السلاام عليكم
شحالكم ؟؟
أفكر آخذ لي بلاك بيري .. بولد ..
بس ما عرف شو آخذ ،، الي بو الكرة ولا touch
لأنه نصحوني بـ الي فيه كرة ، يقولون أريح ...
شو رايكم انتوا .. !
وإذا عندكم فكرة عن الأسعار بكون شاكر لكم ..
والسمووحة
عرض للطباعة
السلاام عليكم
شحالكم ؟؟
أفكر آخذ لي بلاك بيري .. بولد ..
بس ما عرف شو آخذ ،، الي بو الكرة ولا touch
لأنه نصحوني بـ الي فيه كرة ، يقولون أريح ...
شو رايكم انتوا .. !
وإذا عندكم فكرة عن الأسعار بكون شاكر لكم ..
والسمووحة
وعليكم السلام ..
أنا عنديه البولد بو كوره.. وقبله كان عندي الكيرف..
بصراحه تعقدت من الكوره بسبة الكيرف واايد تعلق الكوره ومرات ما تقدر تنزل أو تطلع عشان تقرا المسجات اللي توصلك..
أخـوي عنده البولد تتش بدال الكوره
ووصل رقم خيالي في لعبة "بريك بريكر" مقارنة بالبولد بو كوره..
وصراحه يمدحه أكثر ..
حتى أفكر أغير البولد مالي وأشتري شراته ^^~
موفق أخـوي
أكييد خذ التتش !
ليش هم اخترعـوا التتش؟! مب عشـان يقللون من المشاكل اللي يت من الكــورة ؟!!
وانا اشوف اليديد أحلى بوااايد عن الاولاني ... مع انه ما عيبني وزنه > وزن تلفون لعبـة خخخ
وانا اقول جي بعد .. اليديد بيكون أحسن ..
العجيبة .. أي يديد تطرينه .. البولد تتش ،، ولا في غيره ؟
اممم اقصد البولد 9700 .. مب هو آخر واحد ؟!
ملف مرفق 1077
هذا بلاك بيري 9700 .. هو الي ف بالج ؟
هههه ايوااا هو اللي تكلمت عنه في أول رد ...
خطـآب :
آخذه وخّبرنـآ عنه =p
آمفكره آخذ لي وآحد ف الصـيف ، آذآ حلـووو بـآخذه ، آذا يعـلق ومـآ آدري كيف بعد خبرني عشـآن مـآ آفكر آخذه
وآدور له بديل ><
الهيثم 9700 هو اليديد من بولد واحسن عن بو كوره اسمه ball track
وعليكم السلام
أخوي الهيثم ، أول بادي لازم تسأل نفسك ها السؤال .؟
ليش تبا البلاك بيري ؟
إن كنت تبحث عن البلاك بيري مسنجر ، فهو رائع جدا ، وكل شخص يمتلكه .
إن كنت تبحث عن التواصل عن طريق الإنترنت أو البريد الإلكتروني ، فهو عبيط جدا ، ولا يُقارن بالآي فون إطلاقا ، لأن المتصفح في الآي فون عبارة عن شاشة كمبيوتر مصغرة ، وأعني بذلك (كأنك فاتح صفحة الإنترنت على الكمبيوتر) اللهم إن الشاشة حجمها أصغر عنه . أما الإيميل فهو رائع وبيغنيك حتى عن الكمبيوتر .
إن كنت تبحث عن تقويم احترافي وذلك لتسجيل مواعيدك ، فالبلاك بيري تعبان وايد ، ونظام الآي فون وإن كان لا يعجبني فيه نظام التنبيه ، لكني أعتبره أفضل عن البلاك بيري بأشواط ويخدمك كثيرا ، وأنا شخصيا مُعجب بالتقويم الإحترافي لأجهز الHTC (وإن كانت لي عليه ملاحظات) .
إن كنت تبحث عن الألعاب أو البرامج فلا شيء يضاهي الآي فون .
أما البطارية ، فسلم عليها ، وأنا أقولك من ألحين خل تليفون النوكيا 24 ساعة في جيبك ، إلا إذا كنت بتحمل الشاحن معاك أينما كنت .
البروسيسور ، جيد ، ولكني أعاني من بعض المشاكل .
الكاميرا ، جيدة جدا ، خصوصا مع وجود الفلاش .
وزن الجهاز ممتاز 122 جرام .
الصوت ، لا يعجبني أبدا ، وبالنسبة لي غير واضح .
هذا ملخص سريع عن الجهاز .
^
أبد ماشجعتني ><
مهابه
هذا الكلام من تجربتي الشخصية ، يمكن تلاقين وايد ناس يمدحونه ، لكن غالب الناس إذا شافوا شي واحد عجبهم في التليفون (خصوصا البلاك بيري مسنجر) صار التليفون عندهم أفضل من غيره في كل الأمور . وهذا طبعا خطأ في حالة المقارنات .
فلابد من ذكر التفاصيل خصوصا الأمور اللي ذكرتها في الأعلى .
أنا كنت ولازلت ضد البلاك بيري ، ولو إني أملك واحد ، لكن أقول بالفم المليان خذي الآي فون وانتي مغمضة .
وعشان تتأكدين من كلامي ، سئلي أي شخص يمتلك آي فون ، وقولي له بعطيك بلاك بيري مجانا ، وشوفي ردة فعله :)
وللعلم فقط :
كل اللي أعرفهم ومن دون استثناء من اللي عندهم بلاك بيري ، معجبين بالتليفون عشان المسنجر فقط لا غير .
حصان طروادة..
العوووود أحـمـــد ..
يقولون مطول الغيبات ياب الغنايم.. وما شاء الله المعلومات اللي حطيتها صحيحة!
البلاك بيري:
- الصوت جداً تعبان
- البطاريه موول مب شي ما تكمل يوم كامل إلا عقب ما خففت من استخدام البلاك بيري مسنجر (يا دوب تكمل يوم)
- الكاميرا لا بأس بها بس مقارنة بالموجود في الموبايلات الثانية .. موول مب شي .. خاصة البولد ماشي فوكس
- اللي حبيته في البلاك بيري "برنامج MemoPad" و ياتني فترة أستخدمت برامج المايكروسوفت أوفيس To Go .. بس عقب ما طاعوا يفتحون يعني لازم أشتري الـ Premium Edition و ودرته
- المسنجر MSN و الـ BBM بس هم بصراحه اللي عايبيني أكثر شي
- الإيميل يوصلني كـ رسالة في نفس الوقت وأقدر أرد أول ما يوصلني الايميل ^^~ بصراحه وايد فادني لأنه مرات توصلني إيميلات مهمه وما اتفيج افتح الايميل وأشيك عليه كل شوي..
- اللي يعيبني أنه أقدر أسوي كوبي وبيست للمسجات
- ولعبة البريك بريكر "إدمان" وتحدي بيني وبين أخوي منو يحصل أكثر نقاط هههه
- المتصفح .. استخدم اوبرا Opera .. وايد أحسن ومتطور أكثر عن المتصفح مال البلاك بيري.. بس مشكلته إني ما أقدر أسوي كوبي وبيست فيه..
- برنامج الفيس بوك .. بس أتوقع فيه شراته للآي فون
وو جي ^^~
السلام عليكم
من عيوب البلاك بيري البطاريه لازم تشحن غ طول
بس الكوره ماشوف كل هالعيوب فيها بالعكس استعمالها سهل واشوفه عادي
بس هو ابصراحه جهاز حلو وأنا بصراحه عايبني
وكل واحد رإيه غير عن الثاني أنا حبيته بس ختيه ما حبت ومايلس معاها إلا اسبوع
وغيرته ..
السلام عليكم
من عيوب البلاك بيري البطاريه لازم تشحن غ طول
بس الكوره ماشوف كل هالعيوب فيها بالعكس استعمالها سهل واشوفه عادي
بس هو ابصراحه جهاز حلو وأنا بصراحه عايبني
وكل واحد رإيه غير عن الثاني أنا حبيته بس ختيه ما حبت ومايلس معاها إلا اسبوع
وغيرته ..
يا خوي خذ البولد اليديد خفيف ما يعلق وايد سهل الاستخدام مع التش ماله وبعد شو بغيت بشكل عام وايد احسن من الجديم هيه وبعد ما يفضي بسرعه عادي يتم يومين تقريبا حسب الاستخدام
مرحبا بكم ،،
حصان طروادة .. أنا فكرت في الآي فون .. لكني ما فضلته لأني اتوقع ما بستفيد منه للأسباب إلي ذكرتها ..
لأني مب مفكر في البلاك بيري حق النت والتصفح ،، أنا عيبتني سالفة البلاك بيري ماسنجر والتواصل وهالأمور ..
عشان جي شفت انه البلاك بيري أنسب
وسالفة البطارية أنا مع النوكيا وكل يوم لازم أشحنه .. يعني اتوقع ما شي فرق ..
مناير وأمطار ،، مشكورين خوااتي على مشاركتكم
بو عمير ،، الظاهر والله أعلم إني باخذ التتش ..
حصـآن :
آنـآ عندي آي فـون ، وعـآيبني وآيد ، وآيد سهل من ناحيه تصفح الانترنت ، آيميل الجامعه ، بي مسنجر ، ... الـخ، والبرامج ، يـوتـيوب وجيه
والبطـآريه آجرجهـا بشكل عـآدي ، يعني مره ف اليوم لآني آربع وعشرين سـآعه ع الآلعـآب واحيـان المسنجر
لكن قلت بـآخذ البي بي عشـآن " المسنجر " مثل ماقلـت ، ولـو اني بعدني اتشـاور ، آحيـآن اقـول بـآخذ عسب آتواصل مع الكل وآحيـان آقول مالي حـآيه فيه ..
أمطار
شكرا أختي ، وإن شاء الله أكون متواصل معاكم دايما
أنصحج بتجربة الآي فون ، خصوصا إذا كنتي من مستخدمي الإيميل ، صدقيني بتفرين البلاك بيري بحر ، لأنه فعلا يغنيج عن الكمبيوتر .
أما على مستوى الألعاب والبرامج فلا يُقارن مع البلاك بيري لأنه الأخير فقير جدا من هذي الناحية .
وإذا خذتيه وما عيبج أنا بشتريه عنج بسعره الأصلي :)
ولا تنسين الشهر القادم بإذن الله سيتم الإعلان عن الآي فون الجديد .
الهيثم
قلت لك ، إن كنت تبغي البلاك بيري للمسنجر فخذه ، لأنه وااااايد ناس يستخدمونه ، وأنا حاليا أستخدمه لهذا الغرض فقط .
مهابه ،
أعتقد قبل فترة كانوا يجربون برنامج يربط بين البلاك بيري والآي فون (المسنجر) ، بصراحة ما تابعته ولا أدري شو صار فيه .
وبالنسبة لي ، حتى البلاك بيري مسنجر ما قمت أهتم فيه ، لأنه مجرد فترة وآخرتها بتملين منه .
I'll hold you to that!
بتريا اليديد وبشتريــه ..
بس أنا متعقده من شي اسمه "تتش سكرين"!
جربت البلاك بيري ستورم تتش بس مش تتش بمعنى التتش .. لازم تضغط على الشاشة "يعني كليك" عشان يختار وحسيت الحركة حلوه يعني ما يختار شي إلا إذا ضغطت عليه..
فـ هل الآي فون شراته .. يعني كليك .. ولا بس تتش بمجرد ما تحط صبعك اختار؟!
انا لين اليوم يقنعوني آخذ البلاك بيري، وبعدني ما اقتنعت منه، فخذت من فتره الآي فون، وهو فيه مسنجر، يعني مش بس البلاك بيري فيه مسنجر
بس لأنه في البدايه ظهر البلاك بيري وسالفة المسنجر والتواصل به، فالناس حبت هذا الشي !
اليوم ربيعي قال لي يمكن يفر البلاك بيري شبع منه !
بس مادري بعمري لو باخذ البلاك بيري وإلا لا يعني لو فكرت باخذ البولد 9700
الهيثم بس نقطة انت قلت ..ان البطارية عادي عندك انها اتفضي لانك متعود ع النوكيا..
بس لما انقول لك البطارية اتفضي معناته اتفضي ... يعني شرات اللاب توب.. بسرعه يفضي..
الناس هالايام يمدحون الاي فون.. بس اغلب الناس عندهم بلاك بيري..
ما ادري ما افكر اخذ اي فون لان كل ربيعاتي عندهم بلاك بيري .. يعني لو اشتريته ما ادري بتواصل مع امنو..
المهم انا افضل الكرة.. اختي عندها التش .. اشوفها مرات متلعوزه ويعلق..
وبالتوفيق.. بس اظن راحت موضة البلاك بيري.. اذا ما كنت من سنه مشترنه ف ما افضل انك تشتريه الحين.. و اتريا شوي واشتر اي فون عط الاوادم شهر او شهرين بالكثير وبتشوفهم ع الاي فون..
أمطار
وأنا عند رمستي ، إن ما عيبج أنا بشتريه عنج بسعره الأصلي
أما موضوع التتش ، كنت في السابق من الأشخاص اللي ضد موضوع التتش خصوصا أنه أول ما نزل كان على هواتف الآي ميت ثم الHTC ، ثم الهواتف الأخرى .
لكن لما نزل الآي فون حطم السوق في موضوع التتش وعرفنا فعلا قيمة الآي فون ، حتى شركة الHTC حاولت تقليد الآي فون لما نزلت هاتفها الذكي الHD لكنه لم يصمد أمام الآي فون .
أما البلاك بيري تتش ، فلا يقترب من منصة الآي فون أو الHTC في التتش سكرين .
أنا ما أريد أضخم الآي فون ، كل ما عليج هو تجربته ولمسه ، سواء التتش أو التصفح على الإنترنت أو تجربة الإيميل أو الألعاب والبرامج وبعدها احكمي بنفسك على الجهاز .
شمه لو تبين الآي فون اشتريه ووايدين بيشترونه من ربعكم، مب إنه تبينه وعشان الكل عنده بلاك بيري يعني خلاص
ومب لازم موضوع المسنجر ، بس شوفي الشغلات الثانيه اللي فيه ... بعيبج ...
انزين حصان بعد هـ المدح كله لـ الآي فون، ليه ما تسوون عرض حلو عليه
في الدائرة اللي تشتغل ابها شرات عرض "بلدية دبي" ؟ تراكم فعّلتوا خدمة
الهيئة عليه حق المتعاملين لازم تسون شي حق موظفينكم كمان =)
هيثم الـ 9700 استخدمه حاليا حق كم يوم خفيف و حلو استخدامه
سعره اول ما طاح 2700 درهم اظن كان الحين مادري به !
مزن
في مناقشات واجتماعات صارت مع شركة دو لتوفير هواتف البلاك بيري والآي فون ، والبلاك بيري بيكون بسعر مغري جدا :)
كلام غير رسمي ، مب تلوميني عليه .
ما نبا BB ، طمعانين بـ الآي فون نحن !
دونت ووري
مزن سعر البولد 9700 بـــ 2200
نصيحتي قبل شراء الأي فون يجب تجربته عن طريق شخص كما هو مع البلاك بيري
انا خذت بلاك بيري وما ارتحتله فاكتفيت بالاي فون والتج مع الاي فون سهل جدا وحتى انه عاجبني من ناحية الشكل
بس الي عنده الاي فون يمكن بيتضايق من ناحية فواتير الهاتف الشهريه
لاتاخذ بلاك بيري وخذلك اي فون ابرك لك
هذا رايي وبصريح العبارة
اقتباس:
المشاركة الأصلية كتبت بواسطة فرفوش
مرحبا فرفوش كيف ممكن بيتضايق من ناحية فواتير الهاتف الشهريه ، ممكن توضح ^_^ عشان نعقه بحر
^
لـيش ؟
آنـآ مب خّط لوول ، يسحّبون عـّني ف الشهر 100 وشّــي مـآل الآشترآآك
صابه احباط الريال اظن !
ما عليج الهيثم ما ينخاف عليه