(((إتخذت قراري)))

السلام عليكم ورحمة الله وبركاته
مرحبا اخواني واخواتي
السالفه على طول:
المهم حبيت افيدكم اليوم بخصوص الخدامات الأندونوسيات حسبي الله على البعض منهن
السالفه انه عمي عنده خدامه اندونوسيه ومن يت سبحان الله قامت تختفي أشياء وبعد فتره يلاقونه يا على الطاوله او مكان ثاني أو هي اتيبه
مره مبلغ حلول 800 درهم اختفى وبعد التدوير وفقد الأمل و بعدها بأيام الخدامه يايبه المبلغ ولما سئلوها وين لقيته تقول داخل كتابي ((أنا ما يعرف كيف يروح داخل كتاب مال أنا))
ومره بطاقة البنك والهويه وبطاقة ثقه مشيوله من المحفظه وبعد التدوير والتمحيص وفقد الأمل يلاقونهم على الطاوله كيف ونحن دورنا
هذي سالفتين من سوالفها
المهم العم هزبها وواقعها وهي ترفع صوتها وتنكر لا حتى في اليوم الثاني مسويه إضراب عن الأكل ولكن بعد ما حست باليوع راحت المطبخ تاكل خخخخخخخ
المهم كان العم قاص تذكرتها وما خبرها إن بسفرها وقبل مايسفرها فتش شنطتها قطعه قطعه
تعرفون شو لقى ؟؟؟
مجموعة شعر
تعرفون شو يعنى أنها إشيل شعر؟؟
يعني راح إسوي سحر لهم وتسحر إلى في البيت

حسبيى الله عليها في مسلم يسوي هالشي
وهناك سوالف وايد عن هذي الجنسيه وشو إتسوي من السحر وغيره
بس أكتفي بذكر هذي السالفه
وأنا أقول وقررت إني ما أييب اندونوسيه ولا أنصح أحد ييبهم.
صحيح بعضهم يشتغلن من الخاطر
ولكن الوقايه خير من العلاج
لو راحت هذي الخدامه والشعر معاها جان اليوم بيت العم كلهم متصرقعين إلي يطبل وإلي متعلق في الباب وإلي يصفك...
ودمتم سالمين
وإسمحولي على التنقيعات شوي مستعيل

قبل اسبوعين تقريبـا استوت سالفة في بيت بنت خالتي ..
كانوا مشغولين بربشة العرس وهالأمور ، والبشكارة روحها في الشقة ..
وجارهم في البناية شاف البشكارة مع وااحد في غرفة الزبالة عزكم الله ( هذا مستواهم ) ، بس الريال شرد منه
والبشكارة ردت الشقة وعقب خبّر اهل البيت عن الموضوع وسفروها ..

وقبلها بفترة بسيطة ، في بيت واحد من الاهل ، الريال طالع حق صلاة الفجر يبا يسير المسيد
يسمع صوت في الحـوي ، يوم تبع مصدر الصوت شاف البشكارة مع واحد من الجنسية العربية أتوقع في وضع خليـع جدًا .. زخ الريـال ودخله في الحمام وانتوا بكرامه وقفل عليه وطلب لهم الشرطة ..

والبيشكارتين من الجنسية الفلبينية .. ما وراهم إلا البلاوي هالجنسية ..

استغفر الله العظيم ، شو هالحالة إلي وصلت وشو هالجرأة فيهم إنهم يسوون هالشي
إن لم تستح فافعل ما شئت ، ما يخافون ربهم هاييل !!

ذكرتني بسالفتي مع الوالدة ، قبل كم سنة كانوا يبون إييبون بشكارة فلبينية ..
فبضتني وتمت ترمسني ، هيثم اسمعني زيين ، ترا هاي فلبينية ، لا تيلس اطلع حركات وياها ومني ومنااك .. !
ههههههههههه .. يعني لو مب إنها أمي جان عرفت شو اسوي فيها ، قتلها إذا أبا اسوي شي ما بطاالع فلبينية ، بشوف لي شي يرزى لول ^__^ ههههه

استغفر الله العظيم ، الله يبعد عنا هالأمور ..

الله لا يوفقهم لا دنيا ولا آخره حسبي الله و نعم الوكيل .. وانت سبقتني


قبل امس الشرطه في بيتنا "تحقيق" لا حول ولا قوة الا بالله



الكلام هذا 6 الصبح

يايه البشكاره و تصيح عندي ابوي "اندنوسيه" و اتقول عن بشكارتنا الثانية "فلبينية" مسوية مصيبه .!

شو هالمصيبه اللي بتستوي 6 الصبح ؟

اتوقعوا شو صار ؟


عزكم الله الفلبينية في الحمام (جاهضه) !!!!!!!!!!!!!!!!!!!!!!!!!!!!!!!!!!!!!!!!!!

والله ان مليون استفهام !!!! كيف متى ليش شو السالفه !!! و يقولون الجنين كبير !

و البشكاره مب مبين عليها ! و الغريب في الامر ان الجنين في الخامس او السادس ! مستحيل ! ابدا ما مبين عليها كرشه ولا شي .. مع انها تلبس بنطلون و تي شيرت !!!!

على العموم طبعا السالفه اختبصت و ابوي اتصل في الشرطة و يوا الاسعاف و شلوها و ودها المستشفى .. و على اساس بعد يومين التحقيق و المحاكمه ( يعني اليوم )

في يوم الحدث .. العصر .. وديت الاندنوسية الشرطية بغرض التحقيق و هذا كان طلب الشرطة ..

و من الاعترافات انها كانت تدري ان الفلبينية على علاقة مع باكستاني من 6 شهور ! بس شافتها مره ! بس كان برع البيت حزه ما ساروا يطرشون البيزات لبلادهم ( على قولتهم)

و انها عندها تيلفون ! و احنه ما ندري ! و اصلا البشاكير عندنا ما يطلعون من البيت ! فكيف صار كل هذا ! الله اعلم


و اليوم سووا التحقيق مع الفلبينية ... و هني الصدمة !!!

قالت ان الاندنوسية هي كانت اتييب رياييل البيت يوم احنه رقود فليل !!! و ان هذا الموضوع من زمااان !!!!!!

معقوله ؟

للحين مصدوم !

لو مب امي جان خسفت فيها الارض و بعاملها كالحيوان او اكثر !

و هي تدري ان عندنا بنات صغار " بالاعدادية و الابتدائية " فالبيت !!!!

بس قالت.. خل القضية تخلص و بنسفرها على طول ! ..

و قلت حق اهلي لا تقولون اي شي .. قبل السفر بـ 4 ساعات . بندش حجرتها و بفتش غرض غرض و بنركبها السيارة و على طول المطار .. بنكسل ويزتها و مع السلامة و الله يفكنا من شرها

يا الهي :k_no:
كلهن بـ اختلاف جنسياتهن ما منهن رجى لا بركتن فيهن
راسي عورني لمن قريت رد خطاب و الزرعوني "بو عمير خدامة عمك و لا شي جدامهم"


يعني نقعد من دون خدامات ؟

انا اكرررررررررره شي اسمه خدامه ...

ولا راح اتعامل معاهم طول عمري ...

من كثر الي اسمعه منهم ... الله يكفينها شرهم ...ايوون بلادنااا ويطلعوون بلاويهم انزين ليش ما يسون كل ها في بلادهم .!!

والله يرفعون الضغط هالبشاكير وبلاويهم ..

بو شهاب ، شو هالمصيبة إلي صارت عندكم ، يا ريال هالأشكال كيف الواحد يامنهم على اهله وبيته ..
استغفر الله العظيم ..

اتيبهم من بلادهم فقاارى ، ما عندهم اللقمة ، يوم إيوون اهنه ويشوفون الخير ، يشكرون النعمة بهالطريقة !
استغفر الله العظيم ..

وما اقص عليك يا هيثم .. ان نعاملهم كأنهم فرد من افراد البيت .. و تصدق .. تقريبآ الساعه 10 خلاص ما نقولهم شي يعني طبيخ ولا شي .. انقول حرام من الصبح واعين ..


مع ان فالبيت مافي حد ! بشكارتين حقي انا و امي و ابوي !!!!! يعني شو الشغل اللي بيسوونه ؟ اللهم تنظيف الغرفه و الملابس ! حتى الطبيخ الوالده تطبخ !

لكن هاي الدنيا .. خير تعطي شر تلقى !

أشكركم على المرور وخاصه خطاب والزرعوني
ولو بنسولف عن مشاكل الخدامات ما بنخلص

بس بغيت اركز على سالفة السحر عند الأندونوسيات

تعرفون ان مره خدامه من هاي الجنسيه قالت لبنت صغيره هاتي شعر من لحية ابوج والبنت على نياتها راحت وقالت لأبوها أبوي الخدامه تبى شعر من لحيتك والريال ذكي راح وقص شوي من شعر التيس إلي عنده في البيت وبعد إٍسبوع تقريبا الخدامه وين ما تروح التيس يلحقها ودايما يباها حتى سفرها الريال ومن بعد ما سافرت مات التيس
يعنى شو كان راح يصير لو عطى الريال شعر من لحيته؟؟
أعوذ بالله أعوذ بالله أعوذ بالله

الوآحد مايعيش بدوون بشكـآره خصوصا لو كانت عايله كبيره ، امهاتنـا مايرومون يشتغلوون بس بعد الواحد لازم يكوون حذر

يعني في منهن الزين والشين ، الواحد مايرخي وياهن ولكن مايشد زياده عن اللزوم


احنـا غير الفلبيـنيات اميه ماتدخل البيـت وبعدهن بــلاوي ، بس الحمدلله ماطحنا على بلاوي شرات هذي ( مأساه ف بيتكم الزرعوني ، لو عند ابويه عادي يحلف ماتدخل بشكاره البيت مره ثانيه )

بس قبل احيد بشكارتنا تشرد اربيعها وتدخله البيت وكشفناها ومن المركز للمطار ع طوول ، والمشكله كان يسرق ثلاجاتنا وغسالاتنا واحنا يا غافل وف هاك الوقت ابويه ماكان ايي البلاد ، كان ف امريكا وماكان يعرف ، لعوزنـا عّمي ياحليله


انـا مسـتقبـلأً ماافكر اييب لي بشكاره ، اخدم نفسك بنفسك

الخادمه شر لا بد منه
وإذا امج ماتروم تشتغل إنتي إشتغلي خخخخخخخخخخخخخخخخخخ
آسف

^
مـآقلـت شي غـلط ، مـب غـلط اني آسـآعد آميه فـ البيـت
لكن آنـا ما آرجع غـير فـ نهايـه الآسبـوع وفـ الويك إنـد آنا اللي آسوي الغدا عن اميييه =)
لكن
البيـت فيه 3 عـوآيل مب عـآيله وحـده ، يعـني الخادمه شي لابد مـنه ف البيـت

برأيي ..ان الخدامه لغسيل السيارات و الملابس و الحوش والحمامات(عزكم الله) فقط .! و الميلس

تنظيف الغرفة و ترتيبها و الطبخ ترتيب الملابس في الخزانه و تربية العيال اشوفها من دور الأم و الزوجة بصراحة ..

و اللي تقول ابا اشتغل الصبح حرام ماخذه شهادة جامعية .. اقولها ان ريلج و عيالج اولى ..

بالضبط طال عمرك ، ريلها وعيالها أولى ، وها مب عيب .. ولا نقلل من قدر المرأة
بالعكس هذا أشرف عمل ، وأقدس خدمة ممكن تسويها في حياتها وتشفع لها يوم القيامة
الرسول صلى الله قال في ما معناه لو كنت آمرا أحد ليسجد لأحد ، لأمرت المرأة أن تسجد لزوجها ..

وانا غن شاء الله ناوي كذلك إني أتعاون مع حرمتي في السنوات الاولى من زواجنا من غير بشكارة ونمشي حياتنا مع بعض ..
أعرف واحد متزوج من 14 سنة ، بس قدر الله إنه ما رزق بأبناء .. وطيلة هالـ 14 سنة ما دخل بشكارة البيت ..
بس الحين يفكر إييب وحدة لأنه حرمته حامل وبتربي قريب ، فـ يبا وحده تجابل الياهل فترة على الأقل ، لأنه طبيعة شغل حرمته متعب شوي ..


بو عميير ، اسمييه هالرياال ذكي ، خير ما سوا يا خوي ..
زين ما تزوجها التيس لول ..

مهابه امزح وياج لا تاخذين الموضوع جدي بس ألطف الموضوع
الزرعوني وخطاب : اوافكم الراي
ودمتم سالمين

وانا كيف فوّت هـ الموضوع

اسمي عندي قصص ويـآ البشاكير ..

واعتقد اني ذكرت وحدة من السوالف اللي استوت لي انا فالواحات ..

امممم

أول شي الزرعوني !!

الله يهديها كيف رامت تخش عنكم هـ الشي طول هالفترة !!
وبصراحة كل الجنسيات بدون تحديد فيهم الزين وفيهم الشين

ونحن فالبيت عدنا من الاثنين الفلبينيات والاندونيسيات ..

بس أول شي امي يوم كنا صغار كله كانت اتيب فلبينيات لانه ساعات يمسكون الصغارية وهالشي معروف ان الفلبينيات احسن في سالفة اليهال ..
بس عقب كله حولنا للاندويسيات لانه حسيناهم احسن لـ شغل البيت
والحين عدنا مكس بما انه بيتنا بشاكيرنا وبشاكير أخواني كلهم فالبيت فـ شلة حلوة يعني لو مفكرين يسوون شي لول
وغير عن بشكارة اختي اللي كل يوم من الصبح مشرفة ^__^


الحمدلله الحمدلله مليون مرة هالفترة بشاكيرنا اوكي والحمدلله =)

لكن من المواقف اللي استوت .. كنت ايام الكلية
وكانت بشكارتنا وايد فنااانة
يعني امي معتمدة عليها في وايد سوالف فالبيت ..~
عـ قولتهم زعيمة البشاكير لول ..~

===============

المهمـ

هاليوم امي طالعة الصبح عند حرمة وانا بروحي في البيت وراقدة غايبة مب مداومة.. نشيت ونزلت بس باب واحد كان مبطل اللي يطلعني عالملاحق والباب الرئيسي مسكر ..
طلعت اتريقت ورديت فوق دخلت المكتب .. اوني بفتح الكمبيوتر وبشتغل شوي ..
بس اذكرت انه اوراقي في الحجرة وانا سايرة الحجرة اسمع صوت وحدة تضحك بصوت عالي وانا جيه O.o
شو السالفة صوت شو هذا
ودريشتي المنحوسة ما تتبطل بسرعة
وقام قلبي يدق بزيادة .. من بطلت الجامة وانا ما فكرت فيها اني لا متغطية ولا شي حزتها لانه عقلي كان كله مب في مكانه !!
واشوف الريال مجابل البشكارة بالضبط تحت حجرتي ويسولفون ويضحكون لا والمشكلة ما حسوا فيني وانا سيدا من وايجت
يلست اصارخ لول واسبه بكل ما فيني هههه ماعرف من وين طلعت هـ الجرأة !!

بندت من هني الجامة وماعرف شو اسوي غير اتصل في امي وبكبري اتنافض ماعرف شو اسوي !
اصيح مب فاهمة مني اي شي بس اقولها ريال فالبيت
اول شي قالتلي انتي اي مكان اقفلي الباب عليج ويلسي وانا دقايق واكون عندج

وانا اصيح كنت منهااارة .. مب رايمة اتكلم اختي العودة متصلة عالخط بس تهدييني !!
><من الخوف دشيت تكرمون الحمام قفلت عـ عمري صدق صدق كنت خايفة وقلت يمكن تكسر الباب ويا الهندي لول =)
المهم عقب دقايق اشوف حد يدق باب حجرتي وانا هني خلاص ما كنت اعرف شو اسوي
صدق حسيت بيغمى علي ..!
وقمت اتناافض واتخيل اشيا استغفر الله >< صدق صدق كنت في حالة فظييييييييعة !!
اخر شي وصلت امي واتصلت اتقولي انزلي تحت نحن هني
ما طعت انزل زايغة لين يت اختي ونزلت عندهم اشوف ماشالله نص الحريم يايين ويا امي
من نزلت وشفت البشكارة وقعدت اهزبها واهزبها واشرشحها استغفر الله ما خليت شي في خاطري


طبعا عقب ها كله طلع الولد يشتغل في بيت يارنا يبني !
واخوي العود ما تفاهم سار لهم بما انه يشتغل فالشرطة طلع لهم كرته وسحب منهم كلهم بطاقات العمل مالتهم
وتم يتصل فيه المقاول وكل شوي حد ويانا راعي البيت وكلم ابوي واخواني طبعا ما ردوا في كلامه وانحل الموضوع بس هالعامل ما قام يشتغل هني بعد ..
وبشكارتنا طبعا باي باي على طول لول ..~

الله يكفينا من شرهم ..

ولي عـودة مع سوالف ثـآنية لول =)

:h_negab::h_negab::h_negab::h_negab::h_negab::h_ne gab::h_negab::h_negab::h_negab::h_negab::h_negab:: h_negab::h_negab::h_negab::h_negab::h_negab::h_neg ab::h_negab::h_negab::h_negab::h_negab::h_negab::h _negab:

:h_negab:رمش الغلا : ما شاء الله على نسوان فريجكم جاهزات للضرايب:h_negab:

:h_negab:

توزيع كيمرات في البيت قد يكون جزء من حل المشكله .. اممم عالاقل بيكون في مراقية لتصرفاتهن سواء كنا موجودين في البيت ولا لا.. بيئاتهن مختلفة عنا وطريقة تفكيرهن بعد مختلفه !!!! عادي تلقون وحده مصليه وقاريه وتقوم الليل .. بس الرياييل عادي عندها ...
من جيه لازم الرقابه اتكون عليهن لانه مظهرهن الخارجي وتصرفاتهن احيانا ماتعكس حقيقتهن..

شكرا عالموضوع

موضوعكم خلاني اوسوس على خداماتنا
كنت اشوفهن زينات بس الحين على اقل حاجه اهب بويهن حتى امي لاحظت عليه

و مزود الطين بله بشاركنا اللي أنا أكرهه يسولف وياهن
و هن عاد حسبي الله عـ بليسهن مستقطعات
على كل دقه بنسير مع محمد ندز حواله و الا بنسير السوق
بس ماشي أنا و أختي الاصغر مستلمينهن من الزين فضل عنهم و لا بركتن فيهم

نستحملهن مجبورين أنا وحده ماحب اسوي شي