال 45 يوم و لا سمعت فيه صوتها .. و لا حتى فكرت تتصل بي .. و هي تدري اني طالع من الكليه ..بس مادري كيف تجاهلتني .. المهم خلص الاسبوع و رجعت .. و صرت اسبوع في دوامي و انزل يومي نالاربعا و الخميس و الجمعه ارد .. و طاف الشهر الثالث لا حس ولاخبر .. انا ذكرت اختها الي صارت لي مشكله وياها و ضربنا ببعض بلوك و دليت .. رجعت سويت لها ادد بس ماقلت لها من انا .. و بالسياسه خليتها اتقول لي وين ميثا ..و عرفت انها موجوده بس متجاهله .. قلت في خاطريه طاف هب انا الي ابا المساعده .. المهم كملت شهر اجيت ويا اختها جان اعترف و قلت لها اني فلان ..
انا : انا فلان
شمه : والله ... انزين ليش ما قلت لي من البدايه ..
انا : مادري ليش
شمه : ليش رديت سويت لي ادد من الاصل ..
انا : بروحي بس كنت ابا اجييت وياج ..
شمه : مادري و الله ...
و مع الوقت تمينا انجيت ويا بعض .. انا بصراحه كنت من قبل اشوف شمه شي كبير في عيني لين ما طلعت هذي و خربت .. المهم خلصت السنه الاولى &nbsp;و نجحت .. و شمه يابت 94% في الثانويه العامه .. و ميثا نجحت مادري كيف .. و الحمدلله بدخل السنه الثانيه .. صلخت لي رنج اليديد .. من بيزات الكليه و زادني الوالد ..
بديت اجيت ويا شمه بطريقه ثانيه .. تميت اقولها اني عمريه ما حبيت .. و جذه .. حسيت انا تحبنيه .. فقمت اهيئ الوضع شويه شويه .. ماريد اقولها مره وحدة .. كنت اتكلم بطريقه سياسيه وياها .. مثلا اقولها بخطبج و جذه .
انا : شمه انتي هب مصدقه اني احبج صح ..
شمه : ها ..
انا : شمه ليش انا رديت اسوي لج ادد .. ليش انا كنت لابس ميثا و اكلمج انتي .. ليش انا يوم ايي جريب من بيتكم اعرف انتي شو لابسه و ميثا لا .. تذكرين ..
شمه : مادري و الله
انا : شمه انا يوم كنت اكلم ميثا كنت اغلط اقول شمه .. و اذا ما اتصدقيني اتخبريها ..
شمه : انا كنت اتحراك تتمصخر عليه بس تبا تعرف انا شو بقول
انا : انا ما احب اتمصخر في هالسوالف انا اتكلم جد ..
و صدقتني و استوينا مثل السمنه على العسل على قولتهم .. و عرفت ان شمه تفرق عن ميثا 180 درجه لو انهن تربن نفس التربيه.. صراحه شمه دخلت قلبي من عرفتها عدل .. انسانه حبوبه و محترمه و خجوله .. احلى شي فيها تستحي من كل حد ل ؤؤؤؤؤؤؤؤ ل .. بعد فتره كنت طالع ويا خويه الضيافه &nbsp;بالرنج .. كان الاخ مواعد .. المهم يعني تموا يسون حركات حتى الغبي الاهبل الي مايخصه بيفهمها .. المهم ضويت داري .. و ارتحت .. رن التيلفون .. انا اتوقعت خوييه متصل لان الوقت متاخر .. رديت ..
ميثا : الو شحالك
انا : الحمدلله بخير منو؟
ميثا : افا ما عرفتني
انا : لا و الله كيف بعرفج و انا ما اعرفج ( سخافه)
ميثا : انا ميثا ولا لقيت لك حد احسن مني
انا : هلا و الله وين .. شو هالغطه الي غطيتيها
ميثا : لا ماشي شغلتنا الدنيا
انا : اها .. انزين وش الي ذكرج فيني ؟
ميثا : سوري و الله انشغل ( الله ربيعج في الفريج صح ولا انتي بنت اعمال يعني)
انا : اوكيه هب مشكله
ميثا : و شو الكليه وياك ... قرعوك صح (ودي اعضك لو ثواني على هالغباء)
انا : هيه
ميثا : شو ما طلعت سياره لين احين
انا : هيه طلعت
ميثا : شو؟
انا : ستيشن 2003
ميثا : مبرووك .. بس انا شفتك اليوم برنج (قولي فديت سيارتك قولي)
انا : هيه امظهر رنج ..
ميثا : والله اشتقت لك وايد ( لا تحلفين قصج الله )
انا: مشكوره
ميثا: من زمان ما شفتك ابا اشوفك ( اها .. تبين تراوين موتريه حق ربيعاتج احلمي هاهاهااهااااااااااااي)
انا : ماقدر باجر ورايه كليه ..
ميثا : برايه الاسبوع الياي ..
انا : مادري عيني من الله خير لين حزتها بنشوف
ميثا : اوكيه
انا : بسكر عنج برقد .. يلا باي &nbsp;
و سكرت في ويهها و لا اتفاهمت .. الكره في ملعبي من حقي .. المهم .. اليوم الثاني رجعت الكليه و بعد ما طلعت كلمت شمه اني خلاص بخطبها بعد هالسنه .. و هي اموافقه من احين .. بس قلت في خاطريه خلني اخذ حقي من ميثوووه قبل .
المهم كلمتني ميثا و رضيت اني اواعدها ... و شليت خويه ويايه و واعدتها في فرايدييز .. ( اذا ما اتعرفونه هذا مطعم بتحصلونه تحت هوليدي ان في شارع الشيخ زايد) المهم يت هي و ربيعاتها .. انا يايب خويه لان السانه نار .. ضوو اعوذ بالله .. يعني على قولتهم قريييييييييييييييييييض .. و يلسنا هناك و استلمهن كلهم و انا استلمتهن بعد جربت حظي و طلعت قريض خخخخخ المهم بعد ما قطعناهن طلعت ميثا اتصييح جدام ربيعاتها انا بعد زدتها و تميت اضحك عليها بصوت عالي .. بلغوا علينا الشرطه .. كااااااااااك المهم يابونا المركز و يوم وصلنا كل السالفه طاحت على راسها لانها هي متصله بي هذا الدليل انها امواعدتني .. خخخخخخخخخ حركات و الله .. و بعد ما رجعت البيت .. عرفت ان شمه قالت لها اني احبها و اني بخطبها جريب .. اتصلت بي اتقول لي بنرجع لبعض و مادري ايش .. و ان حرام عليك و انا احبك صدق .. و عرفت من شمه انها الفتره الي كانت اتكلمني فيها كانت تطلع ويا واحد .. و في الفتره الي لبستني فيها كانت اتكلم غيره .. و هذا لبسته بعد .. المهم ما طعت و لبستها .. تم كل فتره تتصل تترجاني .. قلت لها ..
ميثا انا بطرش لج قصيده عديتها من فتره مخصوصه لج .. بطرشها على ايميلج و شوفيها اوكيه .. يلا باي و سكرت عنا و كسرت مبايلي و غيرت رقمي و افتكييت منها ..
بس بعد استوت اشيا زياده بكتب لكم اياها بعدين ........... يلا سييي يوو</font>

<font color='#3BB9FF'>مشكوووووووووووووو ووووووور ع التكمله وايد تاخرت علينا</font>

<font color='#000080'><U>متى تكملة القصه ؟؟؟؟؟&#33;&#33;&#33;&#33;&#33;&#33;&#33;&#33; &#33;<IMG src="http://oasis.bindubai.com/emoticons/wow.gif" border=0></U></font>

<P class=MsoNormal dir=rtl style="MARGIN: 0cm 0cm 0pt"><SPAN lang=AR-AE><FONT face="Times New Roman">القصه مهجووره من متى ومب مكمله .<?xml:namespace prefix = o ns = "urn:schemas-microsoft-com:office:office" /><o:p></o:p></FONT></SPAN></P>
<P class=MsoNormal dir=rtl style="MARGIN: 0cm 0cm 0pt"><SPAN lang=AR-AE><o:p><FONT face="Times New Roman">&nbsp;</FONT></o:p></SPAN></P>
<P class=MsoNormal dir=rtl style="MARGIN: 0cm 0cm 0pt"><SPAN lang=AR-AE><FONT face="Times New Roman">بس بنقلها لواحة القصص الذاتيه .. </FONT></SPAN></P>


&nbsp;</P>