السلام عليكم
ناويه آخذ برايكم، بسيارة في حدود 150 ألف بشو تنصحون ؟ :h_ttmasha:
عرض للطباعة
السلام عليكم
ناويه آخذ برايكم، بسيارة في حدود 150 ألف بشو تنصحون ؟ :h_ttmasha:
وعليكم السلام والرحمه
ان شاء الله يسااعدوونج وتشترين السياره الي تبيينهااا ... ^^
اول شي شو تفضلين, سياره فورويل ولا صالون ؟؟
الشبـآب ما بيقصرون ويـآج وبيعطونج شي يناسب ميزانيتج =)
إن شاء الله يردون عليج ونشوف رايهم ... بس يمكن تنزل سيارات يديده لين شهر 10
عهد الوداع - رمش الغلا إن شاء الله يشورون عليّه ..
ذنيني .. للحين ماعرف إن كانت صالون وإلا فورييل .. بس ماظن احصل فورييل بهذا السعر
زين لو صالون شو اقتراحك ؟
شي فورويل قريب هالسعر
عندج نيسان مورانو
جي ام سي أكاديا
لاندكروزر برادو - باب واحد طبعا << بس هاي شبابيا اكثر
ومن الصالون ~
عندج الكاديلاك الصالون ما عرف اساميهن ، بس في نوع عالـ 160 اعتقد ، ووايد حلوة
والانفنتي G 37
واللكزس IS
تويوتا أفالون
مرسيدس C-Class
هاي بعض المواتر إلي في بالي ...
خذي لج لفة ع الوكالات وشوفي إلي بيعيبج ، واهم شي تصلين الاستخارة وتوكلي على الله ..
اكاديا
كاديلاك .. BLS - تقريبا 130 ألف
كاديلاك CTS - تقريبا في حدود الـ 150 ألف ..
http://www.cadillac.com/cadillacjsp/model/gallery.jsp
خطاب الانفنتي G 37 كم جيمتها ؟
مايهزك ريح شو الفرق بين BLS و CTS ؟
الحجم .. والمكينه والسعر .. وايد الفرق .. سيري الوكاله وشوفيهم .. !
الـ BLS اصغر كفئه من الـ CTS
وعليكم السلام
الموز سعر G37
قبل رمضان كانت عند العربيه للسيارات ب 176 ألف
والجى 35 ب 126 الف عرض خاص .. وربى يوفقج فى اختيار السياره لى تناسبج
مثل ما قال بحر المودة إختي ..
ولد خالي ظهر الـ G35 قبل كم شهر بـ 125 ألف ، أعتقد فرق المكينة بس
هاي 3.5 لتر ، والثانية 3.7 لتر .. بحر المودة له خبرة في النيسان اكثر مني ..
بس اعتقد الـ 37 الموديل اليديد ، والـ 35 ستوووك 2008 موجود عندهم ..
الجى سيدان 37 المكينه اليديده والناقل الحركه بو 7 غيار
ما شاء الله عليكم :k_special2: !
المورانو حلوة و عملية و واااااايد مريحه (عن تجربة,, ماخذين وحده حق الوالده و وايد مرتاحه منها,, حتى انا مرات اسوقها و سواقتها ناعمه جدا و مريحة)
لكزس IS300 بعد ممتازة و سعرها فوق ميزانيتج بـ 10 الاف
انفينيتي G35 او 37 ايضا خيار ممتاز
فلكسفاغن باسات, وااااااااايد حللوة و زينه
و منزلين منها موديل يديد CC قمة فالروعه
http://www.vw.com/cc/en/us/?sem=217080388;&247SEM=
^ عيبتني المورانو !
أحسها حلوه عالبنات بعد ..
كنها تشبه سيارة اختي الانفنتي ،
بس مبينه أوسع من داخل ..
مشكورين ( مايهزك ريح - بحر الموده - خطاب )
حد اقترح عليّه ألتيما 6 سلندر !
إذا يت ع الألتيما ، أنصحج بالمكسيما .. تراها أحلى وتوها نازله ..
^ الالتيـمـآ حلوة بعد وما عليهـآ كلاآم ..~ [ بنـآتية ] ..=)
وصدقيني ما بتندمين انج خذتيهـآ ..
بس شرآت ما قال ذنيني انا انصحج بعد بالمورانو دام ميزانيتج لين 150 وترومين تاخذين احسن عن الالتيمـآ ..~
بكم وصلت مورانو ؟
ذنيني باسات ذكرتني بالبيجو ..
الالتيما عن واقع تجربه والحمدلله على كل حال من كم سنه سياره قويه وحلوه وجيرها مريح هاى السته سلندر
وعن المكسيما اليديده نزلت ويقولون عنها قويه مره واقوى عن الالتيما وتحمل مواصفات تنافس اللكزس ES350
وسعرها قريب من المبلغ لى متوفر عندج وعن المورانووو اليديده شكل يديد وبانوراما وسعرها يوصل 170 الف للفل
اتمنى قبل ماتاخذين السياره تجربينها عند حد ^_^
ذنيني بشوف مورانو
خطاب وبحر الموده بس مب الماكسيما شبابيه أكثر ؟
المكسيما شبابيه ورياضيه بنفس الوقت
^ هي توها نازلة ، لذلك ما نعرف الإقبال بيكون عليها من أي الجنسين أكثر .. !
بالنسبة للشكل الجديم .. كانت شبابية أكثر
بس كـ سيارة حلللوة .. يعني ماخذه من الانفنتي والألتيما ، تصميمها جمييل ..
وهالأيام اختي احس إنه مستويه موضة البنات يسوقن مواتر شباب ، يسوقون FJ ونيسان بترول .. لول
طبعا انا ما اشجعج اتسوين نفس الشي ..
بس في حالة الماكسيما شوفيها في الوكالة ، وحاولي اتجربينها .. واهم شي تستخيرين
ايوه اقصد الماكسيما حق الشباب اكثر لكن بما إنه تغير شكلها وتشبه الألتيما، فيمكن تلاقي اقبال
من البنات ..
أما البنات اللي يسوقن اف جي و نيسان بترول، فانا أشوف يسوقن لاندكروز وبرادو وباجيرو وفورد وجمسي
^^ واحد خبرني مرة إنه شاف وحده تسوق شفروليه افالانش .. ما اتخيل الصراحة ..
http://www.carseek.com/intc/large_im...4W00014484.jpg
يمكن سيارة أخوها أو ريلها خطّاب .. انا شفت وحده تسوق كومارو والثانيه فورد موستنج ... للظروف أحكام !
^ تصدق مروان هالموتر عاايبني بعد .. الأفالانش ..
ربيعي خذ وحده 2009 ، وجربها في البر ، مع انها عوودة ، بس يقولي شو تسوي في البر .. تتخبل ..
مكينتها مكينة التاهو .. بس الافالانش اطول ..
اوووبس جنه خربنا موضوع البنت ..
هيثم الرضيعه كان في خاطرها اني آخذ EXT ..عشان اتسوقها ويايه 0_o
http://www.autoputer.com/cadillac/2007ext.jpg
اسمحيلنا الموز خربنا موضوعج ^_^!!
اقتباس:
المشاركة الأصلية كتبت بواسطة خــّطاب
هههههههههههههه لا يكون شايفين حرمة أخوي!!!
ذاااك اليوم اضطرت تسوق الافلااانش :biggrin:
^ عجيبة هالسياارة بوسلطاان .. وتراك يوم تسوقها ما اتحس إنك تسوق ترااك ..
جنها كاديلاك عادية ، وفي الشفر جنك تسوق تاهو ..
مسموح مايهزك ريح
بالنسبة للسيارة، من الفورييل حطيت في بالي مورانو ومن الصالون لكزس ES بس بكم سعرها ؟؟
لأنها IS ضيجه .
بشرينا عاد يوم بتااخذين السياره ..^^
الله يوفقج ..
اختى الموز
لكزس ES350
بيتغير شكلها وبتنزل موديل 2010 الخلفيه المقدمه الاسطابات
واحتمال سعر البانوراما الفل ابشن اغلى من المورانووو
http://up4.m5zn.com/9bjndthcm6y53q1w.../gtdqiew07.jpg
الخشب بالداخل صار احلى من الموديل السابق
http://up4.m5zn.com/9bjndthcm6y53q1w.../82ecsxmuq.jpg
ونتريا البارد يوم بتاخذين الموتر لووول
والسموحه خربنا موضوعج صار مكس مواتر امريكيه ويابانى