سلام الله على حسنك وزينك

باقي شهر عن انتهاء السنة الجديدة

والأيام تمر والعمر يمضي

وفكرة تأجيل الزواج تطول

ياترى من هي شريكة حياتي

لا اعلمها من هي

ولكن هذه سنة الحياة

لعلي أجد من ارتبط بها :m_m7tar: عليهم الاختيار ولي القرار

هل توجد شروط

معايير

وكأني اتعلم ارشادات الامن والسلامة :m_atmasha:

لم انتظر تزويج اصدقائي، ولكن ماذا كنت انتظر :fa45:

كل منهم انشغل بحياته الجديدة وهموم أسرته

والآن دوري حتى انشغل بحياة جديدة

زواج راشد بعد أسبوع وزواج عبدالله بعد 4 شهور

وكل منهم كان يبحث عن زوجه في نفس الفترة تقريبا

وتمت الموافقة من الطرف الآخر

http://oasis.bindubai.com/bin/upload...b319ab28ef.gif


ربي يكتبلكـ الخيـر فـ دينكـ ودنيــاكـ
ويرزقكـ الزوجــه الصالحــه ويسعــدكـ ^_^


http://oasis.bindubai.com/bin/upload...b3ade8b291.gif

هذي سنة الحياه اخووويه ^_^

ربي يكتبلك اللي فيه الخييير .. ويرزقك الزوجه الصالحه اللي تسعدك وتقدرك :)

اخويه مروان .....الحال من بعضه ... كل مره انآجل و انقول بعدنا واصبروا والعمر يمر ونحنا مب حاسين ...
الله يجدم اللي فيه الخير قول آمين

السلام عليكم...

انا ما ادوي ليش الشباب وايد ياخرون موضوع الزواج.. رغم رغبتهم فيه.. بس مثل ما يقولون .. بعدنا شوي...

الزواج مسؤوليه صح... بس في اوقات حلوه تستمتع بها.. خصوصا بوجود الصغاريه... ترى عيالك غير عن عيال اختك او اخوك... ولو كانت اجواء اليهال صدعه.. الا انها حلوه

تتريا ولادتهم.. اول ابتسامه لهم.. اول ضحكه.. اول جلبه.. او حبوه.. اول وقفه.. اول خطه.. اول سن.. اول كلمه...
..

وحلو انه عيالك يكبرون و انت بعدك شباب بتحس انهم خوانك... مب عيالك...

..

يلا شبابنا.. نتريا منكم العزيمه... اتوكلوا على الله ولا اتخلون ايامكم اتمر و انتو مب حاسين..
و في بنات و النعم فيهم... بس عليكم بالاستخاره.. و ربي يكتبلكم كل الخير اللي تتمنونه

ضربتنا عالوتر الحساس يالمزوحي خخخخ
انا بعدني ضايع و تفكيري متشتت
كل شي جاهز عندي الا الحرمة

ابا اكمل دراستي و ابا اعرس و ابا و ابا و ابا و الايام تمضي و انا بعدني

ان شاء الله بسبقكم =p

طير الغرام + شتشووته إن شاء الله

مايهزك ريح آمين

شوق القلوب صح الواحد وده يشوف عياله، بس الاختيار صعب ولو بتقولين وايد بنات ، والله يكتب لنا الخير مثل ماقلتي

ذنيني صح كلامك .. انا ربيعي اللي بيعرس السبوع الياي هو كان يبغي يعرس من 3 سنوات تقريبا .. عقب ماخلص دراسته واشتغل، حط فكرة الزواج في باله لكن ما استوى

وكمل دراسته وهو يشتغل ، وفي نفس الوقت كانوا يدورون له الاهل على حرمه , والسنة صار الموضوع ..

ولو انته بتسبقنا زين بالبركه عليك ^_^

الله يجدملكم اللي فيه الخير شوابنا
انتو خففو مواصفات الزوجه و اموركم بتسهل، ماشي حرمة فل اوبشن
:4:

اذا بتعرس في هالزمن لازم يكون عندك اقل شي 350 الف كاش
و اهم شي تبتعد عن السلفيات ولا صدق بتروح فيها طول عمرك


موفقين

^
بعّلي 150 كآش آظن ف البنك ماعنده :4: واتيسرت الامور الحمدلله


يمكن لان الله رزقه حرمه طيبه شراتي ما اتشرط :4::4: ==> خقآقه


المزوحي :

آنـآ آخويه شرآتكم صّك الـ 30 وبعده يقول : آنا صغير ع العرس

لولآ آنه اخويه لي آصغر عنه خّلص الجامعه وآشتغل وقآل دورولي جآن الآول مافتكر ، وتحت ضغط الأهل والصدعه والحشره آقتنع وعّرس وهو عمره 30 سنه آو 31 ..



خّلو مثلكم الآعلى ف موضوع الزواج " رسول الله " .. ومآرآح تندمون صدقوني


عَنِ أَبي هُريرة رضيَ اللَّهُ تَعَالَى عَنْهُ عَنِ النبيِّ صَلّى الله عَلَيْهِ وَسَلّم قال: " تُنْكحُ الْمَرْأَةُ لأرْبَعٍ: لمالها ولِحَسَبها ولِجَمَالها وَلدينها: فَاظْفَرْ بذاتِ الدِّينِ تَربَتْ يَدَاكَ "


ذكروآ آربع آشياء وقآل آظفـر بذآت الدين

فـ لـو تخلوا هدفكم الأول والاخير الآخلاق مع شكل مقبـول صدقـوني الآمور بتتيسر وفي كل مره آستخيروا والخيره باللي يختآره ربع العـآلمين ..

وآايد نآس يقولون : نبيغيهآ بيضاء ، نبيغها طويله ، مابـاها تكون متينه ، .... الخ

" على قدر نياتكم ترزقون "

والله هذيـل اللي مايتشرطون ولا يدورون ويتنّجون وايد رب العالمين يرزقهم بحريم ولا آحسن ، والعكس صحيح ..


دّورا العايله والحرمّه لي تشتري آخلاقكم وسمعتكم الزينه مب بيزاتكم وشو من الساييير لي عندكم والوظيفه ... الخ



الزواج اسـتقرار وراحه وطمئنينه وبنفس الوفت مسؤوليه لكن في آيام تـمر عليكم تحسون انه الآرض مب سآدتنكم من الفرحه


توكل على الله

ولآتأجل موضوع الزواج ..


والبيزات ومادري شو ، ترآ خلها ع الله والله كريـم

^
الحريم و التمدح مشكلة في هذا العصر
:4:


انا نفس الشي كلفني اقل عن هالمبلغ
بس قلت 350 الف كـ متوسط للاسعار الحالية اذا قلنا ملجه + عرس
حق الرياييل و الحريم في فندق مع الشغلات الثانية و الكماليات
اللي لين اليوم اشوف انها بدون لزمة و فقط لارضاء الجنس الناعم
:whistling:

الواحد قبل يتحرى العرس حجز قاعه و كوشة و كان الله غفورا رحيما
و ينصدم بلستت الطلبات اللي مالها نهاية هههههه
:fa56:

استويت متعهد افراح حاليا و خبره في السوق و الاسعار هههه



و ما ازيد على كلام مهابة اختصرت كل اللي يدور في بالي
و اوافقها الراي في كل كلمة قالتها

صريح صح مانبغي فل اوبشن

لكن بما إنك تقول لازم يكون عندي 350 هذا يعني مابقدر اتزوج ..

وإذا على عمارنا الواحد يكون وسط ، لانبخل عليهم ولا نحط على عمرنا ديون مالها اول ولا تالي

نقدر نحذف عرس الرياييل ، وتكون ملجة من غير حفلة وعرس محترم وبس .. شو رايك

إلا إذا عقب ماتخطب يقولون نبغي ونبغي

مهابه تقدرون تسون جمعيه وتعطوني إياها لوووووووول ^_^ هذا إذا تبون اتيوزوني ..............

وأنا مب من النوع اللي يتشرط، في شكل الحرمه ، بس مابغي انصدم او اتوهق ، ويييييييييييه عن يعظوني البنات

اقصد ، وحده تكون هاديه وتحترم الزوج

صريح :

هههه

:4:
كلـكم شرآت بعض ، تتحرون العرس هّين وآموره بسيطه، بس جّد يعني حتى لو الحرمه بـتراعـي ريلهـا ترآ بعد آسعـآر السوق مآترحم ><

واللّسته آذا مازادت ماتخلص ..

وزيـن والله يوم صآر عندك خبّره ، غيرك يقـول آنتي سوي كل شي وانا بدفع بس ، مآيخصني بسوالف الحّريم :fa56:



المزوحي :

آنا لـ عرسي مآسويت جمعيه ؟ بسويلك :4:

لـيش تنصدم ؟ وليش تتوهق ؟

يـوم هّلك بيرمسونك عن فلآنه ، آفرش سيآدتك وصّل لك ركعتين وآستخير وتوكل
جآن تيسرت الامور ترآها خيره وحتى لو ماتعرف البنت يمكن تكون قمر 14

ولو تعّسرت آعرف ترا الموضوع كلّه مآمنه فآيده ..


وربي يوفقك آبـنت الحلآل لي تصوونك وتحفظك =)


موفقين خير ..

هيه والله اسعار السوق ماترحم، بس بعد الواحد يبغي الشي الزين

بس من يحيدونك مواطن سعر الكوشه تترتفع وانـت, سايره ، وإن شاء الله خير

صريح

^

لإرضــــاء الجنس الناعم عيل هااا

بفتن

:)


لول


,,,,


المزوحي

^

انا للحين اقول انهاااا صعبببببه يوم الريال بيعرس .!! يعني احس صعب يختار ..!! مادري كيف انتو لول ..

^^ الله يعينكم يالشباب ...


بس اكيد اهلك ما بيختارون لك اي احد .. ^ يعني من ناحيه الشكل والاخلاق ... إلخ

توكل على الله .. لانه صرت شيبه بس بعد لين متى بتم << ها اسلوب العيايز لول

انزييين ... وكلووولووووووووووش من الحين ^_^

المزوحي... الوالده ولا خواتك يوم بيدورولك عروس.. اكيد بعرفون منو اللي تناسب شخصيتك و طباعك و اسلوب حياتك...! يعني السالفه مافيها وهقه و طبعا اتجدم الاستخاره...

هالخوف و التردد ماله داعي.. اذا اتوكلت علي الله الامور كلها بتتيسر ان شاء الله