صــيــف ٢٠١٠

السلام عليكم و رحمه الله و بركاته



مثل ما تعودنا في كل عام قبل الصيف,,


نبغي نعرف شو مخططاتكم للاجازة ؟؟
الي بيسافر لخارج الدولة وين بيسير ؟؟
و الي بيتم في البلاد شو ناوي يسوي ؟؟

في انتظاركم اعزائي :m_mar7ba:

وعـليكم السـلآم والرحمه

آممم هالصــيف مـآ آعـتقد آني بسـآفر ، لآني قـّررت آقدم تخرجي وآخليه الكورس اليـآي ف لآزم آخذ صـيفي


لذلك بنصّيف فـ بلآدنـآ ..




وآنت ع ويـن نـآوي ؟!

مرحبااااااااا حبوبي الغااااالي أن شاء الله ها الصيف ناوي اسير القمر والا كوكب زحل خخخخخخ اعرف دمي ثجيل - اذا الله حيانا فناوي اسير اوروبا الى أسبانيا بس يبالنا انخطط وانعرف اي المناطق انزورها وكم فتره نبقى والمسافه بين الامارات واسبانيا واي طياره ويقولون كل ما حجزت بكيييييير كلما الاسعار كانت زوووووووووت والسموحه

حيا الله فرفروش

نورت الموضوع بوجودك
اسبانيا وايد حلوة,, اخويه سارلها من فتره و وااايد مستانس عليها (اخويه من عشاق التراث الاندلسي و زيارته كانت بشكل اساسي لزيارة ما تبقى من حضارة الاندلس)

عاد عطنا المستجدات اول باول عشان نستفيد

مهابه

طبعا التخرج اهم من السفر و الله يوفقج و يسهل امورج :fa42:


انا اذا شاء الرحمن بسير اوروبا ويا الاشقاء الاربعه و تاج راسنا الوالده ربي يحفظها
و بعد قوم خالتي بييون ويانا

ان شاء الله بنسير ٢١ يوم منها ١٠ ايام في جنيف و ٥ ايام في باريس و ٥ ايام في الوسط ما تحدد مصيرها الى الان لول

هالمره انا الارباب,, من الحين شرطت عليهم, سياره ما بنأجر لأنه جنيف ما يبالها سيارة و باركاتها واااااايد غالية
وايد وايد غالية, اذكر العام لأول يوم سرت كنا ندفع ما يقارب ٦٠ يورو يوميا بس للباركات !! و احسبيها على ٣ سيارات
الـ ٦٠ يورو = ٣٠٠ درهم يعني ٩٠٠ درهم فاليوم, يعني ٩٠٠٠ درهم في العشر ايام خخخخ :wacko:
طبعا غير ايجار السيارات و غير البترول,, في المقابل قلتلهم نبغي نجرب القطارات و الباصات لأنه سويسرا عندهم تذكرة تشمل القطارات و الباصات و الباصات البحرية و سعرها جدا معقول, اذكر الوالده و اخويه كانوا هناك العام و خذوا عنهم ما يساوي ١٥٠٠ درهم عن كل تذكره و الاستخدام غير محدود :fa42:

الشرط الثاني كان,, ما نبغي نسير هناك و ٢٠ جدر ويانا و يمنع تهريب المالح و السحناه منعا بااااتا :a046:
مثل يوم سرنا النمسا, انصدمت يوم رديت الفندق و حصلت الجماعه مسوين عيش و مالح :whistling: قلت للوالده صدق انج بنت سمّاج, ما تيوزين عن هالسوالف :heart:

تسلم ذنيني على التذكير، ومثل ماتعودنا بالمخططات ، ولو تبون مساعده إنه نبحث في النت عسب الواحد ياخذ فكره

مب مشكله ... أنا ودي أزور أسبانيا، أما عن رحلة السنة للحين مافي تخطيط

بعد السمر ترييننج وسط الفرن والستانداات والحديد بنشووف شو الترتييب !!

يمكن بنروح تركيا او السياحه في البلاد حلوة بعد هههه

على حسب المادية

السلام عليكم


السفر في الصيف .... وما أدراك ما يعني السفر لحلم وخصوصا بأول يوم بالإجازه


السنه جدامي اختيارين إن الله راد ورحنا

1- ألمانيا وضواحيها
2- أستراليا وكم يوم بتايلند او سنغافوره

بشو تنصحوني من حيث الراحه والاستجمام والتسوق !!! اهم شيء التسوق

ذنيني !!! أنا أكره شيء عندي أغراض الوالده بالسفر

جدر العيش وملحقاته

السحناه وقواطي التونه !!

كله نتحرطم أنا وأخوي على أغراضها ومن نوصل وناكل منتجات أغراضها ننسى كل هالتحرطيم

الله يخليهن يارب

لين الحين الجماعه مصرين على امريكا ونسير ثلاث عوايل هالمره ..
اذا ما ظبط انا خاطري ارد برلين ...
مادري السواقه فألمانيا غير عن باريس وسويسرا وامريكا .. راحة بال .. بصراحه لا ردارات ولا حشره ..
بنشوف لين الصيف ^_^!!

انا بعد فتره بسير لندن + فرنسا ... وفي الصيف مراكش + جنوب فرنسا + كان!

حلم الطفوله.... صباح الخير :k_smile2:

إذا حابه اتسيرين استراليا تراج ما بتندمين وخاصه انه الصيف عندهم بااارد وغير الطبيعه الخلابه.

بالنسبه للتسوق واللي احبه وايد :fa34: سنغفوره ما اتقصر، والماركات اصليه. والمراكز عدال بعض. وبعد بلادهم حلوه بس فيه شوية حر ولغط

حلم الطفوله يعني إما تسيرون أوربا

أو استراليا وعقب شرق آسيا


بس وين ماسرتي قبل ؟؟؟ وإلا زايره الاماكن كلها ؟

ذنيــني :

الشـرط الثـآني لآآآزم وضــروووووري لوول ..

تـرآ الخير عندنـآ وعندك ..


حلـم :


أسـتراليــا حلــوووه ف الصـيف بس مشكلـتهــا بعيييييييييده
آحنـا يوم رحنــاها ف ممم 2002 او 2003 مـا ادري روحنــا لهـــا اسبوع ورجعـنا ع مـاليــزيـا اسبــوع

لكن هي حلـووه


ألمـانيــا بعد حلـوه لكن العـرب كلهــم

وآحنـا البنات في كل مكــان بنتسوق ، حتى لو بقعه السوق فيـهــا ماينفع ، بنحصل شي وبنشتريه =p


.



.


اللي فـ البيـت يبـون يروحـون سـويسـرا ، انـا ختيه حجزتني من الحين عسب ايود عـيالها لوول ، تبغي تسـافر هي وريلهــا بس

والضحيه انـــا

لي رجعــه..

على فكره الي يبي يروح استراليا.. لا تشلون وياكم اي اكــل .. ممنوع تدخلون اي نوع من الاكل بالشنطه@_@

مساء الطيبه

خليجية ..مشكوره حبيبتي ..تسلمين

المزوحي ... انا ودي اروح استراليا لأني ما جد سرتلها ...لكن الوالده ما فيها حيل عالرحله وامعارضه الموضوع ،بس دام فيه ترانزيت بقنعها

مهابه ... هيه والله بعيده هالبقعه !!


خيال الحب .... لا تقوووووول !!! الحين كيف بنقنع الحريم إنه الأكل ممنوع !!! ما بيصبرن عن قواطي التونه والجاشع وجبن شيدر !!

اتريا رجعتك خيال ...لتوافيني بالتفاصيل

حلم الطفوله هههههههههه استراليا تمنع المالح والسحناة لووول

ممنوع تدخلون اي شي اي نوع من انواع الاطعمه والبهارات

كلها راح تحصلونهاا هناك في السوبر ماركت

وممنوع تشيلون معاكم اكثر من 10 الاف دولار استرالي للشخص الواحد .. يعني لو عندكم اكثر وزعوهن على الاشخاص البالغين الي وياكم

ولما ترجعون البلاد وزن الشنط المسموح فيها 30 كيلوجرام لو كانت اكثر راح ياخرون اجراءات السفر لين ما تخفون الشنط ل30 كيلوجرام

وبخصوص حقيبة اليد ما يزيد عن 5 كيلوجرام.. ولو زادت كم من كيلو مب مشكله

وبخصوص التكاسي .. في مكاتب عربيه هناك تعاملو معاهم بيكون لكم ارخص من الفنادق الي تاخذونها من الفندق ولو تعرفون لسوالف الباص يكون وايد احسن لكم واسهل

المكاتب السياحيه اسمهم

في فندق انا هوتيل راح تحصلون مكتب سياحي عربي اسمه لاوند للسياحه والثاني مكتب الواحة للسياحه

انا رحت القولد كوست .. الصراحه وايد حلووه

فيها مولات كثيره

استراليا فيير
باسفك فيير
برادايس سنتر
شيفرون سنتر

وبخصوص المطاعم مانصحكم تسيرون المطاعم العربيه وايد غاليييييييييييييييييييييي ييييييييييييه

عليكم بماكدونالد هههههههههه

وبخصوص الفنادق

انا سكنت في فندق بينينسولا .. على البحر

غرفتين ومطبخ وعزكم الله حمامين وصاله وطاولة طعام كبيره.. انا الصراحه انصدمت من مبلغ الشقه.. 100 دولار باليوم:thumbup1:يعني والله بلاش

وفي فنادق كثيره

كراون بلازا
هوليدي ان

وغيرهم من الفنادق الحلوه

وبخصوص الاماكن السياحيه

السي وورد
موفي وورد
دريم وورد
وكل حديقه يبيلها يوم كامل

سعر التذاكر 180 دولار استرالي للشخص ..

وبخصوص الاماكن الطبيعيه

برادايس كنتري
فيها شلالات وبحيرات وايد حلوه

وعندكم بعد
توييد هييد بعد طبيعه حلووه


وسامحوني ع الاطاله:mf_turban:

تسلم خيال على هالمعلومات التفصيليه ...بسويلها حفظ وكوبي


مشكووور

اممم ما فيه أحلى عن اوروبا بعد الإمارات أكييييييييييد

^ صح كلامك :thumbup1:

الخمس ايام الضايعة قررنا انه نضيفها على جنيف, يعني ١٥ يوم جنيف و خمس ايام باريس

طبعا من جنيف بنتحرك صوب المناطق الاخرى مثل لوزان و لوزيرن و انترلاكن و شامونيه و غيرها

ذنيني من يومين ربيعي يخطط حق السفر، طبعا مع الاهل ويهال

بس الجدول ماترتب عدل، بس الخطط ألمانيا ، زيلامسي ، انترلاكن ، بيتنبيرج ..

ناصر .. جنيف ممله وعاده اتكون حاره..
انا اشوف لوزان + منترو احلى بوايد انك اتم فيهن وبينهم منطقه اسمها vevey
بعد اذا عندكم وقت سيروا لوجانو lugano .. صدق فنانه وجريبه وايد على ايطاليا .. 70 كيلو توصل ميلان ..
وسوق سياره ابرك لك .. صح بتخسر .. بس تمشي على كيفك ..

المشكلة اني تقريبا الوحيد الي بيسوق
الباقين ما منهم فايدة و ما تقدر تعتمد عليهم في شي :(

نحن بنكون ١٥ شخص تقريبا
======

و اذا عن الملل, ما عليك
ام خالد مسوية جدول مرتب بحيث انه كل يوم نسير رحله الى خارج جنيف, يعني جلوسنا الفعلي في جنيف بيكون اقل من ٤-٥ ايام,, و غير هذا ياخويه, احس مووول مالي بارض اسوق هناك

بالنسبه لي كانت السواقه متعه في سويسرا وين ما اتصد اتشوف مناظر ولا اروع ..
عشان جيه كنت كله اسوق وما أمل ..
بس اذا العدد وايد وانته بس اتسوق ما ينفع !

إلا اذا بتأجر باص خخخخخخخخ

بس اذا على الحواطه .. لوزان تبعد 53 كيلو من جنيف .. وبين لوزان وvevey تقريبا 3 كيلو و منترو تبعد 22 عن لوزان ..
الأماكن كلها قريبه من بعض .. واذا تحبون الأرياف .. interlaken فنانه بس هيه في النص بين زيورخ و جنيف ..

ان شاء الله تستانسون في الرحله ..

اذا بتسيرون على طيران الإتحاد دايركت جنيف ..حجزوا من الحين ... عشان هالخط وايد عليه ظغط !

ما احس إنه السواقه ممله ذنيني ...

بس رييعي العام يوم سار توهق لأنه وايدين وهو كان روحه ، لو حد يسوق بالتناوب زين

السلام عليكم


بغيت خبراتكم بشقق تايلند الفندقيه

أبغي مكان زين ونظيف لعايله


أريد هالمساعده هاليومين بلييييز

حلم الطفوله الاهل سكنوا في شقق فندقيه ، الماريوت

اظن هذا هو ، لأني انا ماكنت وياهم

http://www.marriott.com/hotels/hotel...ve-apartments/

أبـــي أســـــااااااافر !.

تسلم المزوحي ...بس ما عندك فكره عن أسعارهم ؟

لا حلم ماعندي فكره، بس بدور عن الاسعار

شوفي هذا الموقع يمكن يساعدج


http://www.tripadvisor.com/Hotel_Rev...l-Bangkok.html

للرفع

اشوفكم صخيتوا عن الموضوع
ولا ما عندكم نية تسوون شي فالصيف

=========

الحمدلله البارحه قدمت اجازتي و طلعت التواريخ مضبوطه
طيارتنا بتكون يوم الخميس فليل تاريخ ١٥-٧ يعني الصبح بداوم عادي لأنه سفري فليل فـ قدمت اجازتي على اساس انها بتبدأ من تاريخ ١٧-٧ يوم الاحد
و الرجوع نفس الشي بعد, بيكون رجوعي يوم الخميس ٥-٨ و برتاح يوم الجمعة و السبت و بباشر العمل يوم الاحد

يعني وفرت يومين من رصيدي السنوي و كسبت يومين اجازة فوق اجازتي, صح انهم ويك اند بس بعد المهم اني ما اسير الدوام

خطط السفر كثيرة بس انا ماا بصدق حد لين اشووف تذكرتي بيدي ..

لين الحين ترتبت الخطة وخذنا الباكج لماليزيــا .. بس الاجازات مشكلة !! اللي عندي اقووله عطوك اجاازة يقولي ما يخصج المهم بتسااافرين ؟!!
هالجملة شووو افهم منهاا انااا ... :pullhair:

الرحلـة بتبدا من 10-7 لين 20 -7 >> قبل السفر بيومين عندنا عرس و عقب السفر بيومين عندنا عرس :fa46:
.
.

في الانتظــار لين شهر 7 .. :glare:

طفله ..حالي من حالج !! حتى نحن يقولون غيرولنا الوجهه لماليزيا

بس بعد ما بصدق !!

انا ان شاء الله .. بسافر آخر الشهر .. بسير مكان محد يتوقعه .. لا من ربعي .. ولا حتى انتوا اللي قي المنتدى ..
مكان يديد ..

توقعوا وين
.
.




.
.
.
.
.
.


.
.
.
بسير جنوب افريقيا .. cape town لمده اسبوع .. كشته وبرد ..
وفي الصيف .. بعدني ما قررت .. بس الأهل سايرين كلهم نيويورك .. ^_^!!

والله يمدحونها جنوب افريقيا... عاد جان اخرت شوي ع الاقل تحضر الافتتاح...

احيد وحده من ربعي ريلها كان يدرس هناك.. و كانت اتسيرله في الاجازات... اتقول انها حلوه...

..

يالله ان شاء الله تستانس.. حلو الواحد يجرب اماكن يديده في السفر.. :)

هيه والله .. مكان يديد .. لازم اغير شويه ..
وعلى طاري الإفتتاح .. انا ساير ويا حد وما عنده اجازه غير هالأسبوع .. اللي هو قبل الإفتتاح .. فما شي فايده !!

مايهزك ريح احلى شي إنه الواحد يجرب بلدان ثانيه ، بس اتحمل عن يقولون نغلق المطار بسبب سحابة الرماد البركاني

الله يحفظكم ( تابع الاخبار )

مايهزك ريح : لوول

ليش محد يتوقع انا عقب امتحاناتي بسير صوب افريقيا :fa42:وبالتحديد جزيره Mauritius حق 5 ايام ( صراحه من الصور حسيت انها تجنن مثل سيشل ) وياريت احصل وقت ويخلونا نسير جنوب افريقيا لانه تبعد عنها بـ ساعتين

بعدين برجع وبسير لندن وبعدين امريكا .. بس امريكا لين الحين 70%